رّوآيه " هآيـم فيّ بحـر آلشّوق وُ لذة هيآمك " - الصفحة 98

بس كيفي~ · #1 09-13-2012, 10:37 PM

سلآمآأآأت ..مآأآأآأتشوفيين شر غلآأآأآأيه
ونحن نتريآا متى مآأبغيتي تنزليين ..
آاآأهم شي رآاآأححححججج قلب^^
__DEFINE_LIKE_SHARE__

«ضَحِيًة حِبُيًبُيً ..}● · 09-13-2012, 11:11 PM

.

.

.

البارت الـ 15

ميره يايه بغيض عندي : تعالي حجرتج . . .

ومشيت وراها وسرت حجرتي وانصدمممممممممت يوم جفت مايد ف حجرتي واقف عند الباب . .

انا اشهق : انت شو تسوي اهني . .

ميره دشت وسكرت الباب وقفلته . .

انا اطالعهم : انتو اتخبلتو . . .

ميره : وبعدين معااااااااااج وبعدين معاااااااااج . . كل يوم انصصصصصصدم ف شي فيج كل يوم تصدمييييييييييييني . .

انا فاجه عيني : انا شسووووووووووووووويتلج شفيييييييييييج . .

عقب استوعبت وصديت صوب مايد ويوم شفت ويهه عرفت . .

ميره : حركه بايخه منج وسخييييييييييفه . . " تصارخ " انتي وايد حقيره والله العظيم حقييييييره . . عطيتيه رقمممممي وخليتيه يتتتتتتتتتقرب مني بس عشان يفضااااااااالج الجوووووو ويا وليد صح ؟ تتوقعين اني بتتتتتتعلق ف مااااااااااااااااااااااااااااااااايد وبترك وليد حقققققققج عشان جي رتبتي المسرحيه هذي بيني وبينه . .

انا اطالع مايد : ما بتتكلم ؟ ما بتقول ؟ ما بتشرح ؟

مايد : هي ما عاطتني مجال اقول حرف كل ما اتكلم سكتتني

انا عاقده حياتي واطالع ميره : انا ابا اعرف انتي كل مصيبه ف حياتج لازم اكون انا سببها شو ؟ لين متى بتمين ادخليني ف مشاكلج وجني انا الي ماعندي شغله بس انتي وحاطه ريل ع ريل أأذييج . . لوعتي جبدي تراج قسم بالله لوعتي جبدي . . طفرت مننننننننننج طفرت . . اكبري اعقققققلي . .

مايد : سمعي ميره . .

ميره ترفع صبعها تهدد : انت تسكت وماتقول حرف واحد . .

انا بعصبيه : ليش ما تبينه يششششششرح ؟ ليش ماتبينه يقول ؟ ولا انتي تتلذذين يوم تشوفيني متعذبه ومجروحه منج ومن اهلج ؟ تتلذذين ومتفقين تنكدون علي عيشتي وتعقون علي مصايبكم . . قسم بالله انا متفاااجئه فيكم كلككم . . كيف انا كنت معمايه واطنش سوالفكم هاي كلها . . انتي بصوب واخوج بصوت وابوج بصوب . . وغير امججججججججججج الي تسم امي من صوب . . وكنت ساكته وبالعه بس عشان سيف لكن الحين لآآآآآآ . . والله لا انتي ولا عشره من امثالج . . تاكلين تبن ترفعين صوتج علي وتتوقعين بسكت لج . . اسمعععععيه شو بيقولج . . وعقب ما تسمعينه . . اطلعي من حجرتي ولا اطبينها مره ثانيه ولسانج ما يطيح ف لساني ولا يكون بينا الا سسلام . .

مايد : مهره مالها خص ف شي . . والله العظيم وانا احلف لج مالها خص ب شي . . السالفه كلها مقلللللب كنت بسويه لج وبعترف ف خمس دقايق . . وتمت تحن علي والله تحن اني اعترفلج واقولج وكم مره حاولت توضحلج وترمسج وتنغزج بس انتي ما تلقطينها . . انا كل يوم اقول بعترفلج بس ما اقدر في شي يمنعني . . كنت مستمتع معاج مثل ما انتي كنتي مستمتعه ف هالعلاقه لا تنكرين كنتي وايد مستانسه ومش مصدقه واانا شرآآآآآآآآآآتج مابغيت هالمتعه تروح وما بغيت ننهي من كل ها . . انا بروحي مصدوم كيف وصلنا لـ اهني . .

ميره تطالعه : والله انت مافيك ادب . .

مايد : صح . . معاج حق . . معااج حق ف كل شي تقولينه بسس. .

ميره : لا تقووووووووووووووووووول بسسسس . . " تنزل دمعتها " انا ماكنت ابا اخسرك انت بعد اقصد ماكنت ابا اخسسسر مهآآ . . كفايا علي خسرت وحده بإيدي " تطالعني "

مهره : خل اقولج شغله ميره . . قبل هالمره كنتي تعرفين سوات سيف فالغلط ولانه اخوج سترتي عليه . . المفروض ابد ما تين وتعاتبيني لان نفس الحركه انج سترتي ع اخوج انا سترت ع ولد عمي . .

ميره منصدمه . .

مهره : صح انه ابد ما كان ف نيتي هالشي ولا يا ف بالي لكن الي كنتي تسوينه فيني ف يوم بيتسوى فيج . . الدنيا تدووووور يا ميره الدنيا تدوور . . وها شي وايد صغير والله شاهد اني كنت احاول مع مايد . . لكن ماعليه . . الله فوق . .

مايد يطالع ميره : خلينا نتفاهم . .

ميره تصارخ : مابي اتفاهم . .

انا اتنهد : اطلعو برع . . " حطيت ايدي ع راسي " اطلللللللللللعو برررررررررررررررررررع

بطلت ميره الباب وطلعت وطلع وراها مايد تمو عند باب حجرتي . .

مايد : لحظة ميرة لحظظظه . .

ميره : وخر عن طريجي ولا بخبر الكل عن سواتك .. بخبر ابوي شسويت في بنت عمك وكيف قصيت عليها

مايد : والله ماكنت ابا اقص عليج . . والله والله والله . . افهمي ياخي كنت ابا اتونس

ميره : وخذت الي تباه ؟ اتونسسست

مايد : ميره انتي بروحج كنتي سعيده . . توج روحج اعترفتي . .

