ّO!ّo!ّO!(هذي قصتي معـ العصبيهـ و أحتاج لأ رائكمـ..)؟ّّ!Oً!oّ

عذبتني دنيتي · #1 05-01-2009, 01:00 PM

شحالكمـ ؟؟ شخبـــاركمـ ؟؟

اليوم يايبه لكم قصه عن العصبيه الزايده ولي بعض منا يعاني منها

>>> وأنــــا أولكم <<<

وهو موضوع ع شكل قصه قصه تتكلم عني بشكل عام ولي أباه منكم تقرون الموضوع موب يسلمو ويالله أباكم تقرونها وتفمونه ويمكن تستفيدون
منها لانها يوم عن يوم تأثر فيني وغيرت حياتي
يمكن فيه أحد مثل حالتي ويمكن لا بس أتمنى ماحد
عسب مايتعذب ! فيه ناس بيشوفون امر بسيط وسهل تجاوزه وناس بتشوفه صعب ومر ؟؟؟

وبقولكم قصتي ولي هي

عباره عنـ مواقف موب موقف بس وسبب ماعرفه ودايم أسئل روحي ليه ومن وين ياتني كل هل العصبيه وليش ومارات احس فيه ناس مثلي ومرات اقول لا هذي الحاله فيني انا بس ؟

بالوراثه ولا عدم تقبلي لدنيا وتحمل المسئوليه لأني مع الأيام احس أني اتمنى الموت ع اسباب تافه لكن دقايق
ورجع للواقع وفكر ليه انا سويت كل هذا وليه تمنيت الموت وليه وليه ؟؟؟؟

موقف من المواقف كنت متضايقه بسبت الدراسه وتعب وقله النوم والنوم الي مش منتظم يعني اداوم مرات وانا مواصله وتنح في الكلاس الأستاذ يسئلني وطالعه عين مفتوحه والثانيه مسكره !!

أبا أرد اقوله انا تعبانه بس ماقدر حتا مافيني حيل اتكلم؟؟ وبسبت هذا الشي ياتني أنذارات مع اني ماكنت أبدا أرضى علي روحي حد يتكلم علي لكن هذا شئ مو بيدي ؟؟؟؟؟؟؟؟؟؟؟؟

أول سبب وهووو عدم الراحه وقله النـــــــوم وهو سبب أقدر احله ويبا مني مجهود كبير عشان انظم وقتي
ومش هو السبب في عصبيتي قله النوم ساهمت في زيادة العصبيه عندي !! عصبيتي أبتدت من 6سنوات !!! يعني كان نومي منظم ومرتب هذيج الفتره !!

الموقف الثاني كنت توني ناشه من الرقاد وكنت ادق علي ربيعتي وماردتـ أتصلت ثاني مرهـ ماردتـ

>>> طبعا ماتحملت وقمت شليت تلفوني توه يديد مصار له يومين فريته بقوى ماعندي وصار حتت حتت

<<>>> أول شئ اطالع التلفون بعصبيه وعقب فكرت <<< هو شدخله أفلعه وكسره

< أعرف مايحتاج بتقوووولون مريضه نفسياَ بس الكل يعرف انه أذا اي احد عصب معاد يشوف قدامه

وأنا من النوع أذا عصبت وخرووو عن دربي أكسر اي شئ قدامي

وعقب ساعه نزلت الصاله لقيت أمي تقولي ربيعتج اتصلت تتخبر عنج وقلتلي أسمها ودريت انها هي

وشليت تلفون البيت ودقيت لها وكان الكلام الي دار بينا هوو ...

