استفسار عن جامعة الإمارات

!* NuTeLLa · 05-15-2012, 04:31 PM

المشاركة الأصلية كتبت بواسطة شآعرة يآلبيه

السلام عليكم ورحمة الله وبركاته
إشحالكم عسااكم بخيير ^^

حبيت أستفسر عن جامعة الإمارات ياللي موجودة في العين
فا ودي أعرف كيف هي الجامعة بشكل عام
وكيف هو التأسيسي بالنسبة للتخصصات
كم يبون الآيلتس

وشو عن سيبا الانقليزي والرياضيات ،على أي لفل بيحطوني؟

يعني ..اللي يدرسون هناك ،خبروني خبروني كل شي

وآخر شي ودي أعرف عن السكن...
كيف جوه ؟؟ وبيني وبينكم صدق في السوالف اللي طلعت عنه

أفيدوني بارك الله فيكم،،وماتقصرووون ^^

وعليكم السلام ورحمه الله ،،

انا طالبه فجامعة الامأـآرات ،، الكليات الموجووده فالجامعه / الكليات العلمية / طب - هندسه - علوم - اي تي (تقنية معلومات) - اغذية و زراعه

امـآ الكليات الادبية ادارة و اقتصاد (بزنس) - علوم انسانية (اسميها الكليه الشاملة فيهآ وايد تخصصـآت) - تربية - قانون
ان شآء الله ما اكون نسيت شي ،،

فالتاسيسي ( وايد سهل تاسيسي الجامعه اسهل من الكلية ،، بس سنه بعد سنه يصعبون < يبون يقللون نسبه القبول ) ><"

يدرسون عربي (1 -2) اي تي (1 -2) ماث (ع حسب الكلية شي 2 & 3 ) بس على دفعتي من سنتين بس ليفل 1 و 2 الحين سوو هالخرابييط والانقلش (1-2-3) حسب درجة السيبأ

القبول من 150 فالجامعه ،، (150 - 164 ) ليفل 1 / (165-174) ليفل 2 / (175-اكثر) ليفل3
بس لو يبتي اكثر 180 يعطونج امتحان توفل لو عديتيه تعدين الانقلش ـ،،

بس نصييييييييييييييييحة مني درسي دورة ايلس فالصيف وامتحني وعدي الانقلش ،، لانهم يرسبون بالهبل و اعرف بنات تخيلي للحين فالانقلش من كثر الرسوب ><"

وسمعت انه الاي سي دي ال >> تعدي الاي تي بس مش متاكدة لانه على دفعتي ما كان مطبق هالقرار ><"

سيبا الرياضيات عادي اصلا بتردين اول اسبوع فالجامعه بتمتحنيين امتحان تحديد مستوى فالماث والعربي والاي تي ،، لو ما حضرتي الامتحان يصفووونج ف لفل 1
والامتحان بيكون على الكمبيوتر مش اوراق

* السكن :

جو السكن حلو ويا ربيعاتج ،، رابعي الزينات وودري الشينات ،،
بتسمعين سوالف لين تقولين بس ،،بس طااف ،، اول سنه لازم بتكونين ف سكن (توام) بيكون للمستجدات وعقب هالسنه بيوزعونكم حسب الشواغر ،، وبتحتكوون بالكبار وبتحسون بحياه السكن صح ^^
مستقبلأآ بيخلون الكل فالسكن (السكنات اليديدة) ، فالجامعة جريب من الكليات مشي خمس دقايق وكل بنت لها غرفة خاصة وحمام لكل غرفتين >> بالنسبه للكل اللي جربته هذا وايد اريح ^^

وعن السناتر ،، بخصوووص ؟
في مطاعم واايد صح / وفيه مبنى فيه العيادة وقاعة موسيقى حق بنات الموسيقى وبعد مكتبة و محلات وصالون وقاعة معارض ،، وفي قاعة رياضية وجم ومسبح وملاعب تنس وسله وووووايد اشيآء ،، الجآمعه يدييدة >> اناا افتتحتهآ ،، الجامعه الحين بتكمل سنتيين ،، ( اقصد المبنى اليديد للجامعه )

ان شآء الله اكون افدتج باللي كتبته ،، ولو عندج اي سؤأل لاتترددييين __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
22 طالباً من جامعة الإمارات يحصلون على منح	@Wrong waY@	المواضيع المكرره	0	01-03-2011 02:25 AM
ماس كهربائي يخلي سكن الطالبات في جامعة الإمارات	خـوار تلي	اخبار محلية و عالمية	21	10-19-2009 03:45 PM
جامعة الإمارات تفصل طالبين نهائياً	محروم.كوم	منتدى أخبار المواقع والمنتديات العربية والأجنبية	0	10-16-2009 01:10 PM
الأحد بدء إجازة العيد في جامعة الإمارات	خـوار تلي	اخبار محلية و عالمية	5	09-16-2009 05:48 AM
استقبال طالبات جامعة الإمارات...	دلوعة باباتي	الطلاب والتعليم والجامعات	2	08-20-2008 03:37 PM