#poem_5029b6130dd1c td {font-family: Tahoma, Verdana, Arial, Helvetica, sans-serif;font-size: large;font-weight: bold;} يارجل سجيبي عن الهم والضيق مادامت الدنيا لأبو زيد وذياب والحال ساترها ولي المخاليق ماعشت بالمنه ولا برت باصحاب نفس معنزها بروس الشواهيق مالي وراء العالم مشاريه وعتاب وانا كما طيرٍ بليا مسابيق يصبح ابمرقابٍ ويمسي بمرقاب لابان نجم اسهيل لأمرح ولاليق مثل السجين اللي وراء درفة الباب صبرت لين ازريت واليوم ماطيق راع الولع لو قال ابا توب ماتاب لامسيت في جوّن لعشبه زماليق على تهو نون لبرقه تعقراب سويتلي صفراً على النار وابريق واخذتلي من لذت الكيف ماطاب من بعد سوقه للوجيه المطاليق اللي سوالفهم رفيعات وعذاب فرعت باللي ماتشبرق تشبريق واليا اعترض من دونه الخرب ماهاب حرٍ مضاريبه تفج المغاليق من ماكرن دونه مهامات وهضاب حرشٍ اكفوفه والمناكب مفاهيق تقول شيخٍ قانتله ابمحراب اشقر اليا منه صطرها بتعليق يسوى من الدنيا بلا قيد وحساب تقول معطيني كنوز ومواثيق وامرن يفوضني على عتق الارقاب والصيد ولعه والمراجل توافيق ولاتاتي الارزاق من دون الاسباب