البارت الثاني :
حامد يالس يتريا حارب فالصاله الساعه 2:30
حامد : اففف هذا وينه لين هالوقت
نزلت فطيم : مايا حروب
حامد يتثاوب : لا والله مايا لين الحين
فطيم : الحين الساعه 2 الا 5 يعني متى ناوي ايي
دقايق ولا يدخل حروب طالعهم نظرة احتقار وكا يبا يمشي وقفه حامد
حامد : على وين العزم الشيخ حارب
حروب: نعم خير شو تبا انا كيفي حر عندك مانع
حامد :هيييييييه عندي وين كنت ان شاء الله
حروب: عندالربع
حامد : حروب لا تيلس تلف وتدور علي قولي وين كنت
حروب صرخ :اووووف لا تحن فوق راسي قلت لك عند الربع
فطيم : انت شو ياينك ها متى بتتغير . ريال شطولك شعرضك عمرك وصل 20 وانت هايت مع البنات
حروب صارخ : هااااايييييييي انتي الياهل احترمي نفسج . ياهل وتصرخ علي
فطيم : هيه بصارخ يمكن الصراخ يسوي شي ويحرك ضميرك . ابويا مريض بسبتك انت يا حيوان
حروب كان بيضربها كف بس وقفه صوت حمدان : قصروا حسسكم ابويا راقد ,, شاف حروب قاله : ماشاء الله الشيخ والامير حارب موجود
حروب : انتو شفيكم انا كيفي انا حر انتو شو يخصكم فيني يا حيوانات
حامد عصب : نحن مب حيوانات شراتك .. لاهي فالبنات والشقق ,, تباني اكمل
فطيم مب مصدقه : لا مستحيل انت تكون اخوي اللي رباك ابوي . انا قلت بس شباب وسهر وسوالف ولعب طلعت تروح مع بناات الناسس .. صرخت وعصبت : انت ما عندك ضمير ما عندك احساس . انت اصلا مب انسان لو انسان كان بيكون عندك ضمير يا حقير ..

