{} {} ...~ هـــــذا اْخـــــر مـــاوصــــلــــنــــالــــهــ ...~ {} {}

نوافي · #1 02-28-2009, 11:16 PM

... {بسم الله الرحمن الرحيم } ...

السلام عليكم ورحمه الله وبركاته ...

{}{} ... ~هـــــذا اخـــــر مـــاوصـــلــــنــــالـــهــ ~ ...{}{}

ترردت كثير قبل ماكتب هالمدونه .. والحمدالله بعد طول تفكير قررت أنزلها ...

أتمنى تكون خفيفه عليكم وأنها تنال على إعجابكم والأهم من هذا كله أنكم تستفيدون منها <<<جتكم الحكيمة

أتمنى بأن كل أحد يقرأها يعلق لو بشئ بسيط لأنه بيكون شئ كبير لي بمجرد تواصلكم وابدا رائيكم ... وأتقبل أي نقد منكم بالعكس راح يعطيني الدافع لتصحيح أخطائي .... ولـــــكـــــم جــــزيــــل الــــشــــكــــر....

__DEFINE_LIKE_SHARE__

نوافي · 03-03-2009, 12:20 AM

أولاَ : راح أعطي نبذه عن نفسي عشان تعرفوني أكثر ....

الأسم : ـــــو ـ

عمري: فتاه في عمر الزهور <<< احلفي بس

وطني: المملكه العربيه السعوديه

وظيفتي بالحياه : .طالبه ...

هواياتي ... القراءه .... احب اقرا بكل المجالات ...

صفاتي...

امممم ... بنظري ماقدر احدد أنا وش بالضبط صفاتي وابرز سماتي يمكن أنا اشوف نفسي شئ واللي حولي تكون نظرتهم مختلفه ... فعشان كذا ... سألت أقرب الناس لي ....

**أمــــي (الله يطول بعمرها ... ويخليها لي ...)

نـــوافــي ...تاج البيت ..وهي بكفه والعالم كله بكفه ...يعتمد عليتس ..وقد المسؤوليه.. عندتس حسن التصرف والتدبير...بنت

ذكيه ..صبوره وقنووووعه وهاذي اكثر صفه تميزتس عن غيرتس ...حالتس بحالتس ولا تأذين احد ... ماتحبين المشاكل ...مستعده

ينوخذ حقتس في سبيل انتس بس تبعدين عن المشاكل ...اكثر وحده مريحتني ..اثق فيتس .والله يحفظتس لي....

** تــؤام روحي .... أقرب صديقات لي......

الاولى قالت ... نــوافــي احب وحده بالدنيا عندي ... أحب اسولف معها بجميع الخطوط ..أخلاقها تعجبني ... ومرات هدوئها

يحيرني .... ولو علي خليتتس حماتي ... <<<احم احم لاتعليق

(وببدأ بالنقد )... أنه بسرعه ينوكل حقها ... واكبر خوااافه بالوجود ...

الثانيه .... قالت ...نوافي...

(( انتي انسآنه اللي يشوفك يقول الله على البرآئه والنعومه لكن لما يقعد معك يدري انك خررطي ودفشه ومن جمبها وفيك طيبه

يااادوبى مشالله عليك يعني ،، وتحبين تخدمين قد ماتقدرين وهذا اكثر شي محليك ،، وتحبين السوآلف لدرجه تتعآقبين من سببها بس

عآدي عندك اهم شي انك تسولفين ،، واحس انك وآضحه وماتخبين شي فصدرك // وجينآ لللسب عآد ،، الله يصلمك يبيلتس رفعت

صوت لان سوالفتس مايصلح عليها النعومه كلها سوالف مكافخ وتصطر ،، وشخصيتك بشكل عام والله ومن دون مجامله من اطلق

واجمل نوع قابلته ))

***رأي ناس ماشفتهم ولاقابلتهم ... بس كانت علاقتي فيهم بالنت ...وهي من اعز الاخوات لي على اني ماشفتها ...

أولاَانتي انساسه طيوووبه وحبوووووبه انزين واجتماعيه وتحبين السواااالف وااايد

من ترمسين ما تبين تسكتين مشاء الله عليج يعني وقت الجد تكوونين جاده وقت اللعب ......

انسانه طموووحه .. تحبين تتطبخين ودج كل شي يكووون لج ع الاجاهز

محد يقدر يقص عليج بسهوووله .. الانج قويه ومشاء الله عليج متوفقه بدراستج..