ميره : سسعيييده ب مهآآآآآآآآ . . مش ب مآآآآآآآيد

مايد : مها ومايد واحد . . شلي يضايقج هالكثر

ميره : لا والله ؟ شو الي يضاااااااايقني ؟؟؟؟ الي يضايقنك انك استغفففففففففففلتني وقصيييييييييييييييييت علي . . وخليتني مصخره تضحك علي " تصيح " انا حتى امنتك اسراري

مايد : واسرارج ف قلبي محفوظه محد عرفها . . انا مش نذذذذذذل . .

ميره : نذذذذذذذذل ونصصصصصصص

مايد : والله اني مش نذل . . يا بنت عمي لا تكبرين الموضوع وهو ما يسوى . .

ومشت ميره عنه وتم يلحقها وصوتهم بدا يغيب عني كل شوي . .

انا طحت ع السرير : آآآه يآ رآآسي . . تعبت والله تعبت من كل شي . .

ما حسيت الا بالولد مستغبن وكان طول الوقت متلحف بخوف . .

انا شليته : حبيييييييبي . . انا اسفه والله اسفه . .

حظني من غير ما يصيح وتميت ادقه ب خفيف ع جسمه وطحنا ع السرير عدل وتلحفنا ورقدنا سوى . .!

.

.

.

بعد آسبوع . .

صباح يوم الاحد . . نشششيت بحمآآآآآآآآس . . اليوم اول يوم درآسي . . قمت على الساعه 5 ونص عشان ما اتاخر اعرفني بطيئئه موووووووووت . . سبحت على راحتي واستشورت شعري وقعدت اتعدل واتلبس لين دقت علي الخدامه الباب يايبتلي الريوق . .

اول مادخلته سمعت مايد من برع يتكلم ويزاعق . .

مايد : هيه كبر راسج بتتريقين رووحج . .

انا مبتسمه : هيه شعبالك . .

مايد : يلااااا خلصصصصصصي بوصلج . .

انا : اوووكيه . .

ويلست اتريق ع السريع . . اخذ كرواسان ومع زيتون وحبة قششششطه وما مداني اشرب الكوفي لان حار وايد مع انه ف خاطري لكن مابي آتاخر ع مايد وراه دوام . .

اول مانزلت جفت راشد ولد عمي يتريق ويا خلود . .

انا : صباح الخير . .

راشد + خلود : صباح النور . .

شيخه طالعه من الحجره : مهوووووور . .

انا اطالعها : ها حبيبتي . .

شيخه : سويرتج الفندي خذتها امس فليل بلبسها اليوم اوكيه ؟

راشد يبتسم : خذتها عقب تشاور . .

اطالعته : حسيت يعني . .

راشد ابتسم . .

من بنات العايله انا وشيخه بس الي ندرس . . الكل مخلص دراسه او ما يبا يكمل او مكتفي بلي عنده . . ومن اولاد العايله كلهم متخرجين ومخلصين . .

انا : فدا راسج حبيبتي . . " اطالع خلود " انتي وين سايره ؟

خلود : عندي مقابله ف الدوام ادعييلي ان شاء الله انقبل . .

انا : موفقققققه فديتج . . نوصلج عيل ؟

خلود : لابسير ويا راشد . .

انا : اوووووووكيه . . " اطالعت شيخه " جاهزه ؟

شيخه : هيه يالله . .

سرت صوب حجرة ماما وجفتها راقده فديتها . . حبيتها ع راسها وطلعت . .

اول ماطلعنا برع البيت جفناه مرتززززززز . .

انا : انت شو تسوي اهني . .

وليد : بوصلج الكليه . . " يطالع شيخه " انتي خذي تكسي . .

شيخه : هاهاهاهاها . .

وليد : صدق تتحرييني استهبل . .

انا اطالعه : وين ميود . .

وليد يبتسم بشق حلجه ببراءه : انا خليته يروح . .

انا حاطه ايدي ع خصري : ليش ان شاء الله

شيخه تركب السياره ورى : مهور يالله الساعه 7 ونص مافينا نتاخر من اول يوم . .

انا اطالعه بنص عين . .

وليد يبتسم : اركبي يالله . .

وركب . .

انا فاجه عيني : شيخوه شحقه تركبين ورى . .

وليد : مهور اركبي احسن لج ترى لو روحت ماعندج حد يوديج . .

انا تامه اطالعه اوني قوية . . لكن يوم جفته ركب ولا افتكر تروعت وبطلت الباب اليدامي وركبت . .

شيخه ترد ع التلفون : ألوو . .

حرك وليد . .

شيخه : احححححلفي . . وليد لحظظظظظظظه وقف وقف . .

وليد يطالعها : بلاج . .

انا صديت : شوه . .

شيخه : البنات يقولون معلقين ورقة عند باب الكلاس ان اساتذتنا ما بيون اليوم عندهم اجتماع . .

انا : كل الكليه ؟

شيخه : مادري بس هي تقول معلقين عند باب الكلاسات . .

انا : قوليلها تروح كلاسي تشوف . . كلاسي ف بلوك بي 212

شيخه : اقولج جيكي ع كلاس بنت عمي

وليد يطالعني : لو ادري جان ماتعنيت

انا اطالعه : اصلا هاي ويهك ويه النحس . .

وليد : اونج مشتطه ع الدوام . . خل عنج ! الا مستانسه من تحت لـ تحت انج ما بداومين وتسوين روحج القدوه حق شيخوه

انا : لا حبيبي متحمسسسسسه ونص ..كفايا اني متعنية وناشه الصبح . . يروح علي اليوم وانا من الصبح ناشه ومتعنية . . حرام . .

وليد يبتسم : حبيبي ؟

انا اطالعه بصدمه . .

شيخه : مهور تقولي عادي شي بنات ف كلاسج وكلاسج مبطل يعني عندج دوام لان احنا كلاسنا مسكر . .

وليد يصد ورا يطالعها : عيل شو تتريين . . انزلي يلا . .

شيخه : انزين ناااااازله . . " تبتسم " انجوي بنت عمي

انا : بل على الحظ الي عليج . .

ونزلت . .

وليد يطالعني ويحرك : انزييييييين . . يعني احنا مكتوب لنا لازم نتم رواحنا . .

انا مطنشتنه واندمجت ف البي بي . .

وليد وقف صوب الشيشه وصديت له : ليش . .

وليد : تريقتي . .

انا : هييه متريقه فالبيت . .

وليد يحرك بيروح . .

انا : لا اصبر . . بنزل اخذلي كوفي ماشربت . .

وليد فتح الباب بينزل : شو تبين . .

