ضرابه بين عيوز وشايب

حمامة · #1 01-01-2008, 12:42 PM

[align=center]

الشيبــــــــــــــــــــــه:

قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب

العـــــــــــــــــــــيوز:

ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك م المس .. والاّ ترى باطب ويهك بالتراب

الشيبـــــــــــــــــــه:

إنتي عيوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العيــــــــــــــــــوز:

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

الشيبــــــــــــــــه:

دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العيــــــــــــــــوز:

بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب

الشيبـــــــــــــــــه:

فكيني من ويهك ترى مالي أي نفس .. زهقان من شوفك وابغي لي أحباب

هذا طلاقك طالقه اربع وخمس .. شلّي طلاقك من ضميري بلا احساب

العيـــــــــــــــــوز:

مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشيبــــــــــــــــه:

يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب
العيــــــــــــــــوز:

مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب

[/align] __DEFINE_LIKE_SHARE__

.: الـشـامـخ :. · 01-01-2008, 05:22 PM

يسلموا عنقل __DEFINE_LIKE_SHARE__

المتفيـ ج ـة · 01-01-2008, 05:24 PM

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

كشخـه .. خخخ ..
تسلمين ختيه على هـ النقل ..
ونرقب الزود من صوبج ..

.. .. __DEFINE_LIKE_SHARE__

εïз~اَلِمَيّث}● · 01-01-2008, 06:59 PM

السـلام عليكم ورحمة الله وبركاته

[ صح لسان شوابنا ]

يعلنيه ماذوق حزنهم خخ

الصراحه طرر القصيده

ربي يعطيج الف الف عافيه ع الطرح الطر

ونترقب اليديد من جداج

السموحه ع القصور البادر منيه

اختكم

الميث

__DEFINE_LIKE_SHARE__

حمامة · 01-01-2008, 08:21 PM

يسلموووووووو عالمرور الطيب^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بدور ما نبي ضرابه .. هاع	حفيدت يدتها	تراحيب وتهاني	16	12-05-2009 08:42 PM
°•.¸° هل رفقتك *** وسادة وكأس دموع °•.¸¸.°	حمامـ الوادي ــة	الإستراحه العامة	12	10-23-2009 01:46 PM
وسادة تصحيك من النوم..!!	محروم.كوم	منتدى أخبار المواقع والمنتديات العربية والأجنبية	0	06-25-2009 01:10 PM
وصاخة الدنيا /~	الفيلسوف}~	عدسة الاعضاء , كاميرا الاعضاء	36	07-14-2008 05:11 PM