دايم من أرهاف الشفايف مباليل..ترياق سم الشوق منها تبزل - الصفحة 2

vtc bn nissan · 03-25-2009, 09:43 PM

السلام عليكم أخواني وخواتي من أعضاء وزوار المنتدى

شحالكم كلن بحاله

وخبار البوش والهوش والبط ودياي عسى ماشي أنسرق

وخبار البيبسي وديو والبونتي والجلكسي عسى الدكان الي قربكم موفر كل شي

طولي بعماركم حبيت أسترجع أيام الطفوله

أيام الابتدائيه

يوم كانو يقولون باجر بنوديكم رحله حق حديقة الحيوانات (عزكم الله) ,,, ونحن كنا نطير من الفرحه بدون حليب بوش (على ايامنا ماشي ريد بول خخخخ)

وأول مانوصل البيت ,,, نيلس نراقص ونتحرقص ونسوي صدعه لين يرد الابو من الدوام عشان يعطينا فلوس حق الرحله ,,, ولي يشوف الفلوس مايسدنه يسير عند حد من أخوانه ويخلي عمره بريئ جدامه , عشان يزيده فلوس وخلاف أنسير عند حد غيره ونقوله عطنا تيلفونك باجر بيودونا رحله ,,, ويقولك أندوك فلوس أنا التيلفون محتاينه <<<< الي يسمع عنده شركات ومناك يتريا ناس يتصلون عليه خخخخخخخخخ

وعلى آخر الليل أنتم نفكر شو بنسوي وشو مابنسوي,,, الي يقول بمشي عند عبود وحد يقول بمشي عند سعود ,,, وحد يتشاور ياخذ الحب والعلوج من الدكان ولى ياخذه من الحديقه ,,, وخلاف نسير نتأكد أذ الكندوره مكوايه زين وخلاف نشيك على النعال (عزكم الله) أذ موجوده أو نسيناها فالحاره أو عاقطيبها حد وشاردين عنه خخخخ وخلاف نرقد ونحن مرتاحين <<<<<< لو حق دراسه ماصار جذا خخخخخخخخ __DEFINE_LIKE_SHARE__

vtc bn nissan · 03-25-2009, 09:45 PM

السلااااااااااااااام عليكم

شحالكم كلن بحاله

يااااااااااااااااااااااااااااااااااااااااياااااااا ااااااااااااااااااااااااااا قربووووووووووووووووووووووو

المهم المهم خلوني أخبركم السالفه

هذاك اليوم مروحين أنا وربيعي صوب عمان أندور أذ شي أمطار

حطنا وحطنا وحطنا آخر شي ضربنا يوع وكنا طالعين من محضه

قالي ربيعي شو رايك أنسير ناخذ مشاكيك من البريمي

قلتلته عنبو الي يردك

المهم روحنا وخذنا أممممممممممممممم يمكن 10 مشاكيك أذ مب أكثر

وضربنا بالخمس والعشر ومن زود اليوع قمنا ناكل بريولنا خخخخخخخخخخخخخخخخ

وسياره تتمشى بروحها خخخخخخخخخخخخ

وأحلى شي أنه يالسين نلطم ونسينا ناخذ بارد<<<عندما تحضر الصحون تغيب الذهون خخخ

ويوم طلعنا من البريمي قلت لربيعي أقرب دكان بنسيرله

وشوي ماشوي أنشوف دكيكين من بعيد

قلتله أكوه دكان

قالي أتقبض بيديك

قلتله بتقبض بريولي بعد

قالي بحوم الرصيف

قلتله ياثور شي لفه جدام

قالي هيه صدقك خخخخخخخخخخخخخ

قلتله شفت أنك ثور

قالي أنته ثور مب أنا

قلتله توك قلت هيه صدقك يوم قلتلك ياثور شي لفه جدام خخخخخخخخخخخخخخخخخ

حليله ربيعي أنسان طيب

أنا قلت اللحين بيشتري الدكان كله خذله ماي وعصير وأنا خذت شراب الملوك خخخخخخخخخخ __DEFINE_LIKE_SHARE__

vtc bn nissan · 03-25-2009, 09:46 PM

مرحبا ملاااااين وفي ذمتي مايسدن وان سدن فلاباس....

شحالكمـ وشو الاخبار ......انشالله الكل مرتاح

انا اخباري ماتسر هالمخبل قاعدين لي ولا مسوين لي سالفه ملل ...

