إرجَعْ وشُوفْ| المَدِينَة | منْ فَرآقَـكْ " كِيفْ صَآرَتْ }

جَ ـوِريّهِ · #1 08-11-2012, 05:41 AM

منقول للكاتبه لاموني في حبك

^
^
^
^
^
^
^
^
^
^
^
^
^
^
^

البارت [ 1 ]

•●{...ما ينجبر قلــــب علـــى قلـــــب..
مــــا دام قــلبــك مـــــا هوانـــي...}●•

•●{...لا حبــــك أول وآخــــر الحــــــب..
ولا انته الوحيد اللي في زمانـــي...}●•

•●{...صــحيــح لــي شــرواك ينحــب..
حســن وأخــــلاق ومعانــــــــي...}●•

الساعة 5 : 30 العصر

كانت قـآعده ف الحديقه اللي في بيت عمها وهي تدقق ف ملامح ولد عمها لآنه يشبه أخوها وآيد وما وعت الا على صوت ولد عمها [ زايد ]
زايد بعصبية : إييه انتي اشفيج جي اطالعيني شو ما تستحين على ويهج
شما وهي منزلة رآسها وبصوت مرتجف : انا ما سويت شي
زايد : لا والله , عيل طول الوقت اطالعيني هذا بالله عليج شو تسمينه .؟!
شما : ما شي بس تذكرت اخوي الله يرحمه { وبدت تصيح } بصوت بنسمع بس خفيف
زايد : لا حول بدت الياهلة تصييح
شما رفعت رآسها ~> آكره ما عندها يقولون لها يآهلة : انا يـآهلة هاه ,عيل انت شو تطلع ويا فيسك تقول جنه بعييير ومدت لسانها وعلى طول راحت الصالة

~> التعريف

ابو جاسم : طيب لدرجه ما تتوقعونها وهو معروف بين الناس انه كريم وطيب .
ام جاسم : اللي يشوفها يقول انها صغيرة , طيبة لـآبعد الحدود وتحب عيالها وعيال الغير وتدور مصلحتهم

جاسم : هو البجر وسيم وطيب وحبوب عمره 30 سنه متزوج وحده اتعرف عليها بالشغل اسمها [ لمياء ] , عندهم ولد عمره 3 سنين { راشد } وبنت عمرها 6 شهور { شما } .
زايد : كلمة حلو شوي عليه يطيح الطير من السما , كل البنات طايحين عليه جسمه رياضي وعيونه وساع وعسليات وهو احلى وآحد فيهم عمره { 24 } سنة بس مشكلته بسرعة يعصب وكله يصرخ وما يهمه حد .
مريوم : هاي الانسانه كريهة [ تكره شموه ] لـآن شموه احلى منها بوايد يعني تغار منها وهي رآعية شباب وخرابيط عمرها { 20 سنه }
فطوم : هاي البنت عجيبه وحبوبة وطيوبة حليوه بس مو احلى من زيود وتموت ف شموه يعني هم ربيعات وحبيبات وبنات عم وهي دلوعة ابوها لـآنها آخر { العنقود } عمرها 18 سنة .

~> اكيد بتقولون منو شمـآ .؟!!

ابو رآشد : اخو ابو جاسم طيب وحنون مثل اخوه ويحب عياله { الله يرحمه }
ام راشد : طيبة وحبوبة وما شاء الله عليها وسيمة وهي لبنانية { الله يرحمها }
راشد : هو البجر طيب حلو بس مب وايد يعني جماله رباني عمره 24 سنه كاان ربيع زايد [ الله يرحمه ]
شما : هالانسانة وآيد غامضة حبوبة حليوه شعرها طويل ما شاء الله لونه بني فاتح ع امها وعيونها وساع لونهن [ سود ] ورموشها كثاف وطوال تحب اليهال وآيد وتدخل القلب من آول مرة وهي دايما مع فطوم عمرها 18 سنه .

| انزين شو سالفة هالعايلة |

الله يسلمكم كانوا رآيحين دبي وهم ف السيارة كان رشود يسوق وعداله ابوه وورا امه وشما انزين كان يتكل‘ـم ف الفون وما انتبه للطريق وصار لهم حادث وجي بعدين جاسم كان عنده شغله ف دبي رآيح ف الطريق شافهم وطلب الاسعاف يوم وصلت الاسعاف [ رشود والام ] توفوا واللي بقا الابو وشما لحقوا عليهم ودوهم المستشفى , شما الحمدالله ما فيها شي بس جروح بسيطة اما الابو يوم كشفوا عليه طلع فيه سرطان من قبل وبعد كم اسبوع مـآت لانه ما يصير يتعالج لأنه من زمان طالع له هالسرطان وما تعالج من قبل , فهي الوحيدة اللي بقت فرآحت تسكن مع عمها لـان ما يصير تسكن بالبيت بروحها والبيت اجروه

••

وهي تركب الدري بسرعة عسب زايد ما يمسكها والكل كان قاعد ف الصالة ما عدا الابو لانه طالع برع
مريم : خيبة تخيبج كسرتي درينا
شموه طاف
فطوم : شو فيج شموه ليش جي تركضيين ..؟!
دخل زايد : وينها .؟ شافها وعلى طول راح وراها ومسكها من اعلى كندورتها المخورة
ام جاسم عصبت : هدها هد الله رآسك
زايد : نعم سيدة شما عيدي اللي قلتيه توه
شما : آسفة آسفة ما بعيدها مرة ثانية والله ما بعيدها
فطوم بت تدافع عنها : وليش ان شاء الله وتخصرت شو مسويه حبيبة قلبي .؟!
مريوم : يعني شو سوت غير انها عكرت مزاج زيود صح .؟! وابتسمت
زيود يلف عليها : هيه صح
ام جاسم : انزين هدها لا تمسكها جي بعدين هي محرمة عليك لا تلمسها
زايد بابتسامة ممزوجة بالحقد والكره وهو { يهدها } وهو يقول بصوت خفيف محد سمعه غير شما : ما عليه بعد كم شهر بتصير حلالي وبخطبها من ابوي صح شموه .؟ وغمزلها
شما بصوت عالي : شووووووووووووووووووووو
ام جاسم + فطوم : شياج ...؟
شما : لا ماشي

وعلى طول راحت فوق غرفتها دخلت وقفلت عليها الباب تصيح على حالتها ../~ من وين تبدأ من حياتها ولا من زايد ومريوم ولا من مستقبلها المخيف مع { زايد } ومـآ حست الـآ ح’ـد يدق الباب
دق دق دق دق دق دق دق دق
شما وهي تمسح دموعها : منو ..؟
.................. : __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
تــ ع ــَالْ وشُوفْ في ع ــينِيً غِيابكْ وشْ عَ ــمَلْ فيني !	بنت الشيبه	هواتف , مسجات , وسائط , برامج , ثيمات , نغمات , بلوتوث	32	06-22-2008 01:34 PM