انا فجيت الباب نزلت : بنزل . .

وليد فاج عينه : هاي الي بصفعها من الصبح . .

انا : شوووووو . .

وليد : انا . . .

وطنشته قبل لا يكمل كلامه ودخلت . .

شوي ودش ورايه ويا صوبي . . .

انا : كافي لاتيه . .

Two please , وليد :

انا سرت صوب الجوكلت وخذت لي مقتطفات من كل شي احبه . .

خلص الكوفي وشلاه وليد وو وداه صوب الكاشير ونزلت الي شريته وحاسب وليد عني . .

يطالعني : اركبي السياره انا بييب الاغراض . .

شليت بس الكوفي عنه . . وبما ان هاي اول محطه من عقب بيتنا تصادفت ويا سيف وانا طالعه . . شفت سيارته كان يعبي بترول وحطيت عيني ب عينه . . بلعت ريجي وقويت عمري وانا اتذكر الكلام إلي دار بيني ف بينه قبل كمن يوم . . وركبت السياره . .

>

<

>

دشيت وانا ارتجف ودقيت باب الميلس ب هدوء ..

انا : السلام عليكم . .

سيف : وعليكم السلام . .

قعدت ع الغنفه وقعد ع الغنفه الجريبه مني بس مش وايد . .

انا اطالعه باهتمام : شـ بغيت . .

سيف يطالعني عين ب عين . . : مهره انا ادري انج حبيتيني وعمري ما بحصل وحده حبتني شرات ما حبيتيني وتحملت كل شي عشاني

انا اقاطعه : ادخل ف الموضوع على طول . .

سيف يبتسم : صرتي ما تحبين تسمعيني وانا اتكلم حتى ؟

انا : انت كسرت كل شي . . اختصر سيف . .

سيف : انا بعدني شاريج . .

انا فاجه عيني : نعم ؟؟؟

سيف : بعدني اباج كـ زوجه لي . .

انا : انت ترمس جد ولا قاعد تستهزء فيني . .

سيف يطالعني

انا : بذمتك نورة تعرف انك اهني عندي وتقولي هالكلام ؟

سيف : وانا شعلي من نورة ومن طوايف نورة . . انا ريال وكلمتي بأيدي

انا ابتسمت : اكيد جدامها قلت عني نفس الكلام . .

سيف يطالعني . .

انا : اذا هانت عليك بنت خالك تقولها هالكلام عيل والله اني هنت عليك ورمست عني بشين جدامها . .انا اعرفك عدل سيف . . محد يعررررررفك كثر ما انا اعرفك . . انا من نظرة افهمك

سيف : اباج بنت عمي . . لاتتخلين عن حب 21 سنه

انا اصارخ : سيف لا تخبل فييييييييييييييييني . . " وقفت " انا لعبه ف ايدك ولا شووووووووه . .

سيف يوقف : بدون صراخ . . انا ارمس جد . . انا ماقصد العب فيج بس انا اباج . . وانتي ف خاطري . .

انا : انا فخاطرك بدون حبببببببب . . بدون ما تحبببببني انا فخاطرك . . عقب ما جرحتني واذيتني تقولي انتي فخاطري .؟ انت ذبحتني طعنتني . . بعتني ف دقيييييييقه .. ف دقيقه انت تركتني ولا افتكرت ولاسألت عني وخليتني اعاني روحي حتى ما كلفت ع روحك تسأل عني . . الحين ياي تقولي والله انتي ف خاطري ؟؟

سيف : وليد ما بتاخذينه . .

انا : ايووووووووووووووووا . . الحين فهمت " ابتسمت " اكيد سمعت انه ناوي يخطبني عشان جي انت مت . . " ابتسمت " قسم بالله انك اناني . . انت فظيع انا مادري كيف كنت اشوفك واحد ثاني . .

سيف : صدقيني بوقف ف طريجج وبعارض هالزواج . .

انا : عارض . . ما عاد يهم . .

سيف عاقد حياته : انتي ماتعرفين شي عن وليد ترى . . وايد مغشوشه فيه . .

انا : ش عندك ضده قول . .

سيف يطالعني . .

انا : قول شعندك . . .

سيف : ترا قبلج كان يسوي ف شيخه نفس الشي وشوفي كيف تركها ترك جلاب ولا افتكر فيها . .

انا ابتسمت باستهزاء : انا اعرف الي ماتعرفه . . لا تحاول تشوه سمعته لاني سامعه السالفه من اختك واعرف منو ترك منو ومنو الي إذى منو . .

سيف يتقرب مني بقوة ويمسك جتفي بايدينه الهنتين وبكل غيض : ماراح تتزوجينه . .

كنا وايد قراب من بعض . . مادري القوة الي يتني من وين وخلتني اعطيه طراق . . .

انا اطالعه : الحين . . الحين مسكتني بدون خوف . الحين لاني بروح عند واحد غيرك . .

سيف بكل غيض : بخليج تندمين ع اليوم الي حبيتيني فيه . .

انا ابتسم : انا ندمت سييف وخلصت . . وبتتفاجأ فيني وايد .. يمكن انت محيتني ب ثواني . . لكن صدقني انا بمحيك من جذورك مع الوقت . .

وطلعت من الميلس . .

>

<

>

ومن عقب ها النقاش اتلاقيت وياه اليوم . . ماتمنيت اشوفه ابد . . مول مابي اشوفه . .

شوي و يآ وليد ومن عقب ما ركب السياره وسكر الباب يا سيف وبطل الباب علي . .

سيف : انزلي . .

انا اطالعه بصدمه . .

سيف ماسك اعصابه : انززززلي .

وليد يطالعني : ها بلاه . .

سيف يطالعني : تبيني اسحبج بالقوه ؟

وليد : جرب . .

انا بلعت ريجي ويييت اسكر الباب لكن مسكه . .

سيف : تعرفين تتجاهلين بعد . .

وليد : لان واخيرا فتحت عينها . .

سيف يطالعه : انت بتنطططططططططططططب ولاااا شو يا ***********

وليد يبتسم : بحشم بنت عمي اليالسه ولا اانا اعرف ارد عليك . .

انا : وخر وروح بطريجك انا وراي دوام . .

سيف مسكني من جتفي : انززززلي انا بوديج . .

انا اوخر ايده : ووووووووووووخرررررررر . .

وليد نزل من السياره وسار صوبه وصارخ : انت حيووووووان . . تقولك هدهاااااااااااا . .

