اعترافات جريئه وحقيقة مؤلمه والكل يعترف بصراحه حياكم معاي ؟؟ - الصفحة 15

,,SwaN}~ · 03-28-2008, 04:52 PM

انا الله يسلمكم

من كنت صغيره كل حد كان يقول عني اني اكبر عن عمريه

يعني عقلي سابق عمري بوايد

خخخخ

فطينه وتفكيري اكبر عن سني

المهم

الله يسلمكم يوم كنت صف ثالث يعني تقريبا كان عمري 9 سنين

في وحده في صفنا الله يعافي السامعين كانت في صفنا

كانت شوي عندها تاخر فكري يعني استيعابها اقل عن عمرها حليلها

ممم من اول السنه شفتها ويا امها

امها يت صوبي وخذتني عصوب وكلمتنيه

تخيلوا شو قالت لي

قالت لي حنان هاي اختج ومحتايتنج تساعدينها

بغتني يعني الازم بنتها يعني جنيه مسؤوله عنها

قالت لي شوفيها في الصف علميها خليها تكتب لانه مرات ما تدري

متى تكتب ومتى ما تكتب

المهم يعني اكون وياها واساعدها

قلتلها ان شاء الله ولا يهمج

كانت امها وايد طيبه ما انسى ويهها

وبالفعل كنت دوم ويا خلود اللي هي البنيه اللي اطريها

واساعدها واعلمها كل شي خص العلوم والرياضيات لانه كانت ما تستوعب بسرعه

وكانت مها تعزمني في بيتهم وتسويلنا اشيا حلوه وعرفتني على اختها

وحتى ابوها كان يحبني ^^

كنت فرحانه اني اسوي هالشي سبحان الله مع اني كنت ياهل

بس كنت احس اني اسوي شي زين

في مره طلعت عيني وهي مب طايعه تفهم هههههه

كنت ابا افهمها مساله في الرياضيات وهي تلعب ومش مركزه

جان اعصب عليها قلتها افففففف منج ركزي ركزي

والابله كانت يالسه في الصف وتصحح حق البنات المسائل

وانا تاخرت وما ويدت المساله لانه كنت اساعد خلود

حليلي اغمض هههه عاد من داخلي مسكينه ممقهوره على عمري

لاني كنت شاطره ودوم احل المساله اول شي هههههه

ودوم الابله تحط لي رقم واحد ونجمه لانه احل بسرعه

بس هالمره ما قدرت بسبة خلود فتنرفزت حليلي ياهل مهما يكون

المهم الابله حست اني زعلانه وهي تعرف بسالفتي ويا خلود

واني اساعدها لانه امها موصيتنيه عليها

جان تزقرنا الابله انا وخلود وقالت لي شو بلاها خلود؟؟

قلتلها مب طايعه تركز وانا تاخرت في الحل بسبتها

وخلود مسكينه صاحت لانه اول مره اصارخ عليها ههههه

قالت لي يلا ما عليه انتي اختها وهي مش قصدها تاخرج ما عليه سامحيها

ههههه حليلي جان اسر واحبها عراسها جيه واقولها خلاص لا تصيحين

انا اسفه .. جان تضحك الابله وتقولي هيه هاي حنان اللي اعرفها .. حرمه هههه

ههههه عمركم شفتوا حرمه عمرها 9 سنوات ههههههههه

هاي انا ههههههه

بصراحه ما انسى هالشي ولا انسى نظرة ام وابو خلود لي يوم يشوفوني

كنت احس اني سويت شي كبير وافرح

هذا اعتراف افتخر فيه ولا يمكن انساه

احينه ما اعرف وين خلود ولا شو صار فيها

كملت دراستها ولا لاء ومنو يساعدها

اتمنى اشوفها في يوم من الايام ان شاء الله

وبث

^___^ __DEFINE_LIKE_SHARE__

ږآڦپـﮧ بڜمْۈבֿــها}~ · 03-28-2008, 04:57 PM

ههههههههههههه
اعتراااافاتكم حلـــوه

اعتـــرف انه
مـــحد حــــاس فيني^^ __DEFINE_LIKE_SHARE__

,,SwaN}~ · 03-28-2008, 05:01 PM

ههههههههه

شو هالاعتراف عذبة المنطوق

الله كريم

بس والله مب انتي بس

حتى انا عندي هالشعور

خخخخ

نفس الاعتراف

^___^ __DEFINE_LIKE_SHARE__

ږآڦپـﮧ بڜمْۈבֿــها}~ · 03-28-2008, 05:46 PM

ههههههههه

هيه الله كريم خلاص تعودت شوتبيني اسوي

اعــترف ان

عـــزتي شـــامخه ومااذلها لاي انسان^^ __DEFINE_LIKE_SHARE__

secret code xxx · 03-29-2008, 04:47 PM

ههههههههه صرااااااحه اعتراااافاااتكم كشششخه

انااااا بقووولكم عن سااالفه.......هاذااااااك اليووووم كناااااا سااايرين انا ويا البنات السينما و كانت ايام المسيرة بس كنا في ابوظبي ومن الزحمه وصلنا الساعه عشر فليل جاااان البنات بغن يشوفن فيلم رعب نص الليل قلتلهن انا هب سايره بس كانت بنيه يايه عندنا اول مرة فعشان خاطرها دخلت و الفيلم كان وايد يروووووووووع و طبعاااان ماشي بنااات في السينمااااا الاااااا اناااا و ربيعاتي و الباقي كله شباب و من كثر ماالفيلم كان يروع فانا يالسه اصااارخ بصوووت عاالي في السينماااا بدون ماحس انا وين و عند منو والشباااب في السينمااا و ربيعااتي يضحكون عليه وانا عاد اتفشلت و استحيت و يوم خلص الفيلم جان اشرد بسرعه و خليت البنات ورايه و انا في الدرج المتحرك جان اتخرطفت و طحت على واحد من الشباااب عاد هو ماصدق قاام يلااحقني و عاد نا خفت و دقيت حق ربيعاتي و قلتلهن الحين بصالحكن بس يوم بوصل البيت انا بكلمكن

و ثاااااانكس __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
انت معاي ومنت معاي جام عيني مو شايفك	غاوية شغب	تصاميم الاعضاء	5	04-08-2010 02:03 AM
شكرا لكل الي تعاملوا معاي....حياكم في جديدي من بعد اساور الميني عقال	محروم.كوم	منتدى أخبار المواقع والمنتديات العربية والأجنبية	0	02-23-2010 02:20 AM
معاد ينفعك العذر لو تعذرت .... حياكم ......	الرهيب القطراوي	شعر و خواطر	7	11-14-2009 10:48 AM
ادخل ولا تتردد(( أسئلة صريحه ,حزينه , جريئه , عاطفيه ,مؤلمه ))	‏ღ قـلب خقـاق ღ	الحوار والنقاش - الرأي والرأي الآخر	14	05-16-2009 01:14 AM
اعترافات جريئه وحقيقة مؤلمه والكل يعترف بصراحه حياكم معاي	yaqoob	المواضيع المكرره	1	07-23-2008 11:33 AM