|
إنضمامك إلي منتديات استراحات زايد يحقق لك معرفة كل ماهو جديد في عالم الانترنت ...
انضم الينا07-04-2011, 03:30 AM | رقم المشاركة : [ 1006 ] |
عضو برونزي | يسلمووووو ضحيووو ع البااارت ونتريااااا البااارت الياي
__DEFINE_LIKE_SHARE__
|
| |
07-04-2011, 03:41 AM | رقم المشاركة : [ 1007 ] |
عضو ذهبي | .
. . لآإآإ مشش آلنهآيه ترى . . لو النهآيه بخبركم = ) ومشكورين ع التشجييع __DEFINE_LIKE_SHARE__ |
| |
07-04-2011, 03:56 AM | رقم المشاركة : [ 1008 ] |
عضو ذهبي | . . . البارت الـ 80 على الساعه 11 الصبح . . محمد يدش القسم الي داخل ويييلس ع طاوله الطعام . . ام خالد : صح النووم ابويه . . جي ما بتروح الدوام اليوم ؟ حمد قالي بتبدون اليوووم محمد : عموه بسم الله عليج . .كل يوم اقولج اني اداوم خلاص وحمد يداوم .. كل يوم تتقولين لي بتبدون اليوم . . من متى بادين فديييتج ام خالد : نسيت يا ابوووويه نسيت محمد : الكبر ششيين ام خالد رفعت عصاها : شوووو ؟ محمد : اقولج الكبر شييين صاير شيبه انا راسي كله يعورني وريولاتي ماروم امشي عليهن ام خالد : هيه تهذرب عن روحك . . محمد : هيه اكيييد ولا انتي شباب عموه وين يبين عليج الكبر سلامه ادش الصاله : هيه ادهن سير امي انته . . محمد مبتسم : ما ادهن سيرها هذا الصدق . . سلامه : صبحج الله بالخير امايا . . ام خالد : صبحج الله بالنور والسرور اميه . . ها شوه النفسيه ؟ باجر بتمجلييين سلامه تنزل راسها : ان شاء الله خير محمد : عنود بسج دلع . . ترى منصور شيخ الريايييل ما يستاهل انج تكونين معبسه فويهه باجر ! سلامه تطالعه ومبتسمه : اسمي سلـامه مش عنود . . امرره القلب عند عنود عنود تنزل : امممحق ! قلبه عند حد ثاني . . ماعليج منه . . محمد يذكر موقف امس ويبتسم . . عنود تبوس راس امها : صباح الخير امايا ام خالد : صباح النور . . ليششش رقاد هالكثر ؟ عنود : وين هالكثر . . توها الساعه 11 حرام عليج امايا محمد : ماطلعت على حريم اول . . ينشون من 5 الفير ويسوون الخبز و الشاي وييلسون ويا الدلال يتريون رياييلهم . .امفففف ع بنات هالزمن . . " يطالع سلامه " وحده ناويه تعبس ف ويه ريلها " يطالع عنود " والثانيه ترمس بدون نفسسّ ام خالد : هيه والله صدقت يا محمد . . عنود تطالعه : لا تخليني اطلع فضايحك . . خل النفس طيبه عليك . . وتقوم بقهر وتسير فوق . . اما محمد تم مبتسم ومتشقق ولاحظت سلامه ونآسته بس ما قالت شي . . . . . روضه : يالله امايا انا رايحه . . ام عبدالله : تبيني اروح معااااج ؟؟ روضه : لا امايا ماله داعي . . الا عياده اسنان بيجلعون لي ضرس وبرد . . تحملي منهم ما اوصيج . . ام عبدالله : سيري وانتي مطمنه . . وراحت عنهم ويا الدريول . . اول ما وصلت العياده ودخلت شافت ياهل ميته من الصياااح ومتشجنه من كثر ما اتصييح وابوها يحاول يدخلها العياده ما اطيع ادش . . وهم مسكرين ع الباب يعني ماشي مجال تخطف وادش . . تمت واقفه تبا الريال يحس ع دمه بس ماشي فايده !!! الياهل : مااااااااااااااااااااااااااابا الريال : بنظف اسنانج الوصخه وبنرد البيت يلااااااا الياهل تصيح : لااااااااااااااا الريال يكلم البنت : كيفج انا بدششششش داخل .. تمي بروحج اهني خلي الحرامي يشلج . . ودخل وخلا البنت مكانها تصيح . . روضه يوم شافته راح صارت صوب البنت وشلتها والبنت ترافس ف روضه وف بطن روضه . . نزلتها روضه وطلعت من شنطتها جوكليت : تبين تاكلين ؟ البنت تطالع الجوكليت ووقفت صياح . . روضه : نروح الدكان تحت ؟ تشتري ايسكريم وحلاو وجبس ؟ تبييين ؟ البنت يت صوبه روضه : اثكريييم واييييد روضه : يالله تعالي اول اندش داخل عشان الدكتور يشوف ضرووسج وبعديين ينظفهم بالفرششاه وبعدييين بنروح الدكان وبنشتري حلاو واااااااااايد . . اوكي ؟ البنت هزت راسها بمعنى انها موافقه . . ودشت وهي ماسكه ايد البينت وكان فويهها الريال واستغرب يوم شاف بنته صاخه وداشه برضاها لا وتبتسم بعد !!! الريال يا صوبهم . . الريال : تعالي ريموه ريموه : مابييك انا . . " وتنخش ف عباة روضه " الريال : عيب تعالي عند بابا !! ريموه اتفل ع ابوها . . وابوها تغير لونه وقفط ما قال شي . . روضه تشل ريموه وتقرب من اذنها : روحي عند بابا عشان هو يوديج عند الدكتور . . انا اخاف !!! ريموه : ماخوفين انا مئاش " لا تخافين انا معاج " روضه تبتسم عـ لسآنها المحيوس : لا انا اخاف .. انتي روحي مع بابا عشان اوديج الدكان ! يالله بسرعه بعدين الدكان بيسسكر . . ريموه : انتي بتلللووحين نفث ماما . . تقثييين علي " انتي بتروحين نفس ماما ، تقصين علي " روضه : لا انا ماروح . . هااتي صبعج " ومسكت صبعها الصغير " وعد . . ريموه استانست ع الحركه . . روضه : شفتي انا قلت وعد . . ويوم انقول وعد لازم نسوي الي نقوله . . وانا قلت وعد بوديج يعني بوديج اكيييييييد . . ريموه سكتت . . روضه : يالله رووحي حبيبتي . . ريموه : انتي بتمين مممممممني ؟؟؟ روضه تبتسم : هيه حبيبتي . . ريموه تروح عند ابوها ومعصبه : يلاا باباا الدكان بيثثثكر .. خل نلووح عند الدكتووور الريال يطالع روضه : مشكوره اختي وماقصرتي . . روضه ما ردت عليه وراحت صوب الرسبشن مره ثانيه وسالتهم متى تدخل وقالولها تنتظر ف غرفه الانتظار وتمت تنتظر . . . . . دشت عذاري البيت لا سلام ولا كلام وربعت فوق حجرتهآ وقفلت الباب وزخت فونها وارتفع ضغطها يوم ما شافت منننننه مسج . . !!! اتصلت فيه سلطان : ألووو . . عذاري : ليش هالحركات ؟؟؟؟ ليش ماتطرششش لي شي وانا قلتلك اطمني سلطان : انتي شفيج بالعه جبريت من الصبح عذاري : تقهرني سلطان وايد تعاندني ومول ما تسمع رمستي ولا حتى اطمني عليك " بنبره حزينه " وايد مقصر ف حقي . .ف كل شي والله سلطان حس انها جد معصبه ومنقهره : انا اسف غناتيه ! عذاري صخت . . سلطان : شفتي ! عشان جي ما قولج كلام حلوو لانج تصخين شرات البقره وتفجين حلجج عذاري : مافج حلجي سلطان مبتسم : انزين ماتفجين حلجج بس تصخين شرات البقره عذاري بعصبيه خفيفه : انا مش بقره . . "بصوت واطي " بقره امك .. سلطان سمع وحول الفون Mute ونقع من الضحك ! ماقدر يمسك روحهه . . هلك من كثر ما ضحك . . عذاري : شيت ليكون زعل . . الووووه ؟؟ سلطان والله ماقصد طلعت بقهررررررررررررر سلطان يخوز الميوت : اصلا ما سمعتج ؟ قلتي شي عذاري تحط ايدها ع قلبها : الحمدلله سلطان مبتسم : احب ارفع ضغطج . . عذاري : انت مش بس ترفع ضغطي " تتحرطم " انتتتت حتى مقصصر ف كل ششي وتقهرر وتعصب فيني لا ووو سلطان يقاطعها : احبج . . عذاري بلعت ريجها وانصصدمت . . : . . . سلطان : مابي اعودج ع الكلام الحلو . . ادريبج مستخفه تحبين هالكلام . . عذاري مبتسمه ومستحيه . : عيدها . . سلطان يبتسم : اعيد شووو عذاري : الـ آحبببج سلطان : اآسسف ! عذاري : المهم طلعت منك " تبتسم " مابي شي ثاني فهالدنيا . . سلطان مبتسم ب حنيه : احبج . . ( فخاطره " ياليتج عندي الحين " ) عذاري تغمض عينها : اوييه ماقدر اتحممل هالكلام . ." بصوت واطي اكثر " بموت . . سلطان " بسم الله عليج . . يومي قبل يومج " : شو هالرمسه الخايسه . . ماحب هالكلمه ّ! عذاري بنبره هاديه : اسسفه والله . . مابعييييييييدها سلطان : . . عذاري : انا مش مستوعبه . . سلطان ينسدح ع السرير : مش مستوعبه شو ؟ عذاري تنسدح وتلعب بخصل شعرها : انك انت الانسان الي شفتك ف بيتنا ومن دريشتي ومن نظره عشششقتك . . من نظره اتمنيت اتكون لي . . تمنيت واااااااااااااااااااااايد . . تمنييت حتى بس تقولي السلام عليييييكم . . لكن الحمدلله " تبتسم " وانت الحييين تكلمني وتقولي احبج . .!! مش بس السلام عليكم . . سلطان حب كلامها بس ماعلق . . عذاري : ساكت ؟ سلطان " احب اسمعج واسمع كلامج " : اسمع هذربتج الي مامنها فايده . . عذاري تقوم وتسير صوب الدريشه : احين انا رمستي مامنها فايده ؟ سلطان يبتسم : . . عذاري : . . . سلطان حس ان سكوتها طول . . ويعرف انها ما تقدر تسكت دقيقه الا اذا شي لفت انتباهها سلطان : شقاعده اتسوين ؟ عذاري : منصور مادري منو مدشش البيت سلطان عاقد حياته : وانتي شلج ؟؟؟؟ عذاري : اشوووووف بس سلطان بعصبيه : تشوفين شووووووووو عذاري بعفويه : اشوف منصور ويا منو يسولف . . ها ربيع يديد شكله اول مره اشوفه ف بيتنا سلطان بعصبيه اكثر : انا مشششششش مالي عينج ؟؟؟؟؟ عذاري الحين حست بعصبيته : شفيك سسلطان ! سلطان : انتي مااااااااااااااااافيج ادب ؟؟؟ مافيييييييج ذره ادرب صح ؟؟؟ عذاري : بلللللل شفيك شسويت انا الحين !ّ!! سلطان بانفعال : ششششششششششلج تشوفين ربع اخوووووووج . . " يسكت شوي " آيووووآآآ عذاري : . . . سلطان : دامج شفتيييييييني وانهبلتي واتخبلتي علي ع قولتج اكيد بتنهبلين وبتحبين من اول نظررره غيري وبند فويهها . . عذاري تمت مذهوله . ! >> شففففيييييييه !! ليش جي سوا فيني . .ليش هالكلام الي قاله " تشوف روحها فالجامه وتلاحظ دموعها الي تنزل من غير ما تحس " اتغاآآر علي ؟ لآآ ما تغآآر . . لو تغار ما بتقوول هالرمسسسه . . " تنزل راسها وتقعد ع الارض حذال السرير " شسويت عسب استاهل هالرمسه ؟ شسويت . . ردت اتصل فيه مره ومرتين وثلاث وعششر ! بس ما رد عليها . . حولت فونها سايلنت وفرته فالسده . . ودخلت روحها بسريرها وانخشت بين المخدات تذرف دمووع ـهآإ . . . . .
