سلام عليكم
أعضاء المنتدى ضحوي
شحاآلكم؟!. عساكم بخيير
.
طبعا غبت فتره ماعلقت على البارتات الي ولاآ أروع
أهنيج أنتي أنسانه ولاآ أروع
يـاآآآآآآربااااااااه شهالبارتات الي ولا أروع منهم
والله مشكووووووره وآآآآآآآآآيد
.
تعليقات على الشخصيات:
وليد: واآيد كبر فعيني صدق ريال شهم وشيخ على تصرفه مع مهرو.
مهرو: قهرتني يوم كلمت سيف المفترض تنساه خلاص بلا حركاتها الي مالها معنى.
سيف: هالانسان حيوان بـ معنى الكلمة كيف جي يسوي لازم يحشم عمره خلاص مصخها
نوره: وينها مختفية علها دوم جي.
.
وبس جي ومشكووره فديتج على البارتات الي ولاآ أروع
.

ملاآحظه: بناآت بلا سخاآفه تزيدن الصفحات كل مره والله اتحسبها ضحوي الي منزله بارت هي قالت اذا ماشي بارت الخميس بيكون الجمعه يعني صبرن تراآ الصبر لله واذا ماقدرت تنزل بارت خلاص الغايب عذره معاه وبس جي يعني.

.

نترقبج ضحيه فالبارت الياي ان شاءالله

.

.

.

البارت الـ 19



على صباح يوم الثلاثاء . . الساعه تشير للـ 6 الصبح . .

فجيت عيني وانا اسمع طق طق طق طق طق طق طق طق طق طق . . نشيت من نومي غصبن علي بسبت حشره وليد وهو يدق الباب . . خبلني صراحه وعصبني . .

وقفت عند الباب : قمممممت خلاص قمت . .

وليد : زين بطلي الباب

انا : قلتلك قمت حق شو ابطل الباب

وليد : بتفجين ولا اكسره

انا : وبعدين معاك . . ببدل وبطلع . .

وليد يرفس الباب : الحين بطلي . .

انا طنشته واول ما ييت بدش الحمام " الله يعزكم " حسيت الباب بينكسر من القوه الي يدق فيها . . بسرعه شليت لي ثياب وحطيتها فالحمام لاني اعرف الحركه الي بيسويها كل يوم .!

وليد : قسم بالله بكسره

كنت لابسه بجامه طويله ايد وريل . . يادوب شليت لي شيله صلاه ولفيتها ع عمري وسرت صوب الباب وبطلته ومن بطلتته ع طول مسك ايدي ولفها ورا ظهري . .

وليد : انا شو قايل . .

انا : آآآآآآآآآآآآآآآآآآي . .

وليد يرص اقوى : قلتلج بتنضربين صح ولا لاء . .

انا : انزييييييييين نسيت نسييييييييييت

وليد يرص : تجذبين بعد . .

انا : وليد والله تعووووورني آآآآآآآآىي . .

وليد : وبعدين معاج يعننننني وبعدييييييين . . كم مره مكرر وقايل . .؟

انا : انزين فج ايدي " اتعصر من الالم " ااااااااااااااااي . .

وليد : بتتأدبين ولا

انا : اااه ريلي . .

وليد فج ايدي بسرعه : تحسين بألم . .

انا امسك ريلي واتألم : هيه شوي

وليد يمشيني بشويش صوب السرير وجان اربع وادش الحمام واقفل الباب . .

وليد يصارخ : يالخريييييييطه يالجذآآآآآآآآآآآآآآآآآآآآبه . . وين بتسيرين . . والله اني يالس اهني مابتحرك بشوف كيف بتلبسين . .

ابتسمت ما قلت شي وتغسلت ولبست لي جينز مع قميص كم طويل ورديت حطيت شيله الصلاه علي عسبت تغطي كل جسمي لكن بس رفعتها شوي عسبت اطلع ايدي منها . .. . طلعت وحسيت علامات الصدمه ف ويهه . .

انا : كل يوم نفس الصدمه . .

وليد : كيف حاسبه حسابج

انا مارديت عليه . .

يرن تلفون وليد . .

انا اطالعه . .

وليد : المنبه . . يلا يادوب نقدر نلحق الحين . . بنتريق بعدين . .

انا اطالعه : انزين اطلع . .

وليد : حالف ماا اطلع

انا : اطلع لين البس عباتي بس . .

وليد : والله ما اطلع . . محد قالج تقفلين الباب وانا اكثر عن مره منبهنج . .

شليت عباتي وشيلتي السودا ودخلت الحمام ولبستهم اهناك ورديت طلعت . .

شفته يرمس بالفون . . ماعرفت منو . . كنت ابا اساله لكن ما سألت . . سويت عمري ادندن عسبت ابين له اني مش مهتمه يكلم منو وعطاني نظره وطلع من الحجره .

انا : حيوان . . يرمس منو . . ليش يطلع يتكلم برع يعني . .

كنت ابا الحقه اتصنت بس جبرت روحي اطنش . .

سرت صوب الجامه وتميت اطالع عمري . . يبين علي الراحه . . " ابتسمت " ان شاء الله تكتمل راحتي ويطمني الدكتور ويعطيني البشاره اني ارد البلاد . . فكرت شوي وقعدت اطالع ب شنطتي وطلعت منها جاكيت عنابي طويل . . فصخت العباه ولبسته . . وبما ان الجو بارد موت رديت فصخت العباه ولبست جاكيت خفيف بيج وعقب لبست فوقه الجاكيت العنابي . . امس اشترالي وليد درزن نعول . . لاني الغبيه بما اني ماكنت احس بريلي نسيت اييب لي بس كان الي عندي ولابستنه . . ومن عقب العمليه اختفى . . ف سار خذلي اشكال وانواع . . اكتفيت ب واحد بيج مريح ساده . . لفيت ع رقبتي الشال الاسود ماله . . ماخذ حق عمره بعد امس يوم طلع يتسوق واول ما وصل عندي لبسني اياه وقلتله اني باخذه وما علق . . لبست معاه سكارف وحطيت عطر خفيف . . تجحلت بس بدون ما ازيد شي . . كنت وايد ناعمه . . دورت ساعتي بس ما حصلتها . . قلت يمكن خليتها ف الصاله . . طلعت بروح الصاله سمعته يضحك من قلب لدرجه انه ما حس وجودي . .