ونقع البكس بينهم . . ع رغم الضرابه والبكس والصراخ انا بس سكرت الباب ويا ف بالي شي واحد . .

سيف حرقه تجاهلي . . حرقه اني تجاهلته وميت مني لاني لجئت ل حد ثاني . . ها اول سبب خلا سيف ما يحبني . . لانه كان واثق حيل انه هو الاول والباقي فالمرتبة الاخيرة . . هو البوس . . هو الي اتجاهل العالم كله بس ما اتجاهله هو . . لو شوي بس . . بس شوي تجاهلته كان ممكن اكسب قلبه لكني وايد كنت بين ايدينه . . معقوله هالشي غلط .؟ معقوله اذا حقرته وكرهته عيشته كان بيحبني . . اكيد معقوله . . " ابتسمت "

وليد يركب السياره : لاه ؟ مسويه مشاكل وتبتسمين . .

انا اطالعت وليد وكنت يايه اصد اشوف سيف لكن . .رصيت ع عمري بالقو وقعدت اطالع وليد بس وهو يرجع ريوس ويطلع السياره . . بتم مركزه فيه وما بخلي سيف يشوف خوفي علييييييه او شغفي اني اشوفه . . ! شليت نظارتي الشسميه ولبستها وعقب حركت راسي شوي وشفت عين سيف علي . . عين مقهوره وفيها غيض . . مادري ليش حسيت بالنصر مع اني ما سويت شي كبير . . مابي احقد ع اكثر اول شخص حبيته . . مابي اشوف حوبتي ف اكثر انسان تمنيته . .

وليد : عفيه بنت عمي . .

اطالعته . .

وليد يتبسم : عفيّه . .

انا اطالعه : ع شو . .

وليد : انتي عارفه وانا عارف . .

خذت الكوفي الي حطيته فالسياره وين يحطون المشروبات ماعرف شسمه . .

وليد : وانا ماقولج هالكلام لاني اباج توقفين ب صفي لا . . لكن اباج تتغيرين للاحسن وتبدين جد تشوفين حياه يديده . .

انا : تعرف ولد عمي شو اكثر شي صادمني

وليد : شو . .

انا : اني ماكنت اشوف الي يصيرلي عدل . .

وليد : عن شو بالضبط

انا : يعني الحين واضح يعيني انانية سيف . . الحين واضح بعيني كيف ميره انانية اكثر عنه . . الحين وضحت بعيني امور لدرجه اني اقول كيف كنت ما الاحظ . ..

وليد : لانج كنتي تشوفين سيف ومسكرة عليه . . وكنتي تتغاضين عن كل شي عشانه من حبج له . . ومن انصفعتي و وعييتي . . عرفتي الي كنتي ماتشوفينه . .
انا : حطيت لـ يوم فراقنا ( ألـف أحتمال ) آحتمال تروح عني وأحتمال أني أجيك ! ويوم افترقنا هـدّ حيـلي يوم قـال : ما كنت أحبك - بس كنت متعود عليك

وليد : تنسين بنت عمي تنسين . . . ها درس لج وبيفيدج . . وكل هالدروس تزيدج قوه وتفيدج لجدام . .

ابتسمت : الحمدلله ع كل شي . .

وليد : بس بس قلبي هالمود تنكدين علينا من الصبح . .

تميت اشرب الكوفي وساكته . .

وليد : هالنظارة التقليد من وين ماخذتنها . .

انا اطالعته : تقليد ف عينك

وليد : يلا يلا قولي مابخبر حد

انا : والله مش تقليييييييد . . اقنننننر وخذتها اول ما نزلت بعد . .

وليد : وين الاقنننر ؟؟؟ ما يبين !! خريط ميمع تعال وتسمممممع

انا فصخت النظارة واراويه : هاااااااا . . هكو اهني جوووووووف

وليد يبتسم . .

انا اطالعه : انت اهبل شو . . جي تضحك . .

وليد : جي احلى . .

انا اطالعه مش فاهمه . .

وليد : يون بتنزلين غطي عيونج . . احين خليني اكحل عيني فيها . .

ابتسمت لا ارادي : يعني سخيف بدرجه ماتنوصف . .

وليد يبتسم . . : متى بتخلصين اليوم . .

انا : مادري . .

وليد يطالعني : ماشفتي جدولج . . ؟

انا : بلى بس ترى اول يوم اكيد بطلع بدري . .

وليد وقف عند الاشاره ويطالعني : دقيلي بمرج من تخلصين

انا عاقده حياتي . .

وليد : منو بيمرج . . محد بيتعنى يظهر من دوامه عشان خاطر عيونج . .

انا : اليوم بخلي امي تسير تطلب لنا دريول . .

وليد عاقد حياته : وانتي ماخذه الليسن ع الفاضي ؟

انا : مابي بعدني احس من زمان ما سقت اخاف . .

وليد : انزلي . .

ونزل من السياره ويا صوبي . . : يالله انزلي بتتفتح الاشششاره . .

انا : ايه انت اتخبلتتتتت . .

وليد مسكني من ايدي : انزلي . .

ونزلت وسرت مكانه . .

وليد يطالعني : يالله عدلي وضعج . .

وشوي ضربو لنا هرنات . .

وليد : طنشيه . . يالله خلصي امورج عقب حركي . .

رتبت الجامه والكرسي ع حسب ما يناسبني وحركت . .

وليد يطالع وياي : اضربي اشاره ولفي . .

سويت الي قاله . . .

وليد : بس . . خلج ع راحتج الحين . . امسكي السيد اليمين وسوقي ع راحتج . . اتخيلي انج تلعبين لعبة السيايير . . كيف بتقودين سيارتج بامان ؟ كيف تحامين ع نفسج وماتخلين حد يدعمج . . استرخي وشوي شوي . . مافي شي يجبرج تستعيلين . . خلج ع الراحه . .

وهو يتكلم تذكرت . .!

>

<

>

سيف : قلتلج لا يعني لا . .

انا : انزين سواف ليييييش . . ترا بنفع نفسي . . عايبنك اسير ويا الدريول واتلعوز ويتاخر علي . .

سيف : يوم بنعرس انا بوديج وبيييبج ما بتحتاجين لا سياره ولا سواقه ولا خرابيط . .

انا : انزين خلني انفع نفسسسسسي . . انت ما بتقدر تلتزم فيني . .

سيف :بقدر ماعليج مني . .

انا : يعني انا ماخذه الليسن بس زييييييييينه

سيف : هيه زينه . . بروزيها وخقي فيها . . انا عمري ما بخليج تسوقين مالج حايه . .