حامد : حمدان روح انت وفطيم وخلوني برمس معاه
فطيم : انا ما بروح انا بتم هنييه .
حمدان : فطييييم , تعالي معاي احسن لج ولا بشلج بالغصب
فطيم: سو اللي تباه انا بتم هنييه
حمدان شلها من دون ما يكلمها ووداها الغرفه اللي حذال الصاله
حامد مسك ايد حارب و خلاه ييلس
حامد : اسمعني من اليوم وساير ان ما ودرت هالسوالف . صدقني بسوي شي ما يعيبك
حارب: هه يعني شو بتسوي
حامد : جان تبا تعرف اوك ليش لا بقول . اول شي بسحب السياره وبعدها بسحب كل الفلووس اللي حاطنها لك فالبنك وبخليك تشتغل فالشركه عايبك تعال اشتغل وصير ريال مب عايبنك راسك سالم
حارب: لو فيك خير سو اللي قلته .. بعدين انتو ليشش بسس حاطين علي حطوا ع حمدأن
حامد : حمدان ريال والحين يشتغل فالشركه ومب ناقصنه شي الحمدلله .. حارب انت يالس تضيع من ايدنا ونحن مب حاسين
حارب : اي ضياع واي خرابيط اللي انت يالس تقولها اقول قم من ويهي ,, وسار غرفته
حامد : صدقني يا حارب بيي يوم بتندم فيه وبتقول ياليت
|
/
|
/
[ اليوم الثاني ]
شمسه : ابويه
بو حامد : نعم
شمسه : ممكن اطلب طلب
بو حامد : امري بنتي
شمسه : ابويه بصراحه ربيعتي مسويه حفله اليوم تعرف الخميس وويك اند
بو حامد : وشو المطلوب ؟
شمسه : ولا شي بسس انك ترضى
حامد يشرب الجاي : وبنت امنو هاي ؟
شمسه ترددت : آآآآ هاي عليا بنت معضد مسويه حفله ,, يمكن نتأخر شوي ها رضيتوا
حامد بجديه :ت روحين وتردين بسرعه
شمسه : ان شاء الله اخويه حبيبي
قامت باست راس ابوها وربعت تتزهب
شمسه | واخيرا بشوفك يا مايد
لبست وتكششخت اتصلت فيه :
شمسه : هلا حياتي
مايد : اهلين غلايه وينج انتي
شمسه: انا الحين بظهر بس وين الشقه ؟؟
مايد : شارع ***** البنايه الزرقا الطابق الاول شقه رقم ***
شمسه : اوك عرفت آمممم
مايد : شفيج ؟؟
شمسه: خايفه حبيبي وايد
مايد : لا تخافين كلها كم ساعة وناسه وبعدين تروحين البيت
شمسه وقلبها ناغزها : اوك يلا باي
ظهرت من البيت وركبت سيارة الدريول
|
/
|
/
فطيم : والله مادري شقولج يا مهور
مهور: يمكن تكون صادقه شفيج
فطيم : انا شموس اعرفها اكيد مسويه شي
مهور: ااففف فططيم عااد خلاص يمكن صدق رايحه الحفله مال ربيعتها
فطيم : مادري مادري ><
مهور: فطيم حبيبتي كل شي فالاخير بيبان فلا تحاتين فديتج
فطيم : اوك يلا بسكر بروح مع حمدان ******* مول نتمشى عن الضيج اللي فيني
مهور: اوك حبيبتي تحملي بعمرج
فطيم : مع السلامه
|
/
|
/
حروب فشقة ربيعه راشد
حروب : ها شو الشغل اليوم
مايد : انا يبت لكم بنت كباريه قصيت عليها وقلت لها شي حفله بنات وقلتلها كلام حب وصدقت
حروب : ههههههههههههه كفو كفو ولد احمد
راشد : البنات يتريونا
شمسه دخلت شافت بنات سلموا عليها كانت لابسه نظارة شمسيه كبيره بحيث تغطي عيونها وما يعرفها احد
سارة : هاي حبيبتي دخلي داخل عقي عباتج
شموس ابتسمت ابتسامة خوف : لا عادي بتم جي
يلست ع الغنفه خايفه ومتوتره
ياها مايد : هلا بالنور
شمسه : آآ مايد ماقدر اطول اخاف
مايد مسك ايدها : انزين تعالي غرفه بروحنا بنيلس نسولف
شمسه : اوك , مايد انا مابا حد يعرف اني هنييه
مايد :فديتج لا تخافين
سبحبها وراحوا الغرفه
|
/
|
/
[ فالمول ]
حمدان : مستانسه
فطيم : مادري مشاعري ملخبطه
حمدان : ليش شفيج فطيم ؟؟
فطيم : خلها على الله
حمدان يلسها فستار بوكس: يلا قولي
فطيم:بعدين والله احس نفسي مكبوته ><
حمدان : خلاص ما بضغط عليج . قومي نسير نتعشى عسب نرد البيت
فطيم ابتسمت وقامت
|
/
|
/
خلص البارت
توقعاتكم :
شو اللي بيستوي بين شمسه ومايد ؟؟

وحارب بيشوف شمسه ؟؟
فطيم : شو بتقول لحمدان عن مشاعرها؟؟
حامد : بيسوي اللي قاله لحارب انه بيشل السيارة والفلوس؟؟
شو اللي بيستوي من احداث ؟

البارت الثالث :

ليت ! كل من يرحححلَ
يآخخذ بقآيآھ . .
بلآ ذكرى تههّد القلب
و لا حنين حيل يهلكنِي !!

|
\
/
\
حامد : الوو
****: امنو ؟؟
حامد : انا حامد ما عرفتي صوتي
****: اها نعم ؟؟
حامد : ميره ابا اشوفج فاقرب وقت
ميره : انته شو تقول ؟ مستحيل اظهر معاك او اشوفك !!!!
حامد : ميره الله يخليج انا ولا مرة شفتج بتكلم معاج بقولج عن اللي فداخلي
ميره : وشو اللي فداخلك انا ماعرف الا انك صديق
حامد : ميره اللي يخليج انا بروحي ما ابا حد يشوفنا
ميره : انا شو بقول اذا فطيم اختك اللي هي ربيعتي شافتنني؟
حامد : لا تحاتين ميره .. بنروح مطعم وبنيلس فمكان مسكر

