أمشي على درب ما توطاه لقدامي .. وان وعرت الأرض يعجبني المشي فيها . - الصفحة 35

ستايل · 06-10-2012, 11:33 PM

بسم الله

مرحبا الساع

شحالكم كلن بحاله؟!

شو علومكم؟

اليوم يوم عادي نفس باقي الايام
ما في اي شي يديد أو يبعث الامل
بس الحمد لله على الصحة والعافية
ورضى الوالدين أهم شي

اليوم قمت الصبح الساعة 9 خذتلي شور ونزلت أتفقد احوال الرعيه هههههههههههههههه

المهم الوالد والوالده مب موجوديين أكيد في المزرعة كالعادة
بس حياتهم حلوة أحسهم مشغوليين طول الوقت فأشياء يحبونها
ربي يطول في عمارهم

وبعدها اكيد يلست أطالع التلفزيون أبدل من قناه للثانيه
وياليت لو فاهمه شي ولا اتابع من الاساس
أحب اشوف الافلام الاجنبيه والمسلسلات الاجنبيه
اتابعهن على الشو تايم

بعد ما بدلت شوي بين المحطات طلعت شو أحوط بره في الشمس
الصراحة الجو حار

دخلت شربت عصير انا بالعادة ما احب اتريق ابد
لاني اذا تريقت احس بكسل ههههههههههههه

ما اعرف من وين يايبه هالعاده
بعدها يلست في الصالة لحين صلاة الظهر صليت وترييت ابوي وامي لانه هاي حزت ردتهم من المزرعة

وصلوا والحمد لله بس أشوف الوالده من بعيد معصبه ناط العرق ههههههههههههههه

يلست تهازبني هههههههههههه
ليش ما تردين على التلفون

أن شاء الله وزيره وانا ما ادري
بلاج شو من الشغل عندج
هههههههههههههههههههههه
ياخي الوالده دومها جي جبريت الله يهديها
ههههههههههههههههههه

للعلم انا ما اشوف تلفوني الا قبل لا ارقد خخخخخخخخخخخخه

يعني الكل يهزبني
اونه ليش حاطه تلفون علشان يلي يسالج
عندج فون تردين هي عندي
هههههههههههههههههههه بطره

المهم ما علينا بعدها تريينا اخواني وبعدها تغدينا وكلا راح في حال سبيله

ههههههههههههههههه

سرت يلست على المسن وشوي المنتدى
بعدها صلاة المغرب صليت ويلست شوي ويا اهلي بعدها اذن العشا
الكل راح يصلي بعدها سرت الخياط اييب ثيابي
بس اكيد كل العاده يخلص وحده والباقيات الى اجل غير مسمى
ههههههههههههههههههههههههههههه

بعدها رديت وتعشينا والكل راح يرقد واللي بيسهر
وهذا اليوم مر واحينه سايره ارقد اليوم مالي خاطر اسهر
تصبحون على خير جميعا
لي عوده باذن الله
__DEFINE_LIKE_SHARE__

ستايل · 06-11-2012, 11:26 AM

صباح الخير للجميع __DEFINE_LIKE_SHARE__

ستايل · 06-11-2012, 11:27 AM

أصبحنا وأصبح الملك لله والحمدلله لا اله الا الله وحده لا شريك له له الملك وله الحمد وهو على كل شىء قدير. __DEFINE_LIKE_SHARE__

ستايل · 06-11-2012, 03:23 PM

دروب الحب $

منورة المدونه وربي __DEFINE_LIKE_SHARE__

ستايل · 06-11-2012, 03:54 PM

مرحبا ملايين للكل ...

اليوم تذكرت موقف صارلي قبل فتره

نحن العايله الكريمه ربي يحفظنا جميعاً >>>>> هههههههههه

المهم ما علينا سايرين زياره لبيت خالي "بو علي "

دشينا حوي البيت لاقينا خالي يسقي الزرع ويتمشى هو وواحد من عياله

نزلنا وسلمنا >>>>> اكيد بنسلم داشين بيت يهود مثلاً خخخخخخه

بعدها خالي مستغرب اكيد من زيارتي بالعادة ما ازورهم الا بالضروره لما شافني قالي أنتي بعدج عايشه هههههههههههههه عاد فتشلت المشكله العود وياه ويالس يطالعني ويضحك ههههههههه

جان أقوله خالي بلاك أنا ازوركم بس أنت دوم مشغول وما أصادفك هههههههههههه

مسكين خالي يقول والله محد قالي أنج ييتي

عاد بغيت القط ويهي جان أقوله أكيد نسوا خالي ههههههههه

رد علي وهو يطالعني بنص عين هههههههههههه أدري أنج ما تيين غير في العيد سيري داخل قبل عن أضربج بهالزورة الخضرة على ظهرج هههههههههه

المهم عقبها دخلنا وسولفنا وصلينا المغرب وتوكلنا

على الرده رديت ويا أخوي وأهلي سبقونا البيت باسياره الثانية
سرنا الشيشه نعبي بترول ونحن نعبي السيارة

يالسه اتعبث بالتلفون

تفاجأت ببنيه أدق الدريشه بطلت الدريشه وأنا اقوللها خير أختي بغيتي شي

جان تقولي أنزلي من السيارة

بغيت أزقر أخوي بس تفاجات أنها تسحبني وتقولي نزلي

نزلت وانا متوتره أطالع أخوي ياي صوبي

جان يقولي شو مستوي بغيت أرمس بس هي ما عطتني فرصه
يالسه تتحرطم وتسبسب

في الاخير طلعت وحده تبا حد يوصلها بيتهم

الصراحة وحده ما عندها سالفه ولا حابه تتفاهم ولا تترمس بأدب يخرب بيتها

شو هالعبط يالسه تسحبني من ايدي
والناس تتطالعني

الصراحة ما قدرت اتصرف أي تصرف وياها
لانه جد شكلها شاربه شي أو محششه الاخت

قاللها أخوي توكلي يا بنت الناس عن أسحبج أحينه لمخفر الشرطه
بطلت عيونها جان تقول خلاص بسير أشوف غيركم

وكل شوي تتنقل على سيارة

بس كان خاطري أعرف شو سالفتها
وشو يابها الشيشه ؟؟؟؟

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نمشي على درب ماطوته هالأأقداام وأن ووعرت الأرض يعجبني المشي فيها .؟!!	ḎmỒ3 Ảl-Я7eL..	عدسة الاعضاء , كاميرا الاعضاء	12	05-10-2012 03:25 PM
عندما يتزوج الأسد بأنثى النمر ينتج أكبر القطط على وجه الأرض!‎	محروم.كوم	منتدى أخبار المواقع والمنتديات العربية والأجنبية	0	08-16-2011 11:10 PM
يمشي على درب ما توطاه الاجدامي ومن وعره الأرض يعجبه المشي فيها.. الاستاندر	راعيـ الـ GX	سيارات و دراجات	13	08-23-2009 03:32 AM
أمشي على درب ٍ ما تاطاه الاقدامي .. وان وعرت الأرض يعجبني المشي فيها =stander	Al-Rayyani	سيارات و دراجات	9	07-28-2009 08:27 PM
يمشي على درب ما توطاه الاجدامي ومن وعره الارض يعجبه المشي فيها	@راعي الفتك الابيض@	سيارات و دراجات	26	02-18-2009 02:17 PM