ماهي غريبه

فديتني عنيده · #1 06-26-2010, 07:01 PM

ابيات قريتها حبيت اجيبها لكم

تَعَبت أشيل الهَم عنّك وأداريك
وإنتَ همومي ثقلَهَا ما يهمِّك

لا يا حبيبي .. الزمن لا يخليك
تقسى على قلبي وتسقيه سِمِّك

دنياك هذي , لا تغيِّر مباديك
مهما إستطعت الظلم إعدل بحكمك

ما هي غريبه من يذمِّك يماشيك
لكن غريبه يمدحك من يذمِّك !!

ما كل واحد غاب معناه ناسيك
بعض البشر ينساك لو كان يمِّك

أدري تعزني .. اله يعز غاليك
وإن كان لي عندك معزَّه بضمك

في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك

إسمك حبيبي ويا كثِرها أساميك
وقلبي يفز .. لا جابوا الناس إسمك

ليتك تحس في ضيقتي يوم أحاتيك
أحرق لك أعصابي .. وما حَس دمِّك

غايب بدون أعذار .. ربِّي يجازيك
عطني سب مُقنع حبيبي .. وألمك

همِّك , جنونك , ضحكتك , كل ما فيك
صوتك , سكوتك , وأرجع أقول: همِّك

طيشك , عنادك , لما تزعل وأراضيك
ترسم ملامح ضحكتي .. وتمحي رسمك

[ لبيه ] منِّك غير .. لمَّا أناديك
كن الكلام العَذب ... مرساه فمِّك

مهما غلوك قلوب ناسٍ حواليك
أغليك أكثر منِّهُم بس .. لعلمك

أبوك , خالك , إختك , أخوك , ماضيك
ربعك ، جميع الناس , وعيال عمِّك

شايف غلاهم لِك .. أكثر أنا أغليك
والِّي وِصَل ( نِص الغلا ) يمكن.. أمّك

تحياتي لكم __DEFINE_LIKE_SHARE__

ღشمـوس دبـيღ · 06-27-2010, 03:52 PM

تسلمين ختيه ع القصيده
كلمااتهاا واايد حلوووه

ربيه يعطيج العافيه __DEFINE_LIKE_SHARE__

الرهيب القطراوي · 06-29-2010, 08:44 AM

يسلمو يااختييي
فديتني عنيده

كلمات روعه صح لسان القائل
وسلمت ايادي الناقل
وننتظر المزيد
وتستحقين التقيييم لحسن الإختيار
&&&
إخواني الشعراء واخواتي الشاعرات مشاركاتنا
في هذا القسم بالقصائد النصيه والمسموعه والخواطر
تضفي عليه النور
انا ابدوي ثوبي على المتن مشقوق
مــثل الجـبال السـمر صبري ثـباتي
& الودعاني عاشق الريان &
__DEFINE_LIKE_SHARE__