وطتّ رجليّ علىً دربه و لآآإ آإدريّ وشّ نؤوى فيني .! - الصفحة 200

«ضَحِيًة حِبُيًبُيً ..}● · 07-03-2011, 07:18 PM

.
.

.

مشكور اخوي الثروه على التنبيه

توني عدلت ارقام البآرتآت وحذفت المكرر

= ) __DEFINE_LIKE_SHARE__

«ضَحِيًة حِبُيًبُيً ..}● · 07-03-2011, 07:20 PM

البارت الـ 79

.

.

.

سيف يبوس راسها : يايبنج اهني عشان ترقديين . . ؟

مهره تثاوب : انا فينيي رقاد شسوي . .

سيف : انتي من حملتي وكله ترقدين وايد . . ما لاحظتي ؟؟؟

مهره تطالعه عين بعين : لاء . .

سيف يطالع عيونها : شفيج خرعتيني . .

مهره : هههههه ماشي .! حرام اطالع ريلي . ؟

سيف مبتسم : ريلي ! فديتها ع لسانج . .

مهره ترد تحط راسها ع صدره : ليش يبتني اهني . .

سيف : ماحطيت ف بالي ايييبج اهني . . كنت ابا اكون ف اي مكان وياج . .بس مش فالبيت . .

مهره : يعني مششتآقلي هاه . .

سيف : هيه مشتآقلج . .

مهره تبتسم بحيآ . .

سيف : قوومي خليني اطالعج . . كله راقده ع صدري

مهره : شسوي احب هالمممكان . .

سيف : وانا احبج . .

مهره صصخت واستحت. .

سيف : يلا قووومي عااد . . احب اشوف ملامحج وانتي مفتشله

مهره : منو قالك افتشلت اصلا ؟

سيف : قومي قومي بندش داخل يلا . .

كانو يايين منتجع روتآنا . . ومنسدحين مجابل البحر على هالكرآسي الطويله واثنينهم ف كرسي واحد . .

سيف : يالله نششي . .

مهره قامت بتعب .

سيف : فديييت المدوووخ انا . .

قام عقبها وشلها وسسار الرسبشن ومن وصل اهناك نزلهآ . . ومن حظه حصل حجز وخذاله غرفه وحجز ليومين . .

يمشون سايرين صوب غرفتهم . .

مهره : ليش يومين ؟

سيف : عشان ما يشغلونج اخوانج . . ولا منو ها حبيب قلبج نسيت شو اسمه " متعمد "

مهره مبتسمه : نصصوور !

سيف : شمعنى هو الي يا ف بالج ؟ يمكن اقصد منصور . .

مهره تبتسم . .

سيف : ليش تحبينه هالكثثر ؟

مهره : ممادري من الله . .

سيف : لانج تشبهينه يعني ؟

مهره : ما يخصصصصصصه الشبه

سيف : بلى بلى اعترفي . .خقاقه بعد انتي

مهره : شدخل !!!

سيف : عيل ليش تحبينه اكثر عن الباقي ؟

مهره : احبهم كلهم انااا

سيف : بس انا لاحظت ان ناصصر اكثر . .ليش ؟

مهره : انا احبهم كلهم والله . . بس يعني نصور طشونات زياده . . مادري ليييييييش والله من الله . . ما ررررضى عليه ولا ارضى حد يزعله او يضايقه او يقوله شي . . وانا ما بغيته يسافر لكن حزتها " تنزل راسها " كنت وياك ف مشاكل وماكان عندي القدره حتى اكلمه واقنعه . . كان بس همي ف المشاكل الي كنت امر فيها

سيف حس انه ملامحها تغيرت : لا تذكرين الاشياء المش حلوه . . وارفعي راسج اششوف

مهره منزله راسها . .

سيف يجابلها ويرفع راسها ب صبعه : لا تنزلين راسسج ! دامني وياج عمرج لا تنزلين راسج . .

مهره تتنهد : ان شاء الله

سيف مسك ايدينها ودخلو الغرفه على طول قعدها ع السرير وياب له كرسي وقعد مجابلنها ومسك ايدينها . .

سيف : ادري عششنا مآضي مؤسف . . فيه مشاكل وايده . . بعضضها للحين تألمممج وتالمني . . وبعضضها عمرج ما بتنسينها ولا انا بنسآآآهآ . . لكن انا اوعدج بششغله وحده . . اني ما انزل دمعتج ف يوم الا بعد موؤتي . ." يبتسم " لازم تصيحين علي شوي

مهره ترص ع ايده : بسسسسسسسسم الله عليك . . لـا تقول هالرمسسه حبيبي . .

