#poem_4fb2fadca864f td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} جانا المطر هتان وسط الصحاري سبحان من ساقه لنا بظلمة الليل والصبح اشرق والمراعي غداري والوادي الاقصي تملا من السيل والارض والضلعان فيها مواري الله غسلها برشة الغيث تغسيل كل البهايم تنتعش والضواري والطير تغريده على الغصن تهليل والناس فرحه بين بايع وشاري ترى الربيع يكثر الخير والكيل وتشب نارك والهواجس طواري سبحانه اللي يبدل الحال تبديل هناك دخان الحطب عند جاري فرحان يضبط دلة قرنفل وهيل والبعض سواله خيام ومذاري من شان يجلس عدة ايام ويقيل ماتشوف غير جموس ولا سفاري شي (ن )يجي وآخر نوى بالتراحيل والفكس لنه غار غير المباري تشوف معصيره ولا له منازيل والفورد فوق الطعس شكمان ناري بالليل يقدح مثل ضو المشاعيل اما الغدا خمسين حبة قماري ولا العشا مدفون وسط البراميل