انا : بدال ماتعلمني وانت الي توديني وياااااااااااك وتخليني اسوووووق

سيف : حريمتج . .

انا : حرام عليك . . انزين مره ع الاقل مرررررره . . ركبني حذالك وخلني اسوق لين الكليه والله خاطري . .

سيف : قلتلج لاااا . . طرطور انا ايلس حذالج وانتي تسوقين ؟؟؟ يالله بس سكري الموضوع . .

انا : يعني اقولك ف خاطري

سيف : انتي ما بتسكتين لين ابند فويهج صح . .

>

<

>

وليد : ايييييييه . .

انا : هاااااا نقزتني . .

وليد : طوفتي الكليه يا الغبيه . .

انا اطالعته : ها . .

وليد : ها لاه ؟ هاا . . لفيييييي هالللفه لفيييييييي لا تسيرين . .

ضربني ع خفيف ع راسي . . : انتي بقره .؟ بكريه ؟ امباع ؟

انا ابتسمت : انزين شووووووو . . .

وليد : اتاخرت ع الدووووووووام انا . . طوفتي اللفه الثانية حتى . . خذي الدوار يالله خلصينا وردي . .

ابتسمت وسقت . .

وليد : اونها تستوي ام البرستيج يوم تسوق . . انا الي ما اكلم حد ومركزه يعني . .

انا : هههههههه جب حيوان . .

وليد يبتسم : هاا . . شفتي تسوقين مثل البخت . .

انا : بس بعده فيني خوف . .

وليد : خلي عنج . . ماشي خوف ولا شياته . . المهم من تخلصين دقيلي بمرج . . وسالفه الدريول شيليها من راسج . . انا بوديج وبردج لين .. . .

انا بدون ما اطالعه : لين شو . .

وليد : توافقين " يبتسم " وعقب انا اخذلج سياره . .

وجان اسسسسسسسسسسسدحه بررررريييييييييييييييييييييييييك . .

وليد : حسسسسسسسسسسسسسسسبيي الله عليها من بنت . .

انا ع طول جفت لو شي سياره ورايه بس الحمدلله ماشي ولا جان خبطتني . .

وليد : مش منج . . من الحيوان الي مخلنج تسوقين . . انزلي يلا انزلي . .

انا : هههههههه عقب ما وصلنا . .

وليد : تعرفين تبركنين . .

انا : لا خلنا جي احسن . .

وليد : يالله خلي تعليم الباركن وقت ثاني لاني متاخر . .

نزل من السياره ونزلت وسرت مكاني مره ثانية عشان اشل اكياس المحطه والكوفي . . وهو ركب . .

ولما كنت قاعده اشل اتلعوزت الشيله تفججت شوي . .

وليد : اركبي . .

انا اطالعه . .

وليد يطالعني عاقد حياته : اركبي . .

انا ركبت . : شو . .

حرك السياره شوي جدام وخلاها ع طرف لان سياايير ورانا . .

وليد : شوي شوي ليش مستعيله . . بالهداوه شلي قشارج . . وعدلي شيلتج ما بتنزلين جي . .

انا نزلت الجامه الجدامية وتحجبت عدل وطلعت من الشنطه روج وعدلت روجي وزدت البلاشر شوي وعقب ركزت ان وليد مركز وياي . .

انا اطالعه : لا تقول لي انك كنت تطالعني طول الوقت . .

وليد مبتسم : انا متاخر متاخر . . انتي باقلج 3 دقايق وبيبدا كلاسج . .

شفت ساعتي : اوووووووبسسسسسسسس . .

وشليت الاغراض وكل شي ونزلت وقبل لا اسكر الباب وخيت : مشكور . .

وليد يأشرلي بأيده بآآي . .

وسكرت الباب وسرت عنه . . !! كنت احس بشعور حلو . . من صليت استخاره من اسبوع وانا كل ما اقعد مع وليد احس بالراحه وكل ما اشوف سيف قلبي ينقبض واكتشف كيف كنت غبيه ! لكن ميره بس ف بالي . . ماقدر اوافق عليه وميره تفكر فيه .. لازم ميره ترد علي . . للحين ماردت من عقب ما كلمتها . .

ميره : انا ما حبيت مايد لا تتحريني حبيته !! ابد ما حس اني حبيته انا بس كنت اتسلى وياه وتعودت عليه ع اساس انه مها لا غييير . . ماشفت انه ريال ولا تكلمت وياه ع اساس انه يكون ريال . .

انا : بس هو حبج . .

ميره تطالعني : تبين تقنعيني فيه عشان

اقاطعها : لا عشان وليد ولا شياته . .ميره انا اقدر افرج ف يدار وماسويلج سالفه واوافق ع وليد . . الي ياني منج ومن صوب اهلج وايد لكن انا مش نذله ولا اني ناكره معروف . . وليد ياني ودق باب البيت ورمس يدي ورمس كل اعمامي و ابوه رمس ابوج حتى وابوج قاله بصريح العباره خذها وفكنا منها . . ابوج اصلا ما يداني وليد ولا يحب يشوفه!!! انا اكلمج الحين ع اساس ع ااسسسسااس على اساسس وركزي على كلمه على اساسسسس اني كنت في يوم من الايام صديقه واخت وقريبه لج . . لاني كنت بقولج نفس الكلام . .

ميره تطالعني وتتنهد : اعرف . . والله العظيم اعرف . . انا مادري ليش صايره حقيره . .

انا اطالعها : ما تكسرين خاطري خلاص . .

ميره تحط راسها ع ريلها : جب . . اعرف انج تحبيني لو شو ما سويت . .

انا اطالعها : انطبي . .

ميره تطالعني : مهور . . انا مالي غيرج تحملي لعانتي . .قبل ماكنتي تتحرطمين . .

انا : لاني صابره وماشوف زين . .

ميره : صح انزين ادري . . عشان سيفوه . . " تمسك ايدي " العبي بشعري شرات اول . .

وحطيت ايدي ع شعرها وتميت اكششه . .

ميره : اااااااااي يالسخيييييييفه . .

قعدت وجابلتني : شوفي . . عطيني وقت بسيط . . وبرد عليج خبر . .

انا : ميروه لا تتغيرين علي . . بكرهج عقب شرات ماناوية اكره اخوج ..

ميره : تخسين . . ماترومين . .

تميت اطالعها . .

ميره : انزين خلج من كل ها . . خبريني ميود سألج عني . .

