السلام عليكم...اخواني وخواتي.

لاحول ولاقوة الا بالله ..اللهم اجرني في مصيبتي واخلفني خيراا عنهاااا...يااااااااارب منك الصبر


مااعرف شوو اقووول ولا من وين ابتدي ..تخنقي العبرة قلبي يعورني وعيني


تدمع دم فكري مشرد وعقلي مو معاي مااصدق اللي صار والله مااصدق .انا


ربيع يتيم الروح بالروح وياه ف الجامعه .. يتيم حالته خطييييييرة ومرقد ف المستشفى ..وااااااايد تعبان

والدكاترة يقولون حالته خطيرة وراه عملية صعبه ف الراس ... دخيلكم ادعوله بالشفاء والله عمري ماشفت بمثل

طيبة قلبه ريال يخاف ربه وسمعته مثل المسك راعي صلاه ودين والله مايستاهل

اللي صار له مايستاهل... ..اللهم اني لااسالك رد القضاء ولكني اسألك اللطف


فيه ... ادعوا له عسى الله يشفيه ويعافيه ويرد لنا بالف صحه وعافية وراه



جامعة وهو خريج .. اللهم رب الناس اذهب الباس اشف انت الشافي لاشفاء الا


شفاءك شفاء لايغادر سقما. والله ماتستاهل يعله في عدوك

الف سلامه عليك اخويه والله يصبرنا ويصبر اهلك .... ادعووووله اخواني واخواتي ومااوصيكم بهالدعاء


انزلوا تحت ,,,








اللهم اشف انت الشافي




الاشفاء الا شفاءك .. شفاء لايغادر سقما






















وهالدعاء الثاني .... واللي عنده يزيد








[img][/img]













































لحظة وين ساير: شكرااااا لقراءتك الرساله كنت مع برنامج صادوووووووه كذبة ابريل ههه



لحظة وقف مكانك ...وحده وحده ... حبه حبه عشان استوعب What Did you say man ???!!!!!!!!



كذبة ابريييل ؟؟؟؟؟؟ من وين ظهرت هالكذبة ؟؟؟؟؟ ومن وين اخترعتوها .....!!!!! ومتى الكذبة صارت تتلون بالوان كذبة بيضة وخضرا وحمرا

وسوده ...؟؟؟؟؟؟؟؟...... وين عقلكم

حرااااااام عليكم تتفاولون علي او على غيري زين ماكتبتوا اني ميت .... وياكم

يتيم وهذا جزء من مسج وصلني من ناس حبوا يسوون فربعي واهلي مقلب وانا كنت

الضحية... بالله عليكم مالقيتوا غيري .... يعني انتهزتوا فرصة وجودي ف

المستشفى عشان هالجذبة ...وحليلها الوالدة انقبض قلبها اشوف اليوم موبايلي نقع من كثر الاتصالات واثري دازينلها هالمسج ومروعينها ......... لا وشوفوا العبط والغباء ... ههه هالمسج دار على كل حد وردوا طرشوه لي... في واحد غبي نسى اني انا المقصود وطرش لي هالمسج اول ماقريته دمعت وتضايجت وقمت ادعي وبعدين استوعبت انهم يقصدوني (( هب من شي المرض ومايسوي ههه غديت مصرقع وغبي عقلي خفيف ماافهمها ع اطاير ككك ))هه والله انقهرت .......... فديتني توني بعز شبابي وراي وظيفة وكرسي وزاري يترياني لوووووووول وهذولي يتفاولون علي ... واذا ع المرض فالله هو الشافي منه الداء ومنه الدواء سبحانه ....

وايد تضايجت ولا عمري فكرت اسويها لحد ولا بفكر حتى حطوا عماركم مكاني شو بيكون موقفكم او موقف اهلكم وحبايبكم ؟؟؟؟ .. اخواني خواتي ...

الكذب من آيات المنافق والله سبحانه حذرنا منها لما فيها من ترويع وتخويف للناس وتشاؤم ... ولعب بمشاعر الناس

... تخيل انت تسوي هالمقلب يمكن في ناس ماتستحمل هالمزاح ... وتصدق

وتتعب وياما ناس ترقدوا ف المستشفى ويالهم انهيار عصبي وماتوا والسبه

مزحه ثقيله وسخيفه اللي موت عمره واللي فقد وظيفته واللي سوا حادث .واللي جتل امه وابوه واخته .. وتزوج وطلق ههه ليش كل هذا خلصن النكت والمقالب يعني ؟؟!!!...ليش دوم نربع ورا الغرب في كل شي ماتعرفون انه الله سبحانه حرم هالكذبة لما فيها من تشبه وتقليد للانصار واتخاذ الكذب مصدر للضحك والتخويف ؟؟!!

الله سبحانه قال:
(( إنما يفتري الكذب الذين لا يؤمنون بآيات الله وأولئك هم الكاذبون))
والرسول صلى الله عليه وسلم قال : دع الكذب ولو كنت مازحا ...

ليش نقلد الغرب في كل شي .. فلنتاين .. جذبة ابريل .. واحتفال راس السنه ... ليش ؟؟؟ بالاسم نحن مسلمين !!! خافوا الله ياجماعه وتوبوا الدنيا فانية والآخرة هي دار القرار ...



السموحه اذا سببت لكم اي ازعاج او مغثه ... حبيت اطرح هالموضوع اللي غثني اليوم على طريقتي واراويكم اللي صار لي والله انا بروحي قمت اصيح على عمري ههه من الصدمه بعدين استوعبت ... ربي يحفظكم ويهديكم .. وداعة الله