قصة واقعية رواية أحِبـْـْـْـْـْـْـْـْـْـْگْ مٌۋت گـلمٰه مٰآڷهآ ¬» تّڤسٰير 3>

شموة الخبلة · #1 06-07-2012, 12:28 PM

السلآآم عليكم

حبيت أكتب الرواية فمنتداكم انشالله القى فيه تفاعل بس هي من تاليف اختي الدماني

و الرواية فيها أحداث صارت فالواقع فحبيت اكتبها ^^

وانشالله تعيبكم ..~

احبك موت كلمه مالها تفسير

ولين اليوم ماادري كيف افسرها

لاني من عرفتك وانا احسك غير
مثل روح(ن) لقت روح(ن) تدورها
كاني روضتك وانته سحابه خير
وصوتك لا هما روحي ابشرها
معك صار الغلا اجمل بلا تبرير
لان الناس للناس الله سخرها

كبير انته في قلبي وفي عيوني كبير
تغار العين من قلبي واصبرها
وهم بأسمك اساسا ماغلو تقدير
ونفسي في حلالك كيف اخيرها
لكلن وصف عندك يعجز التعبير
تعبت اتخيل اوصافك واصورها
في قلبن من طبع ميلك افالي الخير
وانا الفرحه مع انفاسي اكررها

الــــبـــارت 1 3>..

محمد : اييه مريوم قومي عني بصفعج تراه

مريم : امي جوفي حمووود ماطاع ايب الشنطه من السيارة

محمد : رووحي يااخي فكيني ابا االعب

ام محمد : خلي الخدامة تيبها لج

محمد : يالله قوومي

مريم : تراني زقرتهن ولا وحده تسمع ><"

شما : اييه بلاكم تصارخون خلو الواحد يريح

مريم : جوف هذا اخوج الخايس من الصبح اقوله يب الشنطة ولا يسمع وبرا في ريايل يسلمون ع ابويه

ام محمد : اللهم طولج ياارووح بسكم نقير ومناقر انا بروح ارقد و اجهزوا العصر لان اليران الي عدالنا اتصلت فيني حرمه وقالت بتي تزورنا ... وراحت عنهم

شما : يااااي يعني عندنا يراان انشالله حد يكون قدي

مريوم : ايييه ارمس منوه انااا اباا شنطتيااا

محمد : عوونه شنطتياا روحي ياخي

مريم : خلااص برووح برووحي ><"

بعرفكم على شخصيات الرواية

ابو محمد : اسمه (خالد) وعمره 45 كان فالعين بس انتقل لبوظبي عشان الشغل

ام محمد : اسمها(ميثة) وعمرها 39 وايد تحب عيالها وتشتغل مديرة مدرسه

مريم : عمرها 17 حلوة و طويييله وشعرها الين اخر ظهرها ومخصرة الي يجوفها يقول هاي مغرورة لكن هي العكس وحبوبه فنفس الوقت^^ وهي بتكون بطلة قصتنا

شما : عمرها 15 دلوووعه الي محلنها عيونها العسلية و بياضها تاخذ ملامح من امها و هي وايد حساسه

محمد : عمره 14 وحبوووب لكنه واايد عنيد

راشد : اصغر العنقود عمره 5 سنواات

وباقيي الشخصيات بتعرفونها فاحداث رواياتنا

مريم : ميريي ميري تعاالي

ميري: نعم ماما

مريم : روحي يبي شنطه لونها ابيض داخل السيارة

ميري :اوكي مدام

بعد دقايق يابت الخدامة الشنطة ومريوم جافت واحد نازل من السيارة فبيت يرانهم قعدت تطالعه دقايق فالريال انتبه ان في حد يطالعه ويوم رفع راسه جافها ومريوم عطول شردت

شما : شوتسوين

مريم : وي بسم الله خوفتيني

شما : شايفتني ينيه مثلا

مريم : قومي عني بروح ارقد تعبانه

شما : انزين بسألج البيت مافيه نت شسوي ملااانه

مريم : كيفج خبري ابوي الحمدالله عندي بيبي مايحتاي نت

شما : اييه عطيني البيبي مالج بس دقايق برمس ربيعتيه فالايميل

مريم : خذي مال محمد

شما : مايطيع

مريم : دوج خذيه اذا حد اتصل قوليلي

شما : اوكي

وراحت مريوم ترتب ملابسها و اغرضها لانهم منتقلين كل اهلهم فالعين ماعدا ولد عمتهم الي يدرس فابوظبي

