المكيف الصحراوي مشاكل وحلول وخبرات

محروم.كوم · #1 05-01-2009, 02:10 AM

السلام عليكم

مساكم الله بالخير

اتوقع ما يخلو بيت بمنطقتنا الصحراوية الجافة من المكيف الصحراوي
ولا ينفع مع الحر الا هو لتبريد البيت بشكل كامل

طبعا كلنا عارفين ما للمكيف من مشاكل منها التمليح وعدم التبريد والصدأ وهالامور

طبعا انا حبيت اطرح هالموضوع مع دخلت الصيف وهو منكم واليكم اللي عنده افكار بالمكيف اللي عنده حل لبعض المشاكل اللي عنده اسئلة اللي عنده خبرات بخصوص المكيف الصحراوي يفيدنا بها

طبعا انا بضيف بعض الامور واتمنى تتحفونا باللي عندكم

اولا فيه فكرة صراحة اخبرن به احد الاخوان قبل سنتين تحل مشكلة التمليح وانقل لكم كلام الاخ
يقول(شريت مكيف صحراوي جديد ثلث حصان وجبته للبيت وفكيت المحرك والمضخة والقش اللي بالابواب وفككت جميع التوصيلات وشريت لي كم بخاخ قار ورشيت المكيف كاملا من الداخل وخليته فترة ينشف ورجعت جميع الاجزاء مكانه بعد كذا بدا هيكل المكيف ما يمسك الملح ابدا لانه الماء ينزل على طول وافتكيت من 90% من الملح وبرودة افضل)
ثانيا فيه فكرة طبعا معروفة للكثير للتخلص من الملح نطرحة للي ما يعرفه طبعا معروف ان فكرة المكيف الصحراوي ان الهواء يمر عبر الماء فيبرد واكيد الماء يسخن ويتبخر بعضه وهذا سبب كثرة الملح الماء يتبخر ويخلي ملحه والحل اننا نغير ماء المكيف كل فترة يعني نضع مكان فتحة التصريف بالمكيف بزبوز واذا بغينا نغسل الحوش يوم الجمعه عن البلدية نفرغ ماء المكيف ونغسل بوه وكذا نفتك من كثير من الملح

ثالثا فيه منتج جديد يغني عن مضخة الماء اللي اعطاله واجد وهو اقوى الا وهو غطاس صغير اطول عمر وافضل اداء واغلى سعر طبعا سعره من 70 او 80 وحوله وهذي صورته

رابعا قريت قبل فترة اختراع جديد لواحد سعودي يعطي المكيف الصحراوي برودة تنخفض 6 درجات (يعني ابرد ب6 درجات) الاختراع سهل بالحيل وهو انه يخلي القش صفتين بينهن 15 سم اتمنى نرى هالمنتج قريبا بالاسواق واللي يبي يسويه يخلي مكيف وسط مكيف ماعنده مشكلة

خامسا تبي المكيف تقل فريزر جب لك كيس ثلج وكبه بحوض ماء المكيف طبعا محد جايب كل يوم ثلج لكن ممكن يوم تحتاج براد غير العادة

في النهاية اقول انا الان اشتغل على مكيف صحراوي مخصص للبر على كهرب السيارة واحاول انه يظهر بطريقة عملية ويمكن الاعتماد عليها وغير مكلفة لذا ليت اللي عنده اقتراح يعطينا اياه وان شاء الله اذا اكتمل طرحناه لكم

هذا ما لدي واتمنى ان تزودوننا بخبراتكم وتقبلو تحيات اخوكم ابو زيد __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مشاكل وحلول في نقص ماء الرديتر	محروم.كوم	منتدى أخبار المواقع والمنتديات العربية والأجنبية	0	07-14-2010 08:00 PM
سلف الجمس مشاكل وحلول	محروم.كوم	منتدى أخبار المواقع والمنتديات العربية والأجنبية	0	05-11-2010 12:40 AM
تعديل بخصوص المكيف الصحراوي 12v	محروم.كوم	منتدى أخبار المواقع والمنتديات العربية والأجنبية	1	04-14-2010 12:44 AM
لا يخص قسم مشاكل وحلول الكمبيوتر	محروم.كوم	منتدى أخبار المواقع والمنتديات العربية والأجنبية	0	06-07-2009 09:20 PM
مشاكل وحلول	محروم.كوم	منتدى أخبار المواقع والمنتديات العربية والأجنبية	0	05-26-2009 06:00 PM