>>> أنــا ... انتي وين ماتردين

<<<ربيعتي ... عفانا الله سلمي زين

>> سلام

<< بدون نفس بعد

>> خلصي شعنه يوم اتصلت فيج مارديــــــــــــــتي ؟؟

<< لحـــــــــول

>> خلصي شعنه مارديتي هاه

<< ياختي ماسمعته وين اسمع التلفون وانا في هل الحشره خبريني ؟؟ مادريت إلي يوم طلعت التلفون عسب

أتصل ع الدريول أيي يشلنا ؟؟

>>ليه وين كنتي ؟؟ << تحقيق

<< كنت ويا خواني وعيال خواتي الصغار مودتنهم أكشن زوون

>>> آآآهــآآآآ

<<< آآآآهــاين،،

>> زين خلاص قلبي ويهج أصلا انا ليه ادقلج اول ماقوم من النوم مادري ليه عسب تنرفزيني بس

<<< هههههههههأأ أنا بقولج عشان تحطين حرتج فيني أعرفج لو باقي الشله كاان خنقنج

>>> اليوم حطيت حرتيه في مهوي خخخخ

<<< حليلنا والله متحملين عصبيتج

>>> ههههههههه اصلا انا بروحي تعبت شسوي

<< انزين كم قيمه الدمار الشامل الي أحدثتيه <<< خلاص حفظوني بصم

>>> ماشئ فدئ راسج

<< شوه انزين لاتقولين ألا ب مالج

>>> هههههههه لا نا اكسر الغرض مره وحده ماكرر احب التغير هل المره كسرت الفون

<<< أبشري بالعوض ــــــــــــــــــــــــــــــــــــــــــ <<< هذي الكلمه الي خلتني اتمدى بهذا التصرف

يعني كل ماكسرت شئ لووووعليه وخلاص بنيب لج غيره وفالج طيب ومن هذاا الكلام كأني ياهل أو مـــ ــ ــ ينونه مرهـ الابوو ومره الأم ومره الأخو والأخت ومرهـ عمي وخالي وخالتي وبنات خالاتي وربيعاتي وإلى مــــــــــاله نهايه يرضوني
وبدال مايساعدوني يزيدوني حالتي وهم مايدرون قبل اول مابدت حالتي كنت اتمني انه يزعلون علي
ياخذون موقف من صراخي وزعليه الي 24 ساعه بس بعد تصرفتهم صرت ماهتم وصارت راحتي في تكسير وتخريب كل شئ اتي أيدي عليه وحتا لو كان خطر لاني يوم عن يوم لما أتضايق احس اني ادخل في دوامه وماسمع ألي صوت داخلي يصارخ ؟؟

وانا كل إلي كنت أريد حد يمسك يدي ويقول انتي فيج حاله مرضيه ولازم تتعالجين ويوديني عند دكاتره نفسين يعالجوني بجلسات تدريبيه على التخلص من العصبيه موب علاج حبووب منومه ومهدئات وإلخ............

وأخرتها ادمان وحاله وأنتحار......

لاتاخذون هذي المسئله ببساطه العصبيه مرض ومرض يزداد سووء أذا ماحد عالجه وبعد فترات على حسب الحاله

تتحول لوسواس قهري وأنواع الهستيريا .......

بتقولون أني أبالغ لكن لو تزورون العيادات النفسيه صدق بتخافون وتحمدون ربكم وحاله عن حاله تفرق موب شرط حد كسر شئ صار عصبي وفيه حاله ؟؟

بس في ناس تتكرر معاهم هل المواقف كل اسبوع كل يومين ثلاثه عن نفسي انا في الاسبوع مره مرتين

أكثر المرات احط حرتي في اليهال فوق 5 سنين أذا طفروبي
أصغر من خمس سنوات مايهم ماقدر أحس بعدهم مافيهم لعانه

عقب هل المعاناه الي عانيتها لقيت العلاجى ولي هوو قرائه سوره ياسين والمعوذات يوما والاذكار