والعصر دق الجرس

شما : حمود جوف من يا يمكن يرانا

محمد : انزين

وبعد دقايق دخلت الحرمه ومعاها 3 بنات

الحرمه : السلام عليكم

محمد : وعليكم السلام

الحرمه : شحالك

محمد : بخير ربي يعافيج

الحرمه : عيل وين امك

محمد : الحين بتي بس كانت فالمطبخ

ام محمد : مرحباا الساع

الحرمه : مرحبتين.. وسلمت عليها ..وياج ام علي وهذيلا بناتي ترانا نحن يرانج

ام محمد : ياهلااا شحالكن بنات

االبنات : بخير

ام محمد : قربوا حيالله ام علي

بعرفكم عليهم

ابو علي : اسمه (مبارك) عمره 49 متقاعد

ام علي : اسمها (شيخه) عمرها 42 وطيبه

علي : عمره 21 حلوو عيونه سود و وساع واسمر شوي ولكنه مغازلجي

عليا : تؤام علي تدرس فالجامعه وحلوة لكنها وايد عصبيه مالجه ع ولد عمتها عمر

مهرة : عمرها 17 على قد مريوم بيضا وشعرها طويل والي محلنها غمازاتها

عبدالله : عمره 16 من النوع الي 24 على النت

سارة : عمرها 15 كبر شما

ام علي : يامرحبا الساع

ام محمد : تشرفنا والله

ام علي : شحالج وشحال عيالج

ام محمد : الحمدالله محمد روح ازقر البنات وجوف اخوك رشود وينه

نزلن شما ومريوم سلمن عليهن

ام علي : ماشالله هاذيلا بناتج الله يخليهن لج

ام محمد : امين ويخليلج عيالج هاي مريم وهذي شما

قعدن شما ومريم عدال امهن

ام علي : يالله فديتج نستأذن

ام محمد : وين خلج انا ماصدقت حد بيسولف وياي

ام علي : هههههههه وراي عيال وشغلات

ام محمد : لالاماعليج عشاج اليوم عندنا

ام علي : لالالا مانبا نتعبج مشكورة

ام محمد : لاتعب ولا شياته خلونا نتعرف عليكم اكثر

ام علي : مشكورة وماقصرتي

ام محمد : عيل خلي بو علي وعياله يتعشون عند بو محمد

ام علي : انشالله

و وبعد العشا شما تصاصر مريوم : ايه ليش هاذيلا ساكتات مايرمسن ياخي مليت

مريم : انزين انتي روحي رمسيهن

شما : شقوللهن وانا شدراني فاساميهن

مريم : سكتي انا برمسهن

قربت مريوم من البنات

مريم : ماتعرفنا عليكم

عليا : انا اسمي عليا وهذي مهره وهذي سارة

مريوم: عاشت الاسامي

عليا: عاشت ايامج فديتج

مريوم: تدرسين

عليا: هيه انا ادرس فالجامعه ومهره ثنويه عامه و سارة اول ثنوي

مريوم: والله زيين مهروه عيل قدي انتي وساروه قد شماني

مهره :ههههههه

مريوم: يحيكم عيل تعالن غرفتي بنسولف هناك

وراحن البنات يسولفن

عليا : انزين انا بروح ارقد باجر وراي جامعه انتو مأجزين

مريوم:هههههه حليلج عيل خليهن ويايه

عليا: مادري والله خبري امي

مريوم: امج بعدها عند امي

عليا : هيه

مريوم:خلاص خليهن ويايه الين ماتي امج

عليا: انزين يالله فديتج برووح انا

مريوم: اوكي ^^