وليد : ههههههههههه مينونه . . والله مينونه . .

بلعت ريجي وماقلت شي ابد . . حاولت ابين اني عادي . . شفته صد اطالعني ويسوي بعيونه انه مبهور من لبسي . . ما قلت شي . . حصلت ساعتي ع الطاوله . . سرت صوب الطاوله وهو كان قاعد ع الغنفه . . قعدت حذاله شوي بس عسب ألبس الساعه ولما يييت بقوم مسك ايدي . .

وليد : تمام . . ههههههههههه . . اوكي . . يالله . . فمان الله . .

انا اطالعه : شو . .

وليد : شفيج

انا بالعه ريجي وقابضه اعصابي : مافيني شي " ابتسم ابتسامه مصنطعه "

وليد : جد شفيج . .

انا : قلتلك ماشي انت شفيك .

وليد : ولا شي . . اشوفج متوتره

انا : ليش اتوتر ان شاء الله ؟ مافي شي يخليني اتوتر

وليد : انزين . . يالله زهبتي

انا " لا والله . . ها الي قدرت عليه . . ليش ماتقول كنت ترمس منو . . " لكن ما قدرت انطق بهالكلام بلعت ريجي . .

انا : هيه خلاص . .

وليد بعده قابض ايدي وسحب عني الساعه ولبسني اياها . . كنت اشوفه بتركيز وهو يسويها ومن خلص حط عينه ب عينه وبصوت حنون

وليد : شوه فيج . .

انا : وبعدين معاك قلتلك ماشي . .

قمت عنه وقام ورايه . .

وليد : بتعطر وبييب بوكي وبييج . .

سار وخلا تلفونه ع الطاوله . . شي فيني يقولي " فجي شوفي اخر مكالمه . . شو بتخسرين ؟ يالله بسرعه . . فضولج بيجتلج . . برايه شو يعني ابا ااعرف الا فضول هذا مش شي ثاني " وشي ثاني فيني يقول " لا تمسكينه . . انتي بهالحركه لو طب عليج بتحسسينه انج مهتمه فيه و وايد اشياء بتتغير . اثقليييييييي " . .

وليد يا : يالله . .

ورد يا صوب الطاوله وشل تلفونه وحطه ف جيبه . . وسبقني . .

طلعنا من الفندق . . الجو صعيييييييييييييييييييييييييييق . . برد مش طبيعي ابدا . . كنت اول ما اطلع ع كثر ما اتفدا والبس جاكيتات وادفي روحي اتجمد وارجف . .

ركبنا ع طول التكاسي الي موقفه صوب الفندق . . وانا كنت فالسياره ارجف من البرد وصاده الصوب الثاني . . وليد قاعد يمي و كل شوي يتصدد يطالعني بس انا متجاهلتنه

مسك ايدي بحنان وتم يحركها بايدينه الهنتين : امس حاشرتني روح السوق خذلي نعله خذلي جاكيت خذلي قفاز . . وين كل ها . .

انا اطالعه : ماتشوفني لابسه . .

وليد : لا . . هالجاكيت العنابي انا ماخذتلج اياه . .

عقب انتبه للـ بيج الي تحته

وليد : اوه لبستيه . . انزين والشال ؟

انا اطالعه . .

وليد يبتسم : ها شالي . . ليش ما تلبسين شالج

انا : قلتلك عيبني ها . .

وليد : لاني انا لبسته وفيه ريحتي عيبج

انا فاجه عييني : وايد مصدق روحك ع فكره . .

وليد ابتسم . . وبطل القفازات الي فايده ولبسني اياها . . ومن عقبها هد ايدي .


ابا اتكككككككككككككككككلم اوووووووف ابا ااصارخ اقوله كنت ترمس منو . . ع لساني بنطق لكنه تم يكح وعقب تراجعت وصديت الصوب الثاني واشوف الجامه والثلج الي يطيح . . الجو غرام غرام غرام . . لو . . انا اقول لو .. انا اقول لو ها .!! لا تاخذون كلامي ع محمل الجد ولا تقولون اني احب وليد . . انا اقول لو بس !!! " لــــــــــو " كنا ياييين شهر العسل . . كان الوضع بيكون مختلف وايد . . " أبتسمت لا ارادي " كنت بدلع عليه . . بدال لا اخلي هالمسافه بالنص بينا . . بلصق فيه وبحط راسي ع جتفه . . هيه عادي شو يعني احنا برع وها شي طبيعي . . وممممممم بدال ما اخذ قفازه كنت بتكفي اخلي ايده فوق ايدي ويدفيني . .

وليد : شو الي مونسنج هالكثر . . شاركيني فيه . . شفاتج بتنطر وصلت قاره افريقيا . .

انا اطالعه : سخيف .

وليد : شو تفكرين

انا : ولاشي ..

وليد : قولي من شو خايفه

انا : ومنو قالك اني خايفه اصلا

وليد : يالله عاد

انا بعصبيه : شوه فيك . .

وليد : انتي الي شو فيج لابقه . !!!

وصلنا المستشفى

وليد : حشى . ماتروم 5 دقايق اتم هاديه . . لازم تعصب الف مره فالدقيقه . . . بلاج اعنبوه . . اذكري الله

انا مارديت عليه . .

نزلنا ودخلنا . . ماكنت مول اطالع وليد وقد ما اقدر اتجاهله . . شافني الدكتور والحمدلله طمني اني صرت بخير 100 % . . وعطوني كييس صغير فيه هديه . . حلوه حركه المستشفى عيبتني . . جد راقي . . طلعنا من المستشفى و وقفت . .

وليد : جي واقفه

انا اطالعه : ما بنرد الفندق

وليد يبتسم : تبين تردين . .

تميت اطالعه بس مارديت

وليد : انتي ما كاشخه هالكشخه عشان تردين . . انتي عارفه انج بخير وانج عقبها تبيني احوطج . .

بلعت ريجي وما قلت شي . . الحيوان صاير يكشفني بسرعه . .

سحب الكيس عني وخلاه ع طرف . .

انا اطالعه : ليش

وليد : شو تبين تاكلين هالكاكاو . . خليه يهال بيشوفونه ولا فقير بياكله

تميت اطالعه بصدمه : انزين مش ع كيفك مش من حقك . .

وليد يعيب علي : مش ع كيفك مش من حقك . . " يدق راسي بصبعه السبابه ويرجعه ع ورا بخفيف " اف من هالمزاج الخايس . .

سحب ايدي اليمين وبطل عنها القفاز . . وشبك ايدي ف ايده .. قرصني قلبي وحسيت ب نغزه بس حاولت بعد ما ابين . .

كنا نمشي مع ان الجو بارد موت ومتجمدين . . لكن يمكن حراره القلوب كانت تخلينا نتحمل . .

صادفنا اول كافيه ع اليمين ودخلنا . .

وليد : شو تبين تاكلين . .

انا : مابا شي

وليد يطالعني وعاقد حياته والريال واقف ع راسنا : قولي . .

انا : قلتلك مابا شي

وليد طلب لي ع ذوقه . .

وليد يطالعني : عيب عاد . . الي بينا خليه بينا . . مش جدام الناس الريال واقف وانتي وارمه ..

انا اطالعه : انا جي محد جبرك علي . .

وليد يطالعني بقوه عين وما يحرك جفته حتى : لا تعيدين هالكلام رجاءّا .!

انا طنشته . .

وليد : يا بابا شوه فيج . . شوو ياج اتكلمي لا تخبلين بي جيه . .

انا اطالعه عين بعين . . : مافيني شي . .

وليد : قوات عينج تطاعين عيني وتجذبين . . قويه . .

انا تميت ع نفس النظره وهو تم ع نفس النظره . .

وليد : ما بترمسين . . ارمسي

انا اطالعه بعصبيه : ماعندي شي شقولك حشرتني . .

وليد : ارمسي

انا : قلتلك ماشي

وليد : ارمسي

انا ميوده اعصابي : لاتحن ع راسي قلتلك ماشي . .

وليد : بتتكلمين ولا شو

انا اطالعه : شو تبا بكلامي انا .. سير امسك التلفون واتخشش فيه واتضحك . . ميانينك وايد . .

وليد سكت لحظه وعقب ابتسم : هههههه شو تقولين . . فهميني

انا اطالعه : انت فاهم عدل .. لاتتحراني ما سمعت . . مره ثانيه روح برع اتكلم . .

وليد : ليش اروح برع . . انا ماعندي شي اخشه عشان اتكلم برع . .

انا اطالعه : وحبيبتك المينونه مش شي ينخش . .

وليد يبتسم : حبيبتي المينونه ؟ حبيبتي المينونه عصبيه وعنيده ومزاجها خايس وتلوع الجبد وماتنحب مادري ع شو بنات عايلتها متيمعات عليها مع انها فظيعه وماتنطاق ويايه . .

انا تغيرت ملامحي وبلعت ريجي

وليد : حبيبتي المينونه وحده بس .. وهذي مجابلتني . . ماعندي حبيبه مينونه غيرها . . " يبتسم "

انا عاقده حياتي : سمعتك ترمس ف الفون وتقول مينونه مينونه

وليد يبتسم بحنان ويتجرب من الطاوله ويحط ايده عليها ويطالعني : تغارين

انا : هه . . اغـــــــــــــــــــار .! شو الي يخليني اغار . . مسكين حالك والله . .

وليد يبتسم : دام ما تغارين ليش اقول . .

انا اطالعه عين بعين . .

وليد : اشوفج عصبتي . .

يابو الريوق . .

كان طالب كرواسون وفطاير وخفايف زعتر وجبن . . وكابتشينو ..

وليد : ترا ها كابتشينو . .


انا اطالعه : ادري

وليد يبتسم . .

عقب استوعبت انه هو عرف اني احبه عسب جي طلبه . . ما ينسى هالريال .!

انا : وبعدين ويا ابتسامتك السخيفه هاي . .

وليد : انتي ليش وايد مزاجج خايس ؟

تنهدت : كنت تكلم امنوه

وليد : ليش تبين تعرفين

انا : بس جي من باب الفضول

وليد : وليش يييج فضول

انا : ولد عمي كيف ما يييني فضول

وليد : بس لاني ولد عمج يعني

انا : هيه اكيد . !!

وليد : انزين اذا كان سؤالج بس لاني ولد عمج ف ما راح تحصلين مني جواب . . لاني بكتفي اني اقولج مالج خص . .

انا : ولا والله

وليد : هيه . .

انا تامه اطالعه . .

وليد : لكن لو بتسألين ع اساس انج . . " يبتسم " حبيبتي . . مجبور اشرحلج واتعذرلج وافهمج كل شي بالتفصيل . . .

انا اتنهدت : لا حول ولا قوه الا بالله العلي العظيم .!

وليد يبتسم : . .

انا خذت الكوفي وتميت اشرب . .

وليد جدملي الصحن : كلي . .

انا : ماباكل . .

وليد يبتسم : كلي . .

انا : قلتلك ما باكل . .!!!!!

وليد : تعانديني يعني . .

انا : ااعاندك

وليد يبتسم : انزين ما بنستفيد شي من عنادج " يبتسم " جي ولا جي ما بتعرفين . . قلتلج كيف اذا تبين تعرفين . .

انا اغمض عيني بعصبيه اكتم اعصابي . .

وليد : ههههه . . ليش تكابرين

فتحت عيني اطالعه مبتسم ..

وليد : خبريني . . " يبتسم اكثر " ليش التغلي والتكبر يعني . . عادي قولي انا ابا اعرف . . يهمني اعرف . .

انا طالعته بنظره : قول . . يهمني اعرف . .

وليد يبتسم . .

انا عاقده حياتي : لا والله . .

وليد : ما بتخليني استانس ثواني شوي .؟ خليني اشوف الغيره . .

انا اطالعه : ما اغار قلتلك . .

وليد يبتسم : لاه ؟

انا اطالعه : اففف " صديت يمين "

وليد : كنت ارمس شهاب

انا اطالعه : تقول حق شهاب مينونه مينونه ؟

وليد يطالعني : ما اتفقنا ع جي . قوليلي بأي صفه تبين تعرفين

انا اتنهد : افف . . مابا اعرف شي خلاص . .

وليد يبتسم : اوكي بقولج ع شرط . .

انا اطالعه :الي هو . .

وليد : انج تعطيني نقطه فالبطاقه الخضرا . .

انا على طول قلت : اوكيه . . يالله قول . .

وليد ابتسم : قفعه . .

انا : يلا خلصني . .

وليد يبتسم : هيه كنت ارمس شهاب . .و كنا نرمس عن وحده

انا فاجه عيني ع وسعهن . .

وليد : خبرتج . .

انا : ترمسون عن منو . .

وليد : اوه انتي تبين التفاصيل بعد . . التفاصيل واايده !!!

انا : وليييييييييييييد

وليد يبتسم من قلب : ههه عيونه . .

انا : قول عاد فكنا . .

وليد : بضاعف النقطه وبخليهم 10 . .

انا : 20 بس قول

وليد :أوب أوب . . منو قدي " يبتسم "

انا اطالعه : بترمس ولا والله بقوم عنك الحين . .

وليد يبتسسم: نرمس عن رقوي . . .!!! امس الصبح . . فـ اول الصبح بعد . . لمآإآإ . . !

>

<

>





لما كان يستعد شهاب بيروح الدوام . . . طلع من الغرفه قبل لا يزهب ب وزار وفانيله ع اساس محد فالبيت . . ماسك كوب الماي ويشربه ويمشي وطلعت فويهه رقوي وشرق وتم يكح . .!!!

رقوي : بسم الله عليك ولد عمي شفيك . .

سارت صوبه ودحنته ع ظهره . .

شهاب يبتعد : انتي شو تسوين اهني . .

رقوي تبتسم : ودني المدرسه

شهاب عاقد حياته : نعم . .؟

رقوي : الله ينعم عليك ويرزقك ان شاء الله كل خير وكل الي تباه . .

شهاب يطالعها بنظره جديه . .

رقوي : بروح المدرسه ودني ماعندي حد

شهاب : ابوج . . دريولكم . . اخوانج ..

رقوي : انت ليش ما توديني . . انا قلتلهم بخلي ولد عمي يوديني . . طرييجي ع طريجه ماابا اتعب حد . .

شهاب يتنهد : استغفرر الله . . قومي عني " يدز جتفها ويمشي "

عقب غمض عينه استوعب انه ما لابس وطالعها بهالمنظر . . دخل الغرفه لبس كندورته وتعمم وتعطر وتكشخ وظهر . .

رقوي كانت بلبس المدرسه يالسه ع طاوله الطعام تتريق . .

رقوي : تعال ولد عمي . . حطيت لك حليب فالشاي ودفا . . تعال اشربه . .

شهاب يطالعها : ماحب الحليب وماباج تزهبيلي شي مره ثانيه وامشي بوصلج المدرسه ومابا الحركه هاي تتكرر ولا ابا اشوفج مره ثانيه . .

رقوي : خيييييييييييييبه شو سويتلك انا انزيييييييين . . افففففف يالله يالله حتى ريوق ما تريقت

تم يطالعها ونشت

رقوي : ما بتريق خلاص بسير بيييووووووعي . .

طنشها ومشا عنها وركب السياره ولحقته وركبت . .

حرك السياره وانطلق . . وفنص الطريج . .

رقوي تشهق : نسيت شنطتي . .

شهاب يطالعها : في حد ينسى شنطتتتتتتتتتتتتته

رقوي : انا . .

شهاب : لا حول ولاقوه الا بالله . !!!!!!!!!!!!!!!!!

رجع السياره ورداها البيت وتم يترياها لين تيب شنطتها . . يابت شنطتها وردت قعدت جدام . .

تمت تلعب بالمسجل وتحاول تشغل . . اطلع سي دي وادخل سي دي . . طيحت بوكس السيديات كله وشهاب قابض اعصابه مع ان باين عليه منفعل . .

شهاب : ماتعرفين تقرين بدون ما تتعبثين .!!!!!!!

رقوي تصارخ : انت ليش شايف عمرك وعصبي

شهاب : انتي حشريه . . ايلسيييي مثل الناس . . مزعجه تراج . .

رقوي تأشر له : لف لف صوب المحطه باخذلي ريووووووق

شهاب يطالعها

رقوي : لفففففففففففففففففففففف

شهاب : اللهم طولج ياروح . .

لف صوب المحطه و بركن السياره واول ما بغا ينزل شافها بطلت الباب ونزلت وهو منصدم . . تم فالسياره لانه معصب ولو سار داخل يبعصب عليها . . تم ماسك اعصابه ويرص ع ايده بقوه عشان يهدى . .

دقايق بسيطه ويايه مع كيس شكبره اجباس وحلويات وعصاير . .

دقت عليه جامه السياره ونزل الجامه بس ماصدالها . .

رقوي تمد ايدها وتحط ايديها صوب عينه : فلوسسسسسس . . . بـ 45 . . انت عطني 50

شهاب يطالعها بدون اي ملامح .. !

رقوي : ايه لا تفشششلنا الهندي يطالعني . . عطنييييييييي

شهاب : دبري عمرج

رقوي تشهق : لا تستهبل عططططططططططني

جان يطلع الهندي ويا صوب السياره . . اهني تلوم شهاب ونزل من السياره

شهاب : اركبي . .

ركبت وهو نزل وتاسف للهندي وعطاه فلوس ورد ركب السياره . .

طلعت جبس وتمت تاكل وشهاب بعده ساكت عنها . . لين ضرب بريك قوي واندق راسها ع جدام وطاح الجبس وانجب كله . .

شهاب يشهق : خيستي السياره !!!!!!!!!!!!!!!!!!!

رقوي تصيح . .

شهاب ضرب اشاره خطر و وقف ع طرف . . : شوه فيج . .

رقوي ترجع ع ورا وتحط ايدها ع يبهتها : تعورت . . "تصيح شرات اليهال "

شهاب : وش ذي البليه ياربي

تم يطالعها وهي تصيح

شهاب : انتي متاكده صف ثاني ثانوي . . مش صف اول روضه .؟

رقوي تطالعه وهي تصيح : جبببب انزييين جبب . .

مسحت دموعها ب قميصها الابيض مال المدرسه . .

شهاب يطالعها : انتي شحقه ما تلبسين عباه

رقوي تطالعه : ليش ألبس حق المدرسه مابا . .

