| ||||||
 |
| | LinkBack | أدوات الموضوع | انواع عرض الموضوع |
09-29-2012, 03:34 PM
| رقم المشاركة : [ 291 ] | |
| عضو ماسي |  >@--Part34.~ منصور تلعثم و مععرف شو يقول فواغي: ادري بتقول اني غبيه و الوضع ما يسمح بس .. دموعها نزلت .. احبك و اموت فيك منصور: خلاص فواغي ركبي السياره الوضع ابد مش سامح لي عسب اتناقش وياج فواغي امتلت عيونها و ركبت السياره --- ردت للواقع فواغي ف نفسها: امبيه انا استخفيت و لا ينيت انا كيف اقول جذيه؟! لا صج انا مب صاحيه* __________________________________________________ __________________ كانت نايمه لا لا اجذب ع منو لو قلت انها نايمه كانت تفكر بالمصير تفكر بالصح و دموعها تنزل بهدووء علايه ف خاطرها: انا خلاص لازم ما احبه كي كيف احبه و هو يحب اختي و يمكن.. نزلت دموعها .. بصير نسيبي ف المستقبل ب ب كون .. ما قدرت تفكر بالكلمه و يلست تصيح لين نامت .. __________________________________________________ __________________ حمده: انا واثقه فيك ما له داعي تبرر حمدان: كنت خايف انج تفهميني غلط حمده: يمكن غيرك بس انت ما اتوقع حمدان: زين ريحتيني حمده: المهم كمل السالفه تحمست حمدان: الله يسلمج و يعافيج ربيعي اللي كان وياي اسمه غيث اخوه يشتغل بالشرطه كان يبي يخبره بالسالفه كلها و عرفوا الخياس انه بيخبر اخوه ف بعدين .. سكت شوي حمده: بعدين شو صار حمدان خبرني حمدان بصوت مبحوح و خشن ف نفس الوقت و بهدوء: جتلووه حمده شهقت: حراام .. و يلست تصيح .. هئهئ ليش جذي سووا صج ما ف قلبهم ذرة رحمه حمدان و ما قدر ييود عمره: حمده انا مضطر اسكر* __________________________________________________ __________________ اليوم الثاني ام منصور: يلا اميي عليا بتظهرين اليوم عليا: خلاص شوي و اجهز ام منصور: خلاص عيل بسرعه __________________________________________________ __________________ مرت 3 ساعات* ف بيت بو منصور الساعة 6 pm الكل متيمع هناك عسب يزورون عليا سواء بنات و لا شباب ف غرفة سلامة و عليا.. فواغي: يالخايسه عليوو خرعتينا عليج زين جذي تسوين فينا و الله قلبي طااح عليا: فديت قلبج حبيبتي شسوي يعني مب بييدي شجون: الا قولي تجوفيين غلاتج مريوم: لا لا خلونا من هذا كل و لا الفلم الرومنسي اللي صار بين فواغي و منصور* حمده: حبايبي طيور حب فواغي حمررررت من الخاطر: جب جب ترى حمدان و ميود يسوون اخس عن جذي مريوم: لا و الله حمده: حلفي انتي بس فواغي: بنجووف و بذكركم مريوم: يصير خير سلامه: الا اقوول وينها نجود؟! علايه: صح وينها مختفيه شجون: تجوفينها تتسمع لسوالف الحريم علايه: هذي داااهيه فواغي: موزان ليش ما ترمسين موزان باحباط: ما عندي شي اقوله حمده: موزة احمد ال …… ما عندها شي تقوووله!! علايه: معجزة الصراحه موزان بعصبية: انتوا شو يخصكم انا ما عندي شي اقوله يا ناكرات الجميل فواغي تحاول تخفي ضحكتها: نحن ناكرات جميل؟! موزان بغبنه: هيه انتوا* شجون متعمدة تغير السالفة: اقولكم ما قلت لكم* موزان خلاص وصلت حدها: انا بنزل تحت بشرب ماي حد يبغي شي؟! البنات بضحكه: لااا موزه ظهرت بررع و نزلت تحت __________________________________________________ __________________ ____: اقولك سر يب لي ماي خلص الماي الموجود هنييه* ____: اشتغل عندك سر خذ بروحك البيت بيتك ____: اووف صدق انك هييز ____: اقولك سر سر يلا ____: شسوي بقوم .. و قام سار المطبخ بهت لما جاااف وحده لابسه دراعه بلون الوردي الفاتح عاكس ع بياضها و طالع عليها رررررروووعه و طايحه خصلات من شعرها ع يبهتها ____ بصوت عالي: يخرب ببييييت الجمال __________________________________________________ __________________ طق طق طق البنات بصراخ: منووووو؟! اسمه حدرت الحجره: بسم الله اصواتكم تخررررع الواحد* البنات: هههههههههههههههههههه اسمه: المهم وين مويز؟! شجون: و الله عادي تذبحج لو تسمعج تقولين مويز مريوم: هي روحها معصبه وااايد اسمه باستغراب: ليييش؟! سلامه: هههههه عاطينها اكبر طاااف و هي مطفره اسمه: هههههههههه حرام عليكم فواغي: لا لازم و لا الخطه بتفشل علايه: عاد موزان تستاهل كل خير ف ما نبى نخرب عليها اسمه بنظرة شك: متأكديييييين؟! البنات: هههههههههه هيه متأكدين اسمه: يلا عيل نزلوا وياي بنسير بنعدل* علايه: انا بتم اسمه: هيه لازم وحده تتم* البنات كلهم ظهروا و تمت علايه برووحها علايه ف خاطرها: انا لازم اقوي عمري اختي اولى مني بسعود لازم تنسى الماضي .. حست عمرها مخنوقه .. سعود بساعدها تتخطي الماضي و انا .. نزلت دموعها .. انا قلبي سكنه سعود و محد بياخذ مكانه لو شو صار سعود هو الحب الاول و الاخير و مستحييل احب حد كثر ما حبيت سعود __________________________________________________ __________________ حمدان: اقول لكم شوي و بتذبحني حمود: هههههه و هي ما تدري ان اليوم ب حمدان: اشش بس اسكت* منصور باستغراب: ليش يسكت تراها مب موجوده هنييه حمدان: بلاك ما عرفتها هذي عن عشر خفافييش سعود: و الله اذا قلت لها بتذبحك اليوم انت مييييت حمدان: بذبحك انا ممدري شو بتسوي يوم تعررف و هي اليوم طوله ذابحتني حمدان انت ما نسيت شي؟! اقولها لا تقول متاكد ممدري كيف فتكيت من حنتها ميود: مو جنه عبود تاخر صقر يجوف ساعته: هيه صح بعد شوي بنبدي و عبود تأخر وااايد منصور: هذا خله مب طايع يقول شو ال قطع عليهم بو منصور: شباب بما انكم جم من شهر و تخلصون فانا قررت كلكم تتوظفون ف الشركه حمود: بس انا و عبود و ميود هندسة ديكور يعني ما يصير نتوظف عندكم بو سعود: لا عادي بنقتح فروع و انتوا بتديرونها و شي صفقه ف المانيا بس عقب ثلاث شهور منصور بصوت خفيف: يا كرهي للشغل الشباب كلهم: ههههههههههه بو صقر: شفيكم؟! الشباب: و لا شي __________________________________________________ __________________ ____ بصوت عالي: يخرب ببييييت الجمال صدت و جافته و يصوت مبحوح: عبود ما لي خلق لك عبود: أفاا موزان ما لها خلق لي لا لا لا في شي اكيييد موزان صاحت و يلست ع الكرسي: هئ هئ هئ كلهم نسوا و لا حد فيهم تذكر محد فيه خير هئ هئ هئ هئ كلهم اسوي لهم كلهم من بنات و شباب .. و جافته .. حتى انت سويت لك و. خططت بس .. ما رامت ترمس ..