وراحت عليا

سارة راحت عند شما ومريوم ومهره يسولفن مع بعض

مريوم: انتي فاي مدرسه

مهره : فمدرسه الـــ

مريوم: ياااي عيل انا وياج فنفس الاسكول

مهره :ههههه

مريوم: ادبي ولا علمي انتي

مهره :علمي وانتي

مريوم: شراتج

مهره:زين والله

مريوم: تصدقين ولا مرة سولفت ويا وحده جي

مهره :ليش

مريوم: مادري ماحب اسولف وايد بس هالمره غير

مهره :هههههههه وانا بعد

دشت ام محمد و ام علي

ام محمد: شو تسون

مريوم: ماشي يالسين نسولف

ام علي : عيل وين ساروة

مهره: عند شما

ام محمد: عيل نزلن بنروح نتمشا فالحديقه

ونزلوا تحت

ام علي : يالله فديتج بنرد البيت شي فخاطرج

ام محمد: سلامتج

وراحوا

مريوم: امي وايد ارتحتلهم

ام محمد: هيه والله احسن عن يارتنا الي العين

شما: ههههههههههه ذكرتوني بولدها الي 24 ساعه يفر الكورة ع بيتنا ويرد ياخذها

ام محمد : هههه

وبعد دقايق دخل عليهم ابو محمد ويا محمد

ابومحمد : عيل وين رشود

ام محمد: راقد فديته

شما : هيه كله رشود و حمود وانا مايهتمون فيني حيه ولا ميته ><

راح بو محمد وحطها بحضنه: انتي الغلا كله ودلوعتي ومحد ياخذ مكانج

شما : وجان اثتحي

مريوم:وانا وين ذلفت شكلي انا بنت البطه السوده

محمد: عيل انا ولد البطه الذهبيه

كلهم ضحكوا

ابو محمد سحب ايد ام محمد : يالله بنروح نرقد وغمزلهم

والكل :هههههههههه

ام محمد : لالا خلني ويا عيالي شوي

ابو محمد: افاا عيالج اهم مني

ام محمد: ههههههه

ابو محمد: يالله حياتي تعالي

مريوم: عيب عيب لاتقولون قدمنا نحن بعدنا اطفال

ابو محمد:هههههههههههه

ام محمد : يالله الحين الساعه 11 روحوا رقدوا وباجر بنطلع بنروح المارينا

ابو محمد: انا مابروح مشغول باجر لازم اودي الاوراق وجي

شما: بابا

ابومحمد :عيونه

شما: ركب النت والله مليت

ابو محمد : من عيوووني ماطلبتي حبيبي

شما : تثلم عنونك

ام محمد : يالله رقاد

والكل راح غرفته

ومريوم ماياها رقاد لانهامب متعوده ترقد فمكان غير غرفتها القديمه

ففتحت الايميل و اول مافتحت كل ربيعاتها احتشرن لان هي ماقالتلهن انها بتنتقل

3ɑlч мƨтωɑi > نك مريوم-

3ɑlч мƨтω :هلا

-- : أهلين

3ɑlч мƨтωɑi:من معاي

--:سيف

3ɑlч мƨтai : تعرفني ؟؟

--: لا بس ابي اتعرف

3ɑlч мƨтωɑi: ماشي شغله تتعرف اجلب ويهك ><

--: افاا ليش

كـــــ ـــــ ـــــــ ـآآآآت

توقعاتكم ؟!!^^ __DEFINE_LIKE_SHARE__

شموة الخبلة · 06-18-2012, 12:29 AM

آلـــــــبـــــآآآرت 2....

ﭠ̯دِہڕيَ ۆش ع̝̚لتيَ م̝̚عڳڳ 
ش̭͠يَ ۈآح̭͠دِ ; 
م̝̚آ̲نيَ قآدِر آ̲ع̝̚تبرڳڳ فُ دِنيتيَ ≈
. . . ش̭͠يَ ع̝̚آ̲دِيَ. <3 :$ 