شهاب يطالعها : تراج تنزلين الشيشه اكيد مش اول مره تنزلين . . استري عمرج . .

رقوي تطالعه : انا يبهتي تعورتي وتقولي عباه الحين

شهاب يوخي ويشل الجبس المتناثر . .

رقوي تصارخ : انزين وااااااااانا

شهاب يطالعها : شحقه تصارخين اسمعج . . " عاقد حياته " انتي هالقد " ياشر ع صبعه الصغير " وصوتج طول الشارررررررع . . حشى . . من وين يطلع هالصوت المزعج . . .

رقوي تبوز . .

شهاب ابتسم غصب ع شكلها . . .

رقوي : ودني المدرسه يالله تاخرت . .

ولمت ايدينها ع بعض وصدت الصوب الثاني . .

شهاب تم مبتسم ما قال شي وعقب حرك لين السكول . . ومن عقب ما وصلو . . نزلت بسرعه وشلت كل اكياس الحلويات والاجباس .

كان ياي يحرك بس شافها نست شنطتها . .

شهاب : اول مره اشوف بنت سايره المدرسه وتنسى كتبها . . شحقه سايره عيل . .

تم واقف ماتحرك . . جان ترد وهي تركض وضحك عليها . .

بطلت الباب : نسيت شنطتي . .

شهاب : عن تنسين روحج انتي . .

رقوي مبوزه : جب انزين . .

شهاب : شوفي شو سويتي . . كسرتي الدنيا . . وصختي السياره . . حتى السي ديات ناثرتنها . . ماتسوى علي هالتوصيله . .

رقوي مدت ايدها . .

شهاب : شو بعد . .

رقوي : ماشليت بيزات . .

شهاب : وهالاكياس الي شارتنها شو . .

رقوي : حقي وحق ربعي فالفرصه . . لكن اذا احتجت ويعت . . اموت ؟

شهاب طلع من بوكه عشر وعطاها جان تستانس ..

رقوي : لا تخبر ابويه انك عطيتني 10 . . هو مره فالشهر يسويها . .

وشلت شنطتها ونزلت وعقب اطالعته : شكرا . .

وسسسسسسدت الباب بالقو لدرجه قلب شهاب عوره ع الباب . .

>

<

>

وليد يبتسم : عاد هي بهدلته وبهدلت السياره . . وجلبت كل شي فوق تحت . .

انا طول ما هو يقولي السالفه وانا اضحك من قلب . . جد رقوي مش طبيعيه . . يعني من قبل نعرف ان هي ياهل لكن ماكنت وياها وايد عشان اعرف كيف تتصرف . . تصرفاتها وايد طفوليه . . الله يعينك ياخوي

وليد : عسبت جي تميت اقووله مينونه مينونه " مبتسم "

انا ابتسمت . .

وليد : ارتحتي . .

انا اطالعه وبديت استوعب . الحين هاي طلعت السالفه . . اففف لو ادري ماكنت بسوي كل ها وبعرف السالفه من البنات . .

وليد : تبين تردين البلاد . .

رن تلفونه . . جان يمدلي الفون كان مكتوب " حرمت عمي المرحوم " .

انا : الوو . .

اميه : اميه مهره حبيبتي . .

انا : فديت هالصوت . .

وليد يطالعني بتركيز . .

اميه : شخبارج اميه

انا : الحمدلله اميه انتي شخبارج . .

وليد ارتخت ملامحه . .

انا : الحمدلله امايا زينه . .

اميه : ها سرتي المستشفى . .

انا : الحمدلله قالولي سليمه خلاص واقدر ارجع البلاد

اميه : الحممممممممممممدلله يارب الحمدلله . . . متى بترجعون . .

انا : ماعرف بعدنا ماندري . .

اميه : تبين تردين . .

انا " ليش تسالوني هالسؤال " . : عادي عندي . .

اميه : ههه مرتاحه اميه

انا : الحمدلله اماايا . . شخبار يديه ؟

اميه : زين الحمدلله تعرفيني ماروحلهم ماروم . . بس شهاب يسير ويطمني عليهم . . هههه شهاب اليوم ميت معصب . .

انا : ليييش

اميه : رقوي يايتنه من الصبح تقوله ودني ويايني يقولي مابا اوديها والله سوت فيني سالفه امس

انا تيبست ضحك وتميت اضحك بدون ما اوقف . .

اميه : الله يديملج هالضحكه يا اميه . .

انا ابتسمت . .

اميه : عيل وينه وليد

انا : هكو مجابلني . .

اميه : سلمي عليه . .

انا :الله يسلمج

وليد : رديلها السلام

انا : هو يسلم عليج بعد . .

اميه : الله يسلمه يارب . . تحملو ع روحكم اميه

انا : ان شاء الله

اميه : نبا نفرح فيج . . اتخذي قرارج فهالفتره . . واستعيلي وعرسي خل افرح فيج

انا مبتسمه : هههه ان شاء الله . .

اميه : الله وياج اميه . .

وبندت عنها . .

وليد : شو الشي الي قالته ومفرحنج هالكثر . .

انا : ولا شي . . تسولف حليلها

وليد عاقد حياته : مهور . .

انا : شو

وليد : تعرفين رمستيها بأي فون

انا اطالعه : فونك

وليد : شو نوعه

انا اطالعه : ايفون

وليد : الصوت وصلني لين اهني وسمعت كل شي تقوله . .

انا اطالعه

وليد يبتسم : عشان جي احب الايفون . .

انا اسويله مالت . . .

وليد : يالله اكلي . .

تمينا ناكل ع الخفيف لين سدينا يوعنا وعقبها دفع الحساب وقمنا . .

قمنا نتمشى و مرينا محل جريب خذينا مظلات لان الثلج يطيح بشكل مايوقف و وايد . . روعه روعه كان . . . حاولت اخلي مسافه بينا لكنه كان يتعمد يلصق فيني . . لين يانا مصور وطلب يصورنا . . الي صدمني ان وليد وافق يصورنا من ورى واحنا ماشين . . وقبضني من خصرني وماشفنا الصوره لان روحنا وانا كنت ميته حيا ما قول شي . .

