رّوآيه " هآيـم فيّ بحـر آلشّوق وُ لذة هيآمك " - الصفحة 266

العين 77 · 02-14-2013, 10:12 PM

البارت اكيد مش اليوم انا دوامي الخميس يخلص 3 و مستحيل اقدر أكتب ،؛ وماراح يكون الجمعة لان اجتماع الاهل فببدا فيه الجمعة فليل وبنزله السبت

#ضحية_حبيبي __DEFINE_LIKE_SHARE__

«ضَحِيًة حِبُيًبُيً ..}● · 02-15-2013, 12:20 AM

.

.

.

البارت الـ 32

فتحت عيني على لمسه ايده ع ويهي . . ششششششهقت لاني خفت لما شفته بهالقرب

وليد : اشش اهدي . . بس كنت ابي اطمن عليج . .

اطالعته . .

وليد مسك ايدي : اذيتج وايد مع اني وعدتج اخليج سعيده واخليج مرتاحه ويايه . .

انا هديت ايده . . مش عشان اجرحه لكن والله قلبي يعورني بعده ع الي سواه فيني . .

وليد يطالعني وحطيت عيني ف عينه : انت ما تثق فيني . .

وليد : . .

انا : والله ما تثق فيني . .

وليد نزل راسه . .

انا : انا ما عاتبك ولا ازعل عليك . .

وليد : اعرف . .

انا : لاني اعرف انك رضيت فيني بعد كل شي عرفته بس هذا مش معناه انك اتهيني واتعذبني وتحسسني اني وحده خااايسه

وليد يقاطعني : محشومه

انا : انت تعرف ان كاان بايدي الخيار لو ابيه جاااان اخترته بس انا اخترتتتتك انتتت . .

بعدها ماكملت كلامي تميت ساكته . . يمكن الي يخلي وليد بهالحاله انه ما يعرف مشاعري تجاهه . . ماصارحته بحبي . . ماقلتلك كلمه احبك . . لكني مش مستعده ولا ابي اقولها وانا ماحاسه فيها . . ابيها تطلع من خاطري . . لكن مابغيت اقوله هالكلام . . ف اكتفيت بالسكوت . .

وليد حطا ايده ع رقبتي كان فيها علامه ضربه : يعل ايدي الكسر . .

انا : بسم الله عليك . ." مسك ايده " حصل خيير . .

وليد يطالعني : انا اسسف . .

ابتسمت : ماصار شي . .

وليد : قربي اهني تعالي ..

تميت اطالعه وبلعت ريجي . .

وليد سحبني من جتفي بخفيف جان اتألم . .

انا : آخخخخخخ وليد هدني . .

وليد انصدم . . تقرب مني وكان ياي ينزل كم الجلابيه بس منعته . .

وليد : وخري ايدج . . " فاج عينه بتهديد " وخري اقولج . .

وخرت ايدي . . ونزل وليد الكم وانصصصصدم من العلامات . .

وليد : الله يااااااااااخذني . .

وقاااام ودققققققق ايده باليدااااااار بككككككككل قوه . .

قمتتتت على طووووووووووول وسرت صوووووووبه وحظنته . . لقيت ان هالحل الوحيد عشان امننننننعه . . ماكنت ادري شو بيسوي ف عمره اكثر ف حظنته بقوووووووه . .

انا : مااااصار شي . . خلااااص . .

حسيت ب دمعه حاره ع رقبتي . . بلعت ريجي وعضيت شفاتي بقوه . . اخخخخ من هالشعور الي يذبح . . لما كنت يايه اقوم عنه عشان اشوفه رص علي بقوه . . دريت انه ما يباني اشوف دموعه . . تمينا ع هالوضع فتتتتره لين رن فوني وانقرص قلبي خفت انه سيف مره ثانيه . .

وليد جابلني ومسك ويهي : اوعديني انج ما تتخلين عني . . اوعديني انج ماتروحين لحد غيري ف يوم . . اوعديييني انج تكونين لي انا وبسس اوعديني . . اوعديني لو شو ما صار بينا تتحمليني . . اوعديني لو شو ماصار بينا تبقين ل وليد وبس . . اوعديني

انا اطالعته وابتسمت : اوعدك . .

ابتسسملي بعدها ابتسامه راحه . .

رن الفون مره ثانيه . .

وليد : روحي ردي . .

رحت صوب الفون . . كانت ميره . .

انا : الو . .

ميره : انتي بعدج راااقده !!!

انا : هيه . .

ميره : احنا ما طلعنا ترى . .

انا : ليش

ميره : قلت حق مايد بنترياكم . .

انا : لا ميروه روحووو حوطو احنا ما ناوين نطلع اليوم . .

وليد : قوليلها بنطلع روحنا . .

ميره : الخاااااااااااين احنا نترياااااااكم وهو يبا روحححححكممممم . . برااااااايكم باااي . .

وبندت فويهي . .

انا اطالعته . .

وليد ابتسملي : انا بروح اخذلي شور . . انتي قومي صلي الظهر وزهبي حالج بنطلع . .

ودخل الحمام . .

رحت انا الحمام الي فالصاله وتغسلت وتوضيت وبعدها صليت الظهر والعصر جمع وقصر بما انه احنا مسافرين . . وفتحت لي قرآن قريت لي صفحتيين . . حسيت بعدها ب مشيه وليد اظن بيطلع من الحمام . . جان اركضضضض عشان اطلع برع اوني فالصاله عشان ياخذ راحته ويلبس . . وانا اركضضض جان اتخررررطف بقوه عند الباب وصررررخت وهو طلع بنفس الوقت . .

انا غمضت عيني وفخاطري متفشششششششله " ماباا مااااابا ماااااااابا " . .

وليد ياني ونزلي ع الارض : شفييييييييج . .

انا كنت متفششششششششله بالقو ف صديت الصوب الثاني : طحت بعد شو تشوف . .

وليد : ههههههههههههههههههههههههههههههههههههههههههه . .

انا : جب يا حيووووووان . .

وليد ابتسم : تعورتي . .

انا : لا . .

وليد يمد ايده : زين قومي يالله . .

مسكت ايده وقومني . . مشيييييت لكنه ماهد ايدي ف وقفت . . ولما صديت وجابلته . . تقرب مني وحظنني . . انصصصصصصب الدم كله فويهي . . قلبي يرقص امعلايه . .