3ɑlч мƨтωɑi:من معاي

--:سيف

3ɑlч мƨтai : تعرفني ؟؟

--: لا بس ابي اتعرف
3ɑlч мƨтωɑi: ماشي شغله تتعرف اجلب ويهك ><

--: افاا ليش

فاليوم الثاني نشت مريوم ع اذان الفير تسبحت وصلت ونزلت تحت لقت ابوها وباسته فوق راسه
ابو محمد: ههه شو مقومنج من الصبح مب من عادتج
مريوم:ههههه مب متعوده بعدني
ابو محمد: ههههه عيل يالله قومي سويلي شي اشربه
مريوم: من عيووني
ابو محمد : يعلني ماخلا منج
راحت مريوم المطبخ تسوي قهوة لبوها وبعد ماعطته
ابو محمد: مشكورة فديتج
مريوم: ابوي
ابو محمد: امري
مريوم: متى بيون قوم عمومي
ابو محمد: ترا اليوم عازمنهم ع الغدا
مريوم:صدق منو بي
ابو محمد: عمتج اليازية و عمج سيف و عمج حمد مايقدر لانه مشغول
مريوم: لاااااا يعنني قوم فطامي مابيوون اهئئئئ
ابو محمد: هههه بيون فالاجازة
مريوم: انزين يبالنا جي اليوم نظهر قبل مايون يعني نروح المول وجي
ابو محمد: هههه كل شي موجود شوتبين الا تبين تحوطيم
مريوم: انزين ياخي مايصير جي اول ماينا قاعدين فالبيت لازم نتعرف ع االمنطقة الي ساكنين فيها شي جي مني مناك
ابو محمد: ههههههههههههه شوي شوي ع لسانج وبعدينن انا مب ياخي
مريوم: انزين عادي ياخي يصير جي تكون ربع ياخي مب من كبرك
ابو محمد: هههههههههه وانا اقول شما عمنو طالعه اثرها عليج
ام محمد: صباح الخير
ابو محمد: صباح الورد والياسمين
مريوم: اووووونه خف علينااا يا الرومنسي
ابو محمد : هههههههههه ميثه جوفي بنتج لاتجتلني
مريوم: جيه انا هب بنتك
ام محمد: هههههههه تريقتوا ولا بعدكم
مريوم: لا نتريا هالطباخ يالس يتفنن اونه
ام محمد : اجوف يارتنا برع بروح اسلم عليها
مريوم: ايييييهاااا بدن الحربم عاد مايبطلن سوالف الا امس متعرفات عبعض
ام محمد: هب هباج الله
مريوم:هههههه روحي ليارتج انزين
وراحت ام محمد
مريوم: ابوي حبيبي قلبي
ابو محمد: ها يالمصلحجيه تبين فلوس
مريوم: امبيييه حليلي لا مب جي ابي اممم
ابو محمد :ههههههه
مريوم: ابا اطلع يعني جي
ابو محمد: باجر لان عمومتج بيون ماشي وقت
مريوم : اوكي>.<
ام محمد: صبحج الله بالخير
ام علي: صبحج الله بالنور وسلمت عليها
ام علي : شو مقومنج من الصبح هههه
ام محمد: والله عندنا عزيمه وعاد تعرفين يبالها وايد
ام علي : هييه
ام محمد: يالله عازمينكم وخبري بو علي
ام علي: ان شاء الله مشكورة
ام محمد: يالله برايج عيل بروح اقوم العيال الين مايتزهبون
ام علي : هههه يالله فداعة الله
مريوم: حوووووه شمووووووه
شما: هممممم
مريوم: قوووووومي يالله الساعه 11
شما: انزين 5 دقايق
مريوم: برايج والله
راحت مريوم تكشخت ولبست فستان هادي لونه بنفسجي وحطت ميكاب خفيف ورفعت شعرها ونزلت خصلات منه
ام محمد: بسم الله علييج الله يحفظج من العيين
مريوم: خلااث اثتحي لاتحرجوني
محمد: ههههههههه اووووونه جب جب من زينج تراج ماتنجافين

مريوم: جب جب اصلا انته تغاااار مني
محمد: ههههههه شماني ابيض منج واحلي
مريوم: جب جب عيل تباني شرات المصريات بيضه
محمد: هههههه عيل انتي خاله
مريوم: ههههههههاي لا حبيبي واثقه من عمري مايحتاي
محمد: جب جب
ام محمد: مريوم قومي وعي شمووه الين الحين ماتزهبت
مريوم :والله ماطاعت تقوم شسويبها بنتج ><
أم محمد: محمد قومها
راح محمد قومها سوتله طاف
وياب غرشه ماي بارده ورشها
شموة :آآآآآآآآآآآآآآآآآآآآآآآآآآآآآآآآآآآه ماااااااامااااااااا
محمد: نيهاهاهاهاهاهاههااههااه
شموة: يالخاااايس شو جي خرستنني
محمد: قووومي ترا بيون الحين
شموة : انزين
وراحت شموة تتعدل ولبست نفس فستان مريوم بس لونه احمر وكان مناسب لبشرتها وحطت جحال وقلوس ^^

بعرفكم على عايله بو محمد
أبو خالد: الي هو ابو بومحمد عنده شركات وطيب فعياله
ام خالد: متوفيه من 4 سنين لان كان فيها مرض السرطان
ابو عبدالرحمن(سيف)
ابوعبدالرحمن: اخو بو محمد عمره 48 ويشتغل دركتور جراحه
ام عبدالرحمن: (خديجه)طيبه فعيالهاا وتحب الخير لناس
عبدالرحمن: عمره 22 يدرس هندسه فجامعه الامارات وحلييو يموت فطوم بنت عمه
عاشه: عمرها 19 اول سنه فالجامعه طويله وبيضه وعيونها سود و وساع تموت فولد عمتها بس هو مايدري اها تحبه ^^

