راعي العجراء ودعوة العجوز

[محروم.كوم]

السلام عليكم ورحمة الله وبركاته
وعيدكم مبارك
اليكم هذه السالفه القديمه
تراها سويليفه ماهي سالفه بس لتحريك هذه الخيمه عن الجمود
بعنوان
راعي العجراء ودعوة العجوز
هذه السالفه قبل مايطلع الجوال وعلى وقت تلفون ابوقرص اتصلت على زميلي عبد الله
لعلي اخطات بالرقم الدميجه لك عليها مره تجمع ومره يخلف الله
المهم دق التلفون عاد انا بسوي نفسي ثقل دق التلفون يوم جاء يقطع بدون رد الا والسماعه ترفع
قلت الوه
الا اللي ترد علي عجوز احسبها امه
قلت السلام عليكم
قالت هلا
قلت فيه عبدالله
قالت قل امين عساك تعبد الخلا مجنون
يوم وقف شعر راسي وطاحت الطقيه ام جنيه هي وجنيهاته قعدت القطهن من الارض
وبسرعة كان رده بدون تفكير
قلت ياخاله استغفري
وهي تقطع الخط
وارجع واتصل عليها ثانيه ابيها تستغفر
قالت الوه
قلت ياخاله استغفري من حيني خبل سايح من غير دعوه عجوز
قالت مانيب مستغفره انت دبلت تسبدي
قلت ياخاله انا مادبلت تسبدك
قالت الا دابلها يامل الدمل اللي يتضلل حدره الكنور عقب مرواح
وهي تقطع الخط
قلت ماعاد متصل عليها اخاف تدعي علي
ومن عقبها وانا احب البر دائم اشهب الهب من البر رومنسيتي تطلع لاشفت طلحه والا عوشقه ماغير اخمهن من حبي لهن
وكل ماطلع فيني دمل قلت بس هذي دعوتها علي هه بدا يكبر ياليتها قالت يتضلل حدره ددتسن اهون شوي بس كنور يادافع البلا وش تلقاه لاريوس يدور الضل
بالصراحه عجوز حمقيه وعندها سرعة رد
ياهي من سابقات الصوت
انتهت هذه السالفه والله يحفظكم

وقبل الختام
سبحانك اللهم وبحمدك لااله الا انت استغفرك اللهم واتوب اليك

تقبلوا تحيات
ابو جلنبو

__DEFINE_LIKE_SHARE__