وليد بصوت حنون وهادي : ابيج تسمعين دقات قلبي عدل . .

كان مش منشف صدره عدل ف بعده فيه ماي بارد . . يعني ع احراج المووووقف وحراره الموضوع الماي البارد كان ف وقته . .

باس راسي بعدها وابتسم : وين رايحه ليش تبين تطلعين . . .

انا بدون ما اطالعه : عشان تلبس ..

وليد حطا ايده ع ويهي ومسح الماي . . : ليش ملابسي اهني ؟

عقب ذكرت ان اصلا هو ما ياب شنطته اهني . .

ابتسملي . . : اغراضي فالصاله . .

انا رفعت عيني اطالعته : هاتهم برتبهم اهني . .

وليد يبتسم : بعدين لما نرجع . . يالله انتي خذي راحتج وازهبي . .

ورد اتقرب باس راسي وطلع من الغرفه وانا قفلت الباب ع طول وتساندت عليه وتنهدت وبعدها ب ثواني ابتسمت . .

رحت صوب ملابسي وطلعت لي بدي اسود ولبست فوقه قميص احمر مع سكيني اسود . . دورت لي الجاكيت الطويل العنابي ولبسته لاني متفقه ويا وليد اني ماراح ألبس عباه . .

طلعت لي بوت عنابي غامج . . ولبسته وعقب قعدت اسكر فصم الجاكيت لين تحت . . كان طويل لين فوق الركب بشوي . . طلعت المكياج وقعدت اتمكيج وكثرت من المكياج عشان اوخر علامات الضرب الي ف ويهي . . حطيت روج احمر فاقع عقب حسيت اني وايد اوفر ف مسحته بالكلينكس شوي وخليته لين التدرج الخفيف وحطيت فوقه قلوس ف طلع لونه حلو . . ماعطرت لاني اوردي فالبلاد مدخنه هالملابس والريحه بعدها خفيفه وحلوه . . ومابي اتعطر برع عشان ما يشمني غريب واتآآثم . . لبست لي شيله سودا ساده . . ولبست ساعتي وخواتمي واكسسوارات . . ومن بطلت باب الغرفه طلع ف ويهي وليد . .

وليد : بسسسم الله

انا انصدمت . . : بسم الله ع شو . .

وليد : نقزتيني . . .

انا اتحريت قال بسم الله ع شكلي . . ف ابتسمت . .

وليد ياب شنطته وحطاها ع السرير . . كان بعده بس لابس فانيله وجينز اسود . .

وليد : طلعي لي قميص فيراري . . لاني لو طلعت بعفس الدنيا وبخرب الشنطه فوق تحت

اخييييييه عاد ما بغا وليد الا انا . . انا روحي وعفستين موووول ماعرف اطلع ب ترتيب . .

ف طلعت ملابسه كلها ب ترتيب وحطيتها ع السرير . . ولقيت القميص بسرعه من حسن حظي !! . . وبعدها عطيته . .

خذا عني القميص وسار صوب الجامه وانا شليت الملابس وحطيتها ف الكبت . . تميت انقل كل اغراضه ولقيت جاكيت بني غااااامج طويل . . طلعته . . صديت صوبه شفته قاعد ع السرير ويلبس شوزه . .

انا مديت ايدي : ألبس جاكيت . .

وقف وليد ومد ايده بياخذ عني لكني رجعت الجاكيت ع ورى عشان ألبسه وابتسملي . .

لبسته الجاكيت وقعدت اسكر فصوصه وهو يبتسم ويطالعني . . ولما خلصت باسني ع خدي . .

سار صوب الشنطه : مااشاء الله فضيتيها . .

وسار صوب الكبت بيفتحه : ويييين شااالي

انا ع طول صرخت : لااااااااا تفتح هااااااا . .

ششششششششت .. فتحه . . فتح اول كبت وانا كنت معلقه فيه قمصان النوم . . تم ثواني بس وهو مجابل الكببببببت ف سرت بسرعه وسكررررته . .

ثيابك اهني ف اخر اثنيييين . . وفتحت السده : اهني حطيت شالك . .

تم وليد الحيوان مبتسم بخبث مايرمس وانا احسني بصفعه بس ما قلت شي لانه ماقال شي بعد . . طلع شالين . .

وليد : اي واحد . .

اخترتله العنابي الغامج وشليته عنه ولفيته ع رقبته . . كنت وايد قريبه منه لاني قاعده ارتبله ع رقبته بطريقه حلوه . .

وليد : تبين تزغديني . .

انا اطالعه : راصه عليك وااااايد ؟!!!!!

وليد يبتسم : لا . .

انا : صصصدق ؟

وليد : هيه صدق . . " عقد حياته وهو يشوف قصتي " شسالفه البني الي ظاهر . .

انا : شفيه . .

وليد : احنا متفقين ما تلبسين عباه ما اتفقنا اطلعين شعرج . .

انا ابتسمت : انزين بعدنا ما طلعنا . .

وليد : هيه اتحرى . .

ابتسمت : لا تتحرى . .

ورحت صوب العطور ولحقني . . تميت اعطره وحطيت له دهن العود . . وهو قاعد يسحي شعره بمشطي . . بعدها سار صوب الشنطه مره ثانيه وفتح الزرار . .

وليد : عقب طلعي ألي اهني بعد . . فيه سوعي . .

انا : أن شاء الله . .

وطلع له ساعه سودا ولبسها . . ولبس هالكاب الاسود المرصص الي يرص ع الراس . . سرت صوبه عدلته وخشيت اذنه عشان ما يبرد . .

وليد : فديتج انا . . " ابتسملي " الله لا يحرمني من هالدلال كله . .

ابتسمت ما قلتله شي . .

وليد يمد لي دفتر نوت صغيير " حطيه عندج فيه كم مكان حلو عشان ما انسى "

سرت صوب تلفوناتي الي كانت ع الجرج من متى وشليتهم وحطيتهم ف هاند باقي . .

انا : بناخذ ارقام اليوم انزين ؟ ابا اشتررررك فالخدمه . .

وليد ياشر ع عيونه الهنتين . . ومد لي ايده ومسكتها وطلعنا سوا . .

وليد يحط اذنه ع باب قوم ميره . .

انا : ايييييه يا قليل الادببب . .

وليد : ابا اعرف هم داخل ولا طلعو . .

انا سححبته : خلاص . . عيييب . .

ابتسم وطلعنا . .