ابا حد يسولف ويايه !!!!! والمسن كلهم اوف لاين حشى انقرضوووو

تعرفون احسن شي ارووووح السينما منو بيروح وياي ماحد بيروح ليش الله يسامحكم

انزين بسمعكم الشله الي احبه ويالس اسمعهااا ..........ما طاعت تتحمل سوووري خخخخخ (شلة غانم العامري _خاين العشره) اسمعووووه وعطوني رايكم اوك

خلاص الحين فمان الله وانشالله لي عوده^_* __DEFINE_LIKE_SHARE__

vtc bn nissan · 03-25-2009, 09:47 PM

مرحبـــــــــــــــا الســـــــــــــــــــــاع..

اليوم يا عبالي ادخل وكتب لكم موووقف رهيب ستوى امس..
امس العصر انا والبطرانه (بنت عمتي ) وعلاوي(اخويه الصغير 3سنين) سرنا عند يدي متعودين العصر نسير ونقصر الدوب عند اسميه سوالف وتقهوينا وهبشنا من الفواله ويوم كنا بنروح كان يدي يالس عند الباب ومعطنا ظهره لانه بيطلع بيسير الزريبه ........نشينا عاد بنسير خطفت عداله انا وطلعت اول واحد واترياا علاوي والبطرانه والبطرانه يايه بتطلع جان ايي علاوي ويجوت يدي على ظهره وفي نفس الوقت البطرانه خطفت من عداله وهو تحسب هي الي جاتته ويدي عصب لان الجوته قويه ويهزب البطرانه هزاب كان بيضربه بالعصا وقاله بلاج انتي تلجعين يعني تجاوتين مره ماتستحين شو هذا مره ما شي مذهب يوم يتي بتطلعين جتيني وهي زايغه وقالت لا يدي مب انا هذا علاوي اونه دافع عن عمره لان يدي مابيرحمهاا العصا فيده هذيج الساعه وهو مسوي طاف ولا يسمعها وشردناا بعد قبل لاينضرب حد منا ويوم احنا مروحين بيت قوم البطرانه اونه البطرانه متلومه لان يدي لين الحين يتحسب هي الي جاتته ويالسه تقولي تعرف حسيت هذيج الساعه جذي اني صليعه وماعليه من حد نفس المسلسات يوم البنات يضربن اهلهن تميت اضحك عليهاا بس حليلهاا ماسوت شي عليوي الي يباله ضرب ....بث^^لوووووووووووووووووووووول

بس والله امس فنتك ..

فمان الله __DEFINE_LIKE_SHARE__

vtc bn nissan · 03-25-2009, 09:50 PM

اليوم : الأربعاء

تاريخ : 2009\3\25

الوجهه : أبوظبي دار الظبي لي يدخلها غبي يطلع ذكي <<< بس عندي أنا العكس

أدخل ذكي وأطلع غبي وثور خخخخخخخخخخخخخخخخخخخخخ

يالله الدنيا بخير

اللحين الساعه 49: 11م

بطلع بعد كم دقيقه

وصراحه راحه اكل بيتنا طمااااااااشه <<<<<< مداح نفسه يباله رفسه خخخخخخخ

المهم المهم

يالله حياكم ,,, هبابي أوصل الساعه 10:30<<<<<<<< لايكون بتقلع خخخخخخخخخخخخخ

ماشاء الله

لا اله الا الله محمد رسول الله

يالله مع السلامه ونتلاقى خلاف __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكله في السفايف ..................... الالتيما	محروم.كوم	منتدى أخبار المواقع والمنتديات العربية والأجنبية	0	05-01-2010 02:30 AM
مشكلة السفايف في الالتيما .........	محروم.كوم	منتدى أخبار المواقع والمنتديات العربية والأجنبية	0	01-27-2010 11:51 PM
للايجار داخل السوق	محروم.كوم	منتدى أخبار المواقع والمنتديات العربية والأجنبية	0	06-20-2009 06:50 PM
][i!i][ان حكت ذيك الشفايف ذوّبـت ذاك الجليـد][i!i][	Дјறàl Диsǎήһ	الأناقة والجمال والموضه والطفل	30	05-24-2009 03:35 AM
ترياق الجروح . . . .	قـلب دبـي	الإستراحه العامة	6	09-26-2008 04:32 PM