يا شباب انا معي باترول 97 صالون GL ما يشتكي من شي والحمد لله الموتر صافي ومحافظ على الصيانه الدورية كل 3500 كيلواتابع زيوته والاشياء الظروريه واذا خرب به شي اغيره وكااله من الحمراني وبالخط يجيب طبلونه بالراحه ما شاء الله تبارك الله والجيب كربليتر بس سليم ميه بالميه وحرارته زينه من الربع ونازل والزيت لا يوجد نقص ابد ابد ما شاء الله ولا يتغير لونه واذا جيت اشغله الصبح يشتغل من دقه وحده وحتى اذا صار الموتر حار يشتغل من دقه وحده لكن من شهر مادري وش جاه اذا كنت جاي من مشوار بعيد او قريب والموتر حار ركزوا على الموتر حار وطفيت الجيب وجيت اشغل بعد خمس دقايق او اقل او اكثر والموتر محتمي مايشتغل من اول تشغيله لازم من ثاني تشغيله ثم يشتغل واذا اشتغل يقعد يترتر لمده خمس ثواني كنه يبي يطفى مع دخان يطلع من الشكمان لونه اسود وبعض الاحيان يطلع دخان اسود فاتح كنه ابيض ويروح مع الترتره ثم يصفى الموتر وهذي جديده علي واول مره تصير معي واروح اسوي تصفيه للجيب غيرت البواجي والصفاي حق البنزين والبليتين وافحص الكربليتر وطلع سليم ولكن المشلكه ماراحت والجيب عزمه وصفاوته ممتازه ما تغيرت علي واروح لم ابو خالد الخضير وقال الموتر ممتاز ما شوف به شي خله لمين تبان علته وكان عندي شغل بالرياض واروح عليه وارجع والمشكله موجوده ونبي ارئكم يا اعضاء مكشات الله لا يخلينا منكم