هذا ثاني يوم لنا ف اسطنبول . . قعدنا نتمشى صوب الفندق وسرنا وقفنا صوب البحر ونشوف الباخرات . . الثلج كان يطيح ومايتوقف . . كل شي كان غرام ف غرام . . كنا بنطول واحنا نشوف لكن كنا يوااااعه . . ف رحنا المطعم الي ف الفندق وكلينا وبعدها اتصل ف وليد واحد سوري عايش ف تركيا . . وليد متفق معاه يحوطنا . . قلت ل وليد يأجل لان حرام نروح عن مايد وميره وما يشوفون ف اتفق معاه وليد ان باجر يمرنا . . بعد ما خلصنا غدا تمينا نتمشى ونتأمل حلاوه تركيا . . تميت اصوره وايد ويشل عني الايفون ويتم يصورني . . مع الاسف نسيت الكام فالفندق ف عشان جي تامين نتصور بالفون . . لكن عادي تصوير الايفون بروحه حلوووو . . ركبنا عقب تاكسي و وليد فتح النوت وخبره يوصلنا صوب تل العرائس . ..

وصلنا وكان المكان عجييييب . . تله العرائس مكان ارتفاعه من الف متر فوق سطح البحر . . نقدر نشوف منها اسطنبوووول كلها . . قعدنا انا و وليد وتمينا نصصور وايد ونتمشى وايد لان المكان خباااااال و وايد لاحظنا معاريس اهني وخليجيييين اهني . . عقبها رحنا صوب المطاعم وتمينا ناكل اشياء خفيفه . . تعرف وليد ع بحريني وخبر وليد انه معرس يديد لكنه متعووووود يي تركيا وبيروحون صوب قصر مهند ونور . . لما خبرني قلتله اكييييييييييد ابا اروووووح . . كانو هم ماجرين سياره . . ساق البحريني وركب وليد حذاله وانا وحرمته تعرفنا ع بعض وتمينا نسولف ع الخفيف . . وصلنا القصر ودخلنا وقعدنا نشوف . . مش ان فيه شي مميز لكن كان فخاااااطري ادخل . . واهم شي دخلت وصورت وايد عشان اراوي البنات . .

عقبها سرنا معاهم سوق شعبي مشهور اسمه سوق الثلاثاء . . واهني افترقنا عنهم وتميت اتسوق واشتري اشياء تذاكريه . . لمحت بروش فيه حروف . . شفت وليد ماكان منتبه وايد وياي ف خذت لي بروش صغير فيه حرفه . . وحطيته ف جيب الجاكيت عشان ألبسه بعدين . . بعدها رحنا مول قريب منه اسمه مول كابيتول . . و واااااااايد حبيت المول لكنه اخس عن دبي مول وايد عود ومتعب وزحممممممه فظيعه واوردي تعبنا وايد . . خاصه ف تل العرائس وايد مشينا . . اهم شي ان خذنا ارقام واشتركت ف الخدمه . . وانا صدقت ع طول حطيت الصور حق البنات ف القروب . .

انا اطالعه : ماقدر امممممشي . . ششششلني . .

وليد يطالعني : تعالي . .

انا ارجع ع ورى : اسووووولف . .

وليد يبتسم : تعالي بشلج والله

انا : لالالا . .

وليد : والله تين . .

انا ارجع : اييييييه عن المصاخه

وليد : مصاخه ف عينج . . تعالي اشوف . .

انا : ههههههههههههه عن الاستهبال . .

ابتسم وتقرب مني وشلني . .

تميت مفتشششششله . . وليد خربها . . قلنا احنا برع البلاد بس بعد يعني . . ما حسيت ان الناس تطالعنا ولا حسيت ان حد خزنا بنظره شو هالقله ادب . . الكل كان لاهي ف حاله وخاصه ان شي ناس تسوي اشياء احم احم الواحد يستحي يقولها . . شلني لين ما طلعنا برع المول . . التكااسي كانت واقفه وايد . .

انا : نزززلني . .

نزلني وليد وركبنا التاكسي وخبره وليد يروح فندقنا . . ما خليت وليد يقعد جدام لاني ابا انسدح ع جتفه . . حطيت راسي لكن ما غمضت كنت ابي اريح بس . . مسك ايدي . .

وليد : من يخوز حناج ردي تحني . .

انا من دون ما شوفه : ان شاء الله . .

وليد : وين الدبله ؟

انا سكت . .

وليد : ليش ما تلبسينها ؟

انا : مادري ما يا ع بالي . .

وليد : من تردين تلبسينه . . مش مرتاحه فيه ؟ وسيع ؟

انا : امبلا اوكي وخفيف . .

وليد : عيل شعندج . .

انا : والله ما ياا ع بالي . .

وليد : انزين . .

بعد فتررررره من السواقه وقف الشارع ع الزحمه الفظيعه . . كنا جريب الفندق . .

وليد : ترومين تمشين . . ؟

انا : هيه عادي . .

وليد حاسب وعقبها نزلنا . . الثلج توقف لكن الجو بارررررررررررررررررررررررد . .

وليد كان شال اكياسي . .

انا : عطني شوي بشل معاك . .

وليد يطالعني : جب . .

انا : عطني بشل شوي . .

وليد : جب اقولج . .

انا : انزين عطني انت جيه ماسك بايدين ف ماقدر امسك ايدك " ابتسمت "

وليد يبتسم : لاه ؟ بنقالي جدامج . .

انا ابتسمت : والله ابا امسك ايدك . .

عطاني اخف الاكياس وشليتهم بايدي اليمين ومسكت ايده بايدي اليسار وهو تم يرص علي بقوه يدفيني . .

وليد : ليش ما لابسه قفاز .؟

انا : ماكنت شاريه .. اليوم شريتلي وشريتلك " ابتسمت " . .

وليد ابتسم : زين . .

مسكني عقبها وليد من خصرني وقربني صوبه وايد . . ابتسمت لاني وايد حابه الوضع . . وفججاه حط ايده بجيبي كان بيدفي عمره . .

وليد : شو ها ؟

انا : شو ؟ .

وليد طلع شي . . : هذا شو . .

انا شهقت : هاااااااات . .

وليد وقف : وخري . . " رفع ايده فوق "

انا : هاااااااااات . .

وليد يبتسم : شو ها .؟

انا : لا تطاااالع وهاااااات . .

وليد يرفع راسه ويشوف . . كان مبتسم واختفت ابتسامته وهو يطالع . .

وليد نزل ايده : حرفي ؟

انا استحيييييت . . اخييييييه احين بيصدق عمره . .

بلعت ريجي ما قلتله شي ومشيت شوي . . : يالله خل نروح بموت برد . .

وليد يسحبني ويرجعني ورى ويبتسم . . تم مجابلني وحاط عينه ف عيني وانا مستحيه . . يعني كنت بلبسه وبخليه يشوفه بعدين ماحطيت ف بالي بيشوفه الحين افففففف . .

انا : انزين خلاص ليش تطالعني اوكيه انا مشتريه حرفك .. شصار . .

وليد تقرب مني و و و و . .

“cut “ !!!!!!!!!!

بدا يطيح الثلج مره ثانيه . . كنت انا مستحيه مول ما اتكلم . . مسك ايدي ومشينا لين الفندق وهو شااااااااق الحلج . . معقوله حرف فرحه لهالدرجججججججه . . !!! ابتسمت معاه ودخلنا الفندق وع دخلتنا صوب اللفت اتلاقينا ويا مايد وميره . .

مايد : هاااه الخونه . .

ميره تصد : ترمس امنوه انته " شافتني " يالحيوانه . . " يت صوبي ضربتني ع جتفي مكان ما كان ضاربني وليد "

انا : اخخخخخخخخخ . . " غمضت عيني وطاحن الاجياس الي ف ايدي " . .

ميره : يااااااا الله ي الدلع مهور . .

انا غمضت بكل قوه وكنت أتألم . . عووورتني عورتني والله . .

وليد حس وعرف لانه شاف كي وارم هالصوب . . شل الاكياس واطالع ميره . .

وليد : هي متعوره اهني امس عشان جيه ..

ميره : من شو متعورررررره . .

انا : دعمت الباب بقوه ..

مايد يطالع وليد وحسيته ما اقتنع . .

ميره : سوري مهور . .

انا : لا عادي حبي خلاص خف . .

وليد يطالعني وانا اطالعته وابتسمت . .

مايد : تعشيتو ؟

وليد : لا والله ما تعشينا . . بنروح فوق بس نبدل ونصلي عقب بنطلب عشا مافينا حيل نطلع . .

مايد : يالله انا بعزمكم ع العشا . . تعالو عندنا . .

وليد : لا خلها باجر . .

مايد : لا باااااجر ولا الي بعده اليوم . .

تبطل اللفت ودخلنا . .

ميره : وين رحتووو ؟

وخبرتها . .

انا : وانتو وين رحتو ؟

مايد : احنا جولتنا كانت اسلاميه . . سرنا صوب مسجد سلطان احمد وصوب المتحف الاسلامي وساحه هيبودروم . . عقب سرنا سوق المسقف واحين رادين . ." يطالع وليد " شو تخطيطك لباجر ؟

اتبطل اللفت وطلعنا نمشي صوب غرفنا . .

وليد يحط ايده ع راسه : واحد سوري بيمر علينا بيحوطنا . .

انا اطالعه : شفيك ؟

وليد : صداع . .

مايد : ها كله عشان ما تتعشى ويانا هااا ولد عمي..

وليد : ههههههههه ما يخصه يالهرم . .

مايد : يالله روحو ارتاحو من يوصل العشا بنتصل فيكم . . تعال خذتو ارقام ؟

وليد : هيه . .

انا دخلت الغرفه ودخلت ورايه ميره و وليد ومايد تمو ويا بعض ياخذون الارقام . .

ميره : قريتي القروووووب ؟

انا : لا مامداني . . " تميت اطالعها " انتي شعندج مش حاطه بودره ولا حاطه كريم اساس ويهج طالع باااااهت . .

ميره : حطييييت والله بس خااز . .

انا : وليش ما شاله وياج فالشنطه . . انا كل ساعتين اروح الحمام واجيك واعدل وارتب . .

ميره : مش متفيجه

انا : انتي عروس تستهبلين . . لازم تكونين كاشخه ومتعدله . .

ميره : انزين انزين . . ّ! خبريني . . صار شي ؟

انا : صبري . .

رحت صوب الباب شفت وليد ومايد محد شكلهم راحو سويت ميره . . سكرت الباب وقعدنا ع الغنفات . .

ميره : ارمسسي . .

انا : بعدني ميره مش مستعده ..

ميره : شوووووو .. مهور للحين تستهبلين . .

انا : مش مستعده . . بعدني خايفه . . كل شي بيكون ف وقته . . المهم ماعلينا . . ليش قلتي لي قريتي القروب شو صاير ؟؟؟ انا بس حطيت لهم صور ما قريت ش كاتبين . .

ميره تبتسم : رقوووووووي الخبله . .

انا : شفيها . . !!

>

<

>

شهاب : استغفر الله . . انتي شو يايبنج بيتنا . . ماعندج بيت .!!!

عنود : شوي شوي عليها شهاب كليتها . . انا زاقرتننننها . .

رقوي : عادي خليه يقول جيه اصلا هو لو ما قال وماطاح فيني وجرحني ما يرتااااااح . .

صاحت وطلعت وهي تركض . .

عنود : شهاااااب حرام عليييييك . .

طلع شهاب وراها . . : لحظه انتي اصبري . .

رقوي كانت طالعه ومطنشه وتمشي . .

شهاب : ايييييه ازقرج . .

رقوي تصد صوبه : انا مش ايييييه انا عندي اسم . . " تمسح دموعها "

شهاب يبتسم : من صدقج اتصيحين . . شو الي يصيحج ؟

رقوي : والله حط نفسك مكاني مرررره . . كل يوم صبح وظهر وعصر وفليل تتعنى تشوف شخص وهالشخص بس يجرح فيك . . داش يجرح فيك وطالع يجرح فيك كل ما يشوفك ينغز ويعقم كلااااااااااام ويضاااااايقك . . شو بتسووووي

شهاب : بحس ع دمي وما بي عند هالشخص . .

رقوي تطالعه : انزين اانا بي وبتم اي انزيييييييييييييييين . . ماقدر ما اي . .

شهاب يبتسم : ماشي فايده مععععاااااج . .

رقوي تصيح : انت ماتحسسسسسس . .

شهاب : ردت صاحت . . يااااااااهل يااااهل . .

رقوي : هيه هيه انا ياهل اوكككككي . .

وراحت عنه وتمت تمشي وهو يلحقها . .

رقوي تصد : ليششششش تلحقني . .

شهاب ببرود : احين فليل وفي ياهل طالعه روحها . .

مشت رقوي صوب بيت يدي ودشت ودخل وراها شهاب . . كانت عميمه نوره وعيالها قاعدين برع . .

عميمه : رقوي بلاج . . بلاها عيونج حمر عمووه ؟ شو فيج . .

رقوي سارت صوب عميمه وتمت تحظنها وتصيح . .

عميمه تطاع شهاب : شو فيها . .

شهاب : مادري عنها . . ياهل لازم كل شوي تصيح

رقوي تطالعه بعصبيه وتصارخ : جب انا ياهل ع الاقل فيني قلب واحس ودموعي تنزل لان فيني مشاعر واحاسيس مش شخصصصصصص جامد وقلبه معفن ومايحسسس . . حق شو عاايش اننننته حق شوووووووو . .

عميمه : بسم الله عليه . . " تكلم عيالها " روحو ماما داخل . . . بلااااج انتي شفيج ع شهاب . .

رقوي : عميمه اححببببببببببه " تصيييييح بقوه "

عميمه انصدمت . . هههههههههههههههههههه . . يا قوااااااتج ي رقوي . . احنا مش متعودين نقول لعميمه هالسوالف . . يعني عميمه تعرف وتكشفنا وجي لكن ما نقولها كاش فالويه جيييييه . .

عميمه : حبج برص ي مسوده الويه يلي ما تستحين . .

رقوي : حتى انتي عميمه حتى انتي

عميمه تبتسم . .

رقوي قامت وطلعت . .

عميمه : تعالي يالخبببببببله وين بتروحين . .

رقوي : مااااالكم خص فيني .

عميمه تبتسم : ألحقها الله يخليك هاي خبله . .

شهاب : لا حول ولا قوه الا بالله . . انا شلي بلشني ذي البلشه . .يعني بين كل الي حواليها شله تحبني انا عميمه . .

عميمه : ألقلب ما يختار . .

شهاب : عميمه ذي ياهل . . انا شكبري . .

عميمه : مش من كبرك يا شهااااب . . ليش تمنع نفسك تعيش حياتك . . ترا الكل عايش . .

شهاب : خليني اروح اشوفها هالمخبل . .

كانت رقوي واقفه وتسمع ومن سمعته يقول جي ركضت . .

شهاب : بس لعب وروحي بيتكم . .

رقوي تجابله وتمسح دموعها : ودني الدكان . .

شهاب ابتسم غصب . .

رقوي : شو بعد ماتروم توديييييني الدكااااان . . !

شهاب : زين تستري وغطي شعرج بالاول . .

رقوي تحجبت لان قصتها كانت ظاهره . . : هاه تحجبت . .

شهاب : روحي لبسي عباتج . .

( لانها كانت لابسه مخور وشيله بيت ) . .

رقوي : انا ما بنزززززززل انت بتنزل تيب لي بتم فالسياره ليش ألبس . .

شهاب : رووحي ولا ماشي طلعه . .

رقووووووي : ياخي ما بنزل شو فيك واحين ظلام منو الساحر بيطالعني وبعدين انت بتسير الدكان من صوب الفريج ما بدش حتى الشاااارع العام

شهاب يسكتها : زين خلااااااااااص خلاااااااص حشى ركككككككبي . . " طلع السويج من جيبه وشغل السياره " . .

ركبت جدام ومرسومه عليها ابتسامه نصر . .

راحو صوب الدكان وخبرته بلي تباه ونزل يييبلها . .

اول ما ركب السياره سحبت الكيس ع طول وهي مستانسه . . تم يطالعها لكن ما قال شي . . عقبها حرك بيرد البيت . .

رقوي : شهاب ودني عاششششوق . . ابا اسكريم عود . .

شهاب : لا . .

رقوي : الله يخليك اللللللللله يخليييييك . .

شهاب ببرود من دون ما يطالعها : لا . .

رقوي : شهاااااااااااااااااااااااااااااااب

شهاب يطالعها : وجع لا تصارخين . .

رقوي : ودني ودني عاشوقق بليززززززززز . ." مسكت ايده تترجاه " الله يخليييييك

شهاب عصب ودز ايدها بقوه : لاااااااتلمسسسسسيني . . انا ما احل لج عيب عليج . .

رقوي انصدمت وتمت تطالعه وامتلت عينها دموع . . شهاب كل مره يضايقها . . يجافيها . . يعصب عليها شوي . . يكلمها ببرود . . بجفا . . يطنشها . . لكن هذي اول مره يدفر ايدها بكل قوه ويدزها هالدز جنه جاز منها . . تمت تطالعه بصدمه ودموعها تنزل . . شهاب وايد اتلوووووووووووم لكن ما قال شي . . هي صدت الصوب الثاني وماتكلمت . . تم يسوق شوي شوي . .

شهاب : تبين عاشوق . . ؟

رقوي ماترد . .

شهاب : جاوبي ولا بيروح عليج . .

رقوي : خلاص بروح البيت

شهاب : بتروح عليج !! قاعد اسالج . .

رقوي : البيت . .

شهاب : كيفج . .

وصل البيت . .

نزلت رقوي وما شلت الكيس حتى . . ومشت رايحه البيت ..

دخل شهاب وقعد مع عنود وخبرها الي صار . .

عنود : حرام عليك والله هالبنت شكثر تتحمل الي تسويه فيها . .

شهاب : ماااعليج الحين بتي بتقول وين اغراضي . .

عنود : شكلك حفظتها . .

شهاب : ماتشوفينها كل يوم وكل وقت اهني . .

عنود تبتسم : من حبها لك . .

شهاب : وانا ماحبها ومابيها . .

عنود : انزين انزين كليتنا . .

صقوري يصيح : مهاليييييييي . .

عنود : حبيبي الي يبا خالته . . اظن يدش حجرتها وما يلاقيها . . فديتك حبيبي بعدين بنسويلها تلفون بنكلمها . . تعالي بعطيك كاكام . .

شهاب : انا بعطيه . .

وفتح كيس رقوي وطلع له كاكاو وعطاه وتم يطالع الكاكاوات باستغراب . .

عنود : بلاك ؟

شهاب : مشتريه كل الحلويات الي انا احبها . . هاي كيف عرفت ؟

عنود : لاصقه ف مهور تسالها انت شو تاخذ من عندها وشو تسرق وشو تشتري اكثر شي . .

شهاب يطالع عنود ويشوف الوقت : تاخرت . .

عنود : شكلها زعلانه صج . .

شهاب : لاماتزعل . . راح تي انا متاكد . .

عنود تمت تشوفه وهو كل شوي يطالع الوقت ويطالع الباب . . ويطلع برع ويرد يدش . .

عبدالله : السلام عليكم .

عنود + عبدالله : عليكم السلام . .

اميه تيهم : يالله تعالو عشا . . يالله ابويه عبدالله . .

عبدالله : ان شاء الله اميه . .

عنود : تعال حبيبي قومني وياك . .

مسكها عبدالله وقومها . .

عبدالله : ام صقره . .

عنود : حبيبي بس لا اتم تقول ام صقررررررره . .

عبدالله : هههههههه ماسمعتي الدكتوره تقول فيج بنوته . .

عنود : فيني بنوته مش صقره . .

يقعدون ع الطاوله . .

عبدالله: عموه مش اسم صقره حلو ؟

اميه تبتسم : حلو مثل ويهك . .

عبدالله + عنود : ههههههههههههههههههههههههههههههه

اميه : شهاب وين ؟ " تزاعق " شهااااب "

عنود تبتسم وتمسك الفون تكتب فالقروب (( رقوي شهاب متخبل . . داش طالع يترياج يا حماره تعالي )) لكن سارت صوب محادثتها ولقتها حاطه (( بي بي اوف )) ..

>

<

>

انا : احلللللفي انتي بس . .

ميره : هههههههههه والله والله روحي اقري بعد . . هالسالفه البارحه . . عنود ورقوي كاتبين السالفه كانو . .

انا : انزيييين والحين شصار . .

ميره : بس اخر شي قريته ان عنود فالقروب كاتبه انها تمت تسوي بنق لرقوي لكن رقوي مبنده المسن ومايوصلها شي وعقبها فضى فوني ماقريت التكمله . .

انا مسكت الفون : صبري بشوف . .

>

<

>

شهاب راح بيت يدي وشاف شيخه وخلود قاعدين ويا يدوه . .

يدوه : بلاك انت شهاب تتحرقص جنه عندك رمسه . .

شهاب : لا يدوه ماعندي شي . .

يدوه : ما يندرااااابكم انتو مايندرابكم . .

قامت يدوه عنهم وشيخه مسكت الريموت وطولت ع التلفزيون . .

شيخه : قول ولد عمي ادري ع لسانك رمسه . .

شهاب يبين عليه مفتشل : بنات عمي . . آآآ . .

خلود : شو ولد عمي قول لا تستحي ..

شهاب بعده مش متعود عليهم وايد .. : ماشي . .

شيخه تبتسم : قووول عن رقوي صح . .

شهاب يطالعها : لالا . . شـ ابي فيها ذي الياهل . .

خلود : ايووووووااا . . لانها دشت البيت فجاه وتمت تصيح وندق عليها باب الغرفه ما تبطل . .

شهاب يطالعهم باهتمام . . وهم شوي وبينفجرون ضحك . . قام عنهم عقب وطلع وراح البيت . . وماتعشى ورقد ع قوله عنود .!

ع صباح اليوم الثاني كان بيروح الدوام . . وعنود ناشه عشان عبدالله طبعا وتامه تشوفه متوتر وكل شوي يطالع الباب لان رقوي ضاري كل صبح تي تغث ع جبده . . وعنود لاحظت ضييييييجه وماتريق حتى وراح . . رد ع العصر . .

عنود : احطلك غدا اخويه . . ؟؟

شهاب : لا كلت فالدوام شبعان . .

عنود : شو الي ساد نفسك عن الاكل

شهاب يطالعها : ولا شي . .

عنود : هيه زييييين صدقناك . .

شهاب : هاي من صدقها زعلت ؟؟ مش بالعاده تزعل وماتي كل هالوقت . . ضاري لووووح . .

عنود تبتسم . .

شهاب : شفيج لا تفهمين غلط انا اقول يعني بس . .

عنود : ههههههههه انزين ما قلنا شي . .

شهاب : زين يمكن فيها شي ؟

عنود : مادري والله . .

شهاب : شلون ماتدرين . .

عنود : شهاااب شفيك. . تبيني اسال . . ؟؟

شهاب :لالا ليش تسالين . . خل تولي شعلي منها . .

عنود : انزين . .

شهاب قام . . عقب رد قعد : اقووول . . اسالي بس لا تقولين انا الي اسال . .

عنود : ان شاء الله " تبتسم " . .

ومسكت الفون ودقت ع رقوي . .

عنود : مغلق . .

تمت ماسكه البي بي شوي . .

عنود: شيخه تقول انها توها طالعه بتروح بيت يدي . .

ماكملت جملتها لان شهاب بسرعه طلع . .

واول ماطلع جافها . .

شهاب : انتي ايييه . .

رقوي تطالعه : عندي اسم . .

وطنشته ومشت . .

شهاب : رقيه . . !!

رقوي منصدمه : رقيه !!!! يع . . حتى ما يقدر يقول رقوووووي . .

شهاب يجابلها . . كانو واقفين عند باب بيت يدي . .: انتي شعندج ..

رقوي : شوه فيك شو تبا . .

شهاب يطالعها . .

رقوي ماتحط عينها ف عينه . . كاتبه فالقروب ( لو حطيت عيني ف عينه بذوب بموت وبحظنه ع طووول ) . .

شهاب : انا . .

رقوي تطالعه : انت شو . .

شهاب : ولا شي . . يالله روحي . .

وراح عنهاا . .

وهي كانت يايه ادش وهو صد يطالعها ورد لحقها وجابلها . .

رقوي : شفيك . .

شهاب : توقعت تين وراي . .

رقوي : انزين ما ييييت وراك لان انت بتهزئني نفس كل مره .. مش انت تبي الفكه ؟ انا ريحتك . .

شهاب يطالعها : ايه وايد احسن . .

رقوي : انزين . .

شهاب يطالعها : يعني انتي زعلانه ..

رقوي تبتسم : لا . .

شهاب : صج . .

رقوي شقت الحلج : والله . .

شهاب : زين . .

وراح عنها . .