سيف يطالعها باصرار : عمري ما دخلت وياج بتفاصيل ف ماضينآ . . ف العذاب الي عيشتج اياااه . . خليتج برووووحج فـ الليالي ف اماكن ما يتم فيها الا إلي رايحات فيها . . ف مكان كنت بخسرج فيه ومادري شو كان بيصير لج . . وو تناازلت عنج ف مستشفى وتخليييييييييييت عنج وانتي ما تعرفين اي مخلوق "يبتسم باستهزاء" صج اني حقييييييييير . . ضربتج . . اهنتتج وايييد وجرحتج وايد . . "يبلع ريجه ب حرقه " ترككككتج ورحت لغييرج . ." تي ف باله ميثا " غازلت ورمست جداامج . . حظنت غيرج وبستهم وانتي تطالعيني . . كنت ابي اطلعج وابيج تغيرين جو و فلحظه اخليج وارووح لغيرج . . ما استانستي ف حمالج ولا كنت اول شخص يباركلج ويحظنج ويهنيييج !! خليتج تعانيييييييييين وايد . . حتى سسفر ما سافرتي . . ولا عشتي شهر العسل وياي مثل ما عاشو باقي البنات يوم عرسسو ! وعدتج تكملين دراستج وماوفيت ف وعدي ولا قدمت اوراقج . . كنت اباج تتناسين الموضوع . . تحكمممممت فيج ع كييييفي . . خليتج تمشين ع مزاجي . .!! متى ما استانس ابيج مستانسه ومتى ما اكون معصب اسفل فيج ومابيج تضحكيين . . حرررمتج من الحب . . الحنان . . حقوقج الزوجيه . . حتى حررمتج من السسعاده فتتتره طويله . . عذبتج . . وريتج العذااااااااب ع اصووووله . . حتى امج حرقت قلبها عليييييييج . . " يطالع عيونها " حتى حرمتج من جمالج . . " يشوف شعرها ويلمسه " حرمتج من انوثتتج كـ بنت وتحب شعرهآ . . حتى شششعرج بترته . . عيوؤؤنج . . كنت اصيحج ليل ونهار . . كل يووووم تصصصيييحين . . وحتى ع دموعج اعاتبج . . فششلتج جدام شوق وخليت الناس تشفق عليييييج . . . حتى جدام اختي جررحتج وخليتج تستحييييييييييين . . محبوسه ف شقه ومحرومه من كل شي حلو . . حتى ف غرفه حبستجج بلا رحمه يوم كامل لا اكل ولا شششرب . . اهتميت ف غييرج وداريتهم وخليتج تعانين وتواجهين كل شي صعب بروؤؤؤحج . . شسويت فيج . .آشيآآآآآآء وآشيآء ما تنغفـر ولا حد يتحملهآ كثثثر مآ تحملتييهآآآ !! ليششش وكيف تحملتي هالكثثر كيييييييييييف !! مش قادر استوعب انه بنت مثلج ف كل هالرقه عانت كل هالعذااب وصصصبرت . . ليش صبرررتي !! ليش تحمممملتي

مهره : لاني احـــــبك . . اموت فيك . . مآرضى اشوف انكسارك . . ولا ضيقك . . ولا زعلك . .

سيف يطالعها بتمعن . . ماتوقع يكون ردها جذي !

مهره : انا من اول يوم عرفتك فيه . . كتبت ف دفتر جمله وسبحان الله مشيت عليها وانا مش حاسه ابد ف روحي

سيف : شو الجمله ؟

مهره : وطت رجلي على دربه ولا ادري وش نوى فيني . .

سيف يطالعها بتمعن . .

مهره : ريولي وطت لوين ما تبي يا سيف . . ماكنت اعرف شـ نيتك ولا شنآوي ولآ شـ بيصيير . . بس الي اعرفه اني بمشي على دربك طول ما انا حيه . .

سيف : سامحيني ع كل شي . . سآآمحيني . .

مهره مبتسمه : مسامحتنك حبيبي . . مسامحتنك ولا شايل قلبي عليك ششي . . ومابي غير انك تعوضني . . والماضي ننساه وايدينا في ايد بعض ! ومانخلي لا عاذل ولا حسود يغير علينآ . .

سحبهآ لصدره وغمض عيونه . . خلآ الدموع تعبر وهيه خلت دموعها تسيل . . كآنو محتاجين يصفون النيه ويصفون الحسآب الكبييير الي عآشوه وعآنوه . .

على ذاك الطريق اللي يسمونه غرام أحباب

وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب

تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب

بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب

وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب

مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب

وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب

ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب

أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب

وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب

شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب

أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب

لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب

تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب

اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب

وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب

وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب

وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب

دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

عسى تنساني الدنيا مادام أنتي ذكرتيني

.

.

.
__DEFINE_LIKE_SHARE__

عاشقه الرنج · 07-03-2011, 09:03 PM

تسسسلمين ضحيوه ولو انهـ البارت صغنونـي هههه

ونتريـاا اللي عقبه دبووه ^^ __DEFINE_LIKE_SHARE__

فرفوشة · 07-03-2011, 09:05 PM

البارت 79

وااااااي ضحيووووه شو هالبااااارت وقسم يجننن
حبييت كلام سيفوووه وااااايد صدق من القلب الي القلب >>>>
وااايد كلامة كان مؤثر واهم شي اعترف بكل اغلاطه

تسلميييييين ياااربيه والله ماشاء الله عليج ابدااااع في اسلوب الكتاابة __DEFINE_LIKE_SHARE__

نسيتك · 07-03-2011, 09:07 PM

روعـــــــه آلبـــــــآرت قلبـــــــــو

بس شوو آلنهآيــه ولآلآ !!! . . __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM