#poem_4fb06543a4764 td {font-family: Tahoma, Verdana, Arial, Helvetica, sans-serif;font-size: large;font-weight: bold;} مريت انا اسلم والأيام تندار وحنا نبي نلحق ولونا سلمنا ماهو بكيفي مير هذي الأقدار وحنا رضينا بحكم منهو حكمنا ياابوي انا اسلم وأعلمك الاخبار اخبارنا يابويه اللي رسمنا علمتنا واكرمتنا بكل الأدوار وعلمك لنا نور( ن) لنا في زمنا علمتنا بالمرجله شبر وامتار وحنا على درب المراجل خدمنا ابشر بنا ياابوي ياباني الدار علمتنا علم(ن) وحنا فهمنا ابشر بنا ياابوي وعد(ن) به إنذار على دروب الطيب حنا عزمنا ابشر بنا ياابوي يامكرم الجار تبقى لنا عاده ولو هو ظلمنا ابشر بنا ياابوي من بين الأخيار حنا نبي نتعب وتتعب قدمنا ابشر بنا ياابوي حصن(ن) به اسوار لو يظهر العادي ترانا حسمنا ابشر بنا ياابوي لو صار ماصار يظهر لنا موقف ونرفع علمنا ابشر بنا ياابوي مدك بالأنهار حق(ن) علينا لك ولاهو كرمنا ابشر بنا ياابوي يانسل الاحرار ياللي زرعت الطيب غالي ثمنا اخبارنا لك قلتها مابها اسرار هذا وعد منا علينا لزمنا


شعر/عبدالله الضويان