ليتك بدنيتي من زمان

[قصيدهہ ♪ ُ]

-بليز ابا ردود وتفاعل وان شاء الله تعيبكم الرواييه.



الدكتور:كلها كم شهر وتطيب رجلك ي عليا بس نتي اهتمي بنفسك كويس
عليا:كم شهر!! (هي بطله الروايه عمرها 15 صف تاسع وحيده امها وابوها و وايد دلوعه وشكلها:بيضه وعيونها بنيه وشعرها اشقر وخشمها طويل بس لايق عليها لا متينه ولا ضعيفه)
الدكتور:عليا هذا كسر, واسبوعيا تجي للمستشفى عشان الجبس
عليا:ويعني؟ .. بابا شوفه م ابا جي تكون ريلي ابا اطلع وادش اذا حطيت هذا شهر م بطلع يعني
خليفة (بوعليا):عليا حبيبتي الا شهر استحملي
عليا (الدمع فعينها):خلاص ردوني البيت

ردت عليا البيت ورققدت لين اليوم الثاني
الصبح ردت امها من السفر (ام عليا دوم تسافر وتهتم بعمرها وابوها الي يهتم فيها ويحبها وعليا عمرها 13 سنه)
قامت عليا ونزلت تحت عشان تفطر وعقب تطلع الحديقة وتقعد ويا ابوها ويسولفون
بوعليا:شحال ريلج الحين؟
عليا:الحمدالله وبكون احسن يوم يشلون ها الجبس عن ريلي
بوعليا:ههه استحملي استحملي عيل حد يناقز ع الدري سبال مب بنت
عليا:بابا <<<< قالتها بدلعع
بوعليا:خلاص خلاص بنسكت كم عليا عندي انا
صمت م كمل 10 دقايق والا الام داخل الحوي بالسياره
عليا:بابا م قلت لي انها بترد الحين
بوعليا:وانا متى دريت عن امج اصلا
خديجه (ام عليا):السلام عليكم
عليا + بوعليا:وعليكم السلام
ام عليا:بروح ارققد يلا اشوفكم المسا
بوعليا هز راسه ع اساس ان ماشي فايده فهالام
عليا:بابا ليش ماما م تحبني انا بنتها الوحيده وبعدين حتى ريلي م شافتها وتحمدت لي بالسلامه
بوعليا:م عليج منها بو طبيع م يغير طبعه,المهم شو رايج اخذج عقب السنما؟
عليا:بابا شايف ريلي ولا نسييت
بوعليا:شت نسيت آمم بروح بشتري افلام وعقب بنشوفها فالبيت شو رايج؟
عليا:اوكي باباتي
بوعليا باس بنته وراح
وعليا كالعاده قعدت بروحها
عندها بلاك بيري كيو تن , ايباد 4 , سامسنق نوت 2
بس هالاشياء م بتعوضها حنان امها الي فاقدتنه
يتها اضافه وقبلت
عليا: ping!!
:هلا
عليا:شحالج؟
:اول شي انا ولد مب بنت ,, بخير ومن صوبج؟
عليا:اسفه م اكلم اولاد
:خلاص براحتج
وحذفته عليا وراحت عند مربيتها جين (جين مربيه عليا من صغيره وتعرف عنها كل شي وهي بمثابه الاخت الكبيره لعليا وايد تحب عليا وم عندها اهل يعني بتعيش فبيت عليا لين تموت –ههه-)
عليا:جين ملانه ابا اطلع
جين:ي عليا الحين ريلج مجبسه كيف بنقدر نتمشى ع راحتنا؟!
عليا:جين بس انا ملانه
جين:تعالي بنقعد بصاله مع ماماتك
وراحوا الصاله
عليا + جين:السلام عليكم
ام عليا:وعليكم السلام , عليا بلاها ريلج امي؟!
عليا:ماشي طايحه من الدري
ام عليا:اها سلامتج حبيبتي ورن تلفون الام وقعدت تتكلم
عليا تهمس حق جين:الحين بتطلع صدقيني م تعرف تقعد فالبيت مول
ام عليا:عليا بروح تبين شي؟!
عليا:لا مشكوره
ام عليا:جين ديري بالج عليها
جين:من عيوني مدام
وطلعت ام عليا
عليا:افف شو ها جين لا ام تقعد وياي نفس الناس ولا تهتم فيني ليش جي تسوي؟!
جين:حبيبتي عليا امك بيجي لها يوم وبتندم ع الي تسويه وبتندم ع انها م حطت بالها عليك اصبري انتي بس الصبر مفتاح الفرج
عليا:انا بدونج م اعرف كيف بتكون حياتي ,, احبج جين
...
فبيت بعيد عن بيت عليا بالتحديد فبيت بوسلطان
(الي هو عم عليا واسمه علي ومرته متوفيه عنده 4 بنات و 3 اولاد ,, البنات:شيخه:عمرها 25 متزوجه وعندها ولد,ريم,:عمرها 18 وبثالث ثنوي,عواطف:عمرها 16 صف عاشر, خديجه:عمرها 14 صف ثامن ... الاولاد:سلطان:عمره 27 م يفكر بالزواج ابد,سيف:عمره 22 يدرس بكليه الطيران, سعود:عمره 17 صف حادي عشر)
كان سلطان قاعد فالصاله ويا خواته واخوانه وامه وابوه
سلطان:ابوي رحت بيت عمي بوعليا؟!
بوسلطان:لا والله مشاغل الدنيا لهتني عنهم ي ابوك
سعود:ابوي يوم بتروح بروح وياك
سلطان:عليك امتحانات الاسبوع الياي وين تطلع بعد؟!
سعود:كيفي بروح بيت عمي
بوسلطان:خله ي ولدي الا هي ساعه بنروح وبنرد م بيصير شي
سلطان:خلاص ابوي
سعود:متى بنروح ابوي؟!
بوسلطان:عقب صلاه المغرب
سعود:خلاص تم
...
*المغرب*
راحوا بوسلطان وسعود بيت بوعليا

^شو ممكن يصير فبيت بوعليا؟!
^وسعود ليش كان مصر يروح بيت بوعليا؟!
^ام عليا شو سر طلعاتها المتكرره؟!

__DEFINE_LIKE_SHARE__