وليد كان قريب بشكل فظيع . . كان قلبي يدق بقوه من الرهبه . . قبضته لخصري وايد حنونه . . مع اني لابسه جاكيتين لكن بعد حاسه ب قبضته الحنونه . . ما كنت اباه يحرك راسه ابد . . لانه لو حرك راسه بتكون المسافه قريبه حيل ومابتحمل . .

وليد يطالعني وانا مت خلاص . . تيبست . . لو اموت ما اصد . . خشمه بيدق ف يبهتي من القرب . .

وليد يهمس : ترا عندي 20 نقطه . .

انا ماقلت شي . .

وليد : صدي . .

انا طنشته . .

وليد :صدي وبطيح 5 . .

انا : ججججب . .

وليد : مش ع كيفج ترى . . انتي عطيتيني هالنقاط . . لازم تنفذين الي اقوله . .

انا سكت . .

وقف و وقفت معاه وكنت شوي ببتعد لكنه قبض جتفي . .

وليد : لاتتحركين . .

صديت الصوب الثاني . .

وليد : ما بتصدين يعني . . بضاعفهم والله . . بخليهم 40 ترى . .

انا : خلنا نمشي . .

وليد : صدي انزين شو خسرانه . .

صديت بسرعه والشعور كان فظييييييييييييييييييع . . قربنا كان وايد وايد وايد . .

وليد همس لي : احبج . .

ومن يييت اصد . . تقرب وباس خدي صوب اذني ورد همس لي : والله العظيم . . . " سكت " احبج . .

على طول ابتعدت . . كان تنفسي صعب حتى . . ارتبكت وايد . .

وليد يطالعني . .

تميت صاده واعض شفاتي بقوة . .

سكر المظله ومسكها بايدها اليسرى

وليد مسك ايدي بايده اليمنى : يالله خل نمشي . .

مسك ايدي بقوه : وين وديتي القفازات . .

انا اطالعه : فالكافيه نسيتهم . .

وليد يطالعني ويمشي . .

انا طنشته وتامه اشوف الدرب . .

وليد : تضايقتي مني . .

انا : هيه . .

مع اني ماتضايقت منه لكن تعمدت اقول هيه . . .

وليد يجابلني ونوقف : انا من حقي هالنقاط . . يوم انتي مش قدها لا تقولين بعطيك .!

هد ايدي وكمل مشي ع الخفيف . .

صد يطالعني : يالله امشي شو تترييين . .

وقف لنا تاكسي . .

كله مني كله اخرب الجو . . لكن شو اسوي ؟ انزين انا بعدني مش مستعده . .وبعدين مادري ليش اكابر افف مني . .

ركبنا التاكسي وتم طول الدرب صاد صوب الجامه وعقب تم يلعب فالبي بي . .

وانا بعد قعدت أشوف الي في البي بي . . . فتحت محادثة شما ادري كاتبتلي تعبير . .

شفت انها حاطه صوره حزينه وكاتبه " اللهم فرج همي وكن معي "

سويتلها بنق بس ماردت واستغربت انها ماكاتبه شي . .

فتحت محادثة ميروه . .

" مهوووووور . . ردي . . : ( من رحتي انا و وليد ما قمنا نشوف بعض . . هو ف بيتهم وانا ف بيتنا ومول ما صادف ان تلاقينا . . هو يسير بيتكم يقعد مع شهاب لكن انا ماعندي علثه . . حق منو اروح : ( احس ابا اجوفه ابا اضارب وياه "

ابتسمت . . بدا الشوق ميروه ها . .

كتبتلها : روحيله . . اكيد هو يتعمد يروح اهناك عشان يترياج تسيرين . . دوريلج عذر . . انج بترتبين غرفتي مثلا ؟

ميره ردت ع طول : حياتي مهووووووووووووووووووووووووووووووووور . . والله مكانج خالي . . بنات عمج ضايعات بدونج . .انتي البوسس

انا : حبيبتي والله ..

ردت علي شما . . !

>

<

>

كانت قاعده ف الميلس مع مروان ويتها الشغاله وقالتها ان عمي حمد فالصاله يبا يرمسها . . مروان قالها سيري وانا بتم واقف ع طرف بشوفه شو يبا . .

سارت صوب الصاله وباست راسه وسلمت عليه . .

عمي خالد بجديه : انا ياي اقولج كلمتين بس . . عدييني ابوج لو بغيتي اي شي . . لاتحسبيني غريب وتخافين مني . . لا تخلين مهره و عنود يوزون راسج عني ويخلونج تكرهيني . . تراهم هم خايسات وانا اربيهم لانهم ماتربو . . امهم ماتعرف تربي بنات . . ولا عرفت تربي . . وماكان عندهم ريال يوقف فراسهم انا مابا علاقتج ف بنت عمج هاي مهره تكون موجوده عقب الزواج . . ودريها طبيها عنج . . شفتي شو سوت ف سيف؟ لعوزته وكرهته عيشته لين طفشته وخذا غيرها . . وخانته ويا ولد عمه وخلته مكسور الخاطر . . تتعلث اتريت واتريت . . مكاره ماعليج منها هاي تفكر من تحت لـ تحت وعلاقتها ف وليد كانت من زمان بس انا ساكت . . ودريها عنج انتي متربيه ومدينه وانا مابا حد يخرب اخلاقج

مروان يييه : ها كلام تقوله عن بنات عمي ابويه

عمي حمد يطالع مروان بصدمه : . .

مروان : ها كلاااااااام ينقال . . معقوله ابويه

عمي حمد : ها الصدق . . انا اخاف ع بنت اخوي وانصحها . .

مروان : شما روحي داخل . ::.

عمي : لا تروحين ماخلصت كلامي

مروان بنظره : روحي . . ماتسمعين . .

عمي يطالعه : ع شو ادافع .. انت ماتعرفهم كثر ما انا اعرفهم . . " يصارخ " هايييل لا ابوهم رباهم يوم حي ولا امهم ربتهم وهي حيه . .

وطلع من البيت بسرعه .!

مروان يطالع شما : لو علاقتج ف مهره وعنود انتهت .. وفكرتي تقطعينهم . . صدقيني علاقتي فيج اعتبريها انتهت . .

شما تشهق وترجف : انا شو يخصني . .

مروان : لاني عقلي بيقولي انج ناقصه عقل وتصدقين اي كلام ينقال لج

شما : انا ما بقطع بنات عمي الا لو انت قلتلي . .

