اخواني مساكم/صبحكم الله بالخير جميعا . اتمنى ان تكونوا جميعا بأتم الصحه والعافيه حبيت اذكر نفسي انا واخواني المبتدئين وكواحد منهم لا اخجل بمخاطبتهم وتذكيرهم كما ارجو من اخواننا الصقاقير الكبار مايقصرون عنا بطرح توجيهاتهم التي ستكون بأذن الله تعالى في عين اعتبارنا وجزاهم الله عنا خير اما بعد فما دفعني لكتابة الموضوع بسبب ان جاني احد الشباب المبتدئين جزاهم الله خير وكان يبي يربط عندي في المقيض وسألته قلت الطير سليم قال ايه ما فيه الا العافيه قلت فحصت بالمستشفى قال على النظر. المهم رفضت وقلت لازم تفحصه جاني بعد ثلاث ايام ويقول الطير سليم ولا فيه الا العافيه. اخذت الطير وقلبته ولقيت فيه سده صاطيه لأخر درجه الله يدفع البلا حافره بطن كف الطير قلت السده هذي من متى فيه قال ما ادري من يوم شريته ماقلبت كفوفه!! ولفت نظري ان مدهنة الطير منتفخه نسأل الله العافيه اكبر من حبة الزيتون و واضحه بمجرد نقلك للطير على كفك. وقلت مدهنت الطير سليمه قال اسمع بها ولا ادري وين. ياجماعة الخير بمجرد لمسي لمدهنة الطير بأصبعي بدت تفرز صديد اخضر الله لا يوريك. فقمت برفض استقبال الطير عندي وقلت له رح للعويدي يعالج المدهنه وخذ لك مرهم عن السده وحاول تعالجه بعدين تعال اربط. وما اود ايصاله هو رساله لأخواني الصقاقير الا وهي مدهنة الطير وكفوفه لازم كل يوم تنقل طيرك على كفك تقلب كفوفه وتشوف بطنها اما حمار في الكف او شي متغير حتى تستطيع تفادي مرض الطير وكذلك مدهنة الطير يجب ان تكون منتبه لها اقل شي في الأسبوع مره. اذا توليتم فأحسنوا اذا كان الأنسان بيكسب ذنوب من ورا المخلوقات هذي او ما يستطيع ان يوليها اهتمامه فعليه ان يتركها تجنبا للذنوب. كثير ناس قد واجهتهم وعرفتهم يدري ان الطير مريض ويبطي ما يعالجه والعذر انه مافضا له. طيب اذا صرت منت فاضي له بيعه ولا اعتقه. وكلمة مبتديء ماهي عذر يفك الأنسان من عقاب الله سبحانه واللي يسأل مايضيع لو تلقى لك صقار موقف عند محطة بنزين وتسأله جاوبك بكل رحابة صدر.
اللهم بارك لنا في مارزقتنا ويسر مقيض طيورنا واخرجها من مرابطها سالمه.
04-22-2012, 07:00 AM
العرض العادي
المواضيع المتشابهه 