انا عاقده حياتي : هااا ميرووووه اختيييييييه . . تغيرت سوالفج اشوف . .

مروان + مايد : هووووود هود . .

انا كنت حاجه اوردي الشيله عراسي . . ميره تحجبت بسرعه . .

مروان : السلام عليكم . .

انا : وعليكم السلام . .

ميره تطالع مايد بنص عين : عليكم السلام . .

مروان : انتي شو تسوين اهني . . عفريت ؟ توه جفتج فالبيت متى يييتي . .

ميره طنشته . .

مروان يطالعني : شحالج بنت عمي . .

انا :يسرك الحال . . شخبارك انت . .

مروان يبتسم : الحمدلله . . عيل وينها حرمتي . .؟

انا مبتسمه : تترياك . .

مروان : نشي وصليني . .

حسيت انه يبا يقولي شي لانه يدل الميلس واوردي يبا يكون ويا شما رواحهم ؟

انا : يالله . .

ميره تطالعني وفاجه عينها وترمس شوي شوي : وبتخليني وياه . .

مايد يطالع ميره بجمود . .

ابتسمت : برد . .

ونشيت سرت ويا مروان . .اول ماوصلني الميلس قبل لا ندخل قال لي . .

مروان : سمعي بنت عمي . . ترا الي صارلج ويا سيف و ويا امايا ويا امايتج و غير اذى ابويه انا انسان مالي شغل فيه . . يا ليت ف قلبج ما ينشال علي ذره . . واباج تعتبريني شرات اول . . اخو . . ترا عمج المرحوم كان غالي علينا و وصا الكل عليج . . وانا من استوت سالفتج ويا سيف وانا مارقد الليل واتم افكر واقول يمكن انتي شايله علينا

انا مبتسمه :طول عمرك اصييييل ولد عمي . . ماعليك قصيره والله . .

مروان يطالعني بجدية . . : مثل ما قلتلج . . الي بينج وبين اهلي ب صوب . . انا مالي خص ابد . . اعتبريني واحد غريب عنهم ولا يكون ف قلبج علي شعره . .

ابتسمت : من دون ما تقول يا مروان . .

ابتسملي . .

انا : يالله ادخل ادخل ابا اجوف ردة فعلك . .

وبطلت الباب وصد مروان يطالع . . : شماني تترياني؟

وسكت مره وحده .!!!!!!

كان مصصصصصصصصصدوووووم لدرجه انه تم صصصصصنم . . لا يتكلم ولا يتحرك ! واظن ما يتنفس بعد !! بس يجوووف . .

البنت الخجوله الي تستحي الي ماكانت تحط عينها بعينه خربناها اليوم . . خليناها تلبس له قصير . . مش قصير وايد !!! يعني لبس قصير لين تحت الركب بشوي مع هيلاهوب شفاف وكعب ومكياج فل . . لان اليوم كان ميلاد مروان !! وما يصير يروح اليوم بدون منكر بين زوجين !!!

انا اضحك : ههههههههههههههه ما بتدخل شو . .

طبعا انا لما شفت شماني ترجففففففففف وتطالع الارض وماتتحرك قلت لازم ادخل . .

مروان يطالعني : مهور . .

انا اطالعه . . : بلاك

مروان : دخيلج لا تخلينا رواحنا اليوم . .

انا : هههههههههههههههههههههههههههههههههههههههه

مروان بذهول : قسم بالله ارمس جد . . لو ماتبون البنت تروح من ايدكم ! لا تخلينا رواحنا . .

سكرت الليتات لان شماني الهبله قلنا لها يوم بتجوفين مروان دش سكري الليتات وهاتي الكيكه . . من سكرت الليتات توجهت عيون مروان ل الشموع وتقرب صوبها . .

انا : شموه غني انزين هابي بيرث دي . .

شماني طااااااااااف . .

مروان يغني حق عمره : هابي بيرث دي تو مي . .هابي بيرث دي تو ميييييييي . .

ونفخخخخ ع الشموع . .

وسرت صوب الليتات وشغلتها وعقب طلعت من عندهم !! تكمله الموقف خبرتني اياه شموه انا وميروه عقب ما روح عنها مروان . .

مروان يبتسم : شو هالزين . . شو هالحلا . .

شما ترجف . . : كللل . . ككككل عام . . وانتتت بخيير

مروان : ماشي بوسة ؟

شما ما تتحرك . .

مروان تقرب منها وحبها ع خدها اليمين وخدها اليسار . .

شما تبلع ريجها . .

مروان : كل عام وانتي عروستي . . " يبوس راسها " حبيبتي . . وام عيالي ان شاء الله

شما : ان شاء الله . .

مروان : عشان جي قلتي لي تعال بجوفك اليوم ضروري واباك ف موضوع

شما تهز راسها ب هيه . .

مروان : تسمحين لي ابوسج مره ثانية ؟

شما ماتتكلم . .

مروان يبتسم . . ويهسملها : ابوس ؟

شما بحيا: مممروان عاد . .

مروان يبتسم : خلاص خلاص . .

وعقب مارضت تخبرنا ش ـصآر !!! مع ان الفضول ذبحني وحنيت عليها لكن ما قالت . . ! من عقب ماروحت من عندهم سرت صوب ميره ومايد الا كانو داشين ف نزاع حاد . .

مايد : يوم انج انتي مش قد الوعد حق توعدين الناس ؟ وعدتيني والوعد بيتم ف رقبتج يعل رقبتج القص

ميره : يعل رقبتك انت القص تدعي علي حق شووووووووو

مايد : انتي حسبالج وليد بيسويلج سالفه ؟ والله ولا داري عن هواج . . انتي عاقه عمرج شرات هالهبله " ياشر علي " ما كاانت عاقه عمرها ع اخوج . . سبحان الله انتو ربع يعني نفس الطبع

انا ااشهق : خسي هاي نفس طبعي . . ياليتها ماخذه طبع واحد زين

مايد : لا ابششششرج . . ماخذه هالطبع . . عاقه عمرها ع واحد مايشوفها ولا يفتكر فيها . .

انا اطالع ميره وبصوت خافت : ع الاقل مبين لها هالشي . . مش غاشنها . .

مايد : ياللله عاد . . قوم يود سالي الحزينه . .

انا ابتسم : حقير . .

مايد : يلااااااا خلصصيييني . .

