رد على موضوع العضو OnLiNe OnE

محروم.كوم · #1 08-02-2012, 10:10 AM

صباحكم خير هذا رد بعنوان النية مطيه لموضوع اخوي اولاين ون المثبت
النيةالكل يعرفها ولا أحد يعلم عنها إلاالله
المطية هي الناقة
وهذا المثل له قصه قد قالها لي الشايب
ان واحد الله مرهي عليه وعنده صويحب فقير
وهالللي مرهي عليه..يتاجر يسافر ويجيب بضايع على ظهر الأبل ويرد..قال لصاحبه تعال معي..يعني أعين وأعاون ومستعد باللي تبي..
قال الفقير : لامن ناحية الفلوس الحمد لله معي اللي يكفيني ..بس المشكلة في الإبل ما معي ..
قال له اللي الله مرهي عليه: بس .. ولا يصير خاطرك إلا طيب .. أشيل لك البضاعة على ناقتي ..
قاله خلاص اشيل لك البضاعة على الناقة هالمرة والمرة الجاية واللي بعدها بعد ..
لما تضبط امورك..والله يفتحها عليك..
قال الفقير :خلاص مثل ماقلت..
و سافروا الين اوصلولهم لوادي .. واتفقوا يريحون منه من تعب الطريق ومنه علشان يتغدون..
وجلسا تحت شجرة وكل واحد حاط افلوسه بكيسه صغيرة ..وكل واحد علق كيسه في غصن من أغصان الشجرة..

الغني يتمشى بالوادي يشم هواء .. وقام الفقير يسوي القهوة والاكل..

المهم .. بالوقت اللي هو يطبخ فيه جا طير كبير يطب على كيس الغني ويأخذها ..وطبعا الفقير يشوف الطير يوم خذت الكيس وطارت..
وبعدين .. قام الفقير وأخذ كيسه وحطهامكان كيس الغني. وكمل شغله وجهز القهوة والغداء ..

بعد ما جلسوا وشربوا القهوة وأكلوا الغداء .. قال الفقير للرفيقه: يافلان انا قررت الرجوع لأولادي من هالمكان .. يعني مانيب مكمل معك ..!!
حاول معه الغني.. وحاول .. ولكن الرجال معزم ومافيه أمل يغير رأيه ..!!! ومابين للرفيقه الغني شالسبب...

الشكوى لله .. هذا اللي قاله التاجربعد ماتعبانه يقنع خويه وكمل طريقة والفقير رجع لأهله ..

بعد مشوار يمكن خذاله يومين..وقف الغني يسويله الغداء ..

رفع رأسه الا لقى عش طير فيه كيسة ..
تسلق الرجال الشجره وجاب الكيسه..
وعرف ان ذالكيسه كيسته؟؟ وبعدها عرف سبب روحة رفيقه..
والطير خذاهل على بالله لحمه..

الرجال تغدى .. وكمل طريقة ووصل للديرة واشترى منها بضاعة له ولصديقه ..
تعبت بس بكمل عشانكم...
وبعد ما رجع لديرته نادى رفيقه وعطاه بضاعته اللي شاريها له..
قال له : انا ما اعطيتك فلوسها ..
بعدين قاله االغني انه درى بالسالفه وقال له القصة كاملة ..

وبعدين قاله الفقير: .. خفت اقول لك أخذها طير ولا تصدقني ..
وجتني فكرة التبديل ..

فقال: وعشان كذا نيتك أوصلتك إلى الخير مطية .
وعلشان كذا قالوا المثل ((النيه مطيه))..

و السلام عليكم

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
؟؟؟؟؟؟؟؟؟(( فتح الرابط في موضوع العضو الجديد ))؟؟؟؟؟؟؟؟؟؟	محروم.كوم	منتدى أخبار المواقع والمنتديات العربية والأجنبية	0	07-18-2012 04:30 PM
[ طلب شرح ] كيف لايستطيع العضو طرح اكثر من موضوع بالقسم	محروم.كوم	منتدى أخبار المواقع والمنتديات العربية والأجنبية	0	12-14-2011 07:10 PM
رداً على موضوع العضو أبو عصفور	محروم.كوم	منتدى أخبار المواقع والمنتديات العربية والأجنبية	0	06-27-2009 06:30 AM
رداً على موضوع العضو أبو عصفور	محروم.كوم	منتدى أخبار المواقع والمنتديات العربية والأجنبية	0	06-27-2009 06:20 AM
طلب هاك رساله تلقائيه عند نقل موضوع العضو للنسخه 3,8,2	محروم.كوم	منتدى أخبار المواقع والمنتديات العربية والأجنبية	0	06-05-2009 06:12 AM