وعندج عده مواااهب ويارب تتكثر مواهبج وانا اتمنى لج كل خير وسعاده وربي يوفقج وين ما كنتي ^^

**** رأي ناس مهمين ولهم تأثير بحياتي ....بــــاخـــتـــصــــار يهمني ويسعدني وجودهم بحياتي ...

شهادتي فيتس مجروحه انتي طيبه وحبوبه وذكيه وعقلتس اكبر من عمرتس وماشاء الله عليتس تهذرين واستانس على هذرتس ماشاء الله عليتس ونيسه.....

أتمنى أنكم عرفتوني خصوصاَ اني نوعت طلبت رأي ناس مقربين جداَ إلى ناس ماشفتهم...

((حـــــلـــــمــــي.))

... حلم كل فتاه عربيه ... أصير عروس ... واستقر لان الفتاه مالها الا بيتها ....

اهم شئ الصوره على الاقل كشخه لابس بدله ....هع

(((أهـــــــدافــــــي )))....

أهدافي أن شاء الله نبيله ... بطبعي أحب اساعد الناس حتى لو مايكون هالشئ مادي أو شئ محسوس احب اساعدهم حتى معنوياَ ... ويمكن هالشئ أكثر مايخليني سعيده ومرتاحه نفسياَ...

أتمنى أكون سبب سعاده بمجرد شوفتي للناس ... شئ طيب وجميل تكون مصدر فرح وسرور وتفاؤل للي حولك ... ويتباركون بشوفتك ....^_^

(((طــــمــــوحــــي))).....

أكون إنسانه ذات شخصيه مرموقه طبعن بعلمي وثقافتي أتمنى أوصل إلى أعلى مستوى من العلم .... وطموحي تحديداَ أدرس

تجاره ... يمكن أنا افهم بهالمجال كثير ... لكن مامعي شهاده وبهالوقت حتى لو مخك مفتح ومركز لكن مامعك شهاده فأنت تقريبا ولا

شئ ... لأن الشهاده بـــرهــــان على إنك عارف وفاهم ....

وبكذا انتهيت ... قلت قصه حياتي ... __DEFINE_LIKE_SHARE__

نوافي · 03-03-2009, 11:56 AM

حبيت اتكلم عن شئ مقدس بحياتي ومستحيل أقدر أعيش من دونه ...

بالنسبه لي هو اوكسجيني هي مشاعر ومن أحلى المشاعر خليط من الحب والاحترام والمساعده وتمنى الخير والدعاء لهم ولو

اجتمعوا على بعض راح تسمى ( الـــــصـــــداقـــــــه ) بنظري أن الصداقه من أجمل العلاقات البشريه .... والصديق تقضي معه اغلب

وقتك لانه بتكونون فاهمين بعض وبينكم اشياء مشتركه ....

الاصدقاء موب بعددهم ولا بكثرتهم ... الاصدقاء بمواقفهم وبأفعالهم ...

والصديق موب بس وقت السعاده والرخاء والنعمه يكون واقف يمك ... الصديق الحقيقي يكون في عسرك ويسرك وفرحك وحزنك

ويعاهدك بالسؤال والمحبه والنــــصــــيـــــحــــه هذا بنظري موب بس صديق هذا أخ ندر وجوده بزمن المصالح .....

عن نفسي ... يمكن أنا بطبعي احب اسولف واجد باختصار هذاااره مع الجميع ... لكن في أشياء ماأقولها الا للمقربين جـــــداَ .....

أنا صديقاتي المقربات ينعدون بالاصابع ... مـــاحب أكثر أصدقاء ....ولا أحب اصادق أي أحد لانني للاسف فقدت ثقتي بالناس لكن

هالشئ ابدن ماخلني افقد احترامهم ... بالعكس الاحترام واجب حتى مع عدوك ....

يمكن تستغربون لو أقولكم ..أن صديقاتي (( المقربات )) ثنتين بس ... طبعن غير أمي وخالتي ..لان فارق السن يلعب دور... لكن

صديقاتي واللي يفهموني وافهمهم ثنتين بس ....

أحنا كنا الثلاثي المرح ( كانوا كذا يسمونا ) ... يمكن كل وحده لها طبع وصفات غير عن الثانيه لكن يوم نجتمع شئ ثاني .... منا الهاديه

والفاهمه واللي كل شئ تعرفه ( ويسمونها هل تعلم ) ومنا المرجوجه ومسويه جو ومنا اللي مررره دمها حااار وماتتحمل وبسرعه

تعصب ... لكن والله قلبها اطيب قلب وبسرعه تحس بتانيب الضمير ....

