السالفه يا طويلين العمر فيهااا حكمه استنتجوهااا بانفسكم
كان فيه رجال عقيد ربعه وكبيرهم يمتاز بالشجاعه والفروسيه على دور السيوف والرماح البنادق للحين ما وردت وقام رجال من قبيله ثانيه وخطب اخته وزوجها له بعد مرور عده سنوات انجبت اخته ولد وزوجها مات او طلقها ورجعت لاهلها ومعها ولدها ( كان عيني تتحلاه كفشه كبير وعيونه عيون حر نادر ما صادوه طواريح الدبدبه ولا الحماد والا المجيرمه) المهم قام خـــاله ودربه وعلمه كل فنون القتال والفروسيه والحركات بالسيف والرمح الااااا(( حركه وحده احتفظ بها لنفسه)) وصار ما فيه اغلى منه عند خاله اغلى من عياله كبر الولد وطلب اهله وراح لاهله بعد مرور السنوات كبر الولد وصار عقيد ربعه وشيخهم من فروسيته وشجاعته واخلاقه الحميده التي تاهله لكي يكون شيخ والناس كانت تمشي ورى الشجاع الفارس المهم صار خلاف بين القبيلتين وغزوا بعض القبيله الاولى العقيد والفارس خال الولد والقبيله الثانيه الولد ابن اخته ويوم تناطحت الخيل وان كل على ربعه الخال ولد اخته
لكن الخال صار شايب وابن اخته بعزززز شبابه تقدم الخال وتقدم ابن اخته لكن مصلحه القبيله فوق كل شي وقاموا يتبارزون بالسيف وكل حركه يسويها الخال ابن اخته يرد عليها لانه يعرفها معلمه خاله حتى تعب الخال لانه شايب وابن اخته شباب لكن الخال كان محتفظ بحركه لم يعلمها ابن اخته ففعلها ولم يعرف يرد ابن اخته عليه وقتل ابن اخته وفك ربعه ...
اعزائي واحبابي القراء هل عرفتوا الحكمه
__DEFINE_LIKE_SHARE__