░░░░........ ألــذ اللــذات ........░░░░

محروم.كوم · #1 06-30-2012, 05:30 AM

بسم الله الرحمن الرحيم
السلام عليكم ورحمة الله وبركاته
صباح الخير ياجماعه
.
من اللذات اللي تمر على الصقار
.
▓▒░ .... طرح الطير والحر بالذات وضفته بين الكفوف لذه من اللذات.... ░▒▓
.
▓▒░ .... صيد الفصيل لذه من اللذات ....░▒▓
.
▓▒░ .... محوال الطير مطلع لأول مره ويضايف وتديره بالموتر وتشوف حباراه مخمر لذه من اللذات.... ░▒▓
.
▓▒░ .... هدة الفوات اللي ينتج عنها اخذ الحبارى في المزن لذه من اللذات.... ░▒▓
.

هالطير صاد فصيل وكانت من اللذات اللي عشتها مع اخوي علي المعيبر الله يرحمه
.

هذا الطير غدى في اخر المقناص وماكنت بلتقط معه هالصوره وحنا منكفين لكن عقله الله على ابسط سبب
جزالله خير من سعى في إد خال السرور عليٍِِْ وعلى كل صقار
.

هذا الطير قنص به نايف لديره وعره وما معه جهاز وكنت حاط يدي على قلبي خايف يغدي كانت فرحتي ماتوصف يوم لفى من المقناص وهو معه لانه
غدى............... وعقله الله
.

من المواقع اللي ضيعت الطير على الطيار مضمونه احذركم من مقناص(( الخرم ))
.

وهذا الطير من الطيور اللي ضيعته كادت تفقدني شعوري
...

الحمد لله كل اللذات عشتها وعشت غيرها والله يعيدها
لكن هناك لذه اشوفها الذ اللذات
عشتها كم مره هي
عقلان الطير عقب ضياعه
مرت علي كثير وفرحت بعقلان الطير كثير
.
((تخيلوا ضياع الطير الوحيد في نص المقناص وفي ديره من المستحيل الحصول على طير طيب في ذاك الوقت بفلوس والا بناموس وبعد فتره بسيطه يجي اتصال يبشربعقلان الطير))
تابعوا السالفه
قانصين ومعنا طير الوحيد يطلع ويلحق ومرينا على ارض وعره جدا وفيها جره حبارى جديده وتشرف عليها جبال سروات
ماكنت متصور ان فيه حبارى بتتعلى هالجبال هي والطير ويختفون وراها .. ومع ذلك كنا حريصين مانهد الطير . مشينا مع الجره . نتسلى
ونُذكر بعضنا بعدم هد الطير في الوعره مهما كان لكن الطير تل وراح ورى حبارى شارد على البعد طارت واللي كنا مانتوقعه صار
وآخرالعهد بهم ذابوا في الدرابيل فوق سلسلة الجبال المتشابكه وهويخطف الحبارى وتسلم منه .
موقف الله لايجعله يمر على صقار .
لكن الله عقل الطير وتمثلت بهالأبيات ارجوا ان تنال اعجابكم
يا سعود ياسعود دوك النار فالدكَه ** روح وعلم ٍ لــفــاني يـبــري العله
علـم ٍِ يسـر الــفـؤاد ويـبـعــد التكَه ** ما ألذ من نادر ٍ ضاع إو عِقـِل لِـلـَه
النادر اللــي غــدى والله مـــا فكَه ** لكـن ليا تــــل طــبـــع ٍ فـيْ وإجبلَه
تــبـعته الـسـبـق وأقفى كنه البكَه ** لاشافت الدخــلـــــه فــي سهلةٍ خلَه
ذب إوعـر ٍِ لايـهــاط ولامعـه سكَه ** مافيه ريـشــه وذاك الــقــاع ما دلَه
وأتلا العهد به يخم الريش ويفكَه ** دخـان مـــورٍ ٍِ مــع الــخـــبــه يدبَله
.
وسلامتكم
هذا الذ مامر علي وودي اعرف ويش الذ ما مر على الأعضاء في المقناص؟؟
*
والسلام
AL Khapt Brother of Naif
الحجاز
11-8-1433هـ
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض دعم فني ] : ░░░░\|\|\| عروض من شركة تطوير هوست \|\|\|░░░░	محروم.كوم	منتدى أخبار المواقع والمنتديات العربية والأجنبية	0	11-22-2010 02:33 PM
4ياناس يا عسل░░♥░░♥░ الشاور والحنفيه المضيئه وصلت لحمام رومانسي ░♥░░♥░░لايفوتكم	محروم.كوم	منتدى أخبار المواقع والمنتديات العربية والأجنبية	0	04-09-2010 10:10 PM
اخيرا وصلت░░♥░░♥░ أباجورة Glow Series مع عبارة (أحبك يا عمري) ░♥░░♥░░لايفوتكن	محروم.كوم	منتدى أخبار المواقع والمنتديات العربية والأجنبية	0	02-28-2010 11:50 AM
الدفعه 6 ░♥░░♥░░♥ صـــ ــابون الـورد الجوري بشكل و حجم ْxxlو سعر غير♥░░♥░░♥░لا يفوتكم	محروم.كوم	منتدى أخبار المواقع والمنتديات العربية والأجنبية	0	01-30-2010 01:20 PM
░░██ ░░██ ░░ للبيع 2199883x BlackBerry Gemini Curve 8520 ░░██ ░░██ ░░	محروم.كوم	منتدى أخبار المواقع والمنتديات العربية والأجنبية	0	01-21-2010 06:50 PM