طلعه لمخيمنا والعشاء مندي دجاج .

محروم.كوم · #1 08-06-2010, 08:00 PM

بسم الله الرحمن الرحيم

يوم الخميس والكل مصيف قلنا نصيف حنا على ذوقنا في مخيمنا في مدنية الرياض اتجاه طريق القصيم وبعد المشاوره من الي يبي يطلع وش تبون العشاء رسينا اخيرا على مندي دجاج .

طبعاً بدينا في تبهير وتنظيف الدجاج في البيت وتتبيله تتبيلة المندي الي ماتخفى على الجميع بهارات مشكله وزعفران وكركم وكلاً على حسب ذوقه .

وهنا نرص الدجاج في الحافظه على شان يحتفظ ببرودته ويبقا طازج ويتتبل زين

طبعا وصلنا للخيام وكنا بعد صلاة المغرب لان الجو كان حار في العصر ولا كان اخذت لكم كم صورة للمخيم بس خيرها في غيرها
وبدينا في شب برميل المندي على شان يستجمر وتظبط علومه

وبعد ماشبينا وخلصنا واستجمر الجمر حطينا الدجاج في شبك المندي وحطينا قدر الرز تحته ونزلناه للبرميل وغطينا البرميل بغطاه وجبنا خيش مبلل وفرشناه فوقه وبعدها دفناه زي مانتم شايفين وبعدها رشينا على الطين ماء على شان يكتم الحراره واعذروني لاني نسيت تصوير طريقة وضع الدجاج والرز في شبك المندي ولاكن بنشوفه بعد خروجه

وبعدها رحنا وجلسنا وتقهوينا وفي انتظار الوقت ينتهي .

وهنا بعد ماتركناه لمدة ساعه تحت لهيب الارض الله يكفينا شرها وشوفو شكله قبل مانطلعه من برميل المندي

وهنا صورة الشبك شاريه من السنيدي و طبعا ثلاثه ادوار الدور الاول يوضع فيه القدر وبعده دورين لوضع الدجاج او الحم يعني ياخذ كميه كبيره من الدجاج او الحم

وهذا شكل الرز قولو بسم الله ماشاء الله لاتعورنا بطونا ههههههههههه

طبعاً الرز نكشن له ونزبط بهاره وملحه ونظيف له ماء بمقدار اربعه الى خمسه صانتي فوقه والماء يكون حار وهذا اهم شي .

وهنا وزع ياموزع ويديكم ياربع

شكل واحد من الصحون قبل نسف مايحتويه

وفي الختام تقبلو تحياتي وان شاء الله اعجبكم المندي والمره الجايه ان شاء الله يكون مندي هرفي وننقله لكم .

__DEFINE_LIKE_SHARE__