الشـــايــــــــب وزواجــــه **قـصـه مـن الــمؤروث الشـعـبـي**محــمــد الظــــاهري

محروم.كوم · #1 05-24-2012, 03:40 AM

السلام عليكم ورحمه الله بركاته
اخوانـــــــــــــــي ..
اعضاء.ومشرفين وزوار منتديات مكـــــشاتـ
اهلا ومرحبا بكـــــم
واجدد لقائي بـــكم فـي خيمة المؤروث الشعبي
قرات موضوع اخي الغالي راعي العجراء
شيخ الخيمه الشعبيه حسب ما اطلق عليه الاخوان فهو يستاهل وله التقدير
قرات سالفت يابابا اسناني واوا
وشيخنا تكلم عن كبرالسن وعن الشيب
وذكرت علي سالفه وطراها لي
يقولون كان فيه عرب من اهل الشمال
والعرب معروف بدو رحل
كان فيه شايب عنده حرمه وما ارزقه الله بالذريه
وبعد فتره زوجته ماتت وكان معروف في الديره
الرجال اخذ له فتره ما تزوج
وعنده رفيقه وعنده بنت هاك الوضحا الي مثل مايقولون
خدها متخالط احمره مع ابيضه
الرجال تقدم وطلب البنت وقال وانت تعرف حالتي وما يخفاك شي
وقالها ابو البنت عطنا اسبوع نشوف البنت وش تقول
قال. تم
راحت الاسبوع وهو جاي من حلاله المغرب راح يتقهوا الشايب عن الرجال وقال بشر وش الرد
قال خويه والله مدري وش اقول الزواج قسم ونصيب يافلان
وفلانه ما وافقة ..
قال الشايب ايه عادي وش تبي فيني انا شايب وهي تبي ولد شباب مثلها وما يصير تاخذ واحد مثلي عود
المهم
فيه واحد ولد وحيد امه ومدلل ومدلع لا يسرح ولا يحطب ولا يغزي
ولا يقنص ماغير جالس في البيت اكل ونوم وامه مدلعته

بعد كم شهر تقدم الولد هاذا للبنت الي كان خطبها الشايب
وافقت البنت على الولد وتمت الحفل والعرب فرحت في الولد
ولكن الشايب حس في خاطره
يقول فلان ياخذ فلانه مايصير لئنه ولد مثل ما قلت مدلع ومدلل
وماهي جايزه له الجيزه
والديره الي ساكنين فيها ما عندها موارد ماء قريبه

يعني كل اربعه من العرب يجمعون قرب اهل الديره
ويحطونها بالزمل ويمشون في الفجر وما يوصلون الا في الليل يمسون عند القليب ويعبون القرب ويرجعون رجليه لن الوزمل محمل
وهاذي عادت اهل الديره كل اسبوع يروحون اربع
مره من المرات قال الشايب انا الي ابي اورد للعرب الاسبوع هاذا
وابي فلان وفلان وفلان ومن ظمنهم الولد زوج البنت
وفي هاك الليله يمر كل واحد عن بيته ويقوله خلكم جاهزين نبي نروح الفجر ولا احد يجيب شي انا ابي اجيب
طحين وتمر وبقل وسمن انا متكفل فيها لا احد تعب نفسه
قالو تم
ويوم اصبحو يجمعون القرب من العرب ويروحون على زملهم
ويوم جاهم الظهر قال الولد خلنا نقيل في المكان
والولد ما عمره راح برا العرب بس جالس عن امه
قال الشايب لا لا نبي نمشي في هناك طلحه كبير نبي نقيل تحتها
المهم مشو ووصلو للطلح
ويوم بركت الزمل يرسلهم يحطبون
ويوم جمعو الحطب وراح لبعيره يبي نزل العده
وهو الي يالله مقسوم خير
قالو الي معه وش فيك
قال انا حاط المواعين في خيشه والطحين والقهوه والتمر في خيشه
وجبت المواعين ونسيت الطعام
لاحول
قال الولد ووش السوات الحين
قال نروح اذا برد الجو نروح للقليب ونمسي عنها ومن بكره ترجع للديره وش نسوي عاد واذا رجعنا فيه ناس ماعندم ما
وهو متعمد انه يختار الولد ومتعمد انه ينسا الطحين والي معها
المهم بردو ووصلو للقليب وهوم ذابحم يالجوع
ومن بكره والشايب يخفف عليهم ورابط الحبل ببطنه
ويغني ويقصد ويصيد هاك الجر
بوع للولد ويقول كل كل تمكن
ويوم وصلو للديره واول من يستقبل الولد البنت ياهلا الحمد لله على السلامه
وهو الي يعصب في البنت ويهاوش ويقولها انقلع ويتفل عليها
ويورح على طول لبيت امه ويعلمها يقول هالشايب الخبل
ناسي الطعام
وتسوي له امه قهوه وخبز ويشرب لبن ويوم شبع ملا بطته
وجاه قول الشاعر
اذا امتلا بطني ذكرت اريش العين
واذا جعت مالي بالعلاميج حاجه

