ودي أنتحر والله

محروم.كوم · #1 08-04-2012, 06:10 AM

أولآ موضوعي هذا ما أطلب فيه مساعدات لا مادية ولا معنوية ولا عينية ولا شيء
بس ودي أفضفض

أنا أبوي متوفي وأنا الولد الوحيد ولا عندي لا عم ولا خال ولا جد ولا جده ومسئول عن 10 نساء
من عمري 11 سنه وأنا رجال البيت وشايل المسئولية ولا عمري بحياتي إشتكيت لأحد
كنت أشتكي للحيوانات اللي عندي إذا حسيت الكون ضاق فيني أو أحد بالمدرسة أو من الحارة ضربني أروح للسطح وأجلس
أضرب الحيوانات وأحط حرتي فيها حياتي كلها أهلي وأمهاتي الثنتين والله زوجت خواتي وأنا بعمر 15 سنه
جلست جنب الشيخ وملكت لها وجلست جنب العريس بالزواج
تركت المدرسة وأودي مدارس ومستشفيات وأضيع بكباري الرياض وأوقف وأبكي
من مات أبوي الله يرحمه بالسرطان والدنيا ما تسوى بعيني شيء
والحمد لله زوجت كل خواتي وبعد مرور السنين إكتشفت إني ما سويت لمستقبلي شيء لا شهادة ولا فلوس ولا صديق ولا قريب
والله إن كل أصدقائي تركوني لأنهم يتصلون ولا أرد ما ابغى أطلع من البيت أخاف يبغون شيء وإنسحبوا واحد ورا الثاني لين تركوني
والله شيبان يعزموني واذا صارت عندي عزيمة يجون يقولون مشتاقين لك
ذبحت الضحية وأنا عمري 14 سنه لولا ستر الله كان الذبيحة هي اللي ذبحتني
أهلي يحسبون عندي فلوس وعلى بالهم أبيع واشتري بالسيارات وأنا بايع سيارتي يوم عملية أمي ومن وقتها أستاجر
ولا عمري قلت ما عندي شيء وهذا الشيء اللي تعبني وقالوا نبغى نرمم البيت قلت أبشروا وأكلم صديق للوالد ودق صدره وكفلني في بنك التسليف وأخت 30 ألف ويالله كملت الحمامات ووقفت الشغل وصارت هالثلاثين هم وقسط علي وزاد الطين بلـه
ما قدرت أتوظف لأن أمي معها مرض وكل مواعيدها الصبح واليوم اللي ما عندها موعد بيكون فيه روحه للطواريء
أقسسسسسسم بجلال الله كل ما توظفت اليوم اللي اوقع فيه عقد تدخل امي العناية المركزة
أنا مليت من نفسي ما مليت من أهلي
أشوف كل من حولي أصغر مني ضباط ومهندسين ودكاترة وأنا أحب الدراسة وأعشقها وأمنيتي إن عندي إخوان وانا أدرس برا
والناس مالهم الا الظاهر ليه ما تتوظف ليه ما تتوظف وأنا والله تعبان نفسيآ من هم البيت والمسئوليه والطلبات اللي ما تخلص على بالهم عندي فلوس مره رمم البيت مره نبغى نسافر مره ليه ما تتزوج وعلى بالهم انا جالس على كنز وكل هالسبب لأني ما عمري قلت ما عندي او مديت إيدي لأحد لين ناظرت عمري إلا أنا عمري 25 سنه لا وظيفه ولا زواج وديون توصل لل 80 ألف وقسم بجلال الله ياليت الدين لي
أو اشتريت سيارة أو سافرت أو لعبت فيه على الأقل أدري إنه لي وأتحمل اللي سويته ما بين عملية أمي والسيارات اللي أروح وأجي عليها ومن بين بنك التسليف اللي ما استفدت منه وأنا والحمد لله أصلي ولا عمري مديت يدي للحرام ولا عمري كلمت بنات أخاف الله يبلاني بخواتي ولا عمري سافرت برا ولا شربت مخدرات وأنا أشوف كل اللي من حولي وأصغر مني ضباط وراعين سفريات وحفلات بنات وأغليهم عيال خواتي

وأنا أطيع ربي وأختم القرآن وأصلي ما قدرت أجيب قيمة عشوة أبوي قسم بالله ودي أنتحر بس خايف على أهلي مالهم غيري __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فيديو بر الوالدين مؤثير جدا اداء الفنان الكبير المعتصم	♕ وليد الجسمي ♕	اناشيد وصوتيات ومحاظرات ومقاطع دينيه وصوتيات ويوتويب اسلامي,	0	10-14-2011 12:18 PM
منتجر برامج MeeGo لكل منتظر N9	محروم.كوم	منتدى أخبار المواقع والمنتديات العربية والأجنبية	0	08-30-2011 12:10 PM
مساعدة \|\|\| ألي بيساعدني والله لا دعيله دعاء والله \|\|\| جهازي فيه مشكله وابيلها حل	محروم.كوم	منتدى أخبار المواقع والمنتديات العربية والأجنبية	0	04-28-2009 08:10 PM
والله والله والله أتمنى أن يحصل كل سعودي على أعلى الوظائف	محروم.كوم	منتدى أخبار المواقع والمنتديات العربية والأجنبية	0	04-22-2009 09:30 AM
اللي ينقلوون المواضيع والله موضوع مهم جداا مهم والله مهمم بسررعه ادخلوو...والله مهم	سَوّافْ	الإستراحه العامة	88	07-15-2008 05:36 PM