حمدان: عمره 18 ثنويه عامه حليو ومايخصه فالناس وهادي وااايد
أم خالد(اليازيه)
ابو خالد: عمره 47 ريال طيب ومعرف فالعين وعنده شركات وجي
ام خاالد: اليازيه عمرها 43 اخت بو محمد
خالد: عمره 20 سنه
سلطان: عمره 15

أبو فارس (حمد)
أبو فارس: اخو بو محمد عمره \40 انسان طول حياته مشغول فالشركات والسفر
ام فارس : انسانه طيبه وتحب الكشخه وعمرها 38 وهي دومها مع ام محمد
فارس : عمره 20 دومه ويا ابوه فالشركه
فطوم: ربيعة مريوم الروه بالروح حنطاويه وعيونها بنيه وقصيرة

وصل أبو عبدالرحمن مع ابو خالد وبعده وصل وعمتهم اليازية

بعد ماسلموا راحو يتغدون
مريوم وعواش كانن يسولفن ويا عليا ومهره وشما ويا سارة
مريوم: ياخي خاطري جي نروح السينما
عليا : خلنا نروح السينما مالت الراحه مول والله خاليه وتاخذي راحتج فيها
عواش: ماظني بيطيعوون سينما بوادي يالله يالله يخلونا ماظني هنيه بيطيعون
مريوم: لابنشل اليهال وبنفرهم صوب الالعاب ونحن بنروح السينما
ام محمد: جني اسمع سيرة صوب السينما
عليا: هههههه خالو خاطرنا نروحح السينما
مريوم: والله طفره البيت
ام محمد: تحوطن فالحديقه الي برع
مهره: رحنا وماخذنا راحتنا الحديقه مجابله ميلس الريايل بلييز
ام محمد : مادري
ام خالد: شوفيكم
ام محمد: البنات يبن يروحن السينما
ام خالد: بخلي خالد يوديهن جان يبن
عواش تشققت ومريوم دزتها
ام محمد : مادري
ام عبدالرحمن: برايكن روحن مب مشكله

فنفس الوقت دش خالد و عبدالرحمن
ام عبدالرحمن : عبدالرحمن ود البنات السينما
عبدالرحمن: يبييييييه لالا ماشي منقوود وين تبن ترابعن هناك
عواش: لااااااه مب رايحين نغازل
عبدالرحمن: عيل بي وياكن
عواش: افففف حشرره انتوو مانباا
عبدالرحمن: عيل ماشي سيرة ارتزي مكانج
فنفس الوقت يا بوفارس
بوفارس سلم عليهم وجي
ابو محمد: جيه قلتو مابتون
ابو فارس: هههه حشرتني فطوم و ام فارس يبن اين
ابو محمد:هههههه تستاهل تغديتوا ولا
ابو فارس: هيه خطفنا ع المول وتغدينا وينا
ابو محمد: يحكم اقربو
ودخلو
مريوم: اااااااااه فطاااااامي ورككضت تحظنها
فطوم: ياا الدبه اشتقتلللج
مريوم: وانا بعد يااحيااتي
شموة: بسكن من الدراميات ترا نحن هنااا
مريوم : هههههه
وراحت فطوم وسلمت عليهن وبعد ماتعرفت عليى عليا ومهره
مريوم: هي بناات يالله بنروح ننقول لفارس احسن بيطيع
عليا: ههههه يالله بنجوف
راحت فطوم وزقرت فارس
فارس: شو تبن
مريوم تصاصر فطوم: امبيييه هاي من بدايتها جي ماظني يطيع
فطوم: سكتي بنجوف
فارس: يالله
فطوم: فدييييت اخويه اناا الي يسمع كلااامي
فارس: يالله بسرعه
فطوم تصاصر مريوم : اممم مريوم انتي رمسي
مريوم: لا فطوم انتي
فطوم: لالا مابا
فارس: يالله عاد
مريوم: احم احم شسمه امم نباك تودينا السينما
فارس: اي سينما
مريوم: الراحه مول
فارس اوك الساعه 5 تزهبن
فطوم راحت تبوس فارس
فارس: هههههه يالمصلحجيات انتن
وراحن وخبرن البنات
مريوم:انزين يا الذكيات لازم انجوف اي فلم وجي
مهرة: انزين نحن نتصللهم وجي ونجوف الافلام الحلوة متى تبدا
عليا: هيه هذو رقمهم
واتصلو وحددو الفلم الي موشن امبوسبيل
ع الساعه 5 اتجهزن البنات
شموة: ع وين انشالله
فطوم : بنروح السينما
سارة : شموووة بيرووحوون ونحن لااا
مريوم: مانستقبل يهال
شموة: مامااا جوفييهم
ام محمد: مريم شليهن وياكن
عواش: افففف خييبه بنشل جيش
شموة: حب حب غصباً عنكن
مهره:انزين يالله بعد 10 دقايق بيبدا الفلم
عليا: ياخي فطوم جوفي اخوج
فطوم: هههههه الين مايتكشخ
مريوم: شويسون الشباب برع
عليا :لاتقولين بيون ويانا
عواش: مادري ويت بسال عبدالرحمن
عواش: خييييييبه كلهم بيون
مريوم:هههههههههههههههههههههههههههه
عليا: شوبلاج
مريوم: اتخيل جيش قريش كامل
مهره: هههههههههههههههه
وبعد ماراحو كلهم وصلو وحجزوا كل الناس الرايحين والرادين يجوفونهم
اليهال قوم محمد وهايلا راحو الالعاب والبنات والشباب كلهم فالسينما
مريوم: مهااري
مهرة: هلا
مريوم: ابا اروح الحمام
مهرة: روحي انزين
مريوم: تعالي وياي مادل وين
ممهرة : اكوو مناك جفتيه
مريوم:هيه
وراحت مريوم وكانت السينما ظلام طبعاً
مريوم كانت تمشي ودعمت بواحد وكان ماسك بيبسي وانجب عليها