غير هذا طرش ولد خالتي سي دي عن كيفيه التخلص من العصبيه الزايده وأسبابها

وكان فيه دكتور خبره ولد خالتي عن حاتي وتصرفاتي وهو

يعني يشخص حالتك من تصرفاتك حتا لو ماسشوفك وعتقد انه عربي الأصل بس عايش هناك

المهم شخص حالتي وسئله عن ابسط الأشياء كيف كانت شخصيتها وهي صغيره كانت تعتمد على نفسها ولا تنتظر احد يخلص مهامها كيف كانت لحوحه في طلباتها ام لا كثيره البكاء ام لا هادئه ام مزعجه مرحه ام كئيبه
نشيطه في اللعب ولا كسوله يعني ماخلي شئ أدق الاسئله سئله ايها ودزوها لي بالاميل وكانت مابرد عليهم

قلت هذي سخافه شو بيستوي يعني شدخل طفولتي بحالتي الحين وظنيت ان ماعندهم سالفه ؟؟

عقب اتصل عليه ولد خالتي وحشرني قال انتي شبتحسرين جاوبي وانا بخبره وبقولج الحل

في البدايه كملت شهر مسويتلهم طاف لاني ماحب حد يفرض امره علي وفي تآآتش بيني وبين ولد خالتي

هو كان يبالي الخير وانا متنحه بعد فتره يعني قرابه 4 شهور رد ولد خالتي وكان صدق موب مسولي سالفه

حتا هديه مايبلي كل العايله ياب لهم إلى انا ونا ماحب هل الحركه الكل اموت ولاحد يسوي فيني هذا الشئ

قعدو مستانسين ولكل ملتم ويا وقت توزيع الهدايا والبنات كل وحده تتريا هديتها وفي كم بنت ماطيقهم يدورون الزله علي بعدها بد توزيع الهدايا الكبار وشباب خلصو كل منهم خذا هديته باقي البنات طابور وكل وحده استلمت هديتها

انا كنت حاسه من سلامه لي انه مابيب لي <<< تخيلوو الغصه

خلاص خلص توزيع الهدايا العطور وساعات وتذكارات وكل واحد ملتهي << دخلت في دوامه العصبيه بعد ماهديت منها فتره ؟؟

خلاص ماسمع صوت احد اشوف الدنيا ضلمت علي ماعاد حسيت بشي احس جسمي كله نمل
يعني اتخدر لوووو بقطعوني مابحس فيهم وحس روحي ماقدر اتحرك أريد اكسر شئ أصارخ ماقدر فيه شئ مقيدني ولي هوو اني يوم اعصب اعصب في غرفتي او عني هلي واربيعاتي يعني موب قدام الكل

وكنت متبعه سياسه اني ماعصب قدام ناس اكرهم وعرف انهم يكرهوني عسب مايفرحون عليه وعلى حالتي

وكنت ماحب اخليهم يستانسون عسب اقهرهم !!!!

المهم فجأه سمعت صوت بنت عمتي < إلي ماتحملها أبداا ولا أطيقها

تقول حق ولد خالتي ..... وكان صوتها يتكرر في أذني وانامغمضه عيوني ومنزله راسي ..! ليـــش مــ مـ مــا يبت
( ل،،،،،) هديه هـ ـ ـد يه هديه هديه صدى صوتها يتكرر بس كنت اعتقد انها هي تكررها بس في الصدق

أنا كنت اسمع صدا صوتها داخلي يتكررر انا اسمعها تعيد الكلمه عشرين مرهـ ؟؟؟؟

بس شوفو اللعانه ؟؟ الكل يسولف ويضحك ويوري الثاني هديته حتا الكبار والصغار وحتا اليهالي إلى هي

كانت تترقب تشوف شو بيب لي ونصدمت انه ماياب ولقتها فرصه تحرجني

بس صدق صدق الأنسان مايصير قوي إلى بويه الي يكرهونه المهم يتني قوه ماعرف منوي لحد اليوم مستغربه

