لين هني و بس - الصفحة 4

xXx crazy mano xXx · #1 12-30-2008, 10:56 PM

صح كلامج خيتو ,, في مرات يعطونا افكار غلط ,, بس هاذا ما يعني ان الكل جي ,,
في اختلاف بين بنت و بنت ,,

و صح في مشاكل بتصير و كل وحده لازم تتحكم بـ عمرها ,,

و انا يوم كتبت الموضوع ما قصدت اني ما اباهم في بلادنا السالفه مب على كيفي
بس كل الي اباه مكان خاص فينا نحنا المواطنات و حبيت اعبر عن راي و تفكيري

و لي يبا يرد ,, يرد باسلوب بدون ما يجرح اذا انا غلطانه وجهوني و بينو لي الغلط ,, و اعتقد
ان هذا قسم نقاش و في اسلوب للنقاش مو الصراع __DEFINE_LIKE_SHARE__

yamapi · 12-30-2008, 11:03 PM

انــــا ضد هالـقرااار ..

المفروووض الدولــهـ يعني تآخذ آرائنــا على الاقل .. نحن اوولى مفرووض اول شي يلبووون لنــا طلبااتنـا ..

وبعديــن اكيــد الوافدااات بيأثرووون على عاداتنا وتقاليدنـــا

لأن اسلوب حياتهمـ غير عن اسلووب حيااتنـا .. بعض المواطنات بيقومون وبيقلدوونهمـ في وايد اشياء
مثل لبسهمـ .. الخ

المهيــــ/ــمـ هذا رايي
والسمووووووووووحه، منكم، __DEFINE_LIKE_SHARE__

HaPpy FlOwEr · 12-30-2008, 11:19 PM

السلام عليكم ورحمة الله وبركاته

الحين نحن ما عارضنا الناس الل مب مواطنين .. بالعكس نحترمهم ونهتم فيهم .. ونشكر المخلصين منهم .. بس نحن طلبناا في مكان واحد بس .. الحين يا كثر الوافدين من كل مكان تقريبا فالدولة .. نحن قمنا نحس خلااااص ماشي مواطنيين .. صح مب ذمب حد انه نحن شوي .. بس مب جي غطوا علينا .. الحين اذا على سالفة الجامعة يوم انه تقريبا كل البنات معارضيين يدخلونهم مؤقتا ويسوون لهم مبنى ثاني .. الدولة مفروض كانت تفكر في الإحتمالات .. شو بيصير لو سوينا جي .. وياخذون آراء الناس ويحاولون يلقون حل للسالفة ترضي الاطراف أو انه يكون منصف للكل حتى لو ما عييبهم ..

المهم انه كلنا وااااحد وكلنا نااس .. ونحن أكيد بنكون نبا معاملة زينة يوم نسير مكان ثاني .. والدولة ماعتقد قصرت سواء ويا المواطنين ولا الوافدين .. صح انه مب كلللل شي نباه يستوي لأنه مستحيل .. بس الحياة اللي عايشينها نحمد الله عليها .. أتمنى انه محد يزعل من السالفة لأنه مب كل شي ينفهم غلط تخلونه يأثر عليكم .. __DEFINE_LIKE_SHARE__

xXx crazy mano xXx · 12-30-2008, 11:29 PM

انا بقولج اياها تخيلي انتي في بيتج و يكون عندج ضيف طيب و محترم بس انتي مب متقبله وجوده بتستحملينه
بس لين متى بتستحملين
و نحنا بنكون نفس الشي اذا نحنا بنقضي في الجامعه وقت اكثر عن الوقت الي نكون فيه في البيت
نبا نكون في مكان نرتاح فيه نكون فيه على راحتنا
اذا نحنا ما كنا مرتاحين ما بنقدر ننجز الي نباه على راحتنا ,, نبا مكان خاص فينا ,, مكان معروف انه خاص بـ المواطنين
مكان يعبر عنا و عن تفكيرنا
و اذا انتي تقولين نحنا متخلفين و ما نقدر نعيش في هـ الدنيا ,, بقولج عيل كيف نحنا وصلنا للي نحنا فيه الحين ,,
و ليش يالسين نعبر عن افكارنا الحين ,, و اذا جي نحنا متخلفين يعني كل بنات جامعة زايد الي مو متقبلين الموضوع متخلفين ,, ما اتوقع ,, و اذا هاذا رايج ,, انا بعد اقولج لو شو ما صار بنقدر نعيش و بنعبر عن نفسنا بكل الطرق الي نقدر عليها __DEFINE_LIKE_SHARE__

زهور 2007 · 12-30-2008, 11:53 PM

المشاركة الأصلية كتبت بواسطة xxx crazy mano xxx

انا بقولج اياها تخيلي انتي في بيتج و يكون عندج ضيف طيب و محترم بس انتي مب متقبله وجوده بتستحملينه
بس لين متى بتستحملين
و نحنا بنكون نفس الشي اذا نحنا بنقضي في الجامعه وقت اكثر عن الوقت الي نكون فيه في البيت
نبا نكون في مكان نرتاح فيه نكون فيه على راحتنا
اذا نحنا ما كنا مرتاحين ما بنقدر ننجز الي نباه على راحتنا ,, نبا مكان خاص فينا ,, مكان معروف انه خاص بـ المواطنين
مكان يعبر عنا و عن تفكيرنا
و اذا انتي تقولين نحنا متخلفين و ما نقدر نعيش في هـ الدنيا ,, بقولج عيل كيف نحنا وصلنا للي نحنا فيه الحين ,,
و ليش يالسين نعبر عن افكارنا الحين ,, و اذا جي نحنا متخلفين يعني كل بنات جامعة زايد الي مو متقبلين الموضوع متخلفين ,, ما اتوقع ,, و اذا هاذا رايج ,, انا بعد اقولج لو شو ما صار بنقدر نعيش و بنعبر عن نفسنا بكل الطرق الي نقدر عليها

قصدي عن المتخليفين كانت انه نحنا بعدنا على هالموضوع .. فى واايد اشياء يستحق نقاش و تباه أفكار أكثر منه مهمأ ..صحيح أكثر البنات فى الجامعه ما قاعدين يقبلون هالفكره .. بس فى الاخير لازم يقبلون .. بالغضب..انتى ما تقدرين تتركين الجامعه بي سبب هالشي ..صح .. بس فى بنات عندهم هالموضوع عادى .. لانه فى اشياء أكثر مهم منه .. و ربي يوفقج فى دراستج .. __DEFINE_LIKE_SHARE__

مشاهدة نتائج الإستطلاع: توافقون على وجود طالبات غير مواطنات في جامعة زايد
اوافق	12	33.33%
لا اوافق	24	66.67%
المصوتون: 36. أنت لم تصوت في هذا الإستطلاع