الــذيب يايمه عوا

محروم.كوم · #1 07-16-2012, 07:00 AM

السلام عليكم
مبروك عليكم الرمضان والله يقويكم على صيامه بهالحر
ابي اسولكم عليكم سوالف عن الذيب كذا سالفه صاارت
اول سالفه
هذا واحد عنده سوداني راعي بالغنم وذكر له ربيع بالقريه . القريه تقع بين رفحا والعويقله ومتداه لللعرق النفود الزبده القريه معروفه باسباع الي بها من ذيب لضبع للشيب رحل يمه وقال للسوداني لا تسري باليل تدوري التعاليل ترا القاع به ذيب قال السوداني يازول الديب دا كلب قال حنى تسلبنا ياكل الرجال خلك عند الغنم لا تروح تدور السوالف قال طيب جي يومن من اليام الا الغنم تثاغا ومتقطعه واضحه انه ماذقت لا مي ولا علف قال ااايه يوم راعا للطوايل الماء لقاه له كم يوم ماجها مي قال اااااايه الله يستر راح للسوداني الي يبعد عنه ثنين كيلو الي يتعلل عنده سودانيه يوم جاه قال ياولد جاك فلان قال السوداني لا علمي به قبل يومين قال ااايه الرجال شاك انه هرب ولا هو متكد دور يمين يسار لقا اعزكم الله البصطار الي كان لبسه الراعي يوم راعا بوصطه للقا رجل السوداني قال ياشين قلت لك تسلبنا ياكل تقول يازول الديب دا كلب هذا الكلب تعشاك راح على قولتهم طعام جحوش
.
ثاني سالفه
.
هذا واحد عنده اعزكم الله كلبن طيب كل يوم يشتري له فضلات الطاعم من المطعم بقيمت خمس ريال وكل يوم على السالفه هذي رحل من مكانه ونزل مكان به ذيب دق عليه الراعي ثالث يوم قال ترا الذيب هد وخذا طلي قال وفلان وينه فلان الي هو الكلب اعزكم الله قال جني بالخيمه قال افا ياغميضت هاكبسات الي يرمه كل يوم مار طبه عندي لقا بيوم من اليام ذيب طايح بله خليقه حفره طوله تقريبن خمس الي ست امتار قليب يعني دافن نصه السافي وهو ياخذ فلان ويطشه مع ذيبان باقليب ههههه حركت نذاله وخله له حول نص ساعه يوم جاه لقا الكلب ذابحن الذيب بس تغير شكل الكلب هو يوم طشه لونه ادغم ازرق يعني يوم طلعه لونه اشهب ههههه قلب الزراق بياض وشعره موقف وحالته حاله يقول من هكا اليوم لليوم لله الحمد الذيب مايقرب للغنم
.
السالفه الثالثه
.
هذا واحد قعد باليل يتعلل عند الراعي عند الغنم وسمع حس الكلاب اعزكم الله لهن لجه وجاضن يعني يطردن شي قال للراعي قم شف قال لا يمكن حصني قال قم قال لا ماعليك مافيه شي اثري الراعي ذال خخخخ قام الرجال راعي الحلال وكان للبس فروه يوم لف من شنق الخيمه الا الذيبه بوجهه وهي تنقز عليه وتشابط هي وياه مشابط رجال للرجال ويغوله ويقعد يصوت للراعي يافلان يافلان وثري الماخوذ متقعطل هههه المهم هو غايلها وهي ترفع رجولها على صطره وتنزل تحت جالسه تسرد به يعني تشلخ به بس فكه الله ثم الفروه يقول هو ذيله تقول مطرق نار تقول احد يحط مطرق نار على رجولي تقول ظرب صوط الله عاونه عليها وذبحهابس ماتت اعصاب الرجال عليها ماقدر يفك ايده من حلقها وماقدر يقعد ماتت اعصاب وهو يطيح بشكل عمودي يعني مثل مايطي العمود وخذا شوين وهو طايح ويديه بحلق الذيب لين مارتخن شوين وفك ايده وهو يسحب الموس ويلوطه ماطلع دم معنها انها ماتت وهو يهد على الراعي يالي بك مالا بك ماتشوف هذيب بغا يكلن وانت قاعد قال والله اني ماقدرت اقوم والي تبي تسويه سوه تبي تسفرني سفرني تبي تخلينن خلن قال لعنه تلعك يله على رجليك للقار القار الخط الدولي ويله الخلا مزدي به
.
السالفه الراابعه