اونه ولد خالتي نسي : أأأأوه نسيت خلاص مايهمج العصر بيب هديت ولاتزعلين

>>> سويت له طاف مالي خلق ارد لاني روحي براس خشمي مالي خلق ارد عليه

ربعت بنت عمتيه ودخلت كل العاده >> أفا أفا كذيه تنسئ (.......) يعني تذكرتنا وحده وحده ونسيتها لحوول الحين بتاخذ على خاطرها صراحه هذي حركه قويه :::

شفووو فوو النذاله بس ويلموني ليه اكرهــا ؟؟؟

مثل ماقلت لكم مادري وين يتني القوه مع اني يوم اعصب كله ازاعق وصارخ
بس مسكت صبوعي حسيت انهن تكسرن من كثر ماشديت عليهن
قلت لها : لاحبيبتي هديتي بييبهل لي علي رواقه وتكون هدي كشخه طرررر موثل هدايكن ماخذنها علي عيله
وبدون نفس ماهون عليه ايبها لي أي شئ

أمي أستانست انسي ماعصبت خخخخخخ مادرتبي كم عانيت

بنت عمتيه : انزين انزين شوشوي علي روحج لطيرين علينا بس

::قلت في نفسي تستهبل بستهبل عليها >>> لاتخافين حبيبتي ماظن فيني ريش عسب أطير ولتفت ع بنت خالو

وهي ع طاير فهمتها وقلتلها كـــماااا الريـــــــشه وكملت هي السالفه وغيرنا الجووو لان كلهم موجودين ومانبا نخلي جو ظرابه بس احلى مافي السالفه أني تمالكت نفسي في الوقت المناسب

ويات عدالي بنت خالي الثانيه تشاورني < لودرينا انج بتمالكين عمرج جدامها كان كل يوم يبناها لج عسب

تناقرين وياها وتتحسن حالتج هههههههه

ويلسنا لين العصر << اكره هل الحزه دوم اتيني ضيقه في ها الوقت

بعد صلاه العصر الي راحوو العزبه ولي رحو يتسوقون
ولي يتكشتو مابقي غيري انا وبنات خالي وبنات عمى وأبويه وعماني في ميلس الريايل <<

ياانا ولد خالتيه حمد وقالى أباج في سالفه ...

حمد .. سمحيلي عسب مايبت لج هديه !

: لا عادي أفا عليك اصلا ليه سمى أبونا أدم عليه السلام
أنسان لأنه نسئ أنه عطى من عمره أربعين سنه
لنبى داود عليه السلام << مع اني اعرف انه مانسى
بس ماحبيت اكدر خاطري وخــاطرهـ وهو توه راد من اسفر ومتغرب عنه هله صار له سنه .

حمد: بس أنا مانسيت

قويه الكلمه وماهقيت انه بيقولها

حمد : تعرفين ليه

::" وأنا شدراني فيك

حمد: شوه شدراج اطرش لج أميلات ماتردين اتصل في امج وخبرها أني أبا اكلم ضروري ماتبين

::" من قالك مابا انا كنت مشغوله وماحصلت وقت

حمد::" لاتكذبين عليه كم مرهـ رزيت ويهي ودقيت ع خالتيه وخبرتني بكل السالفه قالتلي قلت لها وماطاعت تكلمك عيزت وياها

>> سكت من الفشله ولأني ادرى انه بيفاتحني بسالفه الدكتور النفساني

حمد: من المريض أنا ولا أنتي الدكتور من خبرت بسالفتج وأنتج تقربيلي كل يوم يسئل عنج
ويقولي خلها تكلمني انا بفهمها وشرح لها عن حالتها
وانتي أبدا ولا هامج لو دريت ماحرجت نفسي وقلت له عن حالتج

::" كنت منصدمه بكلامه صراحه

حمد: وحاول يتفهم ضروفج وكتب لج أسئله تافهه وبسيطه عن حياتج وطفولتج ولا رديتي علينا

ياللس اترىاج كل يوم اقول بترد باكر
وانتى مره موب حاطه هشي في بالج
انا الشرهه عليه مهتم حتا انه قالي خبرني عن طفولتها تعرفين شقلت له