* عبود قرب منها و بهمس يذوب: كل عام و حبي لج يكبر اكثر و اكثر موزان تصنمت فمكانها عبود بجديه و لاول مرره : موزه انا *يمكن قبل ما اعترفت لج بس الحين لازم اعترف لج لازم اقولج كل اللي بقلبي زووز حبيبي انا احبج من نحن كنا صغار كنت اجوفج غير عنهم كلهم محد خبصني جذييه الا انتي* موزان ساكته و لا نطقت بحرف واحد حتى عبود: موزه انتي.. سكت شوي .. تبادليني الشعور؟! موزان قامت ع طوول و سارت فوق عبود ضرب الكرسي بييده: انا شو سويت؟! __________________________________________________ __________________ عند موزان اللي واقفه عند باب *الحجره و ماسكه قلبها بكل قوتها و بخاطرها: اووف يا ربي شو هالموقف السخيف اللي صار لي معقوله معقوله يبدلني الشعور معقوله و اخير[ن] حس فيني يا رب احس عمري بطيييير* دشت الحجره موزان استغربت: وين البنات؟! علايه: راحوا عمتي وديمه قالت بتمشيهم بييبون العشا و بيون موزان تكدر خاطرها: آهااااا ليش ما قالوا لي؟! عليا تحاول تخفي ابتسامتها: ممدري يمكن ما لقوج موزان بيأس: زين عيل __________________________________________________ __________________ فواغي: هههههههههههههههههه الكل صد لها منصور ذاب ع ضحكتها* سعود: شفيج استخفيتي؟! فواغي: هههه لا بس علايه ترمسني بال bbm تقول لو موزان تجوفكم عادي تذبحكم عبود ابتسم ع الخفيف و ف خاطره: هالبنت دومها ع نياتها ع طولة لسانها بس قلبها ابيض حمود ف خاطره: شخبارها عليا ؟! الحين احسن ؟! يا ربيييه و الله ابغي اجوفها ما بغي شي ثاني تكفي نظره بس* سيف: نجود عطيني الصحون* نجود: ليش؟! خدامتك و انا ممدري؟! سيف: انا ممدري متى بتعدلين من اسلوبج الزفت نجود انحرجن من الخاطر ام حمدان: خلاص زهبتوا كل شي ؟! الكل: هيييه خلصنا ام مايد: عيل قولوا لعليا عبود: لحظه شووووي وراح ياب صندوق صغيييير واايد صغيير منصور باستهزاء: قلت ان هديتك بتكون احلى هديه اجوفها اناا اصغر هديه* عبود: مو المهم الحجم المهم الجييمه حمود: يا عيني يا حكيم العايله* عبود: اخف عليكم ولا ؟! الكل: ههههههههههههههههههه ام سعود: خلاص فواغي خل يييون فواغي ابتسمت: انشالله اميييه ام سعود ف خاطرها: ممدري ابوج شلي ياه *و غصبج ع شي ما تبينه __________________________________________________ __________________ ____: انا راح ادمرها عادي اذبخها حتى ____: هدى انتي مستوعبه شو تقولين ؟! هدى: عيل انا تقفطني يدام البنات و تقول انها ما تتشرف بهالاشكال و الله انا حبيتها يعني بنت تحب بنت شفيها بس هذي متخلفه و الله لا ارويها بكسر غرورها بأقرب الناس لها ____: الله يهديج البنت اللي تحب بنت يغضب عليها ربي و من كثر غضبه يهتز عرشه و الملائكه تمسك عرشه انتي واعيه باللي تقولينه انتي تدريين ان هالشي حراااام الله ما يرضى به هدى: عن التفلسف و المحاضرات انا خلصت من اهم نقطه بس الباقي مع الايام ____ قامت عنها: انتي وحده مينونه __________________________________________________ __________________ علايه جافت البيبي و ابتسمت: موزان شرايج نسير الحديقه جبدي لاعت من كثر ما يالسه هنييه موزان بملل: يلا حتى انا ملانه علايه نشت من الشبريه و موزان بعد ظهروا من الحجره و رقوا الدري خطوه خطوه* علايه: اممممممممم اقول موزه موزان: هلا* علايه: شفيه مودج قالب اليوم؟! موزان: لا لا ما فيني شي علايه بابتسامه عريضه: هيييه* ظهروا بررع الصاله و ساروا من الباب الخلفي اللي يوصل للحديقه موزان منصدمه ؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟! ؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟!؟! ؟!؟!؟!؟!؟!؟!؟!؟!؟!؟! انتفض قلبه يوم جافها انتفض قلبه يوم لمحها و بخاطره: يالله يا عليا ليتج تحسين فيني جان الحين انا مرتاح شوي* فواغي هوست ع الرموت غنوا لحبيبي وقدموا له التهاني في عيد ميلاده عساها مية عام افرح حبيبي واطلب الله الأماني الليلة يا عمري تناديك الأحلام ودعت عام وقابلك عام ثاني لعل نقضي العمر في حب وهيـــام انسى الهموم اليوم واضحك عشاني والله ابتسامه منك تسعدني أعوام أحاول أشرح لك بقلبي معاني والله الفرح نساني هموم وألام وقف مع افكاري والهوجاس سالي من فرحتي معذور والله ما انلام احترت وش أهديك غير الاغاني وبهديك قلبي اللي معك في الهوى هام وأطلب من الله يا حبيبي عسـاني ما انحرم من بسمتك طول الأيــام فواغي تقدمت منها و حضنتها بقوووه: حبيبتي كل عام و انتي بألف ألف ألف خير و عقباااال مليوووون سنه يدام موزان بغبنه: و انتي بصحه و سلامه فواغي قامت عنها : هههه الحين ليش تصيحين؟! موزان: هئ مععرف شقول!! احس حرجتوني و لا تجووف وحده تركض و تحضنها نجود: كل عام و انتي بخير يالدبه موزان: هههه و انتي بخير الكل بصراخ: كل عاااااام و انتي بخير يالغاااليه موزان: حبايبي و انتوا بخير و صحه و سلامه سعود: تعالي قصي الكيكه موزان: اي كيكه منصور يضرب كفوفه: هاااي استخفت اقول مواز انتي جايفه بارتي بدون *كيكه حمده: حرام تراها مستحيه و طاحت عينها بعيون حمدان و نزلتها بحيا مايد: لا لا مواز عادي وياها تعالي* موزان تجدمت ببطء و مستانسه وقفت يدام الكييكه و عيبتها واايد كانت مسوايه من لاتوغيه و كانت شكل الكريمه طاغيه روووعه و بنص الكيكه مغموسه الكريمه ب *strawberry* اما هو بدوره يتريا بس متى تقص الكيكه عسب تجوف هديته هديته يمكن بنظر الكل شي عادي بس بالنسبه له هديته اليوم بتحدد مصيره و مصيرها موزان: يا حياتي منو مختار الكيكه شكلها كيوووت بو حمدان: انا مختار الكيكه موزان: ادييتك و الله يا بو موزه حمدان: شكلج مب ناويه تقصين الكيكه موزان: اوك بقصها بس خل فواغي تيي صقر: ليش يعني فواغي ؟! موزان: لا بس لاني انا اقص وياها و هي تقص وياي حمود بهمس: هالبنات انا ممدري كيف يفكرون مشت فواغي صوب موزان و حست بعيون تراقبها صدت له و كان يجوفها بنظرة العاشق الولهان اللي يتريا اليوم اللي يتيمع وياها و هي تمشي ترمس بداخلها: ممدري يا منصور و الله انك توهتني توووووهتني ساعات احس انك تكرهني كرره العمى و ساعات احس العكس ساعات تكون كرييه وياي و ساعات تكوت حنون ما عرفت و الله ما عرفت مععرف شو اللي ناوي عليه يا منصور بس مل اللي اعرفه انك ملكت قلبي كيف ؟! انا روحي مععرف!!.. وصلت عند موزان و مسكت ييدها فواغي: ههههه يلا غنوا الكل: happy birth day to you *happy birth day to you* فواغي وييدها فوق ييد موزان قصوا الكيكه و الكل صفق اسمه: يلا الموز الحين جوفي الهدايا موزان: احم يلا جافت صندوووق *محفور عليه bu 7mdan . . um 7mdan: فديتكم و الله اكييد داخله سوع ام حمدان: هههه هيه صح موزان: حسيت و الله جافت سله ع شكل عندليب مغلف عليه بالورد الجوري طاغي عليه الشريط الذهبي و طالع شكله روووعه و راقي ف