دايم من أرهاف الشفايف مباليل..ترياق سم الشوق منها تبزل - الصفحة 6

vtc bn nissan · 03-27-2009, 06:34 PM

السلام عليكم ورحمه الله وبركاته

شحالكم أعضاء سمانا عساكم بخير وما تشكون

طبعا هالمره تراني ما سرقت ولا حاسية لأني عديم الاحساس هالايام بسبة الامتحانات ( شو يخص هذا فهذا ما دري )

المهم

طبعا تعرفون انا احنا شباب

يعني ما نقر فالبيت ابدا

ملاحظة: نقر يعني نيلس

واليوم حبيت اخبركم عن رحلتين من رحلاتنا

طبعا الرحلة الاولى كانت صوب دبا الفجيرة

والرحلة الثانية كانت رحلة الى منتجع الجزيرة العالمي ( بتعرفونه فالرد الثاني )

المهم نبدا مع اول رحلة اللي رحلة دبا الفجيرة

طبعا بداية الرحلة تعبية البترول وعقب الانطلاق الى دبا الفجيرة

ومن عقب الطلعة من الشيشة الاتجاه الى دبا الفجيرة

وطبعا الحمد لله فها السيرة الشباب ما شاء الله عليهم هادين يمشون 200

انزين :

طبعا احنا وصلنا دبا الفجيرة الفليل وسولفنا شوي وعقب من التعب رقدنا

ونشينا عالصبح الساعه 8 طبعا النشاط على الكيف وقت الرحلات لكن وقت الدراسة الكل راقد

ومع النشة لازم نسويلنا من هالريوق الطيب
(بيض ني)هع هع

منو يبا

وطبعا عقب ما خلصنا ريوق لازم نغسل الصحون وطبعا كان زياده شوية طماط على بيض على حلاوة على عسل من هالامور يعني __DEFINE_LIKE_SHARE__

vtc bn nissan · 03-27-2009, 06:37 PM

بااااااااااك انا يـــــــــــــــــــــــــــــــــيت

المهم الحين نبدا مع الرحلة الثانية لمنتجع الجزيرة

أكيد الكل مستغرب هذا منتجع الجزيرة وين استوى ووين كان

طبعا منتجع الجزيرة هذا انا سميته وهو فالاصل منطقة فمحضة الماي دوم فيها ما شاء الله

وبقعة حلوة حق يلسة وتسوي غداك وتتسبح هناك

وقت الوصوول واحلى تاهية لعيون بو فتاك الملكي

ووصلنا المنطقة ورتبنا امورنا وتيلسنا وبدينا عاده نسوي جاهي منو يبا ؟

من ضحايا الحروب الفتاكة مع الذباب والدبي والعقاري ( طبعا المذبوحة اسمها عقاري )

ومن عقب الجاهي قلنا بنسوي الغدى

فالبداية الظرابة ويا الدياية مسكينه تصدقون رحمتها وهي ميتة

وهني عاده بداية الغدى وخلاف سرت اتسبح

وبس ما سوينا شي يديد

والسموحة منكم عالقصور ولا تبخلون علينا بردودكم الحلوة

دمتم بود :

اخوكم الصغير :

vtc bn nissan __DEFINE_LIKE_SHARE__

vtc bn nissan · 03-27-2009, 06:37 PM

السلام عليكم ورحمه الله وبركاته

شحالكم اعضائنا ربكم بخير وما تشكون باس

عاده انا ما عرف اذا انكم بخير والا لا ما عندي حاسة ثامنة

المهم

طبعا معروف انا شو بنزل كله امطار ووديان كالعاده

نبدا بسم الله

شفت المزون السارية وبروقها باتت تشيط ... تلمع شرا التبر المصفى معدنه جاري القراط

طبعا من عقب ما نشوف المزون انا ونسيم الشرق والشباب على طووول اتصالات وطلعة فلمح البصر ربع ساعه واحنا تحت المزن

وهني عندكم نسيم الشرق وثنين من الشباب الحبايب نازلين يصورون وادي تووه واصل يحبسوله

انتبه يا عواس عن لا يشلك الوااادي

ومره كنا انا ونسيم الشرق سايرين نشووف الوديان شمال بعيد شوي عاد ردينا الفليل

ويا حلاتها زفة الوادي فالليل

يا حظ هالشيرة شوفو كيف الوادي يضربها بس زين انها ما انجلعت من قوته

مقاسات وبعد الصورة فالمرآة غير حقيقية

وطبعا النتيجة عقب كل طلعة انه الموتر يكون وايد نظيف صح يا نسيم الشرق

وطبعا فالنهاية فخاطري اقولكم شي...خلاص ما بقوول Grrrr

واتمنى انه الموضوع نال على اعجابكم واي انتقاد حاضرين نتقبل اي شي [/quote] __DEFINE_LIKE_SHARE__

vtc bn nissan · 03-27-2009, 06:39 PM

السلام عليكم و رحمة الله و بركاته ...

انا اليوم ما بسألكم عن أحولكم و أخباركم << لأنكم بخيير ... تعرفون ليش عرفت .. لأني انا بخير و اذا انا بخير كل الناس بخير .... << هاي خاصية يديده و فقط vtc bn nissan...

المهم .. السموحة منكم لاني ما أشارك واايد في المنتدى عندي واايد أشياء ما خلصتها منها مول الفوعه و ايد مباني بعد .خخخخخخخ

المهم .. اليوم يايبلكم قصص و سوالف الصيف << و طبعا هذا الجزء الثاني ... بعد ما لاقى الجزء الأول ردود فعل كبيره من الأمم المتحده قررت أني اسوي جزء ثاني ... و استغرقت زيارتي في ارشيفي ما يقارب 30 يوم لإيجاد هالسوالف << بدا الجذب ...

نعوود لموضوعنا ...

و طبعا نسيت أقوللكم لا تنسون الفراخ و البيبسي و حطوا تيلفوناتكم صامت << علشان ما تخربون عليه القصه و أنا أقصها لكم ...

و الي يبا يروح الحمام يرفع ايده <<< أياام المدراس ... ...

المهم ...

كان يا مكان ... في قديم الزمان ...

كان هناك واحد أسمه راعي الفتك الاسود و واحد اسمه شبيه الريح ...و هالاثنين عشقهم و حياتهم الطلعات و الحوامة نص الظهر تحت الأمطار ...

<<< أحس أن في حد نام ...

المهم ...

طبعا الملتقى كالعادة في حديقة الشباب << أحم أحم يعني الصناعية بالمختصر المفيد

و على طوول صوب الأمطار و الوديان ...

و طبعا بعد ما تيري الوديان اليوم الثاني يكون الوادي نظيف .. وعااد انا و شبيه الريح ما نفوت هالفرصة و على طول كل واحد يشل له هاف سباحه ؛؛؛<< بالمختصر المفيد يعني هاف ميلان مال كاكا ولا مال نادي العين ...ههههههه

و شوفو الغبة ..<<

و لازم نخطف على مزرعتنا بعد عشان نخرف رطب و نشتري لبن << و ناكل عدال الوادي << يا سلااااااااو و الله شعور حلو...

و نوقف والي الفوعة و يلسه عداال الوادي ..

و عاااد الشباب المخبل هنااك حدث ولا حرج ... الله يهديهم ان شاء الله <<< الي يقول أحنا العقال

و هاي مره شبيه الريح نازل تحت المطر يجمع برد <<< و أكفخة بصورة و هو ما يدري ..

طبعا
قائد الحملة والي الفوعه ...

هنيه بوسنيده وواحد من الشباب متحمسين وعافدين يتلقون للمعرس << و أنا بعيد و كان أكفخهم بصورة ...

و الحين خلصنا الفصل الأول ...

يالله طلعوا فصحة و عقب ردوا و الي يتاخر خمس دقايق بسجله غياب ..هههههههههههههههه

<<< وايد متأثر بالمدرسة ..

تابع الجزء الثاني ........[/quote] __DEFINE_LIKE_SHARE__

vtc bn nissan · 03-27-2009, 06:41 PM

باااااااااااااك ...

ان شاء الله استانستوا في الفصحه ...

و صح قالولي في اثنين اظاربوا << يالله ما عليه بوديهم عند الأخصائي عقب ....

المهم ... نكمل قصتنا ..

و هنيه طبعا لازم في المقدمة والي الفوعه و عقب عابر سبيل و عقب خفيف الروح و عقب أنا ..<< لازم آخر واحد و أصور الخلق...هههههههه

و الحين بنسير صوب بقعه ثانية << الا وهي بقعة العرايين ....

شدة الحيل و تدوير العرايين

حبتين لأجل عيونكم ...وعريون بعد ... <<< و الحمد لله هاليوم ما حصلنا ذاك الريال الي عزمنا على الغدا .... الي قاري الجزء الأول بيعرف ....ههههههههه

هنيه الشباب شو قاعديت يتريون ...؟!؟!؟!؟!؟!؟!؟!؟؟؟؟
منخشين تحت

والا وشوي يظهرلهم الماي

أهاااااااااااااا عرفتوا الحين ....

.

أنتهي ...

و الحين نقدر نقول أنا خلصنا من الموضوع .....

وان شاء الله نال على اعجابكم و رضاكم .... وأي انتقاد و أي ملاحظة و أي مدح و أي دهان سير أنا حاظر ....

و لا تحرمونا من ردودكم الي ترد الرووح ...

تحياتي لكم ....

<<<<< كان هنا الظاهري ..... vtc bn nissan __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشكله في السفايف ..................... الالتيما	محروم.كوم	منتدى أخبار المواقع والمنتديات العربية والأجنبية	0	05-01-2010 02:30 AM
مشكلة السفايف في الالتيما .........	محروم.كوم	منتدى أخبار المواقع والمنتديات العربية والأجنبية	0	01-27-2010 11:51 PM
للايجار داخل السوق	محروم.كوم	منتدى أخبار المواقع والمنتديات العربية والأجنبية	0	06-20-2009 06:50 PM
][i!i][ان حكت ذيك الشفايف ذوّبـت ذاك الجليـد][i!i][	Дјறàl Диsǎήһ	الأناقة والجمال والموضه والطفل	30	05-24-2009 03:35 AM
ترياق الجروح . . . .	قـلب دبـي	الإستراحه العامة	6	09-26-2008 04:32 PM