ميره : قللللللللتلك لاااااااا يعني لاااااااااا

مايد : انزييييييين ليش . . ياخي ردي اعتبريني مها راضي انا

ميره : مااااااااااابا ارمسسسسسك مابا

مايد : ما قلتلج رمسيني ياحيوانه . . مسجات بس مسجات . . ياخي ملان انا روحي

ميره : لا والله . . ملان تتسلى فيني

انا : مايد ترا ماعليك منها من وراك تتخبر عنك . . واصلا هي ضايعه بدونك . . ولو مش ضايعه بدونك ماكانت بتيني هالحزه . .

مايد يبتسم : حلووووووو . . يعني متعادلين . . ياخي حق شو مصعبه المسأله . .

ميره : انا مابا ارممممسسسسك افهمممممم . .

مايد : وانا ما بخليج تروحين لين تقوليلي انج بترمسيني . .

ميره : عادي

مايد : لازم عادي لانج تبيني اجبرج اتمين معاي . .

ميره تصارخ : اييييييه . .

انا اصارخ : انتو بس لوعتي جبدي صراخ صراخ . .

ميره : عيل ماتشوفينه

مايد : انزين بخخخخخخطبج . .

ميره تطالعه ..

مايد : والله بخططططططبج . . خل امي ورقوي وابوي يردون بقولهم يخطبونج . .

ميره تطالعني : طاعي هذا

انا رفعت ايدي : مالي خص فيكم . .

يرن تلفون البيت وسرت صوبه . . : الوو . .

عبدالله : مهره ؟

انا : هيه . .

عبدالله : عنود يتكم . . ؟

انا : لا . . !!!

عبدالله : استغغغغغغغغفر الله

باب البيت ينفتح . .

انا : بلى هكي يت . .

عبدالله : ووووووووالله ؟ يالله الحين ياي . .

دشت عنود وصقوري كان وياها ومتيبس صياح متربصصصص ف ريولها وهي تمشي ف طاح . .

انا سرت صوبه وشليته : عنوود بلااااااااااج عليه شوي شوي . .

ما كان يباني كان يرافس يبا امه . .

عنود تصيح وتطالعه بعصبيه : خلاص اصصصصصصص . .

انا غطيت ويهه عنها : عنود والله اني بضربج قسم بالله لاضربج . . انتي حقيره شو .. شو تبين فيه الياهل . .

تميت احظنه واسكته . . سارت عنود غرفتها وانا سرت صوب مايد وميره

انا : بدال الصراخ والضرابه والحشره سكتووووووووووووووووه . .

عطيت ميره الولد وسرت صوب عنود . .

مايد : انتي مجرمه حتى ياهل ماتعرفين له ؟ كيف بتستوين ام في يوم من الايام ؟

ميره : ياخي انت شعليك منننننننننني . . ليش مقهورررر . . بكون ام عياااااااالك وايد تحاتي

مايد : هي بعد شووووووو . . ليش لا ؟؟ ياخي انتي حبيييتيني . .

ميره : ترا انت ذليتني بهالكلمه

صقر يصيح زياده . . جان اصد . .

انا بعصبيه : ميروووووووووووووووووه ..

ميره : بس فدييييييييييتك صقوري بس حبيبيييييييييي . .

مايد بزيغه : صقر نسير سياااااااره ؟

صقر بدا يسكت : سياااااااالاااااااه

مايد : هاتيه . . يالله نسير . .

وشلاه . .

مايد : شفففففتي جي يسكتووون . .

ميره : لانك غويته بس لو ما غويته والله ما بيسكت لك وبيصيح زياده

صقر رد صاح جان ارد اصدلهم مره ثانية . .

مايد : خلاص خلاص . . يالله سايرين السياره . .

وطلع مايد . .

انا : بلاج . .

عنود حاطه ايدها ع راسها : امي وين . .

ومشت عني سارت حجرة امي وحظنت امي . .

اميه : بلااااااج اميه عنود . .

عنود تصيح : امايا خلاص ماباه . . خل يطلللقني . .

اميه : لييييييش . .

انا : شوه مستوي بعد ليش . .

عنود تصيح : يا اميه عمي مش راحممممممني هلكني . . والله سود عيشتي . . انا حرمه وقلبي رهيف كم بتحمل اسمع كلام جارح . . من شاف عبدالله تغير وصار زين وياي وهو بس يسبه جدامي ويقوله ها ولد حرمتك . . ها استويت خاااتم . . ها قصصصت عليك هالسحليه . . ويتم يقولي انتي الي من النوع الي يتسكنون لين يتمكنون ومكاره واتسوين عمرج طيبه " تصيح " وانتي داهيه . . انزين حق شو كله ها انا شو مسويه فيه شووو . . هلكني يا امايا هلكني . . هذا هم مش عم والله انه عدوووو . .

انا : بس عاد امايا الشي زاد عن حدددددددددددددده . . مصصصصصصصخها لين متى بيتم يسوي فيني جذي لين متى . . شلي عمي شالنه علينا . . شو الي كان بينه وبين ابوييييي . .

عبدالله يدق باب حجرة امي . . : ادخل ؟؟

اميه : ادخل ابويه ادخل . .

عبدالله : عـنود !

عنود تصيح : عبدالله دخيلك مول مابا ارمس . .

عبدالله : يا ام صقر اذكري الله . .

اميه : عبدالله شو يخصه يا اميه

عنود : يخصصصصصه انه ولد عمي . . عمي الي يكرهنا ومسود عيشتنا . . امايا انا ما اقولكم لكن يوم عبدالله محد عمي يششششششششغلني خدامه . . وانا حتى ما طريت ولا قلت شي قلت ماعليه عمي وبستوي خدامه عند ريوله .. بفرك ريله ليل نهار ولا بمل . . لكنه يهيييني . . يشغلني عنده ويهيييييييييييييييني . . يذليني يا ااماايا والله يذلني . . يوقفني ع ريولي المطبخ اسوي غدا ويوم ايييب له الي سويته يفر نعمه الله ف ويهي .. يشتمني ويسب ابوي المرجوم ويسبج ويسب تربيتنا . . ليش احنا شو مسوين . . سود عيشت اختي وسودت عيشتي شو ناوي اكثر امايا انا ما اتحمل . .

عبدالله يسير صوب عنود ويبوس راسها : سامحيني . . " يمسك ايدها " امسحيها ف ويهي . . والله ما اخليه يقولج حرف واحد . .

عنود تطالعه : انا تحملت عشانك وعشان صقر " تنزل دموعها " لكن خلاص انا حرمه وبديت اكبر عيب اتعامل بهالطريقه والله عيب . .

