~•¤¦[ غلطانه اللـي تعشـق اليـوم رجـال ]¦¤•~

بنت الـحـمـايـل · #1 02-04-2008, 11:16 PM

اليوم لك ثــانـي مــــــع راحـة البـــــال
وانا بعـد همــــــي لــه اليـوم ثانـــــــي..

اليـوم تاركنـي اناظـــــــر بـالاطـــــلال
صورة,, رساله ,,حلم ,,جرح واماني !

ليلي قضيتـه بـــــيـن هـمٍ وغربـــــــــال
واقول في نفسي حبـــــيبـي نسانــــــي!!

غنيت انا عقبك من الضيـق مـــــــــوال
يومك تسمـع للطــــرب والاغانـــــــي!!..

لي دمعةٍ من فوق الاوجـان تختـــــــــال
يومـك تلاعـب مترفــــات المبانــــــــي..

وبي عبرة منهـا المخــــاليـق تهــــــتـال
ياعبرتـي لاتفضــــحينـي عشـانــــــــي! :

ياعبرتي خلي لـك الصـــــدر منــــــزال
لاهوب بـك داري ولاهـوب عانــــــي!!

مشغول له في ترفة حالهـــــــا حـــــــال
:ماهوب فاضـي لعبرتـي او جنانـــــي!!

في يوم واحد نستـه كـل الامـــــــــــال!!
وش عاد لو يدري بشـوق غـــشانــــي؟؟

ماهوب مثل اول هذاك الغـــــــلا زال!!
عزاه كيـف الـود زال بثوانــــــــــــي؟؟؟

اربع سنينٍ طوال ياكيف تنـــــــــــزال؟؟
وتحط في قلبك هنـوف مكانـــــــــي؟؟!!..

ماكنت اظنك تجحـد الـود لا طـــــــــال!
اثرك على طريـف وتبينـي اعــــــــانـي!

قد قالـوا ان البعـد والــصـد قتــــــــــــال
وانـا اشهـد انـه علـة بـــالــــمحانـــــــي!!

يومي اشوفك لابس بشت وعـــــــقال!!!!
والشارب الاسـود وزول ســــبانـــــــــي..

وعروستك من الحيا ترخـي الشـــــــــال:
( وترسل لها بسمـه تزيـد امتحــانـــــــي

دمعي بلا علمي على وجنتي ســــال!!!!
اشتقت لـك ليتـك تــــحـس بحـــــــنانـــي..

ليتك تشوف الحال يامتلـف الحـــــــــال!!
بس التفت لي شـوف شالله بلانـــــــــــي..

نصيتها تضحـك لهـا لاهـــيٍ ســـــــــال،،
واقـول ياليـــتـه حبيبـي نصانــــــــــــي!! :

(اللــــه يادنيـا التعاســــه والاهـــــــــوال،،
اللــــــه يســـتر وش يخـبـي زمانـــــــــي..

غلطانه اللـي تعشـق اليـــــوم رجـــــــــال:
(مهـــــــما حلـف بالــــــود يبقـى انانــــــي..

وقلــــب الرجـــــل مابه من الحــب مثقـال!!
والبنـــــت ترفـه قلبـــــــــــهـا مايــــــدانــي :

حاولت اعبر والقـــــلم في يــــــــدي مــال،،
مـــــن هول مابـــي انعقـد بـي لســــــانـــي

..>> ياويلها من الشباب << .. __DEFINE_LIKE_SHARE__

ظبيــانــي متــعالـــي · 02-04-2008, 11:39 PM

صــح الســـانـج ياختــيه..واعتلـى شانج...

ختــيه حبيــت اقولج..

ان مثل ما رب العالمين خلق للبنات قلـب..تراه خلقه لنـا نحن بعـد..والحمدلله على هذي النعمه...^^

واصابـع ايديج هـب سوى...

ومشكوووره عالقصيــده السنــعه^^

ربـي يعطيج العافيـه

ونرقب اليديد والمميز...

تقبلي مروري..

اخوج...

ظبيــانــي متــعالــي..

^^ __DEFINE_LIKE_SHARE__

ж شـمـوخ عـراقـيـه ж · 02-05-2008, 12:06 AM

,,:[ السلام عليكم ورحمه الله ]:,,

صح لسانج واعتلى شانج

سلمت يمينج على الكَصيده الي تعكس الواقع

ومثل ما قال خوي ظبياني تراه أصابع يدج موب سوى

وان شاء الله محد"ن" يكون غلطان في حبيب أختاره

ومنوره الاستراحه بطلتج .. وحروفج

بس ليه طلب

يوم تنزلين شي اذكري اسمج تحته

ولو كان موب لج نزليه في قسم الشعر المنقول واكتبي تحت اسم الشاعر

او الكاتب

والسموحه ع قصوور

تقديري واحترامي

خويتج

.+ شـمـوخ عـراقـيـه +.

__DEFINE_LIKE_SHARE__

يتيم الحب · 02-05-2008, 12:27 AM

اربع سنينٍ طوال ياكيف تنـــــــــــزال؟؟
وتحط في قلبك هنـوف مكانـــــــــي؟؟!!..

وقلــــب الرجـــــل مابه من الحــب مثقـال!!
والبنـــــت ترفـه قلبـــــــــــهـا مايــــــدانــي

يبتيها ع الجرح والعوووووق وربي أحلى مقطع الصـــراحه عيبني طرررررررررررررررر بطرشه مسج هههه.. ^_^

حللللللوة والله وقويه بس هب كلهم في شباب ضميرهم ميت ماعندهم قلب ولا احساس وفي العكس والله في شباب قلبهم رهيف وعاطفي أكثر من البنات حتى ... أصابع ايدج هب سوا الله خلق وفرق والمحبه مقسومة بين الناس بس بمستويات وبنسب ..

لاتحرمينا من كل يديد ^_^ .. __DEFINE_LIKE_SHARE__

Ŀάмάя · 02-05-2008, 12:43 AM

صح لسانج الغلا ^^

يسلموووو .. رووووعه القصيده

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ما أصعـب أن تعشـق شخص وأنت تعلم انك لن تكون له.........	بنت الاوغاني	الإستراحه العامة	12	06-29-2009 10:28 PM
عندمــا تعشـق الشوكــلاته }ْ~	عيناويه دلوعه	عدسة الاعضاء , كاميرا الاعضاء	25	02-03-2009 05:23 PM
~•¤¦[ غلطانه اللـي تعشـق اليـوم رجـال ]¦¤•~	الحل الصعب	شعر و خواطر	3	07-07-2008 09:33 PM
][®][^][®][ لمـاذا تعشـق النسـاء الشوكولاتــه ؟؟! ][®][^][®][	مزروعيه بطرانه	فن المطبخ والطبخ	11	01-28-2008 10:00 AM
غلطانه اللي تعشق اليوم رجال ..مهما حلف باالود يبقى اناااني	‏غرور اماراتيهـ	الشعر المنقول	6	01-16-2008 10:53 PM