مشاكل متعدده في باترول 95 ،،،آمل الافادة

محروم.كوم · #1 08-23-2012, 02:40 PM

اخوتي الكرام
معي باترول من شهر تقريبا وماشي معي تمام ولكن فيه عدة أمور حبيت استفسر منكم عنها وياليت الاقي منكم التجاوب كما عهدناه دائما:

المشكلة الأولى: اليوم الصباح طفيت السيارة عند محل عشر دقايق وجيت أشغلها الا وما تشتغل ولا تدق سلف مع ان البوري شغال تمام وفيه كهربة واصلة حتى ان صوت الجرس اللي ليا دخلت المفتاح في السويتش شغال بس القزاز ما يشتغل ( كهرباء ) ولا المسجل ولا أي شيء ثاني. يعني بالمختصر يفر السويتش بوش. حتى صوت الطرنمبه ما سمعته ولا صوت السلف. والبطارية ما أدري هل هي ضعيفه أو لا بس أعتقد انها تمام .... ملاحظة أنوار الطبلون اذا فريت المفتاح ما تولع واذا حركت مجموعة أسلاك تحت الدركسون تولع اللمبات وبعدها تشتغل السيارة.........؟؟؟؟

المشكلة الثانية: صوت طقطقة مع تشغيل الدبل وخاصة اذا شديت عليه حتى لو الكفرات ماشية سيده بدون ما الف لا يمين ولا يسار فهل هو الجنزير وكم يكلف وهل شد الجنزير حل جذري له ....؟

المشكلة الثالثة: تهريب بين المكينة والقير فإذا كانت الصوفة الخلفية للمكينة فكم تكلف؟ مع الاجور؟

المشكلة الرابعة: صوت قربة مع المطبات الله وكيلكم كأني في صندقه مو سيارة والمشكلة القربة كلها من داخل السيارة مافيه قربعة تحت الا حاجة بسيطه فوش الحل فيها ... هل مثلا اذا فكيت ديكور الابواب بألاقي أشياء أشدها بنفسي أو لا مع العلم اني حطيت شطرطون على أقفال المراتب كاملة ولكن لا فائدة؟؟؟

المشكلة الخامسة: اذا شغلت المكيف والسيارة واقفة أو اذا اسرعت على السيارة حول 160 تبدأ الحرارة ترتفع وكأنها تبي توصل للنصف ووقتها أما أطفي المكيف اذا كنت واقف أو أهدي السرعة اذا كنت ماسك خط وتنزل الحرارة الى الشرطة الثانية من تحت.

المشكلة الخامسة: ضعف العزم بقوووووه وخصوصا مع تشغيل المكيف مع العلم ان البلوف يبي لها وزن لأن الموتر موضب قبل 6 شهور تقريبا. وتسمع صوت البلوف كأنه سيارة ديزل. وهل للوزن علاقة بالحرارة يعني لو حطيت وزن البلوف 30/20 هل ستختفي الحرارة مثلا ويزيد العزم...؟

والله يا جماعة الخير أدري اني كثرت عليكم ولكن الله يجزاكم خير مالنا الا انتوا بعد الله في الرد على الاستفسارات ... والله يحفظكم ويرعاكم. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجو الافادة متى الديلكو الالكتروني يحتاج تغيير باترول بخاخ 96	محروم.كوم	منتدى أخبار المواقع والمنتديات العربية والأجنبية	0	06-22-2012 02:00 AM
مشاكل باترول يمكن مرت عليكم ~	محروم.كوم	منتدى أخبار المواقع والمنتديات العربية والأجنبية	0	05-21-2012 01:10 AM
عندي عدة مشاكل بسيارتي باترول فتك 2003	محروم.كوم	منتدى أخبار المواقع والمنتديات العربية والأجنبية	0	05-15-2012 12:00 PM
بشأن باترول 83 ارجوا الافادة	محروم.كوم	منتدى أخبار المواقع والمنتديات العربية والأجنبية	0	08-31-2011 08:50 AM
تكفون يالربع عندي مشاكل فموتري باترول ربع2009	محروم.كوم	منتدى أخبار المواقع والمنتديات العربية والأجنبية	0	06-22-2010 03:10 AM