وهو متنشط ويقول مع السلامه يامه ابي اروح لبيتي
قالت مع السلامه
ويوم وصل لبيته والبنت جالسه ياهلا ياهلا
ويجلس معها وتقوله وش فيك اليوم العصير فريت علي قدام الناس
قال بلاك ما تدرين وش صار فينا
ااشايب الخبل هاذا ذبحنا من الجوع وهلكنا
قالت من
قال فلان
قالت البنت وهو ماجاع مثلكم
قال الولد لا والله مستانس ويغني وموسع صدره وانا ذابحني الجوع
قالت اجل ارقد ارقد
نام الولد ونامت البنت ويوم اصبوح
الولد يروح لمه والبنت تروح لبيت ابوها وابوها رجال يلفونه ربعه ومنصا
قال يبه قال سمي قالت وشي الي اخذت من فلان يوم يجي يخطبني
قال الابو عطاني قعود وبرقع ومدري وش
قالت البنت انا طالبتك يابو ما ابيه رجع له الي جاب
قله فلانه ماتبيك واذا الشايب ابو فلان يبي يتزوجني تراني موافقه عليه
زوجني ايها عقب العده هاذا اذا فيه عده هاك الوقت
ابو البنت ناد للولد وقاله ياولد فلانه ما تبيك وخذ الي عطيتني ايها وطلقها هي ماتبيك
طلقها ولد امه واخذها الشايب وجاب الي في راسه
وقالت البنت...
خطو الولد يزعل إذا ما تعشى
ويضحك إلى منه ملا بطنه الزاد
ما تلتلنه مبعدات المعشى
ماجرب الغـربه ولامرة فــاد

اخوانـــي ,,
انتهت سالفتي
واعذروني على الاطاله
واعذورني اذا حصل اي تقصير او نقص في السالفه
وانتظروني في سالفه قادمه ان شالله
تحــــــــياتي لـــــكم
محــــــــــــبكم
مــحـــــــمد الــــــــــظاهـري

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الفـقيـر ورزقـه فـي بـغـدادقـصه مـن الــمــؤروث الشـعـبـي مـحـمــد الــظـاهـري	محروم.كوم	منتدى أخبار المواقع والمنتديات العربية والأجنبية	0	09-06-2011 03:50 PM
قـصـه اصـحـاااب السـبـت	محروم.كوم	منتدى أخبار المواقع والمنتديات العربية والأجنبية	0	06-27-2010 10:40 PM
قـصـه رائـعـه مـن التراث الإنســاني .......	محروم.كوم	منتدى أخبار المواقع والمنتديات العربية والأجنبية	0	02-16-2010 11:50 PM
(أحــلــى اسماء بلوتوث)	دلــــــــوعة الامارات	هواتف , مسجات , وسائط , برامج , ثيمات , نغمات , بلوتوث	34	10-03-2008 01:57 PM
@ أحــلــى كـــشـــري @	الكنوووت	فن المطبخ والطبخ	15	03-13-2008 12:40 PM