ميره : حامد لا تحرجني><
حامد : انا ما احرجج دخييلج بسس هالمرة انا ولا مرة طلعت معاج بسس ع الاقل خليني اقول اللي فخاطري
ميره : مادري شقول .بسس فكرت : اوك باجر اليمعه بشوفك فـ الـ ***** مول
حامد : مششكورة ميره ما برد لج اللي سويتيه
ميره : اوك انا الحينه بسكر
حامد : اوك يلا مع السلامه
ميره : مع السلامه
\
/
\
/
حمدان وفطيم يالسين يشربون كوفي بعد العشا
حمدان : فطيم
فطيم : ههمم ؟
حمدان : يلا بنروح البحر بنيلسس جان تبين
فطيم : لا مابا
حمدان : فطييم تعالي بنروح البحر , بترتاحين وبتظهرين اللي فقلبج لي لا تخلين اللي فقلبج
فطيم : اوك خلاص بيي
\
/
\
/
شمسه : مااايد دخيلك لا تسوي هالحركات
مايد : اوك خلاص لا تزعلين
شمسه : انا بروح الحين ماقدر اتأخر
مايد : رمسيني
شمسه ماردت عليه ومشت
دعمت فواحد
شمسه شهقت : انتتتتتتتتتتتتتتتتتتتتتتتتتتههه !!!!!!!!!!!!!!
\
/
\
/
البحر
وصلوا حمدان وفطيم
ويلسو حذال بعض

اجْبرتُ نَفسِي عَلى النِسيَان
أرَدتُ ذَلِك بِ شِدة !
وَ لِكن يَبدُو أنَ لِلقلْب رأيٌ آخر

فطيم تتامل البحر وتنهدت
حمدان : فطيم انتي ليش تغيرتي فجأه ؟
فطيم : مادري شلي غيرني عن قبل , احس حياتنا يالسه تتدمر . ابويا اللي مريض بسبة حارب وعوار راسه وحامد اللي دوم يكون كلامه سطحي بسس مع ربعه ههعادي معاهم قبل كنت احس اني متعلقه فيه بسس الحينه احس كأنه مب اخوي
حمدان قاطعها : فطييم لا تقولين جي هذا اخوج الكبير
فطيم : الله يخليك خليني اكمل .. الكل متغير شمسه مب شرات اول اللي نستانس منها لما تنزل وتسولف معانا الحين شوفها كيف ما تطيق حد يمكن انت ما تشوفها 4 ايام فالاسبوع او اكثر تدري ها شو سببه ونتايجه ,,
حمدان : ليش تقولين جي ؟ انتي شايفه عليها شي ؟!!!
فطيم : لا مب شايفه عليها بسس احسها بتضيع شرات حارب
حمدان : عيل شاكه فيها صح ؟؟ فشو انتي شاكه
فطيم : خلاص ولا شي ولاشي
حمدان : قولي فطيم
فطيم : مادري مابي اسوء الظن فيها لانها هي اختي وانا من خوفي عليها
حمدان : فطيم انتيي وايييييد تغيرت
فطيم : ترا مب بس انا تغيرت انته بعد تغيرت ماعدت حمدان الجدييم اللي كل يضحك الحين سوالفك كلها عادي تبا تونس عمرك بس ما تقدر تنسى الي صار .. ممكن اسالك ؟
حمدان : سألي؟
فطيم : انته بعدك تحبها

\
/
\
/
خلص البارت سمحوليه ع القصور
توقعاتكم مهمه وتهمني وايد ^^
شمسه: امنو ها اللي دعمت فيه ؟
فطيم : تقصد امنو هاي اللي كان يحبها حمدان ؟؟
حامد :معقوله تكون ميره هي البنت اللي يحبها ؟؟
تريوني فالبارت الياي وان شاء الله ما بطول عليكم ^^

يا ، واقع ( الفرقاا )
ويا - دمعة إلصمتتُ ..
وش فائدة ذكرااه : (
لا صاار / غاايبَ

البارت الرابع
\
/
حمدآن : انتي شو تقولين هه خلاص هي اللي قضت ع نفسها وخلتنا نترك بعض , تنهد : قلبي صار مجروح منها مستحييل ايي يوم واحبها لانها صارت بالنسسبه لي ماضي ><

