إرجَعْ وشُوفْ| المَدِينَة | منْ فَرآقَـكْ " كِيفْ صَآرَتْ }

جَ ـوِريّهِ · 08-11-2012, 05:47 AM

البارت [ 6 ]
••
يسمون نفسهم عششاق .!*

يحب يومين ويشتاق .!*

واذا زعل هو بليله بروحه بس ينوي الفراق .!*
هذاك يحب , هذاك يعاني . هذاك حبي خلاني .!*

منو المجني و منو الجاني .!*
عشاق الوقت شي ثاني .!*
يسسمون نفسهم عشاق ما يدرون عن هوى العششاق ..~*!*
••

شما مستغربة من تصرفاته : شكراً سكرت الباب
زايد : يلا عطيني يدج
شما : شحققه ...؟!
زايد بضحكه استهزاء : اونه يعني نحب بعض وجي
شما نزلت راسها
زايد سحب يدها وشبك يدها بيده ودخلوا داخل [ استقبلتهم مرييوووووم ]

••

مريوم : هلـآ بالطش والرش وماي الورد ف الغرش هلا والله بأخوي الغالي
زايد اونه زعلان : هلأ فيج , افـآ لييش ما ترحيب حق الغالية مرت الغالي
شما انحرجت وابتسمت
مريوم رافعة خشمها ومب من خاطرها : هلا والله بالغالية
شما مستغربة مب هاي مريوم اللي تعرفها : هلا فيج حبيبتي
يت فطوم : كلولوليييييييييييييييييش امس من دونج البيت مب حلو
شموه بوثوق : ادري ادري خخخخ ورآحت تسلم عليها
مريوم بصوت خفيف محد سمعه غير شما : لزووم الثقة
شما طالعتها وقالت ف خاطرها : هيه هذي مريوم اللي اعرفها
ودخلوا داااخل قعدوا ف الصالة يسولفون , شما فصخت عباتها لأن جاسم مب موجود , مرت كم ساعة يسولفون بعدين تغدوا و خلصوا
زايد : يلـآ شموه قومي فوق بنرتاااح
شما : لا انا بيلس شوية عند البنات
زايد طالعها بنظرات تهديد
فقالت : اوكككي
ام جاسم : على وييين تو الناس
شما : انـــ ~> قاطعها زايد : والله تعبانييين وبنريح شوية ومسك يد شما
ام جاسم : روحوا الله يحفظكم
راحوا فوق غرفتهم , اول ما دخلوا الغرفة شما هدت يدها وراحت انسدحت على السرير بترقد
زايد : جوفي انا بطلع برع وانتي جهزي الشنط
شما : وين بنسسيييير
زايد : مالج خص

شما بوزت
زايد بيطلعت وكانه تذكر شي لف عليها : إذا بترقديين لا ترقدييين جي لـآن الفستان بيعذبج , وابتسسم وطلع
راحت شما قفلت الباب : بسسم الله من متى نازلة عليه العطف والحنية { ان ششاء الله دووم ~> رآحت جهزت الشنننننط

بدلت ثيابها لبست كندورة مخورة لونها تفاحي ووردي فاتح وحطت الشيلة على كتفها احتياط وحطت كحل تفاحي خفيف وروج pink فاتح ورشت عطر وخذت الـ bb مالها وطلعت راحت الصالة شافت عمتها يالسة يدام التلفزيون
شما : السسلام وعليكم
ام جاسم : وعليكم السلام ورحمة الله وبركاته ..~ شو اخبـآرج حبيبتي ..؟
شما : الحمدالله بخير عموه
ام جاسم تنهدت : الحمدالله يا بنتي تحققت وصية المرحوم كبرتي يدامي وصرتي عروس الكل يتمناها
شما استحت : الله يرحمه ويغمد روحه الجنة .. إلا عموه وين فطوم ومريييوم ..؟
ام جاسم : مريوم برع ف بيت ربيعتها .. وفطوم ف غرفتها
شما : اهـآ
ام جاسم : الـآ وييين معرسنا
شما ابتسمت : طالع برع

