شربة كوارع ..لحمة راس ..وحمام محشي

محروم.كوم · #1 07-10-2012, 10:30 PM

السلام عليكم

من حول عشر سنين او اكثر بقليل او اقل بقليل

رحت مصر ام الدنيا

ومن عادتي اني اول ما اوصل اروح اشرب
شربة كوارع ولحمة راس وحمام محشي بالفريك

وافضل مطاعم تقدم هالشي بالقاهره المطاعم الي مقابله للحسين .

المهم وصلت للفندق وحطيت اغراضي وتروشت واخذت تكسي للحسين.

وصلت وكان فيه اكثر من عشرين مطعم جنب بعض .

وامشي على هوني ادور المطعم الي اجيه دايم ومتعود عليه .

والقراسين الي بالمطاعم يتلاقطون الزباين ويحاولون يقنعونهم كل واحد يبيك تجلس بالمطعم الي يخدم فيه.

ويلقطني هكاالمصري قرسون من وراي بهكا الزعقه الي فجر اذني وانا غافل روعني (يقول اتفضل يبيه اتفضل يامير اتفضل ياشيخ )
قلت : ياخوي تراك فجرت اذي وروعتني الله يهديك.بعدين لاني امير ولاشيخ انا من عامة الناس .
قعد يتاسف ويمدح بمطعمه يبيني اجلس وكان شايل بيده غضاره (طاسه)وفيها مأ .وكانت الجلسات خارجيه بالساحه وداخليه بالمطعم .
قلت : وين احسن مكان عندكم ويكون هادي مافيه ازعاج .
قال : انت عاوز ابلي ولا بحري .؟؟؟
قلت : يخوي ماعندكم بحر بالقاهره وشلون تقولي بحري.
قال : وما لو نعملك بحر ..وقام يرش من المأ الي بالطاسه بيده حول الطاوله .
قمت اضحك بدل ماني زعلان منه ومن صرخته في اذني وقلت مافيك حيله ابجلس عندك.
اخواننا المصريين معروف عنهم خفة الدم والنكته بالفطره.
جلست وافتريت بالحمام المحشي ولحمة الراس وشربة الكوارع
والحمد لله على نعمته.

ان شالله هالسالفة تلاقي قبول عندكم والعفو والسموحه ان ماجازت لكم.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ميديا رباعية ميسي تقود برشلونه للفوز على اسبانيول في ليلة وداع جوارديولا	محروم.كوم	منتدى أخبار المواقع والمنتديات العربية والأجنبية	0	05-06-2012 06:52 AM
شربت اسيد	محروم.كوم	منتدى أخبار المواقع والمنتديات العربية والأجنبية	0	12-20-2011 04:40 PM
حصريا : لمحبي ميسي (اليكم نغمة جوال ميسي )	محروم.كوم	منتدى أخبار المواقع والمنتديات العربية والأجنبية	0	08-27-2011 08:50 AM
انتبه امامك شرتة	5rbo0osh	عجائب و غرائب	36	08-19-2009 04:38 PM
شربت الحب مـْن ,, گآسـگ // [ صور& توبيكات ]..!	س™	المسنجر وملحقاته , توبيكات , ماسنجر بلس , msn	33	03-24-2008 10:52 PM