فطيم : آآ آ انا اسفه حمدوون ما كان قصدي كنت اتحرى انن
حمدان قاطعها : لا تكملين خلاص سكري هالسالفه الكلام ترى ما يغير شي
فطيم متلومه لانها حست انها تجرحه لما تذكره فحبيبته (( سلآمه ))
\
/
\
/
شمسه وصلت البيت ارتاحت ويلست ع شبريتها
تتذكر الموقف اللي صار
" دعمت فواحد شهقت : انتتتتتتتتتتههههه !!!
راشد: هيه انا اللي خليتيني يا حلوة وسرتي مع غيري بسس هالمرة ما بتروحين من ايدي
شمسه: قوم من ويهي يا راعي البنات ,, دفته وراحت
راشد : وين بتروحين مني انا وراج لين ما اضيعج
لفت ورا : هه شكلك ما تعرفني عدل انا اروم ادمرك وادمر طوايفك يا حلو "
شمسه / اففف انا لازم امره ادري بيقوف فطريجي هالخايس , انا لازم اعرف عنه كل شي وعن حياته هالحيوان ,,
اتصلت فالسكرتير مالهم
شمسه : الوو عبدالله
عبدالله :اهلين الشيخه
شمسه : انا شمسه
عبدالله : آمري طال عمرج ؟
شمسه : ابا تقرير خاص عن واحد اسمه راشد محمد الـ**** وطرشلي كل معلوماته ع الايميل
عبدالله : ان شاء الله طال عمرج
\
/
\
اليوم الثاني
يآعيونہ علميہۧ | آني آحبہۧ . . !
آعشقہۧ وآنےّ " لآيمڪن أخونہ . . }
ويڪفي آنےّ يآعيونہۧ مآبي دنيآي دوونہۧ . . !
ومآبےّ | شوووف آلخلآيق " إلآ في نظرة . . [ عيووونہ ] . . !!
حامد وميره فالمطعم عازمها ع الغدا .. كآنو يآلسين بروحهم المطعم كان شبه فاضي
ميره : حامد وصلنا المطعم قول شو اللي فداخلك احس حد بيشوفني
حامد : لا تخافين نحن فمكان العايلات بعني محج بيشوفنا لا تخافين
ميره : انزين يلا قول خوفتني وذبحت فضولي
حامد:اوك بسس اول ششي نتغدا واقولج
ميره : اوك
\
/
\
/
حمدان يالس مع فطيم
يت شمسه ويلست عدال فطيم وبعد ما يلست باستهاع خدها
حمدأن : شو هالحب اللي نازل عليج جي فجأه
شمسه : كيفي احب اختي حرام
حمدآن : هيه حرام هاي فطيم اختج بس ربيعتي
شمسه : خف علينآ الصديق الوفي اللي مالك مثيل
حمدان : هههههه لا تعايز اخف عليج
فطيم : بسكم مناقر ماتفكون
حمدان : كيفي اختي وحبيبتي
فطيم : اشوف خلص دوري
شمسه : هيه خلص دورج ,, سارت يلست عند حمدان : خلاص الحين دوري صح
حمدان : تقريبا لان فطيم باجي شوي ويخلص دورها
فطيم : شموس خذي دوري ماباه اصلا مليت من حمدان وسوالفه اللي تملل
حمدان : الحين انا سوالفي تملل
فطيم شافته من عيونه ناوي ع شي قامت وربعت وهو يربع وراها : ههههههه حمدون هههههههه لا لا روح هههههههه
حمدان : ههههههههه انا جربت صوبج وتم يربع وراها لين ما تعبوا
فطيم : هههههههههه راحه راحه
حمدان : ههههههههههههههههه اوك
فكيم بعد شوي قامت ربعت وربع وراها ومسكها : الحين انا سوالفي تملل ومليتي مني
فطيم :ههههههههه لا لا ما مليت منك بسس خلني
حمدان : قولي اسف عمي
فطيم : ع ما اعتقد انك اخويا ومب عمي فبقولك آسف اخويا
حمدان: هههههههه لا لا قولي آسف عمي ولا مابخليج
فطيم : آآآآه انزين شل ايدك من ايدي تعورني وبقولك
حمدان شل ايده
فطيم : اسف عمي , ومشت بسرعه
حمدان حس بفرحه كأنه ياهل : يارب كل ايامنا جي ضحك
فطيم سمعته وهي تمشي وقالت بصوت عالي : آآآآآمين
\
/
/
\
[فالمطعم ]
حامد كان متردد ومتوتر : م م ميره انآ بصراحه مادري شقول بسس انا
ميره : انت شو حامد ؟
حامد : آآنا احبج ..
كانت صدمه كبيره لميره لان قالها هالكلمه اللي ماحست فمعناها الا لما ظهرت من لسانه
ميره اسستحت وايد ما تدري شو تقول : شوووه!!!
حامد : والله احبج وما ابا غيرج صدقيني انا اباج بالحلال واباج تعرفين شقد انا احبج وما ابا اخسرج
ميره : حامد والله احرجتني الصراحه وآ
حامد قاطعها : لا تقولين شي اذا انتي موافقه انج تتزوجيني انا مستعد من باجر اخطبج
ميره : مادري انت تعرف ان العرس يباله تفكير وانت ريال ما فيك عيب وطيب بس انا اعتبرك كصديق
حامد : مييره انا احبج وما العب عليج صدقيني بيي يوم بروحج بتنطقينها
ميره : انا الحين بسير
حامد : ميره دخييلج فكري
ميره ابتسمت : ان شاء الله يلا فداعة الله
حامد : فداعة الرحمن
\
/
\
ميره\ احبه والله احبك يا حامد بس ما اقدر اعبر عن شعوري. تنهدت : غصبن عني كنت اقول اني اعتبرك كـ صديق لاني كنت اخاف انك ما تكن لي مشاعر وانك ما تحبني
\
/
\
/
شمسه فتحت الايميل ولقت المعلومات اللي طرشها عبدالله لها
يا ها مسج من حد وانصدمت لما قرته ><