كــــــــــ ــــــــ آآآآآآآآآآت
توقعاااتكم
__DEFINE_LIKE_SHARE__

بدويه مرتبشه · 06-18-2012, 07:40 PM

مَرحبإأ خَـيتي .,

شححَِـأإلجّ عَسأإأج طـَيّبةةهـ !
تَسلمين عَ إلـّرِوآإيهه .. بدَآيتهأإ ححِلوؤهـ .. وعنَوآنهأإ حلَـو خخ >> [آحب هَـ إلـإغنيهه .. ]..

إلشخصييأإت مَ ـأإعليهَأإ رمسهه [ طرر.. ]

مممَ ..
مأإبتوقعع ششـَي آللحـَِـين غير توقعع وآأإحد بس لـأإنهـَِ بععَدهـ فِ إلبدآيةة .. ومأإنعرف شخصصَيأإت ززِيأإدهـ ..
هَـممم آظن آظن آظن .. وآتوقع >> آنزين وبععَـًِدين يععـني خخ !..
آلمهم شسمهه آتوقع آللـي دعمتهه .. [[ سِـيف ]] !! إللــًًِـي ضَأإيفنههَأإ
ممَأإدري بـَِـس مٌجردد تَـوقعع يععَـني .. "هـَإأًًـع ..

تَسسَلممِ يَمنأإجج .. ويععَـطيج آلف ععَأإفيهه ..
ونتريَأإ آلبأإأرت إألـلي ععَـقبةهـ .!

فِدَأإعـة إلله ..!

خخَـيتجج ..
[.." بَدِؤيههً مـِرتبشةهـ "..]

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
عٰعِرُوٰضْنٌاٰتٌبـِدّابعّدِ ثًلٰاّثّةٍ اِسٌاٍبٍٍٰبٍيُعّْ آًنًتٌظٍرُطٌلِبٍـَتٍكُمٍ	محروم.كوم	منتدى أخبار المواقع والمنتديات العربية والأجنبية	0	05-19-2012 01:20 PM
❤ شِٰفْتْ آڷسِٰعآدهْ « يۋمٰ عينـِي \|[ شِٰآفْتڪ ]\|	ششوآققه غغير !	الأناقة والجمال والموضه والطفل	13	04-28-2012 10:38 PM
مُّطٰـلوُبَ فٰرْخ حَّـرٰ اشَّٰـقْـر صٰـافِي الرٰاسّٰ بٰسّٰعَـر مٰعْقُـوُل	محروم.كوم	منتدى أخبار المواقع والمنتديات العربية والأجنبية	0	03-27-2012 01:20 PM
يا موتري ريحتك القيض كله ٰٰٰ ٰٰٰ [عدستي]	محروم.كوم	منتدى أخبار المواقع والمنتديات العربية والأجنبية	0	10-15-2011 05:10 PM