مروان يتنهد : حتى لو انا قلتلج لا تقطعين

شما تطالعه . .

مروان : وين شخصيتج . . عصبي . . قوليلي ليش تمنعني . . لا تخلين كلمتي الي تمشي عليج . . انا ماحب البنت ضعيفه الشخصيه

شما منزله راسها : انا احترمك واسمع كلامك " يتنها الغبنه "

مروان يطالعها ويرفع راسها : شماني حبيبي . . انا لما تين وتقوليلي بروح السوق مع الدريول وقلتلج لا . . اهني اعتبريه امر ماشي نقاش فيه . . اهني تحترميني وتحترمين رايي . . لكن اييج اقولج اقطعي علاقتج ف فلانه وعلانه بدون سبب . . لا . . انا مارضاها ولا اباج تتصرفين وتقوليلي حتى ان شاء الله . . عارضيني . .صديني .. لا تكونين ضعيفه . . .

شما تنزل راسها : اخاف . .

مروان : ليش تخافين . . انا قاعد انمي شخصيتج . . قاعد اعلمج شو تسوين . .

شما بعدها منزله راسها . .

مروان يرفع راسها ويمسح دمعتها : الله يسامحهم اهلج . . الله يسامحهم . .



قريت كلامها لكن ماقدرت ارد عليها . . كنتت معصبه لدرجه فظيعه من هالعم الجشع . . ابوي ميت . . شو تباه تطرييييييه شو تباه . . بس عاد بسسسسسسس . .لين متى بنتحمل حقاره هالعم يعني لين متى . .

وليد يطالعني : بلاج . .

اظن لاحظ اني ادقق التلفون باظفاري بقوه من التوتر . .

وليد : شفيييييج اتكلمي . .

فتحت المحادثه وع الكلام الي قاله عمي . .

انا : اقرى بس لين اهني . . لا تنزل تحت وتكمل . .

قرى وليد وعقب عطاني التلفون . . : ليش قاعد يتصرف بهالطريقه . .

انا : مادري ..

وليد : عمي مش طبيعي . . وراه سر كبير خاطري اعرفه . .

انا : شو الي كان بينه وبين ابوي . . ليش كارهنا لهالدرجه ليش . . شسوينا له احنا . .

مسك ايدي : لا تكدرين روحج . .

انا اتنهد . .

وليد : خليه للأيام . .

اطالعت وليد . . ع كثر ما ازعله واضايقه يبلع الي فيه ويحاول ما يبين لي . . ويوقف معايه وينسيني الي فيني ويواسيني . . هالانسان غير وايد غيير . .

ابتسم لي ومسح ع ايدي . . : شسالفه ايدج ليش تبرد وايد

انا اطالعه : الجو بارد . .

وليد يبتسم : تبيني ادفيج ؟

انا اطالعه : لا . .

وليد : عادي خدماتي مجانية . .

انا اطالعه : مشكور . . مابي

وليد يطالعني : ويا هالمزاج الخايس . .

انا اتنهدت وسحبت ايدي عنه . .

وليد : باقلي 15 نقطه . .

جان اطالعه . .

وليد : خليني ماسك ايدج بس لين نوصل . . وبكنسل 5 نقاط بعد . .

رد مسك ايدي وماعارضته . .

كانت ايادينا شابكه وهو صاد ع اليمين يطالع الجامه وانا صاده ع اليسار اطالع الجامه بعد . .

وصلنا الفندق . . حاسب وليد ونزلنا . .

دخلنا الفندق وبعدنا شابكين ايادينا . . لين دخلنا . .

وليد يشوف الساعه : بطلب الغدا الحين . . بياخذ ساعه لين يوصل

انا : توا الناس ع الغدا . . تونا متريقين . .

وليد : بيطول لين يوصل . . وعقب بيستوي زحمه وكل حد بيطلب وبيتاخرون اكثر . .بنطلب ع الاقل وبقوله يييبه الساعه 1 . .

انا : اوكيه ..

ورحت عنه غرفتي بدلت الجاكيت العنابي بس . . وبطلت الشيله وفليت شعري . . كنت مسكره الباب بس . . بطلت ساعتي والخواتم الي لابستنا وسرت انسدحت ع السرير . .

اندق الباب . .

وليد : ادخل . .

انا كنت ادور شيله الصلاه مادري وين حطيتها . .

دخل وليد . . وجافـني . .

تم يطالعني . . من فوق لين تحت . . جافني بهالمنظر . . شعري الطويل منتثر لين ركبي . . ومع الجينز . . الحمدلله اني مافصخت الجاكيت البيج بعد . .

وليد يتقرب مني

انا : لو تقربت زياده بطلع برع . .

وليد تقرب ماسوالي سالفه وانا كنت ارجع ع ورى

انا اهدد بصبعي : لو تقربت اكثررررررر . .

تقرب مني وحظني . . !

ثانيه

ثانتين

ثلاث

انا اعارضه : وخخخخخر عني

وليد يرص باقوى : لو سكتي بس دقيقه . . بكنسل ال15 كلها الحين . .

سكت . .

وليد : اقل عن دقيقه لين . . . اخلص كلامي . .

حظني اقوى . .

وليد كان يتكلم ويسكت . . يقول كلمتين ويسكت : انا بس بقول الحمدلله . . انج صرتي حلالي . . واروم اشوفج . . واعيش معاج . . واكلمج . . واشوفج نظره حلال . . والحين . . احظنج حظنه حلال . . الحمدلله . . انتي بالنسبه لي . . " سكت واايد " شي وايد حلو . . ماقدر اوصفه . . . . . نعمه من الله . .

جابلني . . وباس راسي

وليد : ماقدر اتريا لين اليوم الي تحبيني فيه . . " يبتسم " والله ماقدر اتريا شسوي . .

انا اصد الصوب الثاني : اطلع . .

وليد يبتسم وبصبعين نقع ع يبهتي . .

انا : اخخ . .اكره هالحركه . .

وليد : وانا احبج . .

انا اطالعه . .

وليد يبتسم : ماقدر اتم اهني معاج . . لازم اطلع مابقدر اتحمل . .

وطلع عني . .

اول ما طلع اتصلت عنود فيني . .

