تركيب مبرد قير للإكسبلورر (للنقاش)

محروم.كوم · #1 06-24-2012, 10:00 AM

السلام عليكم ورحمة الله وبركاته

صباح الخير على الجميع وإن شاء الله بداية يوم موفق بإذن الواحد الأحد..

الموضوع إخواني كما هو واضح في العنوان (تركيب مبرد قير للإكسبلورر) من 2006-2010

وسبب التركيب اني لاحظت في الفترة الأخير إن السيارة صارت تجيها نتعه قوية في القير ما كانت موجوده فيها طول السنتين الماضية (فترة امتلاكي للسيارة) وتكررت كذا مرة بالذات يوم سافرت للرياض من اسبوعين ومع الزحمة والحرارة لاحظت هالشي مع العلم إني وعشان أتأكد إن السالفة سالفة حرارة القير اول ما جات النتعة وقفت في اقرب محطة وفتحت الكبوت وطفيت المكيف وتركت السيارة يمكن نص ساعه تشتغل والكبوت مفتوح والمكيف طافي، وبعدها سكرت الكبوت ومشيت ولقيت المشكلة أختفت نهائياً.

وتكرر الموضوع مرة ثانية يوم دخلت للرياض وانا نازل من الشرقية متجه للجنوب وسويت نفس الحركة وأختفت المشكلة ..

مع العلم بأني من الناس اللي تعطي السيارة حقها في الصيانة ولا أبخل على سيارتي بشي كل 40 الف كيلو ادخلها الصيانة واخسر فيها من 2500 ريال الى 3500 ريال صيانة كاملة وشاملة لكل شي والسيارة ماشية الحين حوالي 193 الف كيلو منها 100 ألف كيلو معي شخصياً واستخدامي لها بنسبة 90% راكد جداً ونادراً ما أتعدى 140 كلم/س. وغالباً يكون مشيي 120 بس حتى وقت السفر لمسافات طويلة.

هالشي أعطاني إيمان كامل بأن سالفة نتعة القير تدل على ان القير يسخن ولازم له حل سريع قبل التخبيط لا قدر الله.

أرجو اخواني للي عنده خبرة في الموضوع يبدي لنا رأيه مع العلم بأني بحثت كثير في النت ولا لقيت مواضيع تتكلم عن مبرد القير للاكسبلورر او ان هالشي ما سبق وطرى على بال أحد قبلي ..!

وياليت لو تعرفون لنا ميكانيكي أمين وإبن حلال في الشرقية أجيه ويفيدني مع العلم بأني بأضطر اطلب المبرد من برى عن طريق النت.

ملاحظة اخواني:
مبرد القير في الاكسبلورر نفس مبرد القير في الكابرس الموديلات الجديد (مدمج مع رديتر السيارة) وهذا سبب رئيسي يعرفونه كل ملاك الكابريس في تسخين وتخبيط القير.

سيارتي اكسبلورر 2006 استخدام امريكي مكينته 4.6l v8 (تجي بدون مروحة الشبك الأمامية حقت المكيف)

تحياتي للجميع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ولله الحمد والمنه تم تركيب مبرد قير للتاهو 2008 والتجربة	محروم.كوم	منتدى أخبار المواقع والمنتديات العربية والأجنبية	0	05-18-2012 01:10 AM
بخصوص تركيب مبرد قير	محروم.كوم	منتدى أخبار المواقع والمنتديات العربية والأجنبية	0	11-20-2011 10:50 AM
سوأل عن كيفية تركيب مبرد خارجي للقير الاتوماتيك	محروم.كوم	منتدى أخبار المواقع والمنتديات العربية والأجنبية	0	08-20-2010 03:39 AM
{للنقاش} هل تعتقد ان تركيب نسخه غير ال vb في منتداك سوف يودي للفشل ؟	محروم.كوم	منتدى أخبار المواقع والمنتديات العربية والأجنبية	0	08-16-2009 07:10 PM
للنقاش: ماهو حكم تركيب منتديات وبرامج منزوعة الكود ؟؟؟	محروم.كوم	منتدى أخبار المواقع والمنتديات العربية والأجنبية	0	06-01-2009 09:10 PM