__DEFINE_LIKE_SHARE__
|
| |
07-04-2011, 04:31 AM | رقم المشاركة : [ 1009 ] |
عضو ذهبي | البارت الـ 81 . . . روضه تشوف ريموه تربع صوبها . . ريموه : انا خلصييييت . . يالله نلوووووح الدكان . . فهد يتقرب منهم شوي واستحت روضه . . فهد : يالله بابا نروح . . ريموه : لااااااا . " وتمسك ريل روضه " روضه يوم شافت ريموه مسكت ريلها بهالقوه شلتها . . روضه بمستحى ومن غير ما تشوف فهد . . : ممكن اوديها الدكان وارجعها ؟ فهد استغرب . . روضه : انا وعدتهآ ومآبي اكسر بخآطرها . . فهد باستغراب اكثر : مآ يخآلف .! ابتسمت وغابت عن عينه .. فهد : وانا اقول كيف يابت راس ريموه ! " وابتسم " مسكينه . . ماقصرت . . دقايق بسيطه . . وردت روضه ريموه : باااااااااباه شريت حلاااواااااااه فهد يطالع روضه : اسمحيلنا . . اكيد عبلت عليج . . " يطلع بوكه " كم الـ تقاطعه روضه : ماله داعي اخوي ّ! انا الي طلبت هالشي ف ماله داعي . . آآآ عن اذنك. . وتمشي بتروح موعدهآ بس وقف مجابلنها . . فهد : آآ انزين ممكن . . . ممكن روضه حطت عينها فعينه بحيآ مستغربه منه وبنفس الوقت تباه يقوم . . فهد : سسّلامتج .. روضه ما ردت عليه ومشت ودخلت موعدها . . تم فهد وبنته يتريون روضه لين دشت ! ولين طلعت وخذت موعد ثاني . . على طول لحق وطلب من الي فالرسبشن تحجز لبنته بنفس موعد روضه . . ورآح عقبهآ . . . . . تلعب بشعره بدفاشه شوي . . تسحب شعرره بقوه سيف ينزل ايدها : خليييييييييني انام ويتجلب الصوب الثاني مهره تبتسم . . واتم مكانها راقده ع ظهرها وماسكه بطنها . . سيف يصد مره ثانيه صوبها وبصوت تعبان وعيون يادوب تنفتح : حبيبي ؟ مهره تصد له . . سيف : زعلتي مني ؟ مهره : لآآ ليش ازعل ؟ سيف يتقرب منها : حسبالي لاني قلتلج خليني انام . . وشفتج صخيتي مره وحده . . مهره تمسك ايده وتحط ايده ع بطنها : اششش . . اسسمع سيف ما قال شي لفتره ! سيف بصوت عالي : فدييييييييييييييييتتتتتتتتتتها واااااااااعيه يالسسسسه ادقــدق مهره مبتسمه : شوي شوي نقزتها !! سيف : وينها ليش ما ادق الحين مهره تمرر ايده ع بطنها : هكي اهني الحين . . سيف يقوم ويحط راسه ع مكان ما مهره اشرت : هدووووو . . وااعيه ؟؟ قمتي ويانا ماشاء الله هاااه . . مهره تبتسم . . سيف : صباح الخيييييييييير بااااباتي مهره وسيف ضحكو لانها دقت بطن مهره بقوه . . سيف : مش هينه بعد طلعت تفهم . . مهره : شعبآآآلك بنتي هاي مش حي الله . . سيف يقوم من ع بطنها ويشوف مهره ويبتسم : صباح الخير يا حلو . . مهره : صباح الورد ياورد . . سيف : تعالي اهني . . " ويفتح لها حظنه " مهره تسير صوبه بشويش . . سيف : نمتي عدل حبيبي ؟ مهره : انت تخلي الواحد يرقد من شخيرك . .!!! سيف : حرام عليج مهره : والله كنت تششاخر طول الوقت . . يادوب رقدت لي ساعه . . سيف : زيين نامي الحين شو موعنج ؟ مهره : طار رقادي . . سيف يبتسم : نامي نامي . . لا تحاتين بتم حاظنج ما برقد . . مهره تثاوب : اششك . . سيف : نامي خلاص سسسكتي . . . . . على المغرب . . يدق عليها الباب . . منصور : عادي ادششش ؟ عذاري بصوت تعبان : انا راقده !!! منصور : قومي احين بيأذن المغرب !! عذاري : بنش الحين . . منصور : يالله صصلي وجي ونزلي تحت . . عذاري : انزيين . . منصور عاقد حياته وبينه وبين نفسه يقول " غريبه ؟ شو مرقدنها العصر ! " . . . حمد : انت اهني . . محمد : لا اهنآآآك حمد يرد على فونه : آلووو ؟ :: مممرحبآ . . حمد بدون نفس : آهلآ ؟ :: هذا مش تلفون نووره ؟؟ حمد : غلطآنه آخخختي ! وبند فويههآ . . محمد يطالعها : عثثثثثثثثثثره ! هذا اسسلوب الحين حمد يطالعه : كيف تباني ارمس يعني . . " عنود تي وتسمع الحوار . " محمد : يعني شوي " يغمز " بنبره احلى . . حمد : استح ع ويهك . . وحده مغلطه شو ابا فيها محمد عمدآ : ماتعرف تتصرف ياخي . . انا لو دقتلي الحين . . جان من اول مكالمه ضبطتها . . حمد يعطيه فونه : اندووك خذ رقمها وضبطها عنود عاقده حياتها : مش كافييينك الي عندك ؟؟؟؟ بعد تبا ززززززززززياده ؟؟؟؟ وعصبت وطلعت من الفله . . حمد : اوووب اوب . . الله يعينك قام محمد : دعواتك . . حمد مبتسم : الله ينصرك ابن عمي . . لحقها وطلع برآ . . عنود تمشي وطلعت برآ الفله ! محمد : انتي ايه وين رايحه .! عنود ماكانت مكترثه وكملت مششي . . محمد تجدمها بسرعه وجابلها : ع وين ع وين ماشاء الله ؟ انتي وين تتحرين عمرج ؟ ف لندن . . قمتي ولبستي شيلتج وطلعتي بمخور . .جي امي ؟ وين يالسسسين نحن . . عنود : مالك خصصصصصصصصص !!! محمد يبتسم : لو انا مالي خص منو بيكون له خص مثلا . ." يضرب راسها " باجر بصير ريلج . . عنود تنزل ايده بقوه وبعصبيه وبصوت عالي : والله لو باايييييييييييييدي اكنسل هالسالفه محمد ببرود :اي سالفه ؟ يسمونها ملجه ملجه !! عنود : ممممممممممممحمد بلا اسسسسسسسستهبال زايد محمد يبتسم : انتي ليش معصبه الحين عنود : لانك ماخذ كل الامور ببرود وووبمصخره محمد : لا والله ؟ انتي الي معقده الامور عنود : يرضيييييك تشل فوني وتششوف واحد متصل بي اخر الليل ؟؟؟ يرضضضضيك محمد : لا طبعآ ! " ببرود " طراق ع ويهج . . عنود تتصدد يمين : ياااارب عفوك محمد : اذكري الله وردي البيت يالله عنود : خلاص محححححمد خلني !! الفريج آمآآآآآآآآن !! وانا بتمشى صوب البيت شوي وبرد محمد : عرآحتج :. . وعكس دربه وراح عنهآ عنود فاجه عينها : والله رآآح !! رآح مآسوآآآلي سآلفه . . انقهرت اكثثثثثثثر ومشت لين شافت قطوتين يتضاربن ويترابعن ويايات صوبهآ . . مآتت زيغه وركضضضضت وهيه راده صوب البيت . . كانت تركضض وهم يركضضضضضضضون . . ومحمد يمشي بهدوء جدامها . . عنود وهيه تصصصرخ : حموووووووووووود وخر عن طريجي اما محمد جابلها .. عنود وهيه تتقرب وبعدها تركض : قووووم محمد وخر شوي عن طريجها وبعده مجابلنها ومن يت صوبه ع طول رد مكانه ودقت جسمه بالقو وع طول حظنها ورص عليها عسب ما تقوم . . عنود تعض ع شفايفها بالقو : حقييييييييير صدت وشافت القطاو سارو ! قوى محمد قبضته عسب ما تقوم . . : خلج خلج . . عنود تقاومه : قوووم عني محمد بعدها شوي عنه ومسك جتفها : اهـــدي عنود معصبه : مابهدا خووووووووز عني ابتسم محمد وباس راسها . . : اهدي . . افتشلت من حركته وتمت تطالعه بحيره . . محمد : انا متعمد حركت الفون . . ما اقولج الي دقت ما كنت ارمسها . .بلى كنت ارمسها قبل لا احبج . . وودرتها . . ومن قهرتيني ورحتي العرس ! كلمتها واتفقت وياها ع الحركه لا غير . . ثانيا كلامي ويا حمود اخوج متعمد بعد ! من شفتج يايه تعمدت اقول هالرمسه لانه حرتي ما بردت ع سيره العرس ! والحين بما انه تعادلنا ! وقهرتج وحرقت قلبج مثل ما حرقتي قلبي . . ف انتهت اللعبه . . " يبتسم " باجر الملجه ومابيج تكونين مبوزه . . عنود ضربته ع جتفه : سسسسسسخيف محمد مبتسم : مش اول مره تقولينها يعني . . عنود : والله قهرررررررتني محمد : وانتي قهرتيني ! عنود : . . محمد يبتسم : يالله خل نرد البيت . . وبعدين هاي مش سكت ابوج تطلعين فيها جي متى ما تبين . . " يمسك ايدها وما يعطيها المجال ترمس ويمشيها وياه صوب البيت " . . .
__DEFINE_LIKE_SHARE__
|
| |
07-04-2011, 07:07 AM | رقم المشاركة : [ 1010 ] |
عضو جديد | ياااويلــــــــــــــــــــي ما نرووم ع الحبايب يسلمو ع البارت الجناااااااااااااااااااااااااااااااااااان __DEFINE_LIKE_SHARE__ |
| |
مواقع النشر (المفضلة) |
| |
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
وطت رجلي على دربه ولآأ أدري وش نوى فيني ~ | ḎmỒ3 Ảl-Я7eL.. | تصاميم الاعضاء | 7 | 04-14-2012 07:32 PM |
عندمآ نقۈل لآ آله آلآ آلله مآذآ يرد آلله علينآ } | فراشة الشارجة | الإسلام والشريعة | 19 | 02-27-2012 07:31 PM |
لك آلله يآ ردى حظٍ زرع فيني .. [ ثلآث قبور! ]..p!cs +bg | همس العشق | المسنجر وملحقاته , توبيكات , ماسنجر بلس , msn | 7 | 02-13-2011 06:09 PM |
عليًڪٍ الْبالَ مشًغًلنٍيْ .. | آلـῳـولعيه | عدسة الاعضاء , كاميرا الاعضاء | 7 | 01-03-2011 07:45 PM |
مـآت ورسـول آلله [ صلى آلله عليه وسلم ] رآضٍ عـنه .. | » βỊη άℓ đόόŁα « | الإسلام والشريعة | 4 | 12-23-2008 05:19 AM |