نفس الوقت: ها اكيد من فواغي* فواغي: عنبوج ساحره موزان: لا بس اعرف اذواقكم كيف يعني و جافت صندوق *حلو *عليه شرابات باللون التركواز و البني : هذا اكيد من نجود و حمدان حمدان بشك: انتي متأكده انج ما كنتي ويانا؟! موزان: هههههه شسوي اعرف اذواقكم كيف فواغي: ههههه الحاسه السادسه تقرب منصور منها و مسك ييدها بكل قوته فواغي لفت عليه و طاحت عيونها العسليه بعينه.. بخاطرها: ليش قلبي يدق بسرعه ليش احس ان منصور يسمع ضربات قلبي ؟! معقوله يحس فيني؟! عند منصور بخاطره: ليش ما تحسين فيني يا فواغي ممدري يوم قلتي ذيج المره انج تحبيني مكدري اذا صج و لا لا !! ممدري لوين بتوصليني بس كل اللي اعرفه اني غلطت يوم تزو قطع عليهم الصوت: و هذا الصندوق الكتكوت من منو؟! هدوا ييدات بعض و كل واحد تتدوده* منصور حاول يكون طبيعي: هذا من عبود هههه يقول عاد احلى هديه موزان جافت عبود عبود بصوت هادي: فتحيه الحين موزان هزت راسها بما معناته لا تقول اللي ف بالي فواغي: يلا موزان فتحيه مريوم: ترى الفضول يذبح مايد جافها و مريوم جافته و ما قدرت تفسر نظراته لها* مريوم بخاطرها: ممدري ش هالنظرات!! نظرات شك؟! *و لا حب ؟! و لا وله؟! و لا كره؟! و لا شو بالضبط!! و الله مععرف موزان فتحته الكل انصدم باللي موجود موزان شهقت بصوت عااااالي * __DEFINE_LIKE_SHARE__ | |
| ||
|
09-29-2012, 03:36 PM
| رقم المشاركة : [ 292 ] | |
| عضو ماسي | اتريا ردودكم & انتقادكم __DEFINE_LIKE_SHARE__ | |
| ||
|
09-29-2012, 03:54 PM
| رقم المشاركة : [ 293 ] | |
| عضو جديد  | رواااااااااااااااااايتج ناااااااااااااايس ما ادري شو داخل العلبة بس فيني فضوول
__DEFINE_LIKE_SHARE__
| |
| ||
|
09-29-2012, 05:18 PM
| رقم المشاركة : [ 294 ] | |
| عضو ماسي | انتي النايس
نورتيني يالغلا __DEFINE_LIKE_SHARE__ | |
| ||
|
09-29-2012, 05:26 PM
| رقم المشاركة : [ 295 ] | |
| عضو فعال  | و اخيراااااااااااااااااااااااااً موزو ظهرت وايد خخخخخخخخخ هالبارت طرطيشن .. احلى بااااااااااارت ههه صدق و الله احلىى بارت الى الان و ان شاء الله اليايات احلى .. و انا توقعت قبل انه عبوووووود يحب موزووووووووووو و شسمه اتوقع في العلبة خاتم خطووبه يمكن يمكن انتي ادرى خخخ
__DEFINE_LIKE_SHARE__
| |
| ||
|
| مواقع النشر (المفضلة) |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| 【ツ +قولـ ميمع تعالـ وتسمع+ ツ 】. | نبض روحي | التراث والحضارة | 40 | 03-09-2013 10:48 AM |
| ツ اخيرآ صرتي في الع ـشرين ×-{ طويله / وفاتنه / وتغ ـرين][ تـوبكــات ][ ツ | @غرشوبة قطر@ | المسنجر وملحقاته , توبيكات , ماسنجر بلس , msn | 35 | 09-21-2012 05:41 PM |
| ツツ فالحياة ساعة ،،،، والوداع لحظة ツツ | سماري كشوخي | الإستراحه العامة | 16 | 09-07-2012 05:40 PM |
| ツ】نعــٍـٍـٍم أشتــٍـٍـآآق ,, ولكــٍـٍن تؤلمني ذكـريآآتـٍـٍـي【ツ | دبي أنا قمرها | مدونات ويوميات الاعضاء Blog | 1 | 03-06-2009 12:56 AM |
| ツ】{ تبقى الصآحب الأغلى ,, يأ أول وآخر دروبيْ } 【ツ | ღشمـوس دبـيღ | المواضيع المكرره | 1 | 12-01-2008 01:53 AM |
الساعة الآن 01:39 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227