#poem_5034f9e7bb969 td {font-family: Arial, Helvetica, sans-serif;font-size: x-large;font-weight: bold;} راح الشهر والعيد بالامس راح وماعاد باقي ننتظر غير الدراسه ونقوم نصبح بين حزنٍ وافراح ومن نظرتك للشخص تعرف احساسه ومن قام صلى الفجر اكيد مرتاح وجاه الفطور وكيّف الشاي راسه ومن نام عنها عنده ابليس ماراح وقام يتخابط يلتفت ضيع الطاسه وانشدك وادري عنك فارس وجرّاح واللغز واضح ما يبي زود وفراسه واللغز له صاحب وفاهم ولمّاح معروف عند اهله وربعه وناسه كم لغز لي ثابت وواقف ولانزاح حتى الى ذا اليوم نبته وغراسه وكم لغز لي روّح مع هبة رياح وكم واحدٍ لغزي هدّه وحاسه مطلوبنا لك وصف والوصف لاح والوجه غير الوجه لونه وعباسه ان شلت عنه الراس ماني بوضاح وان شلت عنه الذيل كم حي داسه وان جيت تقرا عكس فالعكس طاح ثلاث منهو عد حرفه وقاسه