وحده من هالثلاثي واللي مررره مسويه جو وإذا راحت يعم علينا الحزن والكأبه ..( فديتها كل ماطريتها ) راحت لدوله خليجيه ..لكن

الحمدالله الى الحين نتواصل ....وحنا بقينا وحياتنا اكشن ... واحب اقهر اللي بعيده عنا عشان ترجع بسررررررعه لانها من جد

واحشتني ... لابعد درجه وبشكل ماتتصورون ....كانت ومازالت شئ مرررررررررره مهم بحياتي وماكنت اتخيل يمر يوم ماسمع صوتها ولا

اشوف خشتها الحلوه ... لكن وش نسوي بالظروف .... ذبحتنا هالظروووف .....الله يردها بالسلامه حبيبه قلبي .... والثانيه الله يخليها

لي والثنتين مع بعض الله لايــــحـــــرمــــــنـــــــي مــــــــنـــــــهــــم ويارب لاتغير علينا ... ويديم هالمحبه بينا .....

...&... عـلمـتـنـي الــ ح ــيــاه ...&...

أن الاخاء ليس مجرد لقاء ...........

وأن للارواح تلاقي .....

حيث لا وجود للاشياء.....

فهي أوتار في دواخلنا ....

ترن حيثما وجدنا الصفاء.....

مررررات تحب ناس ويكونون مهمين وانت اساسا ماشفتهم ... ويكون مابينكم الا شاشه ... وضغطات كيبورد ... لكن جد اعتبرتهم اكثر

من اخواني وأفتخر انهم يكونون خواتي .... مــــــــســــــــــتــــــــــحـــــــــيــــــــ ــل أنــــــــســــــــاهــــــــم .. مهما صار دامني بيوم

حبيتهم فكيف اشيلهم عن بالي .... جمعتني فيهم مواقف حلوه وسوالف ومرات نشكي هموم لبعض ... على إني ماشفتهم لكن

ارتاح معهم .... فــــــســــــــلامــــي بــــــقـــــــــدر حــــبـــــي لــــــهـــــم وغـــــــــلاتــــــــــهــــــــم بـــــــقـــــــلــــــــبــــــي,,,,,

هذي من أجمل الأبيات في الأقوال المأثورة عن الصديق:

لا شَيْءَ فِي الدُّنْيـا أَحَـبُّ لِنَاظِـرِي

مِـنْ مَنْظَـرِ الخِـلاَّنِ والأَصْحَـابِ

وأَلَـذُّ مُوسِيقَـى تَسُـرُّ مَسَامِعِـي

صَوْتُ البَشِيـرِ بِعَـوْدَةِ الأَحْبَـابِ

وقال الامام الشافعي في الصديق /

سَـلامٌ عَلى الدُّنْيـا إِذَا لَمْ يَكُـنْ بِـهَا

صَـدِيقٌ صَدُوقٌ صَادِقُ الوَعْدِ مُنْصِفَـا

وقال جميل الزهراوي....

عاشِـرْ أُنَاسـاً بِالـذَّكَـاءِ تَمَيَّـزُوا

وَاخْتَـرْ صَدِيقَكَ مِنْ ذَوِي الأَخْـلاقِ

وقال المتنبي...

أُصَـادِقُ نَفْـسَ المَـرْءِ قَبْلَ جِسْمِـهِ

وأَعْرِفُـهَا فِـي فِعْلِـهِ وَالتَّكَلُّــمِ

وأَحْلُـمُ عَـنْ خِلِّـي وأَعْلَـمُ أَنَّـهُ

مَتَى أَجْزِهِ حِلْمـاً عَلى الجَهْلِ يَنْـدَمِ

واخيرا .... اقول ان الصداقه كنز لايفنى ...... فلو حصلت صديق بالقول وبالفعل فتمسك به وتعلق فيه لانه مستحيل تحصل الحين

الصديق الصدوق .... أتمنى تعجبكم مختاراتي الشعريه لما قالوه عن اجمل مافي الوجود ....

وهاذي من أعماااااااااااااااااااق قلبي لأعز المخلايق.......

أنا الصديق اللي على دربك اعتاد ........ ولايردني عنك الا وفاتي

عمر الصديق اللي مثلك ماراح ينعاد .... وش حيلتي لاغبت عن عيني وذاتي

ولاتقول تايه وأنا لك عضد وسناد .... وشلون اتجاهل صداقه نورت لي حياتي __DEFINE_LIKE_SHARE__

نوافي · 03-03-2009, 04:10 PM

اول شئ قبل مابدأ نسيت اقهويكم .... لانكم مطوووولين وانتم بتقرون ..... حـــيـــــاكــــــم....

والله ياطويلين العمر ... ودي اتكلم عن أكثر شخصيات العالم اللي تعجبني ....

