قلبن يتيمن عايش اوّل شبابه

الشاااعر ابراهيم بن مساعد · #1 05-18-2012, 11:11 AM

صبحكم الله بالخير

جديدي عساهاا تعجبكم ...

قلبــن يتيمـن عايش أوّل شبابه
ضحــك وْسعاده وبتسامة لياليه
مايـذرف الدمــع ابْعيـون الكأابه
ومابـان له حزنن ولو بان يمحيه
قلبــن وفيّــن لــو تعـــاوي ذيابه
ماهزْهَزَت نبضه وفارش جناحيه
لاشاف قلبن عايشـن في عذابه
وقّف مَعَه ليـــل ونهــارن يداويه
الحـــب كـان احْدود لاهل القرابه
وللغير ماكنت اعْترف به ولاابْغيه
لين ابْتسملـي هــزّ نبْض الصلابه
والنــاس من حولي وودّي ألاقيه
محتــار كنّــي تايهــن وسط غابه
سبحــان ربي كــل نضراتهم فيه
وقّفــت مَعْ قلبــي وكــلّي غرابه
وشفيــك مـدري ليه ودّي احاكيه
وعلن لــه انْ القلب مفتـوح بابه
مديتله فـرْش الغــلا من يضاهيه
ومديتلـه جسْــر المحبــه سحابه
وصار ابْحياتي شيّ ما أقدر الغيه
صبح ومســى ريحــة ثيابــي ثيابه
صبح ومسى ماغير هالقلب يطريه
يطريــه بنفــاس الوفــا في غيابه
ويحميه من خوفي ولو كان يبغيه
اسْتغفر اللّـه مــن خبيــث اللعابه
اسْقيته امْن القلب والورد يسقيه
صافي عسل بيديه طرْف انْسكابه
واليوم ياليــت الزمن يقبل امْحيه
امْحــي حروفــن عيشتنــي خرابه
وطفـي شعورن كنّه الجمر يضويه
عايش حياة انْســان محيي سرابه
وعايش ثلاث حْروف وش حلّها ليه
ليه الكــــذب ليه الخيانـــه شرابه
ليه الحــزن بالصـدر والحال يرثيه
ليت الحــزن كالمــوج بعْد اقْترابه
يَهْــــدَى ويبـــرى كـل قلبن يعانيه
مــات الأمـل والصبر فاقد صوابه
بدمــوع قلبــن مابكــى غير يبكيه
لو بَطْمَــرْ اخْدودي بماضـي ترابه
ماجفّ نهْــر الحب والدمع يسقيه

كتابيه ومع القاائي ....

وسلاامتكم ... __DEFINE_LIKE_SHARE__

المزرووعي · 05-19-2012, 02:15 PM

صــح لسانك يا الشاعر
ما عليك زود

ملا حظتي.
عندك كسر فـي هالبيت

"مايـذرف الدمــع ابْعيـون الكأابه" __DEFINE_LIKE_SHARE__

المزرووعي · 05-19-2012, 02:18 PM

صـح لسانك و اعتلى شانك يالشاعر

ملاحظتي عندك كسر فـِْ???ـِْ?? هالبيت

مايـذرف الدمــع ابْعيـون الكأابه __DEFINE_LIKE_SHARE__

الشاااعر ابراهيم بن مساعد · 05-20-2012, 09:52 PM

ماعليك زود صح بدنك وملاحضتك اتقبل بس ببرهن لك بان مافيه كسر

باللحن واضح مافيه كسر ومرت هالقصيده على كم شاعر

هالقصيده على بحر المسحوب

مايذرف الدمع ابعيون الكآبه
/5/5//5/5/5//5/5//5/5
مستفعلن مستفعلن فاعلاتن

عط هالبيت لاي شاعر وقلهاا مكسور وشوف رده ^ ^ بس انطقهاا مثل ماانا انطقه بلقاائي ولحنه وهذا هو تقطيع البيت للتاكيد فقط واشكر مرورك ولاخليت منه __DEFINE_LIKE_SHARE__

المزرووعي · 05-21-2012, 02:55 PM

لازم تضيف حرف الهاء على الدمع __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ويش الذي معروف للناس اوّل ( جديد )	محروم.كوم	منتدى أخبار المواقع والمنتديات العربية والأجنبية	0	02-01-2012 10:40 PM
//////////////////رنجــــات بي ئم دبيلو 530 للبيع وكالة مع التواير///////////////////	محروم.كوم	منتدى أخبار المواقع والمنتديات العربية والأجنبية	0	12-29-2011 02:50 PM
شبااب ابي تقييمكم في بي ام دبيلو	محروم.كوم	منتدى أخبار المواقع والمنتديات العربية والأجنبية	0	11-29-2011 04:10 PM
للبيع بى ام دبيلو موديل 2002	محروم.كوم	منتدى أخبار المواقع والمنتديات العربية والأجنبية	0	09-10-2010 12:10 AM
أهديتلك قلبن ماسكن فيه مخلوق قلبن عجز لا يقنعه أي إنسان	محروم.كوم	منتدى أخبار المواقع والمنتديات العربية والأجنبية	0	09-11-2009 10:10 PM