::" شخصيتي وانا ياهل غير عن شخصيتي الحين

حمد: لاماتغيرتي انا يالس أشوف نفس البنت
ألي مدلعنها أبوها ومشيخنها وتصرفاتج لحد الحين تصرفات ياهل انا خبروني عنج وعن حالتج
وعن حالتج ألي تخلي الواحد يشفق عليج

تمت كلمة شفقه تتردد في راسي

>>

خنقتني العبره ودمعت عيوني خلاص حسيت أنه في احد زانطني بيموتني أبا أتنفس ماقدرت وهو شيخصه فيني اصلا ماله دخل

حاولت ماصيح قدامه

وحظرته يكمل كلامه بصوت مرتفع بعد
: تعرفين شقلت له بعد قلت طلباتها اوامر لحووحه أنــانيه ماتحب إلى نفسها وهي صغيره كل طلباتها اوامر كل الالعاب عندها من العاب عاديه واكترونيه
وحتا الحلويات بالكراتين يشترون لها وماحد ياخذ أغراضها مفروض تكون مستانسه وفرحانه موب في كأبه مستمره وعصبيه
ولاحد يقدر يقولها شئ بس يجرب حد يصيحها يسودون عيشته

":: ماصدق هذا كله فيني انا شخصيتي غير عن كل هل الكلام هم ليه مايحسون فيني هم ليه فاهمين تصرفاتي غلط

وعقبها يا بيكمل كلامه مشيت عنه وهو يتكلم وشوي شوي أختفاء صوته مادري اطرم أو انا صمخيت في هذيج الساعه وكمله مشي لحيرتيه ودموعي محتبسه

الحمد الله كانت بنت عمتيه ماحد طلعت من وقت هي وامها وخواتهم لسوق هذا إلى هون علي شوي
لأني ماحبها تشوفني وانا بهل الحاله وتشمت فيني

بنات خالي وعمي ماقالن شئ شفني امش ومتكدر
خافن يقوللي شئ وتزيد حالتي

كنت امشي وحس روحي بعدني بمكاني والمساافه بعييده بنسبه لي ماعرفت شو صار فيني حسيت بجسمي تخدررر وبصعوبه امشي

قعدت في كأبه وضيقه لفترهـ
وقعدت أتذكر
( كلام عمتيه) قبل سنتين ماكانت تدري اني كنت اسمعها كنت نازله وسمعت كلامها بصدفه لما قالت حق أبويه لازم اتشوفلك حل ويابنتك ينخاف علي خوانها الصغار وعيال اخوها لاتسويبهم شئ ؟ وراح عنها فديته وخلاها تهذر بروحها ويلست أضحك أنا على تفكيرها الخيــــــــالي !!

بس يوم عن يوم يتبين اني صدق
مينونه ؟؟
مينونه ؟ بدون سبب أو صدمه
مينونه ؟ لأنهم ماعرفوو يتصرفون ويا حالتي
وبعدها قررت ماكلم حد ولاحد يكلمني ؟؟
كلامي قل وأجابتي مختصره اكلى قل ماصرت اشتهي شئ طول الوقت سرحانه سرحانه بطفولتي اتذكرها يوم بيوم ولحظه بلحظه أفكر بالغلط إلى سويته وذنب ألي خلا شخصيتي تصير كذيه ؟؟

الهذره قلت الفون مغلق لاب فريته بالكبت صرت اشغل الفون مالي وقت ماداوم ولرجعت البيت أغلقه ربيعاتي قطعتهم معاد اقدر اتحمل أتضايق أكثر وضايق ناس معايه مايكسر خاطر غير امي وأبويه إلى تمو متضايقين بسبتيه

وكملت على هل الحاله قرابة الشهرين
وبعدها رجعت تدريجيا اسولف ويا ابويه كسر خاطر ي
كل مايشوفني يحزن ويحس انه مايقدر يسويلي شئ

وستانس لما قلته ان علاماتي تحسنت وصرت اهتم اكثر بدراسه بعدها بشهر ونص صارت عندنا عزيمه كبيرهـ

والكل يا طبعا من اهل ويران وإلخ ::::::

الكل مستغرب أني ماتكلمت

سلام عليكم السلام
وعليكم السلام

شحالج
الحمد الله .

