أغاني أول .

~ * - بنت الريس - * ~ · #1 01-31-2008, 09:50 PM

السلام عليكم

ترا ما خلينا عيوز ما سألناها عن الكلمات
وإذا حصلتو خطأ صلحوه ( ومنكم نستفيد )

وإن شاء الله تعيبكم هذي المقاطع من أغاني أول

حمامه نودي نودي .. سلمي على سعودي
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس .. والعروس تبغي عيال
والعيال يبغون حليب ... والحليب عند البقر
والبقر يبغون حشيش .. والحشيش فوق اليبل
واليبل يبغي مطر ... والمطر عند الله

---------------------------------------------------------------
خوصه بوصه يا النبوصه كلاج الدود من حندود
ليلى ليلى عطينا سيفج بنلاجي به عبدالله بن سلطان
لادغتنه عقربيه شقربيه دوسة خيل ولا مطيه
---------------------------------------------------------------
عمتي مرت ابويه ... الله يسلط عليها
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر ..بيصوغ لي الذهبان
---------------------------------------------------------------

طاحت عليه نفه .. قوموا اشترولي دفه
طاح المطر برعوده .. كسر حوي سعوده
طاح المطر بيد الله ... كسر حوي عبدالله
طاح المطر ع الخيمة ... كسر حوي افطيمه
طاح المطر من فوق .. كسر حوي بن طوق
----------------------------------------------------------------

ولد عمي ما بغاني ... تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض
-----------------------------------------------------

يا عليا قومي ركبي ... بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي .. والنخي نثروه
---------------------------------------------------------------

يا فاطمة بنت راشد .. يا شيخة البنات
انتي قصيره وبيضا ... والخشم مكعبات
يا قصة يانثرية ... تنثر على الحياة
-----------------------------------------------------------------

يا عليا بنت ابوها ... والخطاب اخطبوها
سبعة ورا البيت .. والثامن عند ابوها
واحد يدق الزعفران ... والثاني يقول يا ليتني خادم ابوها.
----------------------------------------------------------------
يا بنية ما دريتي ... عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه .. يالس ويعد فلوس
يا الطاسه يا المخبوقه .. ما ضمتها الفلوس
----------------------------------------------------------------
يا بنيه موتي غصه ... اذا انا مريت
انا سلبت فوادج ... في السكه واتليت
يالغرفة يا الشرجيه ... بناها بو علي
حق عاشه البدويه .. بنت محمد علي
----------------------------------------------------------------

من اليوع لو متّي .. ما يوزج شتّي
بيوزج تاير .. لو بالحجي جاير
يا بنيتي يالزينه ... صبي لبوج دهينه
جان ما رضى ولد عمج.. صبي واجلعي عينه
----------------------------------------------------------------

يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنام
-------------------------------------------------------------------

عيال عمي سبعة .. خلوني باتنقى
نقيت بو طاقية .... بو يوخه ما رضى
زامط عليه بخشمه .. يا خشم اليوحره
خشمي طويل وغاوي ..شفته في المنظره .
حيا الله اللي يباني .... يسلم العشره

-------------------------------------------------------------------

يامي يامي ياماية ...راعي البحر ما ابااه
يشل مزمات العومة...وتصل على علباه
ابا وليد عمي من خنيره ورداه...ما هد خطام الصفرا ولا ضيع عصاه

-------------------------------------------------------------------
يا يراده طيري طيري والحجي عصفور..
ياويل من له عدة والذيب غيل في الغنم
بي من باطن حشاية..
ولا بي عسر من دين..ما تلحجة اليدين

:d __DEFINE_LIKE_SHARE__

• ™ мαяỉαмч «| · 01-31-2008, 11:02 PM

يامي يامي ياماية ...راعي البحر ما ابااه
ابا وليد عمي من خنيره ورداه...ما هد خطام الصفرا ولا ضيع عصاه

اللي وياي فالبيت يقولون لي كنت أغني هالأغنيه يوم كنت صغيرهـ خخخ

وأصلاً أنا ماعندي عيال عم LooOooL

تسلميييييين الغاليهـ ع الطرح الغاوي

وربي يع ـــــطيج الع ـــــافيهـ

ونترقب يديدج ^^

وتستاهلين التثبيت ^.^

__DEFINE_LIKE_SHARE__

عيــون بدويــه · 02-04-2008, 05:11 AM

.
.
•
,

•
.
.
- - - ياهلا ومسهلا . . [ بنت الريس . .*~

تسلمين الغلا ع الكلمــات ..~
.
.
•
,
•
.
.
__DEFINE_LIKE_SHARE__

~ * - بنت الريس - * ~ · 02-04-2008, 08:28 PM

مشكوررررررررررين ( مريامي ، غرور بدويه ) ع المرور

أشكر فنكم الصراااااااااحه __DEFINE_LIKE_SHARE__

+[ ملاك الحسن ]+ · 02-06-2008, 05:12 PM

يسلمووو ع الكلمات ^^

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أغاني الأفلام الهندية لسنة 2007 بصيغة Mp3 .. تحميل أغاني الأفلام الهندية	عيناوي حبتين	افلام عربية , هندية , يابانية , كورية وغيرها	12	08-14-2010 07:57 PM
لو أعاني ما أعاني ! ظني بالله ما يخيب . (( وسائط Mms ))	محروم.كوم	منتدى أخبار المواقع والمنتديات العربية والأجنبية	0	01-28-2010 01:10 PM
وسائط أغاني بصوت بنات -أغاني بصوت بنات بدون موسيقى- ويفات 2009	محروم.كوم	منتدى أخبار المواقع والمنتديات العربية والأجنبية	0	09-04-2009 03:40 AM
معاني	محروم.كوم	منتدى أخبار المواقع والمنتديات العربية والأجنبية	0	04-17-2009 04:50 PM
حصريا فيديو أغاني الفنانه اليازيه محمد في راعي الشله 7 أغاني	محروم	الكليبات الخليجيه	35	03-02-2009 01:04 PM