كتبت فالقروب " يا ليتني زعللللللللللللت جان بيتم يلاحقني ويرااااااضيني . . بنات انا بتتتتتتتخبللللللللل "

>

<

>

انا : هههههههههههههههههههههه . . مسسسسسستحيل

ميره : ههههههههههههههههههههههههههههههه

انا : والله ويابت رااااااسه . . خبلت فييييييه مسكين ساير راد عليها . .

ميره : مش هينه . .

انا : مع انها مش قاصده ع فكره ما تعمدت لانها جد حز فخاطرها هالمره . .

ميره : ههههههههههههه هيه ادررررري . .

انا ابتسمت : يحليلهم . .

فتحت محادثه شماني . .

>

<

>

مروان : كنتي تكلمين منو . .

شماني : شهد . .

مروان : الي يحبها راشد . .

شماني: هيه . .

مروان : مابيج ادخلين نفسج فالموضوع . .

شماني : ليش ؟ راشد اخوي . . ودام ف خاطره البنت اتفقنا احنا البنات كلنا نوقف معاه

مروان : انا مابيج تدخلين فالموضوع . . انتي حامل وبلاها عوار راس . .

شماني : بس راشد اكيد بيتريا وقفتي معاه . .

مروان : ماعليه انتي حامل وبيعذرج . . الكبار لو عرفو عن خطه البنات بيجلبون عليهم وانتي حرمه حامل وتعبانه ومش فايجه حق هالصدعه كلها . .

شماني تنزل راسها . .

مروان : ما عايبنج كلامي . .

شماني : مروان انت قبل العرس قلتلي انك ماراح تفرض علي اشياء لكن . . . " تنزل راسها " . .

مروان : ليش تشوفين اني احاتيج واخاف عليج صرت افرض عليج شي شما ؟ ع فكره لما كنتي ما ترمسين وماكان عندج لسان وايد ابرك . ."

شماني تمت تطالعه بصدمه . .

مروان يطالعها : ما عايبنج كلامي ؟؟؟؟

شماني : الي تبيه بيصير ولد عمي . .

مروان : قولي جذي من البدايه مره ثانيه . .

شماني تطالعه : انت متغير علي ولد عمي . .

مروان : انا مصدع ومالي خلق مابا اسمع شي خليني ارقد . .

>

<

>

كتبت لي : ماعرف شصار مهور . . تشوفينه شي طبيعي ؟ مشاكلنا واختلافاتنا بدت تزيد . . انا اعرف انه يراضييني اليوم الثاني لكن . . انا اكتبلج واصيح . . محتاجتلج ..

انا كتبتلها : شماني حياااتي . . انتي حامل وصايره حساسه بزياده . . المفروض هو يقدر حمالج لكن حطي ف بالج شي واحد بيخليج تتحملين . . ان الحياه فالملجه غيييير والحياه بعد العرس شي ثاني . . انا مابي احبطج .. لكن هذا الواقع . . لا ترسمين ف بالج انج بتعيشين سعيده للابد بدون مشاكل بدون هم وغم . . جان شفتي كل الناس مرتاحه . . ماتشوفين الحريم يوم يتميعون يسبون العرس ويقولون لج لا تعرسين ؟ لان وايد ناس تمر ب فتره ضغوطات ومشاكل وكل واحد يكره عيشته . . وها حال كل اثنين . . مش شرط اشخاص متزوجييييين . . حتى الربع يتضاربون بين فتره وفتره صح ولا لاء ؟ لكن الحياه مااشيه حبيبتي ولازم كل واحد يتحمل الثاني . . ولازم ف فتره الزواج تتعلمين التطنيش . . طنشي قد ماتقدرين لا تكبتين ف قلبج .. وصدقيني نفس كل مره وبروحج تعرفين وقلتيلي انه بيراضيج لا تحسين انه هو بيزعلج ويراضيج بيزعلج وبيراضيج ! لا حبيبتي احيانا يكون مضايق حتى مش منج من موضوع يخص عمي حمد يمكن . . تعرفين عمي حمد !! او مضارب مع حد من ربعه او من سوالف الدوام ولانج انتي قريبه منه ويحبج طلع حرته فيج . . لان من متى مروان بيعارض وبيوقف ضد سالفه راشد ؟ . . احححححبج ولا تفكرين بشي وانا موجوده لج وهذا رقمي لو بغيتي ادقين لي دقيلي اي وقت . .

وكتبتلها رقمي . .

وليد اتصل بي . .

انا : الوو . .

وليد : يالله تعالو وصل العشا . .

اانا : اوكي . .

وبندت عنه . .

انا : اسبقيني . . بصلي وبي ما بطول . .

ميره : لا بترياج . .

انا : اوكي . .

دخلت الحجره وسكرت الباب عدل لاني ما كنت ابيها تلاحظ الضرب والعلامات . . دخلت وتغسلت وبدلت لبست لي بجامه وعقبها صلييييت وخذتلي عباه مسكره ساده وشيله سودا وطلعنا سوى ورحنا الغرفه . .

وليد عاقد حياته : ليش تاخرتي . .

ميره : خذذذتنا السسسسسسوالف . .

وليد : اكلم حرمتي . .

مايد : ايييييه مش ع حرمتي . .

وليد يطالعني . .

انا بصوت واطي : شوه فيك معصب . .

وليد يطالعني ويبتسم وبصوت واطي : ماحب تغيبين عن عيني وايد . .

أبتسمت له . .

قعدنا ناكل شوي . . ماكنت احس نفسي يوعانه وحتى لاحظت وليد ماكان ياكل وايد لان تمينا ناكل انا وهو وايد واحنا نحوط . . لكن عشان خاطر مايد . .

عقب ماخلصنا . .

وليد : اكرمك الله ولد عمي . .

مايد : هنا وعافيه

انا : اكرمك الله بن عمي . .

مايد : مطرح ما يسري يمري . .

ميره : ماكلتووو شي . .ها ميود ما يعرف يطلب اكل . .

مايد : عدال .. مادري شو خليتينا نتغدا اليوم . . انتي لو ما تاكلين ع ذوقي جان اختفيتي . .

انا ابتسمت . .

وليد : يالله تصبحون ع خير . .

مايد : توا الناس خلنا بنسهر يا ريال . . بركب وايرات بنلعب بلبيستيشن . .

وليد : مصصدع والله . . يوم ثاني . .

مايد : تمااام حبيبي . .

