||*|| مااااعندنا بنات يسووقن ||*|| - الصفحة 7

نوافي · 08-19-2008, 01:57 PM

السلام عيكم ورحمه الله وبركاته

صدقت ياهبوب الهوى كلامك صحيح في الاخير هي حريه شخصيه وعلى حسب تفكير الشخص

ماشاء الله ماقصرتوا كلكم على الردود مابقيتم شي لي .....

بالنسبه لموضوع السواقه شحصياً ماحسه مهم يعني ماتفرق معي سقت ماسقت والحمدالله دولتنا مانعه السواقه وانا اعتبرها نعمه من رب العالمين مدري ليش الاعلام مسوي ضجه وحنا مرتاحين .

بالنسبه لموضوع العمل اذا هو رفض اشتغل مافيه اشكاليه لاني احب الاعمال الحره هاذي نعمه ثانيه وللله الحمد الاعمال الخاصه احسن يعني جت منه احسن شي .

وفي الاول والاخير هــاذي حـــريـــات شــــخـــصـــيـــه تختلف من انسان لانسان اخر

تقبلي مروري

اختكم / نـــوافـــي __DEFINE_LIKE_SHARE__

SiLenT.HearT · 08-19-2008, 02:08 PM

بالنسبه لي بوافق

بس اذا احتينا فلوس ومعاش ريلي مايكفي بوقف وياه وبشتغل وبقنعه بهالشي

وبساعده ....

انا عن الليسن ما احب اسوق لاني خوافه بالرغم وامايه واختيه اتسوق __DEFINE_LIKE_SHARE__

اللؤلؤة · 08-20-2008, 10:38 PM

مرحبا أختي عيوز كشخة

موضوعج روعة

إذا ياني معرس وقال مافي سواقة ولا شغل أول شي بيغمى علي
ههههههه لا شو أسولف

أنا خذت الليسن بطلعة الروح وسقت عقب سنة ونص بعد ما خذيته وبعدني ما اعرف اسوق عدل (لووول)

أنا احترم الرأي الاخر بس ما ظنيتي اترك السواقة بالنسبة للشغل انا12 سنة بالمدرسة وعذاب الدراسة ومازلت اصارع دراستي الجامعية وعقب هذا كله يقولي يلسي بالبيت!!!!! ما أتخيل,,,

إلا في حالة وحدة إذا كان ريال زين ويستاهل أني اسوي جيه عشانه وغير جيه

مستحيل ولا يمكن...

أختج اللؤلؤة __DEFINE_LIKE_SHARE__

أفضل شاعر · 08-20-2008, 11:42 PM

السلام عليكم

للأسف نقولها رقم انها من افكار القدماء .. انها فكره خاطئه وغبيه !!

الرسول يحثنا ورب العالمين من خلال كتابه الكريم واحاديث رسولنا صلي الله عليه وسلم يحثونا على عمل المرأه وان يكون لها دور كبير في المجتمع والعالم المحيط بها .. اذا كانت هي فقط للوالده وتربية الأطفال اذا مالفرق بين الأن وزمن الجاهليه ؟؟

ولو تكلمنا ورمسنا عن مجمعنا حنا .. اتصور البنت او الحرمه بدون ليسن بيكون الامور صعب كثير لها .. احياناً البيت مايكون به ناس يسوقون لانه اغلب الريايل في الدوامات يعني لو حد مرض ولا صار به شي منو الي بيوصله المستشفى؟ واشياء كثيره وكثيره

انا مع ان البنت تشتغل وتاخذ الليسن وبقوه بعد .. كلنا نكمل بعض والريال مش كل المجتمع

تحياتي لصاحبة الموضوع

الشاعر __DEFINE_LIKE_SHARE__

(****) · 08-21-2008, 12:57 AM

السلام عليكم ورحمة الله وبركاته

ولو تكلمنا ورمسنا عن مجمعنا حنا .. اتصور البنت او الحرمه بدون ليسن بيكون الامور صعب كثير لها .. احياناً البيت مايكون به ناس يسوقون لانه اغلب الريايل في الدوامات يعني لو حد مرض ولا صار به شي منو الي بيوصله المستشفى؟ واشياء كثيره وكثيره

الشاعر كفا و وفا بس بضيف شي بسيط بانه لو في شخص يسوق في البيت والبيت هذا فيه فوق 9 اشخاص

اللي في الكليه واللي في الجامعه واللي يشتغل وكلهم اوقاتهم متعارضه وين بيودي عمره بيوصل منو والا منو ؟

حد الصبح وحد المسا بصراحه انا وحده اسوق وسواقتي طلعت بسبب هالضغط والتعارض في الاوقات

من غير مواعيد ومستشفيات الوالده + اغراض البيت

ادري بانه ها مب محور نقاشناا بس لانه في هالزمن صارت السواقه والشغل من أساسيات الحياه والدنيا ما عادت شرات الاول

لاكن السواقه والشغل مب من أساسيات ( الزواج ) ربنا ما قال جيه

اذا جاءكم من ترضون دينه و خلقه فزوجوه مب مشكله السواقه والشغل دام هو بيتكفل بكل شي يعنيني

وان كان هالشخص يستحق باني اتنازل له عن هالشي وقادر على متطلبات الحياه

ما عندي مانع بكرس نفسي له وللبيت ^_^ وانا عارفه بانه الشيبه بيكون من اول المناصرين له هع

والسموحه عالاطاله ^_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
هروب بنات من فوق سور المدرسه - بنات آخر زمن	سَوّافْ	هواتف , مسجات , وسائط , برامج , ثيمات , نغمات , بلوتوث	243	11-10-2009 04:44 PM
بنات العالم الا بنات الامــــارات	راعـــ الــحــب ـــي	الشعر المنقول	23	09-21-2009 02:06 PM
بنات الأمس ....و....بنات اليوم...الله يستر....حياكم......	الرهيب القطراوي	المواضيع المكرره	3	06-04-2009 05:37 PM
.. الهيبة في بنات[ بريدة] والزين في بنات [ العين ] ..	( همس الليالي )	الحوار والنقاش - الرأي والرأي الآخر	2	12-14-2008 11:11 PM