السلام عليكم فيه ذيب وله اعيال وحصني وله اعيال الذيب والحصني جيران في ضلع وكل منهم حاطله جحر في الظلع جنب الاخر وكل واحد منهم لاجا قرايب المغرب طلع يدور العشا لعياله حط الذيب عينه على عيال الحصني يوم من الايام جا المغرب وطلعو بالعاده يدورون العشا قال الذيب انا اليوم تعبان بدور العشا لعيالي قريب اما جرذي ولاجربوع قال احصني اجل مدامك قريب حول الموقع بوصيك على عيالى قال لاتوصي حريص راح الحصني يدور العشا لعياله خالفه الذيب وخذ واحد من جراوة الحصني وعشاه اعياله جا الحصني قال ماشفت واحد من البزران قال الذيب يقولون ورعاني يبكي يدور ابوه وراح مع درب ابوه والدموع اربع اربع ايس الحصني من ولده ودراى انه ماهو راجع عرف انه ميت مرمي او ماسكته محباله طلع مره ثانيه برضو نقص من عياله واحد قال الحصني لذيب انا موصيك على عيالي قال والله من يوم رحت ونا حاطن عيني علاهم بس قضى وقدر شك الحصني جا اليوم الثاني قال الحصني لذيب مابقي من ورعاني الى 2 بس تكفي تراى تكفي تهز الذيابه قال ابشر ويروح الحصني ويندس وراى الهضبه ويراقب الذيخ يوم جا لعياله وخذ واحد وذبحه وعطاه اعياله انقهر الحصني مابقي من ورعان الحصني الاواحد كل ماراح ياخذه معه قال الذيب انت بتخاطر بورعك معك خله عندنا في الجحر وبحرصه لك هل ليله سفهه الحصني اظطر الذيب يدور العشا بعيد يوم راح ويخالفه الحصني على عياله ويروح ينطلهم في البئر مافيه ماء كلهم يوم جا الذيب بالعشا قال وين اعيا ل جارك قال قريب نزلو في البير ولاقدرو يطلعون يقولون لاجا ابوي خله ينزل يطلعنا قال الذيب امسك الحمه وبنزل ولانزلت مد ذنبك يالحصني بتمسك فيه وبطلع عيالي واحد واحد قال انزل ونا بدلدل ذنبي وتمسك فيه قال الذيب ونعم بالجار هاذ الجار وقت الشده يوم طمر لعياله لنه محظر معهم في البير قال للحصني مد ذنبك بتمسك فيه والحصني يمد ذنبه ويقعد يومي بذنبه يمين ويسار زي الي يقول لا قال الحصني ذنبي مايلحق قال وصله برقه ولاحبل قال الحصني الاعندي طريقه قال الذيب وشهي الطريقه قال ابا ادفنك بالتراب وحشى فمك انت وعيالك قال جارك الجحر جنب الجحر قال بذبحك مثل ما ذبحت عيالى ويقعد الحصني ينبث علاه من التراب لين امتلى البير من الرمل وخذ الحصني الحمه الي جابيها الذيب العياله وعشاها ورعه الوحيد وقضتى الحنصي من الذيب انتهت السالفه عسى ان تكونو من المعجبين بروايتها
__DEFINE_LIKE_SHARE__
|