رديت : الو . .

عنود : اختي حبيبتي

انا : اااااااااااااااااه ياعنودي . .

عنود : شفيج . . المفروض تكونين فرحانه ع النتايج . .

انا : ماعرف شقولج ياوخيتي . .

عنود : قوليلي . .

انا : اخاف . .

عنود : من

انا : اكرر التجربه مره ثانيه

عنود : ليش

انا : مابا احبه

عنود : وليش

انا : اخاف الي صار يتكرر

عنود : مافي شي يتكرر مرتين . .

انا : اخاف يضيع مني مثل ما ضاع حبي الاول

عنود : شو الي بيضعه ؟ شو هالافكار السودا . .

انا : مادري عنود . .

عنود : تقرب منج . .

(( سسسوالف بنات + خوات >> ابليس يشرد ))

بعد هالسوالف الـ اوفر . .

عنود : عطي نفسج فرصه . . لكن . . مش الحين يوم بتسوون العرس ان شاء الله

انا ابتسمت : ان شاء الله . .

عبدالله : عنووووووووود . .

عنود : انا فالحجررره حبيبي ارمس اختي . .

عبدالله يدخل بعصبيه : شو صار بينج وبين ابوي . . ابوي ليش معصب . .

عنود هدت التلفون وحطته ع السرير . .

عنود : شصار . .

عبدالله يصارخ : كيف تفرين الماي ع ويهه ..

عنود تشهق : انا ؟ والله مافريت عليه عن قصد

عبدالله ماعرف شسوا بس يمكن كان بيضربها لانها قالت

عنود : بتضربني ؟ ترفع ايدك بتضربني . .

عبدالله : شصااااار . . ليش معصصصصصصب عليج .. متصل فيني وانا فالدوام ويسبج سب

عنود تتنهد : والله العظيم كنت امشي وشاله صينيه غاسلتنها حق عموه . . وهو قاعد ع المخدات وانا خاطفه قطرات الصينيه شوي بس تلطشت ع ويهه . . نش وهزبني وكان بيضربني لولا انه استوعب اني حامل . .

عبدالله هدا : قطرات

عنود : والله قطرات يا حبيبي . .

عبدالله يتنهد . .

عنود تصيح : انا تعبت . . مابا اتم فالبيت اهني دقيقه وحده خلاص . .

عبدالله : انا اسف . . والله اسف . . اسف لاني صارخت عليج ..

عنود : مابا اسفك عبدالله وخررررر عني لا تمسكني . .

عبدالله : والله لو شفتي كيف يسب ويصارخ وانا فالدوام ما بتلوميني

عنود : اتصل فيني اعرف مني السالفه . . ليش ياي تعصب علي . .

عبدالله : انا اسف . . خلينا نعيد الموقف

عنود : بسسسسس . . مابا اعيد شي معاك مابا ..

عبدالله : الله يخليج .. بس هالمره . . شوفينا عدلنا وايد امور خلينا نعدل هالامر . . صح انه صعب وابوي يكررها بس دخيلج . .

عبدالله : احم احم . . يالله انا توني ياي من الدوام . . حبيبي ؟

عنود : . .

عبدالله : شو صار مع ابوي ؟ اشوفه معصب ومتصل فيني فالدوام يتحرطم . .

عنود : . .

عبدالله : حبيبي . .

عنود بدون نفس : وانا خاطفه رشه ماي خفيفه يت ع ويهه

عبدالله : معقوله ؟ الله يهديه ابويه . . ماعليه حبيبي . طوفيها عشاني . .

عنود : عبدالله خل نطلع من البيت . . ما بنرتاح اهني . .

عبدالله : ماقدر اطلع

عنود : انا مابا اتم اهني . . خلنا نعيش عند امي ع الاقل

عبدالله : تبين ابوي يتخبل . . ما بيخلينا ف حالنا . .

عنود : شو الحل شو الحل . .

عبدالله : الحل ان نصبر . . دخيلج اصبري . .

وبند التلفون . .شكله رصيدها خلص . .

اتنهدت . . يا حبيبتي يختي . . تعانين وايد . . ليش ياعمي ليش يا من المفروض اعتبرك ابوي ليش ..

وليد يدق الباب وعلى طول دخل . .

انا تميت اتصدد ادور الشيله . .

وليد يطالعني : ااذا ادورين ع الشيله تراها ف حجرتي . . بعطيج اياها بوقت الصلاه . .

انا اطالعه . .

وليد يبتسم : ابا اتم اشوفج جيه . . لا تحرميني . .

انا : نقاطك وخلصت

وليد : تساهلت فالنقاط وطيحتهم بسرعه . . عاد مشيها لي . . باقي عالصلاه اقل عن ساعه . . امشي الصاله خلينا نشوف التلفزيون . .

طلع وطلعت وراه . . بعطي نفسي فرصه مثل ما تقول عنود . .

لحقته وسرت الصاله وقعدت على طرف الغنفه الطويله المجابله التلفزيون . .

يا وليد ومن غير ما يقعد حطا راسه ع ريلي . .

انا اطالعه وهو طنشني . . شغل التي في بالريموت وتم يبدل فالقنوات . .

انا : انتتتتت

وليد : اسكتي ابا اجوف الفلم . .

انا اتنهدت وعناد فيه حطيت ايديني الهنتين فوق راسه . . جني اتساند عليه . .

Mbc4وتمينا نشوف فلم اكشن حاطينه ف

واندمجنا فيه لين ما عورتني ريلي

انا : قوم ريلي عورتني . .

جان اوخر ايدي ابا اقومه غصب لكن شفته راقد . . توقعته يمثل . . لكن من نفسه وطريقه عيونه يبين انه راقد بعمق . . تميت اطالع ملامحه عن قرب . . سبحان الله . . هو وشهاب وايد يتشابهون . . ملامحه وسيمه وايد . . تميت متردده ابا احط ايدي ع شعره . . شعره لين تحت اذنه وفي شعر ياي ع ويهه . .

وخرت الشعر ورجعته . . وتميت اسحي شعره بايدي بهدوء . . كنت لا ارادي ابتسم . . حنون . . حتى وهو راقد حنون . . حنانه واصلني حتى برقاده . . فظيع هالانسان . . فظيع .!

.

.

.