بسم الله الرحمن الرحيم

السلام عليكم ورحمة الله وبركاتة .....

اغلب المشاكل التي تحدث في السيارات الجديدة واخص بكلامي مشاكل السيارات الامريكية

ومنها ظهور لمبة تغيير الزيت او check oil ...

نلاحظ ظهور هذه اللمبة احيانا بشكل مؤقت او دائم حتى بعد تغيير الزيت او قبل تغييره

صراحة ياشباب انا ظهرت لي قبل فتره بسيارتي من نوع بليزر 2006 وذهب لكذا واحد

وقالي حساس وكذا شي وغير الزيت وكلام كثير ويوم وديتها الوكالة قالو لي
يبيلها برمجة بتكلفك حدود 500 ريال وللاسف مشكلتنا او مشكلة بعضنا على طول

يرمي السياره ويسلمهم المفاتيح وماهمه حتى يشوف السياره وهي تتصلح او يعرف

المهم انا حطيت سيارتي واصريت اجلس وشوف وش ذا البرمجه اللي

500 ريال وجى عامل سمعني وانا اقول ان المبلغ كثير وكذا لحقني برى وانا طالع وقالي انا اسويلك المشكله باقل من دقيقه (مشكلة اللمبه بالطبلون للزيت)

بس على شرط اخذ منك 50 ريال قلت بنفسي 50 ولا 500 وعامل بوكالتهم اكيد عارف العله ولا ماجاني

قلتله طيب قالي بقابلك برى وخذ رقمي ويوم اجتمعت فيه ركب السياره وعطاني الحل :

1/تطفي السياره بعد تغيير زيت السياره والفلتر للزيت او قبل قبل بس الاحسن بعدالتغيير.
2/بعد التغيير تفتح السويتش على الفتحه الثاني اللي تطلع فيها انوار الطبلون بدون ماتشغلها.
3/تضغط بالرجل اليمنى على دواسة البنزين كامله من المنتصف بحيث تكون كل الرجل على الدواسه بشكل متكرر بتدوس للخير وترفع وترجع تدوس وترفع لثلاث مرات او اربع
لين تنور اللمبه وتطفي تقعد تاشر لمده دقيقه ممكن وتنطفي.
4/ تطفي السياره وتخليها لمدة دقيقتين وترجع تشغلها وبكذا يكون انتهى وتبرمج الزيت واللمبة.

الطريقه 100% مظمونه انا شخصيا مجرب بنفسي.

ملاحظه/ ينصح بعمل الطريقة ذي مع كل تبديلة زيت وذلك للبرمجه على طول.

-للاسف ماعاد فيه ذمة 500 ريال على دعسة رجل الله يكرمكم .

حبيت افيدكم والتجربة خير برهان


تقبلو تحياتي ...

اخوكم / ابو مشعل :good2: