قصة مكالمه خطيب مع خطيبته

فديتني عنيده · #1 06-29-2010, 06:31 PM

يبتلكم قصـة الصرـآحة عـيبتني وـآيد

وان شآآء الله تآخذون العبره لو شوي منهآآ

رن جرس الموبايل للمرة الخامسة وردت عليه الخطيبة:

ـالــخــطــيب:
أعتقد أنا انسان مو ***** تطنشيني وماتردين على تيليفوناتي.!!

ـالــخطيــبة:
رد السلام في الاول وبعدين نتفاهم.

ـالــخــطــيب:
شو راح يكون عذرج يعني بتقولين كنت نايمة ولا قاعدة مع أمي وخواتي.

ـالــخطيــبة:
الله يسامحك تتهمني قبل ما تسمع مني.

ـالــخــطــيب:
بصراحة الأمر واضح بدون ماتوضحين..ليش ماتردين على تيليفوناتي اكيد كنتي مشغولة مع غيري ما كنت فاضية لي؟

ـالــخطيــبة:
بصراحه فعلا كنت مشغولة مع غيرك.

ـالــخــطــيب:
منو هذا اللي ماخذ عقلج وكل تفكيرج لدرجة ما خلاج تردين على تيليفوناتي؟

ـالــخطيــبة:
بصراحه يوم أكون معاه أنسى الدنيا وما فيها فلازم ياعزيزي تعذرني.

ـالــخــطــيب:
وبكل وقاحة تقولين هذا الكلام جدامي وحنا بعدنا مخطوبيين فلو تزوجنا شو كنتي بتسوين؟

ـالــخطيــبة:
الله يسامحك ما في داعي للغلط مادمت انا ما غلطت عليك.

ـالــخــطــيب:
كل هذا وما غلطتي..تطنشين تيليفوناتي وماتردين علي 4اتصالات طول اليوم ويوم رديتي الحين تقولين يوم أكون معاه أنسى الدنيا وما فيها كل هذا وما غلطتي؟

ـالــخطيــبة:
هذا ماحصل فعلا كنت مشغولة معاه وما قدرت ارد على تيليفوناتك.

ـالــخــطــيب:
الظاهر ما راح نقدر نكمل هذي العلاقة فخليج مع اللي كنت مشغولة معاه واللي فضلتيه علي.

ـالــخطيــبة:
جزاك الله خير هذا أحسن شي سويته.

ـالــخــطــيب باستغراب:
ليش انتي فرحانة لفصخ الخطوبة ومنو هذا اللي ضحيتي فيني علشانه؟

ـالــخطيــبة:
أنا فرحانة لان اتصالاتك الأربعه اليوم كشفت لي شيء خطير يبعدني عنك ويخليني أصمم على فصخ الخطوبة.

ـالــخــطــيب باستغراب:
ممكن تفهميني أكثر.

ـالــخطيــبة:
انت اتصلت فيني اليوم الساعة 11و45دقيقة ظهرا والساعة3و45 عصرا والساعة 6و30 المغرب والساعة 8مساء وهذا هو اتصالك الخامس اللي تكلمني فيه

ـالــخــطــيب:
شيء عجيب انج تتذكرين حتى ساعة الاتصال بكل دقة.

ـالــخطيــبة:
أتذكرها لأنها الأوقات اللي أكون فيها مشغولة مع الي أحب واللي أنسى كل شيء من أجله وبذات يوم أكون معاه في هذي الأوقات..وأنا الأن فرحانةلأني اكتشفت انك مشغول عن من هوأحق بانشغالك به،تحب تعرف أنا مع من كنت؟

ـالــخــطــيب:
منو معاه؟

ـالــخطيــبة:
كنت مع الله،لأنك كنت تتصل فيني في اوقات الصلاة الوقت اللي أكون فيها منقطعة عن الدنيا وما فيها،وأنا ماأقدار أرتبط في انسان لاتربطه صلة بالله.

أغلقت الخطيبة التيليفون بوجه خطيبها بعد أن قررت الابتعاد عنه.

تحياتي لكم __DEFINE_LIKE_SHARE__

أنفآسِك أنـا · 06-29-2010, 06:59 PM

نايس الطرح
يزاج الله الف خير
بانتظار اليديد __DEFINE_LIKE_SHARE__

تابوت الحرب · 06-30-2010, 11:50 AM

زين سوت فيه

اكتشفتها قبل ماترتبط فيه
يسلموو على القصه الي فيها عبره __DEFINE_LIKE_SHARE__

رييييمووو · 07-06-2010, 08:18 PM

القصـــٍـه ؤـأـأيد حلوة

ومشكؤؤره حبوبه عالقصه الحلؤوة __DEFINE_LIKE_SHARE__

عكوكه · 07-06-2010, 09:00 PM

,
.
يمكن هو كآن طآيش ,
بس كآن بيدهآ تقدر تغيره باي طريقه وتخليه يحافظ ع صـلآته , : )

بس مش بهالطريقـه الانفصاال ,
بس الصراحه القصه جمييله وفيهآ مووعضه ,
,
وربي لاهآنج
ونترقب الزوود , __DEFINE_LIKE_SHARE__