منتدى استراحات زايد - طلعه لمخيمنا والعشاء مندي دجاج .

بسم الله الرحمن الرحيم

يوم الخميس والكل مصيف قلنا نصيف حنا على ذوقنا في مخيمنا في مدنية الرياض اتجاه طريق القصيم وبعد المشاوره من الي يبي يطلع وش تبون العشاء رسينا اخيرا على مندي دجاج .

طبعاً بدينا في تبهير وتنظيف الدجاج في البيت وتتبيله تتبيلة المندي الي ماتخفى على الجميع بهارات مشكله وزعفران وكركم وكلاً على حسب ذوقه .

http://up.7cc.com/upfiles/ZnP05589.jpg

وهنا نرص الدجاج في الحافظه على شان يحتفظ ببرودته ويبقا طازج ويتتبل زين

http://up.7cc.com/upfiles/CQR05590.jpg

طبعا وصلنا للخيام وكنا بعد صلاة المغرب لان الجو كان حار في العصر ولا كان اخذت لكم كم صورة للمخيم بس خيرها في غيرها
وبدينا في شب برميل المندي على شان يستجمر وتظبط علومه

http://up.7cc.com/upfiles/gmX05590.jpg

http://up.7cc.com/upfiles/w3c05591.jpg

وبعد ماشبينا وخلصنا واستجمر الجمر حطينا الدجاج في شبك المندي وحطينا قدر الرز تحته ونزلناه للبرميل وغطينا البرميل بغطاه وجبنا خيش مبلل وفرشناه فوقه وبعدها دفناه زي مانتم شايفين وبعدها رشينا على الطين ماء على شان يكتم الحراره واعذروني لاني نسيت تصوير طريقة وضع الدجاج والرز في شبك المندي ولاكن بنشوفه بعد خروجه

http://up.7cc.com/upfiles/0Ru05591.jpg

وبعدها رحنا وجلسنا وتقهوينا وفي انتظار الوقت ينتهي .

http://up.7cc.com/upfiles/OBN05592.jpg

وهنا بعد ماتركناه لمدة ساعه تحت لهيب الارض الله يكفينا شرها وشوفو شكله قبل مانطلعه من برميل المندي

http://up.7cc.com/upfiles/FwT05774.jpg

http://up.7cc.com/upfiles/yCm05775.jpg

وهنا صورة الشبك شاريه من السنيدي و طبعا ثلاثه ادوار الدور الاول يوضع فيه القدر وبعده دورين لوضع الدجاج او الحم يعني ياخذ كميه كبيره من الدجاج او الحم

http://up.7cc.com/upfiles/dHG05776.jpg

وهذا شكل الرز قولو بسم الله ماشاء الله لاتعورنا بطونا ههههههههههه
http://up.7cc.com/upfiles/con05776.jpg

طبعاً الرز نكشن له ونزبط بهاره وملحه ونظيف له ماء بمقدار اربعه الى خمسه صانتي فوقه والماء يكون حار وهذا اهم شي .

http://up.7cc.com/upfiles/rJi05777.jpg

وهنا وزع ياموزع ويديكم ياربع

http://up.7cc.com/upfiles/1It05777.jpg

شكل واحد من الصحون قبل نسف مايحتويه
http://up.7cc.com/upfiles/ISi05930.jpg

وفي الختام تقبلو تحياتي وان شاء الله اعجبكم المندي والمره الجايه ان شاء الله يكون مندي هرفي وننقله لكم .