الامير / سعود الفيصل ال سعود ....

وزير الخارجيه للملكه العربيه السعوديه .....

(الوزير الحديدي).... أنـــجـــذب بـــــذهـــــول...لشخصيه سعودالفيصل.... أنا صدق ماعرف للسياسه ولا المفاوضات ولا المؤتمرات حقت الدول ووووو....إلخ

مصدر ذهولي لهذا الانسان أنه ماحصل اهتمام بالغ لدينا ...لأن اكثر الناس هذا الوقت تميل للشاعر أوالصفحي أو المذيع .....

الامير كل اهتماماته بالسياسه لدرجه أنه يندر ظهوره باللقاءت التلفزيونيه ....ويدل على كلامي ...لو بتدور صور للامير تحصله كلها باجتماعات وموتمرات دوليه .....

أكيد هو استمد هالحكمه السياسيه من والده الملك فيصل بن عبدالعزيز والذي كان وزير للخارجيه قبل ذلك ...واختاره الملك عبدالعزيز

وزيراً للخارجيه بسسب قدرته الفائقه على تنفيذ سياسه المملكه الخارجيه وايصال صورتها للعالم والاهم تعزيز علاقتها بالدول ...

واشتهر الملك فيصل انه عند قيامه بزياره واحده لافريقيا جعل اغلب الدول تقطع علاقتها باسرائيل ...طبعن التاريخ يحكي نفسه

ولاتنسون افعال وادوار الملك فيصل البطوليه ..لما منع البترول عن امريكا ووووإلخ..

وبكذا نقدر نقول أن الامير سعود نشأ في بيئه سياسيه قريب من السلطه ويستمد حكمته من والده والامير سعود الفيصل له تقريباَ

اربع عقود وهو على كرسي الوزاره لانه عام 2010 راح يكمل اربعين سنه ..

وهو معروف انه شخصيه متواضعه لايحب الهيلمه الاعلاميه .......

مـــــــــن أقــــــــوال الـــــوزراء لـــــــــســــــمــــــــــوه ......

وزير الخارجيه لبريطانيا ( ديفيد ميليبند) :

سعود الفيصل يستطيع أن يحصل عـــلى مايرد ومنح السعوديه قوه خارجيه لايستهان بها ...

ويقول مستشار الرئيس الروسي الاسبق (بوتين) :

أن سعود الفيصل يتحدث بوضوح يجعل محادثيه في حـــيـــره من أمرهم ,كيف يكون وزير خارجيه بهذا الصدق ...

أكثر مايعجبني من صفات لهذا الانسان و اللي لازم أن نعمل فيها ...

• الوضوح والصدق في التعامل .

• من طلب العلا سهر الليالي .

• الجد والاجتهاد .

• الحرص على الامـــــــــانـــــه وتـــبـــلـــيـــغـــهـــا بـــالـــشـــكــــل الــــصـــحـــيـــح

• حب الــــعــــمــــل ولو كان على حساب الصحه ..

أحب اضيف بالنسبه للنقطه الاخيره ..... الامير سعود الفيصل مصاب بمرض في رقبته وهذا المرض ادى إلى ان يلتفت بصعوبه أثناء الحديث _ شفاه الله وعافاه _

.... شخصيه قديره ... وزير لن يتكرر ... الله يطول بعمره....

ولي تكمله .... عن باقي الشخصيات .... __DEFINE_LIKE_SHARE__

نوافي · 03-03-2009, 04:18 PM

ومـــــــن الشــــــخصـــــــيات المفضله وتعجبني واحب اقتدي بها .....

الاميره / هيا الحسين بن طلال ........

لها سجل مميز في الخدمه العامه وتلتزم دائم بالقضايا الأنسانيه ....هي ( ســـــــفـــــــيــــره الــــــنوايـــــــا الــــــحـــســــــنــــه)
في برنامج الأغذيه العالمي وتعتبر أول سفير للبرنامج من العالم العربي وأول سيده على الاطلاق تشغل هذا المنصب ....,,<<<إنشاء الله اكون سفيره للنوايا الحسنه لو في بيتنا بس ..

طبعن الاميره هيا معروووفه بـــــــشـــغـــــفــــــها بـــــــــالــــخـــــيـــــــــل وعالمه ...<<<نفس حالتي جـــنـــونــــي الــــخــــيـــل ...

(الاميره هيا بنت الحسين,,,,, إنسانه تعجبني بكل معنى الكلمه ) __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مســـــك الختام لصيد هـــــذا العام....	محروم.كوم	منتدى أخبار المواقع والمنتديات العربية والأجنبية	0	06-13-2010 01:10 AM