السلام عليكم ورحمة الله وبركاته

طرا علي هالموضوع عند ما تذكرت بعض المواقف والاحداث الي مرت علي في الموسم وبعض التصرفات من بعض الصقاره والي خلتني اتسائل وش يفرق الصقار عن غيره و هل الصقاره تأثر على طبيعت الشخص
يعني زي ما يقال اخلاق الفرسان×

وعلشان توصل الفكره صح رح اذكر بعض التلمحيات
يعني الكذب ولادعائات الكاذبه وانه فعل وهد على الحباري وانه ما خلى ديره الا وقنص فيها
ادعاء الصقاره وانه يعرف ويفتي بغير علم وخاصه الناس المبتدأه ويعلمهم غلط×


الغش في البيع والبخص في الشراء×

تشوفه عند التقاءك فيه كانه اعز اصدقائك واليا قفيت تولاك بالسب والحش

حتى حلالك اذا جاته فرصه عليه اذاه×

وفيه بعض الاشياء الي خارج الصقاره

مثل العقوق يعني انا والله لاعجب كل العجب من بعض الرياجيل ياخذ عن ابوه وامه بالاشهر ما شافهم و لا كلمهم والمصيبه انه معهم بنفس المدينه ونفس الحي احيان والاسباب في الاغلب تافهه وغير مقنعه×

طيب حتى لو كان الوالد علطان عليك ورافض انه يرضى عليك وسويت فعلت لارضائه×
انت كيف تامن على نفسك من قضى الدين حين تكون مكانه اذا كبرو عيالك×
وش موقفك اذا لا قدر الله توفى الوالد وهو غاضب عليك هل الاسباب الزعل تنفعك×
وشلون بتقابل ربك وانت والعياذ بالله غضيب والدين والله انها قويه هالكلمه تخيل انك غضيب وانطقها والله ثم والله انها تنتفض فرائسي اذا نطقتها×

اسف على الاطاله بس حبيت اذكر نفسي واذكركم ان رمضان على الابواب وممكن ان بعضنا ما يلحق يصومه الله يطول بعماركم على الطاعه