دخل زايد : انا هنيييي
شما ابتسسسمت : ولد حلال
زايد : يلا اعترفوا كنتوا تحششون فيني ولا ..؟
ام جاسم : لا بس كنت أسألها عنك
زايد : يلا شما اجهزي بنطلع
شما وهي تقوم : ان ششاء الله
شما وزايد : عن أذنج وراحوا فوق [ ف الطريق ]
شما : انا برووح عند فطوم بسولف معاها شوي وبعديين برجع اوكي
زايد : انزين بس ما تتأخرين فاهمة ولـآ
شما : ان ششاء الله ما بتأخر

وراحت غرفة فطوووم
شما : طق طق طق طق طق طق
فطوم : ادخلي
شما وهي تفتح الباب : هلا
فطوم يالسة يدام التسريحة : اهلييين
شما : شو تسوييين .. مشغووولة ولا اظهر ..؟
فطوم بمللل : ما شي ملانة توني متسبحة ~ لا مب مشغولة
شما يلست ع السرير : اها
فطوم راحت عند شما : انزين اخبارج بعد ..؟
شما بضيق : تمام الحمدالله وانتي ..؟
فطوم : يعله مديم يا ربي .. انا الحمدالله بخيير ~> بعدين ليش جي احسج متضايجة من شي
شما : لا مب متضايق ولا شي .. يعدين لو متضايجة بقول لج كل شي مب انتي حبيبتي وبينت عمي وكل شي
فطوم ابتسمت : هيه صح
شما : انا بروح بجهز عسب الحين بنروووح المطار
فطوووم : مب عشان بتروحون المطار ,, مشتاقة حق حبيب القلب ها
شما شلت المخده وفرتها على ويهها : جب جب ~> وطلعت
فطوم : هههههههه وراحت تنشف شعرها

••

[ ف غرفة شموه + زايد ]
شما وهي تفتح الباب : سلـام
زايد : وعليكم السلام { وهو يطالع تلفزيون } روحي اتجهزي
شما : اوكي

راحت لبست برمودا وقميص لونه سماوي وفيه دبدوب لونه وردي فاتح لبست عباتها وسوت شعرها تسريحة بسيطة بس مرفوع كاملة ورسمت عيونها حطت بلاشر وقولس خفيف ولبست شيلتها ولبست كعبها وخذت شنطتها .
شما : انا جاهزة
زايد : اوكي يلا ~> كان لابس قميص كت [ حفر ] وكاب , كان القميص بارز عضلاته وطلعوا الشنط وقفلوا الغرفة ونادوا الخدم عسب يشلون الششنط
زايد بنبرة امر : يلا ست شما عطيني يدج
طالعته شما فألتزمت بالهدوء ومسكت يده ,, ونزلوا الصالة
ام جاسم وهي تمسح دموعها : والله وكبرتوا يدام عيني والحين بتروحون
رآح زايد لوى على امه وباسها على يدها وراسها : شحقه كل هالدمووه نحن رايحين كم اسبوع وبنرجع
ام جاسم بدت تهدا : والله مب مصدقة امس كنتوا يهال تلعبون ف الحديقققة
زايد وشما [ ضحكوا ] مع بعض
راحت شما سلمت على ام جاسم : يلا عمووه مع السلامة ولوت عليها { وسلمي على فطوم ومريووم }
ام جاسم ابتسمت : يوصل حبيبتي ,, يلا ف حفظ الرحمن
زايد + شما : مع السلامة ~> طلعوا والخدم وراهم عسب الشنط

••

التوقعات :
1. مريوم صدق ف بيت ربيعتها ولا ..؟
2. زايد + شما وين بيسيروون ..؟
3. لين متى بيتموون يمثلون يدام خلق الله ..؟
4. محمد ما طلع ف البارت تتوقعون وينه ..؟
5. شو رايككم بالبارت ..؟ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
تــ ع ــَالْ وشُوفْ في ع ــينِيً غِيابكْ وشْ عَ ــمَلْ فيني !	بنت الشيبه	هواتف , مسجات , وسائط , برامج , ثيمات , نغمات , بلوتوث	32	06-22-2008 01:34 PM