وكنت صدق مرووقه ع الاخير 3 شهور ونص صمت
عالجت عمرى بعمرى وعرفت نقاط ظعفي وستعنت بكتب تغير الذات تغير الشخصيه للأحسن
الثقه بنفس وحددت نقاط ظعفي وعرفت ليه كانت شخصيتي عصبيه وسبب بكل بساطه ؟؟؟

لقيت عالم متطلب ويحتاج لمجهود كبير
والثقه بنفسك والاعتماد على نفسك
وسرعه التلبيه وتأهب لأي شئ ولأي وقت
عدم التأجيل أو التراجع والقيام بالمهام بنفسك
هذاا كله مووو متعوده عليه متعوده على قوقعتي

وتنفيذ طلباتي ورغباتي وماعندي أعتماد على نفسي
كل شئ أخلي غيري يسويه عني وسبب في هذاا الشئ الدلع والترفيه في الصغر والخوف وتوتر في الكبر

والحمد لله عرفت طريقي ورجعت لحياتي الطبيعيه بثقه أكثر ويــــــــارب ماتنخفض عزيمتي في تحقيق اهدافـي يـــارب

OoOoOO(ودمـــتـمـ بود )OOoOoO

__DEFINE_LIKE_SHARE__

غلاك في خاطري · 05-01-2009, 01:26 PM

الله يهدي كل مسلم ان شاء الله

تسلمين اختي ع القصتج والمفروض ناخذ منها العبرة يعطيج العافية ع صراحتج
الحمدلله ع سلامتج وماتشوفين شر ان شاء الله لاهنتي __DEFINE_LIKE_SHARE__

كل ما بنيت الحلم انهدم! · 05-01-2009, 02:55 PM

امين يارب

ربي يوفقج ويكتب لج الخير

شكرا ويعطيج اللف عافيه __DEFINE_LIKE_SHARE__

الرهيب القطراوي · 05-01-2009, 04:28 PM

يعطيج العافية يااختيييييي عذبتني دنيتي على الطرح والمواقف الحلوة وتقبلي مروري.......

& كلنا واحد * وخليجنا واحد &
__DEFINE_LIKE_SHARE__

بنت_امها · 05-01-2009, 05:23 PM

الله يعطييج الف عافيه او الحمدالله انج رديتي لحياتج الطبيعيه: __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
محتاج ما حدا يدخل فولدراتك الخاصة ؟محتاج بعض الخصوصية ؟ إليك Folder Lock 6.4.2 الجديد	محروم.كوم	منتدى أخبار المواقع والمنتديات العربية والأجنبية	0	06-28-2010 07:10 PM
محتاج ما حدا يدخل فولدراتك الخاصة ؟محتاج بعض الخصوصية ؟ إليك Folder Lock 6.4.2 الجديد	محروم.كوم	منتدى أخبار المواقع والمنتديات العربية والأجنبية	0	06-28-2010 05:40 PM
محتاج ما حدا يدخل فولدراتك الخاصة ؟محتاج بعض الخصوصية ؟ إليك Folder Lock 6.4.2 الجديد	محروم.كوم	منتدى أخبار المواقع والمنتديات العربية والأجنبية	0	06-28-2010 05:20 PM
أنا قصتي قصّة‎..........	أجمل عيون	قصص و روايات	3	06-25-2009 12:45 AM
بداية قصتي كلمه . . وآخر قصتي أبيات	اشكي لمن منكم	شعر و خواطر	6	04-11-2009 12:44 AM