انا : تصبحون ع خير . .

ميره : وانتو من اهله . .

وطلعنا انا و وليد . .

اول ما دخلنا . . رحت ادور بين اغراضي بندول . . شليت له ماي دافي وسرت صوبه كان طايح ف الصاله . .

انا : هاك . . سم بالرحمن . .

وليد : ماحب ماي دافي . . هاتيلي بارد ..

رحت بدلت له الماي ورديت . . وبطلت الحبتين وعطيته . . وعقب مديتله الماي وشربهم . .

انسدح وليد ع الغنفه . .

وليد :خلاص خليني بتم طايح بيخف علي . .

انا مسكت ايده واقومه : قوم اول بدل ملابسك مابتروم ترتاح جي . .

وليد : ماقدر . .

انا : يالله انا بساعدك . .

قام وليد وررحنا الحجره . . قعد ع السرير . . سرت طلعت له جلابيه سودا . . لاحظت ان اغلب بجايم وجلاليب نومه سودا !! . .

سرت وحطيته ع السرير وبطلت له قميصه . . عقب توهقت ماعرفت شو اسوي . .

وليد يطالعني : جيكي لو شي جلابيه بيضا . .

سرت صوب الكببت وتميت ادور . . انا متاكده ماعنده لان لاحظت كل شي غامج . . لكن بعد تميت ادور . .

وليد : خلاص . .

صديت . . شفته بدل ولبس جلابيته . . سوا الحركه هاي عشان انا ما اتوهق . . سويت عمري ماعرف وشليت ملابسه الوصخه وحطيتها ع السله الصغيره المحطوطه حق الملابس الوصخه . .

وليد : انسدح اهني عادي ؟

انا اطالعته : هيه . .

انسدح وليد وتلحف وحطا ايده كامله ع عينه . . رحت سكرت الليت وشغلت الابجوره . . بعدها بدلت عباتي وعلقتها . . لبست فوق بجامتي جاكيت لانها كانت كت وانا كنت بموت برد . . رحت بس فرشت اسناني بعدها رديت تعطرت عطر خفيف عشان ما يزيد صداعه بريحه عطر قوي . . وسرت صوبه قعدت . . نزلت ايده وتميت اهمز راسه . . ملامحه كانت وايد مشدوده ومع هالتميز شوي شوي حسيت ملامحه رخت وحسيته ارتاح . . بعد دقايق . . مسك ايدي وبااسها . . وفتح عيونه

وليد : خف شوي حبيبي . . مشكوره . . " رد باس ايدي "

توترت من الكلمه : الحمدلله . .

وليد يبتسم : حطي راسج اهني . .

بلعت ريجي وبهدوء حطيت راسي ع ايده الممدوه وعشان امنع الحيا غمضت عيني . . تقرب مني باسني فالمساحه بين عيوني . .

وليد : الله لا يحرمني منج . .

وبعدها رقد . . حسيت من انفاسه انه رقد . . ورقدت بعده ع طول . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 02-15-2013, 12:22 AM

.
.
.

السلام عليكم ورحمه الله وبركآته ..

اشكركم ع التعليقات الطيبه وعلى التشجيع المتواصل . .
لولا تشجيعكم جان ماوصلت الروايه لهالمستوى ولهالانتشار . .
جد فرحت لانها نالت اعجاب الكثيرين . .

انا كتبت ف تويتر اني ماا راح اكتب . .
بالفعل لان دوامي يوم الخميس يخلص 3 . .
ف هلاك علي اني اكتب . . لكن ألهامي والافكار ماتخوز . . واحس ب طاقه لازم اطلعها ف الكتابه . .
ف فتحت وتميت اكتب بالسااااااعات بدون ما اوقف لين خلصت البارت . .
وتفاجئت من روحي لاني خلصت وكتبته . .
البارت هالمره نفس كل مره بدون زياده ولا نقصان يعني البارت العادي . . ماقدرت ازيد صفحه حتى لاني جد هلكانه . . . ولولا ماكانت هلكانه كنت عادي اكتب اكثر واكثر . .

الحمدلله اني خلصته بدري لاني بكون بزي هاليومين وبخلص اموري . .
اتريا رايكم وتعليقاتكم الطيبه . .

واشششوفكم ع خير باذن الله الويكند الياي . .

ملاحظه : انا كل مره اقول ان البارت بيكون ف الويكند . . واعطيكم خبر اول باول ف تويتر . . ف انا مش مسؤوله عن الاعضاء الي يتريوني ويتأففون ويكتبون لي ف كل مكان انتي تتاخرين علينا وانتي وانتي واحنا كم بنصبر . . انا كل الي اقدر عليه اعطيكم خبر عشان ما تتعبون وتجيكون كل شوي . . وانا قلتلكم مش مجبورين تجيكون كل شوي . . جيكو يوم السبت فليل بجذي بتكونون شايفين البارت جاهز بدون حرق اعصاب . . مابي حد يترياني من يوم الخميس ومن يصبح يوم الخميس يكتب لي متى البارت متى البارت متى البارت . . انا انصدم توني فاتحه عيوني الصبح اشوف ألف رساله . . يعني انا وايد مقدره الجميع و وايد اسهل عليكم واخليكم فالصوره قد ما اقدر . . . . واخبركم كل شي أول فـ اول . . شلي اقدر اسويه اكثر ؟

ف خلونا متفاهمـين . .

ضحيهـ . .
__DEFINE_LIKE_SHARE__

فديتني هبله · 02-15-2013, 08:02 AM

تسلمين حبيبتي علئ البارت ^^ __DEFINE_LIKE_SHARE__

forza alain · 02-15-2013, 08:24 AM

فسيشمل بالله
روووعه بااارت __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خادمة "تذبح" طفلة مخدومها بحفر الباطن	محروم.كوم	منتدى أخبار المواقع والمنتديات العربية والأجنبية	1	04-16-2013 02:04 AM
المرور""""""""للايجار """"""" فالمرور """"""4 شقق.. غرفتين+3 غرف ((65الف_150الف))	محروم.كوم	منتدى أخبار المواقع والمنتديات العربية والأجنبية	0	01-20-2012 04:10 PM
بلاك بيري تورش 9860 فل تتش مع بن ممير """"""""""""""""""""""	محروم.كوم	منتدى أخبار المواقع والمنتديات العربية والأجنبية	0	10-28-2011 11:00 AM
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM