هـُنــَا حيـثُ أنـَـا - •° D h a b y a n i °• ،~

ظبياني صغيرون · #1 02-10-2009, 11:28 AM

بسم الله الرحمن الرحيم .,
السلام عليكم ورحمة الله وبركاته ..

يسعـد صباحكمـ / و مسـاكـمـ بجو ممطر .,
اشحـالكم عساكم مرتاحين .؟

. , .

طبعاً حلو انه لكل شخص تكون زاويه خاصه و يكتب فيها اللي يباه
و يرسم فيها كل اللي يدور فخاطره و يشخبط فكل زاويه بحريه

و اليوم قررت أني افتح المدونه و كانت بتاريخ 10/2/2009
انفتحت اول صفحه و متى بتنغلق؟ , الله العالم }~

. , .

° فالبداية بعرفكم بنفسي •

° اسمي:
ظبياني صغيرون - Dhabyani
° تاريخ ميلادي :
29/5 •
° المهنه :
طالب <-- جذيه مكتوب لي فكل مكان •
° هواياتي:
أحب التصوير » بس مش محترف ان شاء الله بوصل للأحتراف و استخدم Nikon •
أحب اصمم » اعتبر هاوي •
أحب طلعات الشباب و اللمه والبر و الدراجات •
احب المسلسلات , اخر مسلسل كنت اتابعه دموع الورد , والحين يمدحون وادي الذئاب •
ماحب شي اسمه رياضه او كوره خخ <-- بس لا تخافون انا مش دب •
° القسم المفضل:
عدسة الاعضاء •
° الواني المفضلة :
الوردي و السماوي •
° الأكله المفضله :
معكرونه بالبشمل - ورق عنب •
° الشخصيه :
راعي سوالف واحب المصخره والضحك والمقالب •

امممممم
بس خلاص حالياً و لو فيه شي بكتبه مع الايام ان شاء الله
. , .

تنويه : اللي عنده رأي او تعليق على المدونه , أو على ماأقوم بطرحه ,,
الرجاء منه يراسلني ع الخاص

°° ان شاء الله تحبون المدونه وتكون بزيارة دائمة منكم ••

تحياتي
ظبياني صغيرون
[10 - 2 - 9 0 0 2 ] ° يوم الأثنين •
__DEFINE_LIKE_SHARE__

ظبياني صغيرون · 02-10-2009, 10:06 PM

تاريخ 13 - 2 - 2009 الساعه 12 بالليل
كان يوم ميلاد ناس غاليين ,,
و احتفلنا بهاليوم و صورت كم صوره ..

..

و بسس .,
انتظروني فالايام اليايه .,

[13 - 2 - 9 0 0 2 ] ° يوم الجمعه •
__DEFINE_LIKE_SHARE__

ظبياني صغيرون · 02-13-2009, 08:01 PM

اليوم يمعت لكم مجموعه من رسايل الـ MMS اللي انا مسونها
وكل رساله حاطنها بملف مضغوط و هالملف فيه ( الصوت و الصوره و الكلمات )
و ان شاء الله تعيبكم

ــ .. ــ .. ــ .. ــ .. ــ .. ــ

ودي اشوفك والامس اياديك واحكيلك عند قلبن مالييه بغلاك
ودي تناديني ياحبيبي ولبيك ودي اجيلك وانت في منامك
واقولك ياحبيبي انا الي ابيك انا اللذي فضل جنتك وعشق نارك
ياحبيبي ودي احاكيك واقولك اني اموت بترابك
ودي ياحبيبي اوصيك على قلبي الي متابع اخبارك
ودي قبل لا اموت واخليك متمتع بدنياك مع اهلك واحبابك
على دفنتي اوصيك ودي تكون عند بابك
لاجل تمشي على تراب قبري برجليك واقوم انا واقبل اترابك
صدقني ماشفت انسان يجاريك لا بذوقك ولا احساسك ولا جمالك
ودي اسمعك تقول احبك ابيك ابي اكون بدنيتك فارس احلامك
بس دامك بدنيتي رفض اني اجيك اسمع هالكلام وخله بالك
ارجوك على دفنتي ماوصيك ارجوك خلها عند بابك
قبل الختام ودي اراضيك بس المشكله اجهل زعلك من مرضاتك

خليتني تايه الله يجازيك خليتني شاعر يكتب ويرسل اعمالك

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

'¤{ حبيبي شحلوها ايامي .، حبيبي شحلوها ايامك
معك يا روعة احساسي .، يا اجمل كل هالدنيا ~.
ـ ــ ـ ـ ــ ـ
'¤{ يعلي ما انحرم منك .، ولا فيوم ابتعد عنك
و لا الدنيا تذوقني .، مرارتها وقسى حزنك ~.
ـ ــ ـ ـ ــ ـ
'¤{ احببك واشتهي قربك .، واحب اسير في دربك
تشرقني وتغربني .، احبك بشرقق وغربك ~.
ـ ــ ـ ـ ــ ـ
'¤{ طبيعي لو يحسدوني .، وعادي لو يعذلوني
تدري ليش غيرتهم .، لانك ماااخذ عيووني ~.

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

..{ وحيات هذا الحب اللي بيني وبينك ،،
حبن تتوج بالغلا واحنا عناوينه ...
وحيات هذا العشق هذا العشق اللي في عيوني وعينك ،،
اليوم فينا حب محدن عاشه في هالكون }..

..{ استاهلج فعلا وانتي تستحقيني ،،
نص القمر وياج ونص الثاني في ايديني ...
واليوم نرسم هالقمر وتنور سنيني ،،
واليوم نعلن حب مثله لا ابد ما يكون }..

..{ كني سما وانتي البدر كل ليل يضوينا ،،
وكني البحر وانتي بغرامج صرتي لي مينا }..

..{ عمر القمر ما يلتقي بالشمس في سنينه ،،
كنج قمر والشمس أنا كل يوم يتلاقون }..

..{ وحيات هذا الحب هذا الحب اللي بيني وبينك ،،
حبن تتوج بالغلا واحنا عناوينه ...
وحيات هذا العشق هذا العشق اللي في عيوني وعينك ،،
اليوم فيني حب محد عاشه في هالكون }..

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

أشهد انك يالغلا غالي ،، غالي وتسوى نظر عيني
يوم أشوفك ينشرح بالي ،، ويمشي الدم بشرايني
وأن أقفيت يزيد غربالي ،، أشقى والهم يضويني
روف وأترحم على حالي ،، لا تعذبني وتجفيني
إن تدلع حرك خبالي ،، وإن تبسم ربي أعيني
وإن مشى على الارض بعدالي ،، خطوته تسوى ملايني
الشعر ع المتن نشالي ،، لي مجنني ومشقيني
الدلع بو رمش قتالي ،، الغلا سيد المزاييني
لا عدمتك طيب الفالي ،، ولا خليتك كامل الزيني
و بفتديك بحالي ومالي ،، والعمر مع بهجه سنينك

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

أغلب الوقت انته ساكت .. وأنا يذبحني الفضول
ودي لو إني في بالك .. بين فكرك والخيال
كلما ودي أسولف .. أنتظر يمكن تقول
مدري سكوتك دلع .. ولا خجل ولا دلال

يا حبيبي حس فيني .. اكتسى ورد الذبول
كلما جيتك يميني .. صد قلبك للشمال
يعني كل هذا تغلي .. ولا هو طبعك خجول
حرك بقلبي المشاعر .. وانفعل يا ابن الحلال

لا تخليني في حيره .. بين أقول وما أقول
مد لي ايدك دخيلك .. بعد الوصال بوصال
انته لو تعرض حلولك .. بقبض أنصاف الحلول
لكن انته دوم ساكت .. تكفى بس عطني مجال

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

ياقو قلبك على الصده ويا صبرك
ويا وسع صدري على صدك ويا صبري

وياطول عمرك بذاكرتي وياكبرك
وياشيب عيني بشيب عاد ذا كبري

والله لون حمل صبري فوقك ، ان تبرك
والله ولو تعتذر منت بعلى خبري

تزعل وترجع وتلقاني على خبرك
وانا انكسر لك واجيك وادور لجبري

امحق وليف ومحبه والا اقول ، ابرك
حسبي عليك اعشقك وانت اتحفر قبري

ــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــــ .. ــ .. ــ .. ــ .. ــ .. ــ

ياصوته الدافي الحنون ..
وينك أنا مشتاقلك ..
ياصوته اعشقك بجنون ..
ياصوت والله فاقدك..
ياصوته أنا أموت فيك ..
احتاج لك واوله عليك ..
ياأغلى من في هالوجود ..
أبيك أنا والله أبيك ..
الشوق في قلبي كبير ..
يالحب الاول والأخير ..
أحلى كلامي سيرتك ..
وإن سولفوا عنك أغير ..

ــ .. ــ .. ــ .. ــ .. ــ .. ــ

و انتظروني ..

[23 - 2 - 9 0 0 2 ] ° يوم الأثنين •
__DEFINE_LIKE_SHARE__

ظبياني صغيرون · 02-27-2009, 04:13 PM

قاعد وملان وماعندي شي اسويه , سمعت هالاغنيه و عيبتني و قلت بسويها MMs
اتمنى تعيبكم الرساله ..

ــ .. ــ .. ــ .. ــ .. ــ .. ــ

جتني اليوم ندمــانه ذبحها الشــوق ولهانــه
تعض ابهامها وتبكي تقول سامحني غلطانه
تقـــول اذكـــر ليـــالينـــا سوالفنـــا وامانينـــا

تعــال انـعيـد ماضيــنا وذاك الحــــب وازمانـه
شفت العبـرة تخنقها ونــــار الشوق تحرقـها
تقـــول احلفـلك بـربي لوصلك روحي ضميانه
جرحتيـنـي وسـامحتك ولا فــي يــوم عاتبتك
رغــم انـــك سقيتيني صنوف الغــدر والــوانه
خذاك الوقت باوهامك بعدماضاعت احلامــــك
رجعتي لي وذكرتيني عرفتي قدري يا فـلانه

ــ .. ــ .. ــ .. ــ .. ــ .. ــ

و انتظروني ..

[27 - 2 - 9 0 0 2 ] ° يوم الجمعه •
__DEFINE_LIKE_SHARE__

ظبياني صغيرون · 02-27-2009, 04:21 PM

اليوم قلت بحط لكم بعض ايقوناتي و اللي حاب انه يستخدمها بمواضيعه حياه ,, و من صوبه ..

.. .. ..

.. .. ..

.. .. ..

.. .. .. ..

و هالملف فيه بقيه الايقونات ,, و مجموعها تقريبا 90 ايقونه

[2 - 3 - 9 0 0 2 ] ° يوم الأثنين •
__DEFINE_LIKE_SHARE__