آمنو اللي طرش لها المسج وبشو بترد علييه
كل ها بتعرفونه فالبارت الياي

البارت الخامس :

شمسه تشوف المعلومات اللي طرشها عبدالله عن راشد
يالها مسج من مايد
المسج" هلا شموسه اباج تييني ضروري الشقه لا تحاتين محد فالشقه بسس حبيت اعطيج فضايحج قبل ما اروح ههههههههههههههههههههههههه وان ما ييتي اليوم اعتبريها منشوره . باي يا حلوه واترياج اليوم "

شمسه : الله ياخذك يا مايد يا حيوان يا نذل والله بخليك تعرف امنو هاي شمسه ..
شمسه اتصلت فاخت مايد اسمها نوره
شمسه : الو نوره سنعيني عدل اخوج ها لو ما وقفتيه عن حده صدقيني ما بيشوف من خير
نوره : هدي ششموس شو الل صار ؟
شمسه : مهددني ان ما ييت الشقه عنده اليوم بيفضحني وبينشر صوري ><
نوره : شوفي حبيبتي انا عندي معلومه وحده يمكن تفيدج وترومين تكشفينه
شمسه : شو هالمعلومه ؟
نواري : انا مره سرت الشقه ولقيت مفتاح ولقيت خزنة المفتاح لما فتحت الخزنه حصلت كل الصور مالج ومال عنود وميثه ومريم << البنات اللي قاص عليهم ,, وحصلت 4 سيديات مكتوب عليها فضايح
شمسه : اوييييه ووين المفتاح ؟؟
نوره : فصندوق صغير فالدرج الاخير
شمسه : نوراي فديتج مششكوره والله انا الحين بكشفهوبشل الفضايح وبخلييه يخيس فالسجن
نواري: انا اباه يكون فالسجن خليه يتأدب ,, والسموحه منج شمسه
شمسه : لا عادي والله انتي اللي مشكوره ع هالوقفه ما توقعتج جي تكونين
نواري : انا قلت لج اخوي مب هين بس انتي ما سمعتي نصيحتي
شمسه : انا براويه ويهي الثاني بس بتشوفين , ع العموم انا الحين بخليج عندي شغل وايد
نوراي : مسموحه الغاليه
.
\
/
/
\
ميره : او السلام عليكم
حامد ابتسم : وعليكم السلام ,, شحالج ميره ؟
ميره : انا بخير الحمدلله , انت شحالك ,؟ خير ان شاء الله بلاه صوتك تعبان انت؟؟
حامد : الحمدلله عايشش ,,لا لا مش تعبان بس من الكلام فالشغل ,, يتعبون الواحد
ميره : سلامتك ^^
حامد: الله يسلمج , ميره بغيتي شي تبين حايه انا موجود واي شي تبينه انا حاضر
ميره : حامد انا موافقه اتزوجك لاني,, لاني
حامد : لانج شو ؟؟
ميره : حامد آنا آآننا قالت بسرعه : احبك وايد وسكرت ع طول
حامد ضحك وحس ان فيه شي متغير
\
/
\
/
حارب: تو ما نورت شقتي
شهد : منوره فيك حبيبي
حارب يلس ويلست عنده
حارب : اشتقت لج حياتي
شهد : وانا بعد وايييد
يلس يشرب معاها عصير وهي حليلها ما تدري ان يصورها فيديو
حارب : تعرفين شو اكثر شي احبه فيج حبيبتي
شهد : شو حبيبي؟؟
حارب : شعرج
طبعا شهد امها مب مواطنه يعني سوريه بس ابوها مواطن ما تتشيل ولا تلبس عباه يعني فري
شهد : وانا احب كل شي فيك حياتي
/
\
/
\
شمسه استأذنت من ابوها ع اساس انها بتسير المستشفى ربيعتها سوت حادث وهم صدقوا
خذت كل احتياطاتها كانت يايبه معاها منوم ومخدرات من عند وحده, ركبت السياره وراحت صوب الشقه مالت مايد
دقت الجرس وفتح لها مايد : هلا بحبي
شمسه : هلا مايد , دخلت
مايد يا يلس عدالها وهي بعدت شوي
شمسه : حبيبي ما عندك شي تعطيني اشربه مت عطشش
مايد ان شاء الله عمري
شمسه اول ما راح ع طول حطت كيس المخدرات تحت الغنفات
اول شي ياب كاسات للخمر مع الخمر وقالها : حبيبتي صبيلج انا بسير الغرفه شوي وبرد شمسه استغلت الفرصه وصبت له من هالسم وحطت فيه ثلاث حبات منوم
مايد يا عندها : ما تبين تشربين
شمسه : هيه بشرب بس ما ابا ها ابا كولا لو عندك
مايد : افا عليج الحين بييب لج كولا
سار يابلها كولا وصبت لها فعصير ويلست تشرب
مايد شرب كل الخمر وحس بدوخه ورقد
شمسه استتغت الفرصه وراحت الغرفه وقفلت عليها
اول شي سوته فتحت الدرج الاخير حصلت مفتاحين واحد كبير وواحد صغير تبا تفتح الخزنه بسس لازم كلمه سر راحت صوب الدروج اللي حذال الشبريه دورت وما حصلت سارت صوب المكتبه مال التلفزيون حصلت تحت ورقه مكتوب فيها رقم الخزنه ع طول سارت وفتحتها لقت الصور كلها وحطتهم فشنطتها و وحصلت بسس سيديين دورت تحت فالخزنه حصلت صندوق صغير يابت المفتاح الصغير وقالت اكيد ها مال الصندوق الصغير وبالفعل فتحت الصندوق ولقت سيدين ومعاهم سيدي صغير شلته وسكرت الخزنه وحطت كل شي فشنطتها وردت المفتاح مكانه وفتحت الباب لقت مايد راقد مشت تبا تفتح الباب وتروح جان يسحبها من ريلها شمسه ما تعرف شو تسوي غير انها ضربته فشنطتها وراحت وسكرت الباب
ع طول ركبت سيارة الدريول واتصلت فالشرطه
شمسه : الو شرطه
الريال : هيه نعم اختي في بلاغ
شمسه : هيه اخوي حبيت ابلغ عن مايد ال*** ساكن ف الـ****** عنده مخدرات وخمر ياليت تخلون مجتمعنا يرتاح من هالاشكال
الريال : ان شاء الله اختي الحين بنسوي الاجراءات العامه والتحريات
شمسه : مشكور اخوي , وسكرت
شمسه : واخيرا يا مايد بتشوف نهايتك ع ايدي
\
/
/
\
حامد يتصل فميره ما ترد من كثر ما انها مستحيه تكلمه
اتصل فيها كم مره وردت
حامد : الو ميره
ميره : اهلين حامد
حامد : لهاي الدرجه مستحيه تقولين لي اياها
ميره :,,,,,,, :$
حامد: وانا برد عليج وبقولج وانا اكثر
ميره : ........
حامد : ميره انا بسير ارمس الوالد يرمس ابوج ,, راح نيي نخطبج
ميره اسستحت : اوك , تحمل بعمرك اوك
حامد : من عيوني ^^
/
\
/
\
حمدان يالس فالكوفي بروحه
يت له وحده : حمدان ؟
حمدان : انتي !!!!!!!!!!,, شافها نتغيره
*****: معقوله نسيتني
\
/
\
/
حامد : ابويه بغيتك فموضوع
بو حامد : امر ولدييه
حامد : بصراحه انا مادري شقول بي انا قررت اكمل نص ديني واتزوج
بو حامد فرح : تستاهل انت كل خير يا حامد , ما قلت لي بنت امنو ؟
حامد : بنت سآالم منصور الـ*****
بو حامد : والنعم فيه , خلاص انا برمس ابوها ونمرهم باجر

فطيم نزلت شافتهم فرحآنين : خير فرحوني معاكم
حامد : انا بتزوج ميره

Cut
شو تتوقعون ردة فعل فطيم لما بتعرف ان حامد بيتزوج ميره ربيعتها؟
شمسه شو بتسوي فالصور والسيديات اللي من مايد ؟
امنو هاي اللي وقفت قدام حمدان فالكوفي ؟؟
الاحداث اللي تتوقعونها ؟؟