.
هذاعندنا نبالي مخلينه مع البهم البهم طليان الغنم عزلينهن من عيال الغنم عشان البيع المهم مخلينهن بشبك بعارين يعني شبك طويل فوق والنبالي نايم فوق درمات فوق بعضهن يعني بدور الثاني ومعه سلاح حنى نتعلل عند الغنم حول الساعه 12 نسمع رمي وهو نهد على الشبك الا النبالي حالته تكسر الخاطر لقنيه بحاله خخخخخ مهو نيم والفشق حاطه بجيبته ورابطن الثوب قعد الا البهم يفتل على بعضه وهو يطبق من فوق الدرمات والسلاح بيديه والفشق بالجيبه والثوب مربوط وهو يهد عليه الذيب ويقف قدامه ويوخ عليه النبالي خخخخخ اعزكم الله سواه على روحه ويبي يطلع الفشق ويتلمس وثوب مربوط ماقدر يفق الثوب عقب ماهجن الذيابه رما يوم جينا الا للعبتن بالبهم لعب حول عشرين راس الي مسردات ومصوبات الله يخلف
.
الخامسه
.
مره راحلين من محل للمحل امرحنا بلنا تلعه خلينا الغنم بتلعه والبل بتلعه وقاعد انا والشايب والرعيان والعيال نتعلل عند البل سريت انا للديره متليش ونبي نقعد بامحل الي حنى به يومين نريح الحلال المهم يوم اخذت الساعه ثعنش الا العيال فزعونن هاه قال الحق الغنم وخذت وشلون قال الذيب رثع به وانا اخذ رشاش وخرازه والشوزن ومسدس تقول ابي احارب خخخخ يوم وصلت الغنم الا المور خربانه نصها مهو فيه قار عليها يوم كنا تعلل يوم جها السوداني لقا المور خربانه المهم وبكل تلعه القا خمسه سته الي وصبيه والي ميته والي مسرده وطول واليل وكل ماجيت محل القا به غنم بهن الي القاها سليمه والي ميته والي مصوبه للصبح واانا على السالفه هذي الزبه الصويبه ذبيحتا وطشيته والي مابه بلا حطيته مع الغنم والغنم كان معه ست كلاب وكل يوم اشتري لهن بقيا من المطعم صايرن راس الواحد بهن تقول بغل وانا اغير عليهن واحد اعطيهن كل واحد طلق ونا اذبحهن م القهر وامسك اثر الذيابه طلعن ثنين ومسكه بالعاقب يعني امشي معه عكس روحتهن يوم جيت لي جيلان ترا الكلام العصر اخذت غفوه من التعب وقعدت العصر ومسكت الثر لمهم يوم جيت الجلان الا السالفه تخرع انواع الاثاري فيه من الصغير للي تقول مواطي بعير طبعن اثر الذيب معروفه ايديه تطا على رجليه واضح للي يعرفه الزبده يوم دخلت لي فرع الا هذا واحد شبط الجال يركض انا معي واحد من خوياي والسوداني وانا انزل وراه اركض قلت للخوياي حدوه على بزعمي انا ابي اطخه هو شبط الجوال والجال طويل يقطع النفس المهم انا نزلت على رجولي وخوياي راحو يحدونه من الجهه المقابله يوم طلعت الجال الا وينه مهو حويل ولا اقدر ارمي برشاش لني مرتفع والرشاش يطوش بعيد وذالن اذبح لي احد وكذا اتحرا خوياي وتحرا ودور ودق عليهم مالهم حس ومشي على المحل الي قلت لهم يطلعون منه مالهم اثر وانا اتوهق ودق عليهم مقفل مقفل داخلين بلهم تلعه مابه ابراج الزبده طاحت الشمس وانا على راس هاجال ومن جال للجال عيوني صارن بالجبه اتحرا بس منين يهدن علي الذيابه مدري وشلون وشوف تقول نور جوال وانا اجيهم الا هذولا خوياي يصلون والجوال انضغط بجيبت الرجال وولعت الشاشه يابعدي والله نوكيا وخليتها عليهم ماتسوا تصلون وانا ماتدرون ويني اثريهم فهم غلط المكان الي ارسلتهم له تعدوه بمشوار

.
السوالف واجد مار قمت انود وتمنا تعجبكم
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لأني خادمه ....	دكتورة_الحب	قصص و روايات	42	09-05-2012 05:03 PM
مطلوب خادمه	محروم.كوم	منتدى أخبار المواقع والمنتديات العربية والأجنبية	0	05-12-2012 02:10 PM
خادمه للبيع	محروم.كوم	منتدى أخبار المواقع والمنتديات العربية والأجنبية	0	03-29-2012 07:50 PM
يايمه عائشه	محروم.كوم	منتدى أخبار المواقع والمنتديات العربية والأجنبية	0	12-06-2011 01:40 AM
للايجار شقة 4 غ نوم + غ خادمه	محروم.كوم	منتدى أخبار المواقع والمنتديات العربية والأجنبية	0	03-31-2010 01:10 PM