عبدالله : ماعاش الا يهينج يا ام صقر وانا حي . . قدرج ع الراس والعين . . " يبوس راسها ويبوس ايدها " سامحيني . .

سار صوب امايا وباس راسها : سامحيني سااامحيني . .

امايا : ادريبك فديتك ما يخصك ف شي . .

عبدالله : قومي معاي . .

عنود : مابرووووووووح . .

عبدالله : ما بنسير البيت . . قومي بنتمشى شوي " يطالعني "

انا مبتسمه : لاتحاتي صقر في عيوني . .

عبدالله يبتسم : وين بيحصل خاله تحبه شراتج . .

انا : ما بيحصل . .

عنود تمسح دموعها . . .

عبدالله : يالله عاد . .

عنود تطالع امايا وتطالعني .

انا : سيري شو تطالعين بعد . .

ومسك ايدها وظهرو سوى . .

امايا : الله يسخر قلبك لـ قلب بنتي ولا يغير قلبك عليها يارب

انا : امين . .

>

<

>

رن تلفوني ونقزت . .

انا : الوه . .

وليد : دخلتي كلاسج . .

انا : هاه

وليد : شو هاه . . دخلتي كلاسج ولا . .

انا : لا . .

وليد : ليش ؟

انا : امشي الحين بروح . .

وليد : في شو كنتي تفكرين ؟

انا مبتسمه : ماشي . .

وليد : خل عنج قولي . .

انا : جب شو يخصك انته . .

وليد : جب ف عينج . .

انا اسلم ع وحده : هلا والله حيااااااااااااااتي . . " ويلست ابوسها واسولف شوي "

انا : الوه . .

وليد : خليتي شي . . حياتي حبيبتي عيوني . . قومي احجزي لها غرفه ف الفندق بعد

انا شهقت : اييييييه

وليد : عيل ؟ ماخليتي شي ما قلتيه . . عيب شو ها . . شو خليتي حقنا يوم بنعرس

انا : انت وايد واثق

وليد : يعني بتقولين لي انج ما بتترين رد من ميره ."؟

انا انصدمت و وقفت مكاني : شوو . .

وليد : ميره ردت خبر ترى . . وردت علي انا . .

انا : عن المصخره انزين

وليد : برايج . . بااي

انا : اييييييييه ..

وليد : ها . .

انا : بلا استهبال

وليد : شوو . .

انا : ليش تستهبل . .

وليد : ماستهبل . .

انا : انزين خلاص خلاص برايك . .

وليد : ميره تباج توافقين . . وتباج تكملين حياتج وياي . . وتحس اني بعوضج عن كل شي عانيتيه من اخوها ومنها ومن ابوها ف يوم . . تحس اني انا وهي قصه مش مكتوبة ومش لبعض من البدايه وهي متعلقه ف وهم كاذب والسالفه بكبرها اعجاب وفضاوة . . ميره تبانا لبعض . . وتعطيج تبريكتها بع ـد .!

انا سكت ولا علقت ولا قلت حرف واحد . .

وليد : ترا ها كلامها بالحرف . . لا زورته ولا شي . . وهي شكلها حلمانه وناشه ع طول دقتلي وخبرتني انها قالتلج بتفكر وبدال ما تتصل فيج اتصلت فيني تقولي عشان ابلغج . . واذا مش مصدقه شوفي المسج . . قالتلي بطرشلج مسج . . وهو يتكلم جان اجيك ع المسج كان نفس الكلام الي قاله وليد مكتوب . . حسيت بشعور ثاني . . بشعور مادري شو والله ماعرف اوصفه لكن . . .تجربه يديده ؟ قصه مش متوقعه بين اثنين ما كانو فالحسبان ييصير لبعض ؟ هذا الي شكله بيصير بيني وبين وليد !!!!

.

.

.
__DEFINE_LIKE_SHARE__

«ضَحِيًة حِبُيًبُيً ..}● · 09-13-2012, 11:15 PM

السلام عليكم ورحمه الله وبركآته . .

اعذروني ع التآإخيير . . بس جد كنت تعبآنه وميهوده شوي من تغير الجو . .
ممم حسيت ان صعبه اداوم الخميس وارد اكتبلكم بآرت على طول . .
ف ريحت وجيه وعقب كتبت على رآحتي وبروآق . .

ممممم بالنسبه للباآرت يا ليت ما اسمع جمله " البارت قصير " او " طولي البارت "
كذا مره وضحت لكم ان الي اكتبه عباره عن 25 صفحه وياخذ مني فوق الـ 3 ساعات للكتابة . .
يعني راعوني فيهآ = ) وخلكم طيييييبين ويآإي وخافو على ايد ومخ كآتبتكم . . . . !!

بغيت اقولكم ان من الاسبوع الياي ما راح يكو البارت اكيد الخميس !
راح يكون يا الخميس او الجمعه . .
يعني مابا اكتب غصب الخميس ويطلع البارت مش حلو . .
ابي اكتبه على رواق وعلى راحتي علشان تستمتعون فيه شرآت بآرت اليوم . .
يعني لو يوم الخميس مر وما جفتوني نزلت شي تاكدو اني راح انزل الجمعه . .

المهم راح يكون ويكند يعني . . ويوم ما راح انزل اكيد اني بقولكم . . .
والحآآظر يعلم الغآآيب . . والي مآينسسسى يذكر إلي بينسى لان ادري بتنسون اني قلت هالكلام لؤول . .
اترقب ارائكم وتعليفاتكم وتوقعآتكم باحر من الجمر . !

متآإبع ـه بصصصمت . . !
تحيآتي . .
ضح ـيه __DEFINE_LIKE_SHARE__

«ضَحِيًة حِبُيًبُيً ..}● · 09-13-2012, 11:26 PM

.
.
.

نسيت اقولكم تسسلمون لي يإرب
والله يسلمكم من كل ششرّ
والله حبيتكم يعني اكثر ههههههه ..
ثآنكس للي تعنى ودعآلي بالشفا وقدرني وثانكس للي طرش لي رسآيل . .
= ) فيكم الخيير دؤؤؤؤم . .
__DEFINE_LIKE_SHARE__

آنثْےُ مفٍهِيہُ • ! · 09-13-2012, 11:53 PM

مرححححباني..

وآآآآآآآآآآآآآآآآآآآآآآآآآآآو

خبااااال الباارت

وربي جنــآن

تسلم ايديج

نترقبج الاسبوع الياي .. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM